|
ميسي يسير على خطى ياسر القحطاني سجلوها علي في المفضلة نعم أقول ذلك وانا أعي ماذا أقول وسوف تثبت لكم الإيام صحة كلامي اذا كان لنا عمر لا شك آن ميسي أفضل لاعب في الفترة السابقة ولكنه بداء في مرحلة العد العكسي بعد ما اصبح مستواه اقل وأصبح يتدخل في التشكيلة وفي عمل المدرب ومدير الفريق بسبب ما يملكه من جمهور عريض يتعاطف معه على حساب الحقيقة وهذا للأسف حصل مع ياسر القحطاني عندما على شأنه وبلغ القمة وكان أفضل لاعب عربي 2006 و2007 وكيف تحول الى العد العكسي ولم يستمع للنصائح من المحبين وأصبح يلقي باللوم على الآخرين يساعده في ذلك الجمهور الكبير المتعاطف معه وما دعاني لذكر ذلك هو رسالة لكل لاعب هلالي مهما على شأنه آن يلتزم بالتعليمات والتوجيه من المدرب وآن لا يحاول تبرير فشله في تنفيذ المطلوب بتعليق ذلك في الآخرين من مدرب او حكم او غير ذلك او التدخل في الشؤون الفنية هذه رسالة لمن يفهمها تقبلوا مني التحية |
يعني من كلامك ياسر يتدخل في عمل المدربين السابقين الي مرو ع تدريبه ومسبب مشاكل داخلة اروقة الفريق وبعدين وش دخلنا في ميسي بحريقه علينا في هلالنا فقط |
إقتباس:
لأن اللاعب يلعب وبس ويطبق التعليمات وخوفي على النجوم العابد وسالم وكذلك الشمراني من نفس السيناريو هل فهمتيني |
اذا فاضين انت والمشرف اللي رفع الموضوع أنصحكم ان تقرئون سورة الكهف |
إقتباس:
والله انك صادق ، منها ياخذون اجر ، ومنها يفكون من مثل هذي المواضيع ، لا لها رابط ، ولا في وحه شبه او مقارنه ، لاعب مصاب بالرباط ، ويبي يرجع لمستواه بعد ما حطموه بمكيده ، وترديد اهازيج الافك ، ولاعب عالمي اسطورة حية من اساطير كرة القدم ، يقول نهايته قربت ، و الاخ مايدري ان تشلسي الان يعد العدة لخطفه ، ويالحبيب ترى القيمة السوقية لمسي الان بلغت 220 مليون ، ولا حقولك هي يورو ولا دولار ، ولا جنيه مصري ، متخيل حجم المبلغ ولا لا يا كابتن ، وشوف الرابط ؛ http://www.albawaba.com/ar/رياضة/ميسي-رونالدو-641538 نصيحة روح اقراء سورة الكهف وكثر صله على النبي . |
مع كامل الاحترام والتقدير لك عزيزي مقارنة خاطئة أولاً , يجب أن تعرف أن الثراء والشهرة وتحقيق غالبية الألقاب لا ينعكس على اللاعب الأوروبي بالتشبع والملل وقتل الطموح , فما بالك وأنت تتحدث عن ميسي , بعكس اللاعب السعودي وليس ياسر القحطاني فقط بل نسبة كبيرة من اللاعبين السعوديين هبطت مستوياتهم وانخفضت نجوميتهم بسبب حداثة النعمة والشهرة والتشبع من البطولات والألقاب , عموماً ياسر يجتهد ويحاول تقديم مايمكنه وسيظل من أفضل المهاجمين الكرة الاسيوية والعربية وجماهيريته لم تأتي من فراغ ونتمنى له الشفاء العاجل . |
صاحب الموضوع قائد الهجوم على ياسر لاكثر من سنتين ولابعينه في الهلال الا سامي ..........طنشوه |
كان يكفى لتحذير اللاعبين ان تضرب مثل بحال النجم ميسي بدون الإشارة لياسر على الاقل تعاطف مع اصابته القوية كنت اتمنى ان تدعو لاخوك المسلم ان يعافيه الله من الإصابة ولك اجر الدعوه لكن الله يشفيه ويشفى كل مريض مسلم |
10- تمنع كتابة أية مواضيع لا علاقة لها بالمنتدى المخصص لها. سؤالي هو : ماعلاقة موضوع ميسي بمنتدى الهلال ؟؟؟؟؟؟؟ تريد الاساءه لياسر على الأقل أفرد له موضوع , لكي لاتخالف شروط المنتدى . |
حسبي الله عليك وعلى موضوعك ! ياسر بيسوي عمليه بعد كم يوم وانت تقول خلوها بالمفضله ! // ماني من جمهور ياسر وياسر بنظري انتهى 2007 كمهاجم ... وانت مسوي الفاهم القافط ! |
ياسر لاعب كبير وسبق وفضل العرض الهلال على العرض الإتحادي الأكبر ولن ننسى له مواقفه مع الهلال ومو حلوه في حقك ( كهلالي ) انك تكتب هالموضوع عن ياسر |
سبحان اللهـ حتى وهو خارج ما يلعب نهائيا بالفريق ،، ما سلم من نقدكم لهـ !!! ~ إقتباس:
إنكـ تتهمهـ بتعليق فشلهـ ع الآخرين !! ~ كلنا نعرف السبب الرئيسي بـ إنخفاض مستوى ياسر وهو ما تعرض لهـ من إساءات شخصيهـ وخارج عن نطاق الرياضهـ بالكاملهـ ،، وأعتقد آي شخص لو تعرض ربع بس اللي تعرض لهـ من هالإساءات كان شفناهـ إعتزل من أولها وما صبر !! ~ وأبسط دليل ع كلامي هذا هو أول ما تم إعارهـ لنادي العين الإماراتي وتم حمايتهـ من كل شخص حاول يسيء لهـ ،، شفناهـ كيف ظهر بمستواهـ المعروف !! ~ وبعدين كرهـ القدم لعبهـ جماعيهـ يعني ما يصير تحمل لاعب محدد بالفشل بأداء مهمهـ وتترككـ الباقي فـ مثلا ياسر مهاجم ،، ومهمهـ الأساسيهـ التسجيل ،، فـ إذا ما كان في لاعب يصنع لهـ ما شيء طبيعي ما رح يسجل وهذا ما يعتبر فشل للآعب !!! ~ ثانيا هو قائد الفريق بالملعب بمعنى آخر هو المسؤول عن الفريق أثناء المباراهـ فـ شيء طبيعي رح يتدخل بالأمور الفنيهـ ورح يسوى اللي يشوفهـ بمصلحهـ الفريق أثناء المباراهـ !! ~ ختاما :~ ماني من جهور ياسر لكني مع كل شخص مثل الكيان الهلالي ووجبنا كـ عشاق للهالكيان الدعاء لـ ياسر " ربي يعافيهـ ويردهـ لنا بالقريب العاجل " ،، لأنهـ الان مسافر للعلاج ~ أتمنى ندعي لهـ دعوهـ بظهر القلب لهـ ،، أفضل من ضرب مثال عليهـ بالنقد الهدام ،، شكرًا لكـ ~ |
إقتباس:
إتركـ سامي في حالهـ ،، محد جاب طاريهـ بهالموضوع لا صاحب الموضوع ولا غيرهـ ~ والكل قاعد يدافع عن ياسر فـ مالهـ آي داعي تبدأ كالعادهـ بقسيم الجمهور بين ياسر وسامي ~ بالتوفيق إن شاء اللهـ ،، شكرًا لكـ ~ |
هههههههههههههههه . عنوانك مضحك وكلامك مضحك .. للمعلومية اللي تقول عنه ميسي على خطى ياسر .. ترى ميسي من شهرين كسر رقم الهداف التاريخي لبطولة أوروبا ورقم الهداف التاريخي للدوري الإسباني .. يعني في اضعف مستواه اللي تشوفه ومع ذلك كسر أرقام صمدت عشرات السنين .. ياليت شوي من المنطق لما تكتب موضوع . |
الموضوع مهوب موضوع جمهور سامي وجمهور ياسر شفيكم طرتوا بالعجه كل مافي الأمر أن الموضوع عن ميسي وكاتبنا الله يهديه منزله بمنتدى الهلال ومقحم ياسر في الموضوع فحبينا ننبهه شيلوا عبارات جمهور فلان وجمهور علان من روسكم وناقشوا الموضوع بكل موضوعيه سلام |
أقسم بالله أني أحب ياسر كشخص ولكن اكره الغرور والشهرة التي جعلته لا يسمع النصيحة من محبيه ويقول الي بالمدرج يتفرج حتى تدنى مستواه بشكل رهيب كتبت موضوع عام ظ¢ظظظ¨ أقول ياسر اذا كنت تضن بأنك لا تزال تغرد خارج السرب فأنت واهم وحاربني جمهوره أنا عند ما قارنته بمسي رفعت من شأنه حيث كان من الممكن ان يغطي على جميع النجوم العرب بما يملكه وارجع لمواضيعي القديمة قلت لخالد عزيز انت تسير على خطأ عبدالله الجمعان وكذلك حذرت العابد من نفس المصير وعند ما جاء سامي الجابر ذكرت بأنه ليس بودّي ان يأتي بهذا الوقت ولكن طالما انه أتى يجب دعمه ولديه أشياء يتميز فيها على المدربين الأجانب وهو الناحية النفسية مشكلة الهلال في جماهير اللاعبين أتمنى ان لا تجعلون العاطفة تقودكم وياسر يقوم بالسلامة ان شاء الله ولديه الوقت الكافي الذي يقرر فيه مصيره اما بالعودة الجادة او الاستمرار على المستوى المتذبذب تقبلوا مني التحية |
أتوقع أن الكاتب لم يجد شيء يكتبه فكتب في ياسر موضوعه فيه أسقط على ياسر بشكل غريب !!! المصيبه أن في منتدئنا الرسمي ! أين إدارة الموقع والمشرفين عن هذا الموضوع ؟ في الأخير نسأل الله العلي العظيم أن يشفي ياسر ويرجع أحسن من أول |
من النجاسه لكاتب الموضوع انه كتب افضل لاعب عربي ...مايبغى يسمع طاري افضل لاعب باسيا افضل لاعب باسيا وهدافها |
وش تبي بالظبط مسكين انت الله يقوم ياسر بالسلامه |
اشاعة ... قالوها سابقا في سامي هل تفتكر ياسر اوسامي ...... مثل محمد نور صباح الخير |
صاحب الموضوع يبي يلفت النظر وطبعا ياسر نجم كبير اي شي يكتب عنه سيكون ملفت استغرب المشرفين يحذفون مواضيع تمس لاعبين اخرين وصمت مع ياسر خاصة بوقت اصابته الصعبه ؟؟؟؟ عموما تهمتك باطله لان ياسر من افضل اللاعبين اخلاق وتواضع الكل يشهد له بذلك ولاعبين لم يحصلوا على نصف نجوميته تمردوا على المدربين وعلى الجمهور يتعاملون بغرور. ياسر رغم شعبيته يعطي صورة للاعب المثقف المتواضع من يقول غير ذلك لديه نوايا سيئه ضد ياسر |
ياسر بيسوي عمليه بعد كم يوم وانت تقول خلوها بالمفضله ! |
والله العظيم أنتم من ضيع ياسر وغيره من النجوم وفي النهاية سأكتفي بقول الشاعر وكم من عائبا رآيآ سديدآ. وافته من الفهم السقيم |
|
إقتباس:
و اذا على نادي العين اذا تقول انه مقدم مستوى ليش العين خلاه خيار ثاني ما تمسك فيه .. !! خلاص ياسر انتهى الفريق يحتاج الى تجديد وغربله فرحنا باعتزال الغنام و عقبال ياسر و الشلهوب و لا يهون الزوري و كريستيانو زمانه |
الحمدلله ان ناصر انتقل للهلال |
إقتباس:
|
ههههههههههههههه والله انك تنرحم مطير النوم من عينك ياسر ههههههههههههههههههههههه ناصر هو المهاجم الاساسي ..لاتحدثني عن الصف الثاني |
هلا وغلا اخوي كاتب الموضوع ياسر نجم كبير مايختلف عليه اثنين من اي ميول نتمنى له الشفاء وهو ضحى من اجل الهلال واختار الهلال وجمهوره لعشقه للكيان وتنازل عن جزء من حصته في العقد للقادسيه ليعوضهم عن فرق العقد الاتحاد لكي ينتقل لزعيم ونحن أوفياء كعشاق للكيان لمن ضحى وخدم الهلال ياسر قدم للهلال الى 2007 الكثير ويكفي هدف الشعره جاب لنا بطوله لاتنسى من ذاكرة الزعماء غير الأهداف الأشكال وألوان في مرمى الزعبلاويه التى كنا نتغنى بها. صحيح مستواه نزل وكان بداية بسبب حرب نفسيه وصلت الى الخليج ولم تساعده الضروف ولا الاداره المسؤليه في العودة وتحفيز ومصارحته في بعض الأحيان بنزول مستواه والعمل معاه ع ذلك بل أهملت وهذه جزء من الأسباب وجزء يتحمله ياسر ولكن كانت عودته قريبه من الإصرار الموسم الماضي وبداية هذا الموسم كان في تدرج وكنت متفائل بعودته هذا الموسم حتى لمساته في النهائي الآسيوي تدل ع ذلك مع مشاركته المتأخرة من منا لا يتمنى عودة القناص أفضل لاعب في آسيا أتمنى له الشفاء والعوده وان شاءالله يخدم الزعيم ويكون ختامها مسك بمستوى ياسر يجب ان نقف مع ياسر مادام عنده إصرار للعودة وخدمة الهلال والملعب هو الفيصل . |
إقتباس:
نختلف نتفق بدون أساءه مافيه احد فوق النقد هكذا نحن عشاق الزعيم يوسف اشبع نقد في وقته وسامي كذلك والنعيمه وإدارات ع مر تاريخ الهلال نقد هادف منهم من استفاد وعدنا وصفقنا له ومن لم يستفد وانتهى مثل الغشيان الهلال كيان عملاق لا يقف ع احد. لا تنضر لردود السلبيه يكبرون ويتعلمون |
إقتباس:
انت ملاحظة :s2: الحين يدخل بأحد معرفاته الثانية ويحط لنفسه لايك :d |
إقتباس:
ما هو كل شخص يقدر يتأقلم مع الوضع ويخليهـ دافع إيجابي لتقدم الأفضل ،، والواضح إن ياسر من هالأشخاص ما قدر يستحمل كل هـ الضغوط مما أدى لتتأثير السلبي ع عطائهـ ~ وبخصوص العين لأنهم عارفين إن ياسر مستحيل يتركـ الهلال وينتقل نهائيا منهـ ،، وعارفين إن أغلب الجمهور ما رح يوافق ع التنازل عن قائد الفريق ،، وبما إن إدارتنا تمشي ع رأي الجمهور ،، العين خلاهـ خيار ثاني من وجههـ نظري ~ وأوافق الرأي بخصوص الغنام لكن أخالفكـ الرأي بخصوص الشلهوب والزوري ،، فـ الشلهوب ذهب لا يصدا ،، من وجههـ نظري رغم كبر سنهـ إلا إنهـ ما شاء اللهـ دايما يكون موجود ويعطي المأمول منهـ خصوصا بـ المباريات الحاسمهـ والمهمهـ والأدلهـ كثيرهـ منها مباراهـ النصر الموسم الماضي ~ والزوري بالجههـ اليسار قدم بأكثر من مباراهـ مستويات مميزهـ كثير ،، بالتوفيق إن شاء اللهـ ،، شكرًا لكـ ~ |
إقتباس:
شفتي ،، غصب عنا يجبرنا نحفظ معرفاتهـ والسبب أسلوبهـ اللي حفظناهـ :s3s::d ما قول غير اللهـ يشفيهـ من مرض الهلال ولاعبينهـ ،، شكلهم مسببين لهـ أزمهـ سير ^~^ |
لاول مره انتقد ادارة الموقع لاني ابقول الشرهه مو عليك انت وموضوعك الشرهه على المشرفين اللي سمحوا بموضوعك السفيه يا سفيه وش دخل ياسر والهلال بمسي وبرشلونه بقلعه تقلعهم اذا انت فاضي وتحس انك طفشان وبغيت تنزل موضوع انصحك صل ركعتين واستهدي بالله |
إقتباس:
المهم لنسجل هذا المدح للتاريخ ونرى عندما ناصر يلعب مهاجم ثاني كيف يكون تصرفه وكيف موقف من يمجده الان واولهم انت... سجلوا هالمشاركة لنراها بعد سنه يمكن :d |
كﻻم واقعي ورائع ..قليل من فهم مغزاه 👍 ولكن للأسف الكثير انجرف خلف سوء الظن شكراً لك اعجبني جداً .. |
من جد الصراحة امس ميسي كان جدا سيء ومناولاته سيئة حتى انه ما جاب ولا قول اقول سرى الليل |
ياحبيبي ميسي امس مسجل قول وصانع :d وبعدين ياسر الله يشفيه بدال ماتدعي له بالشفاء حاط لي هالموضوع التافة !! اقول توكل بس وحنا بنحط موضوعك بالمجهول موب بالمفضلة قال ايش قال ميسي يسير على خطى ياسر :laugh: |
مع احترامي للكاتب لكن كلامك غير صحيح ياسر مادب ويحترم الآخرين لا اعرف موقف تدخل فئة بعمل المدرب |
الله الشرهه ماهي عليك الشرهه على اللي منزل هالموضوع ونت من صدقك ماخبر نجم بالهلال تدخل بالتشكيله وياسر يعي كل هالامور ويفضل مصلحة الهلال على كل شي حاله حال كل الاساطير الهلاليه |
إقتباس:
ما امداني اذكركم بس يالله.. ناصر الشمراني مسوي مشكلة وشوشره مع المدرب عشان المدرب استبدله بمباراة الفيصلي.. ناصر لاعب مهم ومهاجم خطير لكن ليس محترف فكريا اما يلعب اساسي ولا يطنقر وهنا الفرق الذي قصدته |
يالله صدقناك يا راعي الموضوع شف ميسي مسكين في ادنى واسوأ مستوياته اهدافه قليلة واسسته مثل وجهه للاسف ضيع مستقبله . . . يا ناس مهوب كل من حكه ظفره كتب موضوع مثل وجهه ميسي عمره 27 سنة ولاعب عالمي تقعد تقارنه بلاعب خليجي وبعمر 33 ! صاحي انت ! شفهم يلعبون حتى 35 سنة وهم اخر ابداع ( عندك المايسترو بيرلو كاقرب مثال بما اني يوفنتيني :)) |
سواد الليل جلاب الهموم............... |
موضوع سخيف وش دخل النجوم وجماهير النجوم في عمل المدرب ضغط اي ضغط ولا مضغوط ولا مندي |
وش دخلنا بميسي !!؟ بعدين ياسر خلاص الان شبه انتهى بعد الاصابة وماهو وقته كلامك. ثانيا لعلمك سامي الجابر مرت عليه مواسم مع الهلال ماسجل ولا هدف طول الموسم،وطوال تاريخه مع الهلال ولاعمره حسم لنا بطولة. روقنا ياشيخ. |
الرجال منت شايفه الا لسنه الجايه شتبي فيه يابن الحلال ههههههههههه |
هذولا جمهور سامي ياصبر الارض عليكم |
الله يعطيكم العافية وبالتوفيق للزعيم الملكي |
وين الإدارهه ع ذا الموضوع ! وش دخل ميسي بياسر؟؟ ثانياً : ياسر أنتهى كـ لاعب لكن قدم الكثير للهلال ولن نسمح بالغلط ع أي لاعب هلالي تبي تنتقد انتقد بعقلانيه وبدون تجريح وإفترااء ياسر الوفااااء ياسر اللي قدم الكثير للهلال و المنتخب واتحارب كثير من الجميع الله يشفيه ويرجعه لنا سالماً معافى < علماً أنا لست من جماهير ياسر بل من جمهور الهلال وشكراً |
ياااااااسر خط احمر آلا آبوعزوز وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
موضوع ماله اي صلة بنادي الهلال وبعدين انت تقارن ياسر في ميسي اصبح بعض الجماهير مثل جماهير الجار شغالين مقارنات ومواضيع مالها سنع اللهم ياكافي |
| الوقت المعتمد في المنتدى بتوقيت جرينتش +3.
الوقت الان » 12:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd