|
يا جماعه مهما فعل المشجع و مهما غلط المفروض ما يكون هذا رد نااصر حتى لو ان المشجع غلطان مئه بالمئه اقلها ناصر يبلغ اداري المنتخب و تاخذه الشرطه |
دائماً نضع الخطأ على المخطئ عليه وليس على من بدأ او تسبب بالخطأ فالمشجع هو من تلفظ وهو من اثار البلبله لكي يصل إلى مبتغاه ، ولكن الاعلام دائماً يتبع المثالية المعاكسه التي لا اصل لها / فردة فعل الشمراني طبيعية لان المشجع هو من يستحق العقاب ولكن لن المشجع يعرف انه لن يعاقب وان القوانين دائماً ضد المخطأ عليه لان الاعلام هو من صنع هذا القانون ولكن لو كان هذا المشجع قد تلفظ على امير او رئيس لكان للكلام والرأي اختلاف اخر تجاه هذا المشجع او غيره.. |
اقول ياليته فرشه فرش مبرح علشان لا جا غيره يحاول يستفزه ينطم ويسكت ترا مصخت السالفه جمهور الفقر اغلبهم جموهر قذر ومتخلف |
رسالة إلى ناصر الشمراني ... الف شكر على اللي سويته وانا معااااااااااك وأعظم جماهير الهلال معااااااااااااااك إلى الأمااااااااااااااااام يالشهم |
بصراحهـ أنا عن نفسي مع تصرف ناصر !! ،، وضد من يطالبهـ بالصمت ع هالأشكال !! ~ إذا ما في أحد بـ يدافع عنهـ ،، وما في أحد بـ يوقفهم عند حدهم ويحاسبهم !!! ~ فـ شيء طبيعي اللاعب بيأخذ حقهـ بنفسهـ ،، وترى ناصر قبل ما يكون لاعب هو بشر !! ~ وشيء طبيعي آي شخص بتم سبهـ واستفزازهـ بهالألفاظ إن يفقد أعصابهـ ويرد خصوصا إنهـ عارف إن محد رح يرد عليهم ويأدبهم !!!! ~ أتمنى من ناصر يأخذ الفيديو المنتشر " اللي طالعهـ فيهـ صور المتخلفين " ويقدم شكوى رسميا عليهم بـ الشرطهـ المحليهـ !!!،، حتى ولو ما استفاد شيء أبسطها وصل لهم ولأشكالهم رسالهـ بأنهـ ما رح يسكت وعاجلا أم آجلا رح يطيحون بشر أعمالهم ورح يتم حسابهم ع أفعالهم !!!!! ~ |
إقتباس:
إذا شفت فـ كلامكـ ما يدخل العقل نهائيا ،، واحد يتم استفزازهـ ويتم التلفظ ع أهلهـ وأختهـ بألفاظ جداً جداً بذيئهـ وتبيهـ يسكت وما يرد !!!!!!!! ~ وآي إدارهـ تبيهـ يبلغها ؟!!!! إدارهـ ما تعرف وين اللهـ قطها ؟! ~ ولا الإدارهـ اللي ميولها لنادي يتحكم فيها ؟! ولا الإدارهـ اللي اتهمت لاعبينا بـ التخاذل من غير آي دليل مقنع " والدليل سالفهـ نواف وعكازات سالم " ؟! ~ ولا قصدكـ يبلغ الإدارهـ اللي مليون مرهـ شافت وسمعت من يشككـ بوطنيهـ لاعبينا من أشخاص معروفين ولا تحركت وعاقبتهم ؟!!! ،، تبيهـ يروح لهم ويشكتي لهم ويتفائل أنهم ممكن يأخذون حقهـ ؟!!!!! ~ صح النوم أخوي ،، جيب لي إدارهـ تعرف وشلون تحمي لاعبينها من هالأشكال بعدين طالبوا اللاعبين بـ التزام الصمت والثقهـ بأن الإدراهـ تقدر تأخذ حقهـ !!!!! ~ بالتوفيق إن شاء اللهـ ،، شكرًا لكـ ~ |
الا كفو يالشمراني ؟ سلمت يمينك يابطل s13ss13s |
إقتباس:
اولا اخي الكريم ناصر بشر ...والجميع يعرف وعلى يقين ان البشر وكل له طبيعته يعني مستحيل تطلب من ناصر أن يكون شلهوب ثاني ولا يمكن أن يكون ناصر حسين عبدالغني كرم الله القارئ ....المقصد فيه فوارق بين البشر أخي الكريم . ولو استرجعت حادثة الاسطوره العالميه زيدان في كأس العالم وفي مباراة نهائيه على كأس العالم ومنتخب بلاده متاخر بهدف وأنت والجميع يعرف تماما من هو زيدان وثقله بالمنتخب الفرنسي ....لم يتحمل كلام المدافع الايطالي ( فنطحه ) وطرد من المباراة وخسرت فرنسا البطوله ثانيا أخي الكريم كما قال عادل التويجري وبعض الاعضاء هنا توجد حمله ممنهجه على لاعبين الزعيم وبالذات الزلزال . ثالثا والاهم .....المشجع جاء للملعب فقط لسب اللاعبين ؟؟؟ وشكرا لك |
ياخي المشجع الفقراوي كان يقول زلايب ويرددون العالمية صعبة قوية وسدني وبعدين شتم ناصر وناصر ماتحمل ورد علية والمشجع الفقراوي كمل سب في ناصر وما سكت انت لو مكان ناصر وش تسوي لازم يكون هناك حماية لي الاعبين لانه نجم ومميز وىخذ افضل لاعب اسيا جالسي يحاربونه يعني يخلية يسب اهله ويسكت لا اعلامنا المتعصب راح يشفون ناصر هو المخطي الين متى واحنا نسكت علي الجماهير اتمنى نسوي هشتاق كلنا ناصر قالو بلا تعصب اجل وش ذا ال نشوفه ونسمعه راح تتدرس في استراليا وتلبس لبس فريقك وتسب ابن وطنك وهو في مهمة وطنية لو في عقاب لي مثل الجماهير كان ما شفنا احد سب ويتتطول |
والله تصرف ناصر غير مقبول ولو كنت بمكان عبدالله بن مساعد اطلب اعادة السعودية وحرمانه من مشاركة مع المنتخب في البطولة الاسيوية تمديدت كثير يا ناصر الشمراني كم عمر ناصر الشمراني وكم عمر المشجع الذي استفزه نعم هو مشجع نصراوي واستفزازه لناصر الشمراني بتعمد وقد يكون تحريضي ولكن على ناصر ضبط اعصابه حتى لا يحرج نفسه ولا يحرج من تعشم فيه خير ليعلم ناصر السبه التي طلعت من فمه لا يقبلها اي مشجع هلالي ولا يقبل فيها ديننا الحنيف ليعلم ناصر ان الاضواء مسلطه عليه وينتظروان اي هفوه له لكي يقع عليه الايقاب ويتضرر نادي الهلال هم يحاولون ايقافه عن اللعب مع الهلال بأستفزازه لكي يكون عرضه للايقاف الان اسيويا تم ايقافه 8 مباريات بسبب تصرف غير لايق ولا يمت لقيم ديننا الحنيف تحيااااتي لك اخي صاحب الموضوع وتحيااااتي للجميع |
تصويرهم بشكل جماعي يوضح أن ناصر مقصود وينتظرون ردة فعله بعد الاستفزاز لنشرها يعني جايين وبراسهم شي بيسوونه ناصر طبيعي يتنرفز لأن الوِرِع استفزه لكن عيب ناصر إنه سهل الاستفزاز وممكن يركزون عليه مستقبلاً ويستفزونه أكثر ! |
اي اخلاق الله يرحم والديك رياضتنا شعارها (( اللي ما ياكل بيده مايشبع )) خل الاخلاق بعيد لاحقين ناصر الى استراليا بقلة الحياء وتبغاه يسكت |
ثقافه هذا النادي المصفر ومن يتبعه ..... لا أقل ولا أكثر |
نعم الاخلاق الحميده مطلوبه في كل وقت وكل حين حتى لو تتعرض لموقف صعب من البعض عليك التحلي بالصبر ونقل هذا الفعل الى المسئول لكي يتخذ اللازم بحق المخطئ انا اسوق هذا الكلام على ناصر فهو فعلها مع اللاعب الاسترالي وقد كانت النتيجه ايقاف ثمان مباريات واللاعب الاسترالي الذي يقول انه اخطأ عليه لم يحاسب اذا ماذا استفدت ياناصر ؟؟ وهذا الغر الذي استدرجك وجعلك تقول كلام ماله داعي وانت النجم والرجل الذي تكبره بالسن كان لزاما عليك ان تكون اكثر تعقلا منه وتتركه وتسفهه وتمضي وتبلغ ادارة المنتخب وهم حتما سيتخذون اللازم لردع هذا الغر الطائش . ناصر عليك الحرص وتوخي الحذر فكل حركه منك مرصوده لانك النجم اللاعب الكبير ومن المشاهير ولا تلتفت للصبيه وحركاتهم واستفزازات الجمهور واقوالهم . صاحب الموضوع شكرا لك |
الانسان يقاس بمستوى خلقه وتصرفاته وناصر المفروض مايلتفت للبزر هذا لان البزر اذا عطيته وجه رايح يتلقف عليك وتسمع كلام منه ماهوبزين وكلنا نشوف هالبزارين بالشوارع ونسمع منهم كلام بذئ ومع ذلك نطنشهم ونسفههم لاننا عارفين اننا رايحين نبلش معهم اذا اخذنا وعطينا معهم بالكلام لذلك نعطيهم طنش اذن من طين واذن من عجين الكلام هذا ياليت ناصر ياخذه بعين الاعتبار |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd