بصراحة كنت اتفق مع رأي كاتب الموضوع
لكن للأمانة ردك اقنعني وغير رأيي
فعلاً من زمان كنا نتمنى وسيلة لدعم النادي مادياً والقناة بتكون احد هذه الطرق
حتى متجر النادي من عرفت ان النادي ما يدخل له ولا ريال منه ماعاد تعاملت معه ابداً ولا دخلته بعد تصريح عبدالرحمن بن مساعد ان الدخل كله لموبايلي

<!-- / message -->

في الاخبار قال سمو الرئيس انها ماراح تشفر وانها مفتوحه الي نهائية العقد بصراحة في ناس ما تققدر تشترك وش تسوي اتمنى انو ما يكون صح هذا الخبر

جالس اتخيل غرفتي رسيفر للام بي سي ورسيفر للجزيره ورسيفرلقنوات الامارات الرياضيه ورسيفر لقناة الهلال على كذا بفتح محل رسيفرات طيب كم سلك بشبك من الستلايت والله حوسه

اهلًا بتشفير أتشرف ادعم الزعيم مع احترامي لكل وجهات نضر الزعماء المعترضين لعدة أسباب ارى انها
غير منطقيه
ظ،-لمن قال ما أستطيع ادفع ، كم قيمة الاشتراك اصلن هل هي مبالغ فيها او منطقيه؟!!! لم تعلن بعد

ظ¢- جمهور الانديه الاخرى ادفع اتابع الهلال الفرجه ع عملاق اسيا ماهي بلاش وإذا لقافه بس وعشان تلفق اخبار وتعلق ع مواد الزعيم بعد ادفع عشان تدعمنا وبفلوسك ندعسك
انا يكفيني خبزه وتمره وزبادي وقناة الزعيم لو ماعندي فلوس

ياخي ليه مايتعاقدون مع بي ان سبورت وام بي سي برو ويحصلون على بث مباشر لمباريات الهلال المحليه والقاريه
وبكذا ماعندي مشكله اشترك وولو كان الأشتراك ب100 ريال ونفترض ان مليونين شخص اشتركوا يعني بيكون 200 مليون دخل القناه بس من الأشتراك من غير الأعلانات وشراء الملخصات او التصاريح
وبكذا الكل راح يشترك حتى الأنديه الثانيه ممكن يشتركون خصوصا اذا كان فيه تعاون من معلقين بي ان سبورتس مثل الشوالي ورؤوف وفهد العتيبي بتعليق المبارايات القويه والديربيات والكلاسيكو للهلال لأن الأخراج والتعليق راح يفرق
لكن تشفرها بدون ماتنقل مبارايات مباشره وش بستفيد انا !!

انا مع تشفير القناة ومع دعمها ودعم النادي الملكي إذا انها بتقدم لنا ما يرضي طموحنا وطموح كل منتمي للكيان الهلالي وهذا أقل شيء ممكن نقدمه نحن كجمهور وداعم رئيسي للفريق ويعني في تصوركم عسى الله كم راح تكون رسوم الاشتراك بالقناة , اتوقع بالكثير إذا دقت الصقف ماراح تزيد عن 300 إلى 350 ريال بالسنه الواحده وانا اشوفها جدا مناسبه وماهي كثيره على نادينا إلي قدم لنا الكثير
يا اخواني والله ان الواحد مننا يصرف في عزيمه او مناسبه خاصه مع اصدائه اكثر من هذا المبلغ وايش عاد لو كان نصرفها على قناة تخص نادي الهلال وجماهيره وترى دخل القناه راح يكون لخزينة النادي ما راح يدخل جيب الرئيس او نائبه ولا ريال واحد -- وشكرااا

ايش راح تقدم لي القناة ؟؟ ماراح تنقل مباريات
نادي الهلال مع الاسف صاروا يهتمون فيه بجني الارباح اكثر من تحقيق الانجازات

انا اقولها لكم القناة راح تفشل .. يمكن الجمهور يتحمس في البدايه لكن ماراح احد يجدد اشتراكه فيها وتقفل في النهايه

هدف التشفير استثمار .

ماشوف فيها اي مشكله وماتفرق معي لعيون الهلال كل شي يهون ..

ياعزيزي انت مشجع هلالي يعني لازم تكون داعم وتدفع من جيبك للنادي والاشتراك يعتبر من مداخيل النادي كذلك الحضور الجماهيري و بيع منتجات النادي بالماركت
يعني زيك زي اي مشجع بالعالم لازم يكون داعم للنادي بغض النظر عن مايقدمه النادي من منتج هذا واجبك وهذا واجبنا جميعا مع الهلال فلا تكتفي بأن تكون مشجع ادعم ناديك ماديا حتى يستطيع يجيب لاعبين وكوادر و بطولات

يكفي جمهور مايحظر تبي بعد ما يدعم لاهنت طلع هالميتين ريال ولا ثلاث ميه واشترك وكن فعال لناديك الذي تعشقه وهالكلام موجه لكل مشجع هلالي

كونو داعمين ... كونو اصحاب قرار

سوف اشترك فيها ان شاء الله لومافيما شعار الهلال فقط يكفياني.

المشكله الوحيده
انها مابتنقل المباريات مباشر
يعني حتى لو اشتركت بتكون تدريبات ومباريات معاده
بس مثل ماقال احد الاخوان اخذوها دعم
ولا اعتقد بتكون غاليه وهي قناه وحده

انا عن نفسي مع قرار التشفير وبشترك ولو حطوا شعار النادي بس

هذي احسن وسيله لدعم النادي والجماهير الهلاليه بيكون صوتها اقوى بقوة وعدد المشتركين وهي اقوى وسيله للضغط على الاداره لتصحيح المسار ان حادت عنه طبعا هنا اتكلم عن الاداره القادمه ولا الاداره الحاليه من تخبط الى تخبط

وبالاخير ماعتقد اشتراك بيغلى على الهلال عند العشاق الحقيقيين للنادي والقادرين على اشتراك رمزي

طوفان الاستثمار يغرق كل شي هلالي جميل ويدمره