إقتباس الرسالة الأصلية كتبت بواسطة الهلال الزعيم 100% رغم إني ضد كلمتهـ لكن واضح من وجههـ نظري إنهم يمزحون مع بعض !! ~ ولو ما كانوا يمزحون مع بعض كان رد عليهـ وليد !!!! ،، أما فيديو المشجع وناصر فـ مختلف تماماً ~ هذاكـ ما كان يمزح ولا قال كلمهـ وسكت ،، إلا تعمد يتسفزهـ وقال ألفاظ يستحق عليها العقاب ~ كلامي ما يعني إنني مع كلمهـ بصاص بالعكس هو غلطان وكان المفروض يتذكر إنهـ قدوهـ وفي ناس تدور الزلهـ ع المنتخب لتنشر الفنتهـ وتزيد التعصب بين المشجعين ،، لكن بعد وليد يلام ليهـ ينشر الفيديو وهو عارف إن خلق اللهـ قاعدين يدورون الزلهـ ع آي لاعب بالمنتخب ويستغلونها لتحقيق مصالحهم الشخصيهـ !! ~ أتمنى ما نساهم بنشر التعصب بالمنتخب ،، ولا نساهم بتحقيق غايتهـ من يهمهـ مصلحهـ ناديهـ أكثر من المنتخب ~ اللهـ يهدي الجميع ،، وبالتوفيق للمنتخب والهلال إن شاء اللهـ ،، شكرًا لكـ ~

ارتاح ماراح يتكلمون عن هاللقطة جمهور واعلام ابو جلنبو هم هدفهم الزعيم ولاعبيه فقط
يعني الحركة هذي ماراح احد يتكلم عنها،،
المفروض الادارة تتدافع عن اللاعبين وخاصة ناصر الشمراني اللي يواجه أقبح الحروب الان،،
اذا إدارة بن مساعد ماتقف امام كل متطاول على الشمراني من أعلام ابوجلمبو فخذوها من الان ناصر لن يقدم شي لانه سريع الاشتعال،،وسلامت فهمكم،،

اخواني واخواتي واخص بالذكر النشء

لا تعدوا اللاعبين كقدوه ولا الفنانين فمجتمعهم منحل الا من رحم ربي

لا تنصدموا ابدا فما خفي اعظم من الاغلب الاعم من اللاعبين والفنانين والفنانات

وهذا لاعبهم الخلوق !!! يعني ما يدري بالتصوير .. ولا يعرف ان المقطع يبي ينتشر ؟؟؟

طيب دامه غير هلال فالامر عادي ،،

ما تذكرون كم واحد يصيح ليش الزلزال النجم الخلوق ناصر الشمراني هداف الدوري " لاعب الشباب " ما يصير اساسي بالمنتخب بدل ياسر !!!


وبعد ما انتقل الزلزال للهلال صاروا نفس الاشخاص يصيحون ،، ليش لاعب الهلال المشكلجي يلعب للمنتخب !! المفروض يعاقبونه .

وقبله الدعيع كان اسطورة الحراس يوم كان بالطائي وبعد ما انتقل للهلال صار حارس عادي و الخوجلي افضل منه..

للاسف العين الحمراء على كل ماهو ازرق ..

ليت كرمت منتدانا عن هالكلام والله يدبر الامور

والله إسفاف عالم كرة القدم في السعودية مثير للشفقة و للأسف
أغلبية جمهور كل نادي يقف مع ناديه في الحق و الباطل
معظم المدافعين عن ناصر يصيرون ضده لو انتقل لنادي آخر و معظم الي يهاجمون ناصر بيصيرون يدافعون عنه و يصير حبيبهم إذا صار في ناديهم
و معظم جمهور الكورة يتهم و يطعن في الذمم و الأخلاق بدون دليل
مشجع النصر يقول إنه قال زلايب لكل اللاعبين و الحقيقة أن الفيديو سمعنا فيه مدح للاعبين النصر الي دخلوا قبل ناصر فهل صوت الي كان يمدح هو صوت المشجع النصراوي ؟ إن كان هو صوته فقد كذب في زعمه أن كلمة زلايب قالها لكل اللاعبين.
المرزوقي يقول ناصر تعرض للاستفزاز من قبل المباراة و المدافعين عن ناصر أخذوا كلام المرزوقي على أنه حقيقة بينما لم يقدم المرزوقي شهود على ذلك
شخص على تويتر يقول السفارة أجبرت المشجع على الاعتذار و طلع المشجع النصراوي قال ما أحد أجبرني ..
تناقضات في تناقضات و الكل يحكم بدون ما يقدم دليل قاطع أو شهود على ما يقول ..
الكلمات نفسها الي في المقطع و قذف الأمهات و الأخوات أمر مستفز جداً و دليل أن عالم الكورة عندنا صار إسفاف و انحطاط .. القذف عقوبته ثمانين جلدة إذا لم يقدم من قذف أربعة شهود على أن أم الطرف الآخر فعلت الفاحشة .. تأملوا يا أهل العقول كيف مستوى الانحطاط و السقوط في أجواء الكورة عندنا ..
مداخلتي ليست كرهاً لأحد أو تعصباً لفريق و لكنه كلمات لأهل العقول للتأمل ..
كلمة أخيرة أحب أقولها هي أن اللاعبين أو على الأقل معظمهم همه الفلوس والعقود و تلقاه يضحك على هالتعصب الحاصل و نفس الكلام ينقال عن رؤوساء الأندية الي يشعلون التعصب و تلاقيهم آخر الليل سهرانين في بيت واحد منهم و شفنا صورهم مع بعض و نفس الشيء ينقال عن الإعلاميين يتعصب و يكذب عشان القناة تستمر في جلبه ..بينما المشجع المسكين يتورط في قذف و لعن و حقد و يحرق قلبه و يشغل نفسه بأمور ما راح يلقى من وراها الإ الذنوب و القهر .. لا هو الي لقى فلوس مثل اللاعب و رئيس النادي و الإعلامي و لا هو الي تجنب الذنوب ..

الفكره اخوان
اللي يتكلمون عن ناصر مدعين المثاليه والكلام ماينبغي من لاعب دولي ولعل وليت وصار ...
والبعض يتكلم عن بيئه الهلال فيها كل شي نتن
وهلم جرا ...

اللوبي الفقراوي والطحلبي اصبح يسيطر على اللجان وعلى رياضتنا بشكل عام والدليل التنافس الفقراوي الطحلبي على الدوري باللجان والتحكيم وغض الطرف عن اشياء كثيرة

هزززززلت والله طحالب وفقر يتنافسو رياضتنا سقطت سقوط مدوووي

مقطع بارد ومر مرور الكرام لأن مافيه لاعب هلالي ومااقول من ينوي في اي لاعب اومشجع أو إداري اورئيس أو أي عضوا أو كل من ينتمي ومحب للزعيم الملكي أن الله يشغله في نفسه ويرد كيده في نحره اللهم امين يارب العالمين

يقول بصاص تبغى تصير حارس زيوه مهوب زيي
وافهم يافهيم

انا من وجهة نظري ان ناصر مو اول مره يسويها ناصر لاعب بسرعة وبسهولة يتم إستفزازه وهذا
أكبر عيب اذا كانت صفة في لاعب كرة قدم شيء طبيعي راح يتعرض لسب وشتم وقذف ! وانت ياناصر في
نادي كبير كـ الهلال كان من المفترض عليك انك تتحلى بأخلاق الزعماء بالترفع وعدم الدخول في أمور انت في
غنى عنها والله ياليتك تتعلم من زميلك ياسر القحطاني اللذي رغم كل القذف والإساءات اللي واجهها خلال مسيرتة
لدرجة ان القذف وصل لدول الخليج !! ومع كذا ماعمرنا سمعنا ياسر دخل في مشاكل تافهه زي هالمشكلة! بل العكس
يطلع ويشكر الجميع حتى اللي وقف ضده وعاداه ، انا هنا مو بصدد امدح ياسر واسب ناصر بالعكس كلهم خدمو الهلال
وكلهم مكانتهم ومحبتهم وحده لكن يجب على ناصر ان يتعلم من ياسر وعليه ايضاً ان يتذكرحديث الرسول علية الصلاة
والسلام لَيْسَ الشَّدِيدُ بالصُّرَعَةِ، إنَّمَا الشَدِيد الَّذِي يَملكُ نَفْسَهُ عِنْدَ الغَضَبِ ) . وعَنْ سليمان بن صرد رَضِيَ اللَّهُ عَنْهُ قال:
كنت جالسا مع النبي صَلَّى اللَّهُ عَلَيْهِ وَسَلَّم ورجلان يستبان وأحدهما قد احمر وجهه وانتفخت أوداجه فقال رَسُول اللَّهِ صَلَّى
اللَّهُ عَلَيْهِ وَسَلَّم: "إني لأعلم كلمة لو قالها لذهب عَنْه ما يجد، لو قال أعوذ باللَّه مِنْ الشيطان الرجيم ذهب عَنْه ما يجد " فقالوا
له إن النبي صَلَّى اللَّهُ عَلَيْهِ وَسَلَّم قال تعوذ باللَّه مِنْ الشيطان الرجيم. مُتَّفّقٌ عَلَيْهِ.

لو ناصر طنش هذا المشجع كان ماصار اللي صار ، ويازعماء مايصير نوقف مع المخطأ ونعرف في داخلنا انه
مخطأ ورغم كل هذا ندافع عنه !! نا عن نفسي مع الحق حتى لو كان على نفسي واشوف ناصر مخطأ وخطأ كبير
ويستحق العقاب ، ناصر وصل لمرحلة الخبرة في كرة القدم معقولة مو قادر تمسك وتظبط نفسك !!! معقولة بسهولة
يتم إستفزازك والتلاعب بإعصابك !! والله العظيم شيء غريب

إقتباس الرسالة الأصلية كتبت بواسطة the new والله إسفاف عالم كرة القدم في السعودية مثير للشفقة و للأسف أغلبية جمهور كل نادي يقف مع ناديه في الحق و الباطل معظم المدافعين عن ناصر يصيرون ضده لو انتقل لنادي آخر و معظم الي يهاجمون ناصر بيصيرون يدافعون عنه و يصير حبيبهم إذا صار في ناديهم و معظم جمهور الكورة يتهم و يطعن في الذمم و الأخلاق بدون دليل مشجع النصر يقول إنه قال زلايب لكل اللاعبين و الحقيقة أن الفيديو سمعنا فيه مدح للاعبين النصر الي دخلوا قبل ناصر فهل صوت الي كان يمدح هو صوت المشجع النصراوي ؟ إن كان هو صوته فقد كذب في زعمه أن كلمة زلايب قالها لكل اللاعبين. المرزوقي يقول ناصر تعرض للاستفزاز من قبل المباراة و المدافعين عن ناصر أخذوا كلام المرزوقي على أنه حقيقة بينما لم يقدم المرزوقي شهود على ذلك شخص على تويتر يقول السفارة أجبرت المشجع على الاعتذار و طلع المشجع النصراوي قال ما أحد أجبرني .. تناقضات في تناقضات و الكل يحكم بدون ما يقدم دليل قاطع أو شهود على ما يقول .. الكلمات نفسها الي في المقطع و قذف الأمهات و الأخوات أمر مستفز جداً و دليل أن عالم الكورة عندنا صار إسفاف و انحطاط .. القذف عقوبته ثمانين جلدة إذا لم يقدم من قذف أربعة شهود على أن أم الطرف الآخر فعلت الفاحشة .. تأملوا يا أهل العقول كيف مستوى الانحطاط و السقوط في أجواء الكورة عندنا .. مداخلتي ليست كرهاً لأحد أو تعصباً لفريق و لكنه كلمات لأهل العقول للتأمل .. كلمة أخيرة أحب أقولها هي أن اللاعبين أو على الأقل معظمهم همه الفلوس والعقود و تلقاه يضحك على هالتعصب الحاصل و نفس الكلام ينقال عن رؤوساء الأندية الي يشعلون التعصب و تلاقيهم آخر الليل سهرانين في بيت واحد منهم و شفنا صورهم مع بعض و نفس الشيء ينقال عن الإعلاميين يتعصب و يكذب عشان القناة تستمر في جلبه ..بينما المشجع المسكين يتورط في قذف و لعن و حقد و يحرق قلبه و يشغل نفسه بأمور ما راح يلقى من وراها الإ الذنوب و القهر .. لا هو الي لقى فلوس مثل اللاعب و رئيس النادي و الإعلامي و لا هو الي تجنب الذنوب ..

الله يبيض وجهك ويكثر من امثالك ، قسم بالله ماذبحنا وقهرنا إلا اعلامنا والتعصب الأعمى لكرة القدم
ياليتها تعصب وقضينا الأدهى والأمر صرنا نكره بعض عشان كورة !! وفالآخير ولا أي احد مننا استفاد
شيء ياناس كرة القدم اخلاق قبل أنها تكون عداوة وبغضاء قسم بالله اني اعتزلت الاعلام ككله ولا عاد
اتابع اي اعلامي سواء في تويتر او التلفزيون صرت انتظر مبارايات الهلال وبس وابعدت نفسي عن
التعصب والهواش في كل مكان لحد يحمل نفسة ذنوب وسيئات عشان كرة قدم وعشان لاعبين اقسم
بالله مادرو عنك ولا عن تعصبك الأعمى ، انا مو ضد التشجيع وحب الفريق لكني ضد العداوة اللي تجي
بسبب التعصب !!