السلام عليكم

الف مبرووك الفوز على الاتحاد اللي جا بصعوبه صراحه

شكل الفريق في مباراة البارح تغير نوعاً ما بعكس المستويات اللي ظهر فيها قبل

المهم انا عندي ملاحظات على الفريق عشان الإدارة ماتقول انتو ماتطلعون الا وقت الخساره

هذا حنا فزنا البارح وانا عندي انتقادات لابد ان تؤخذ بعين الاعتبار

اولا

ليه صار الفريق مع ريجي يستعرض كثييير؟!! لو جا الاستعراض من لعيبة الوسط فقط مشيناها ولو ان المفروض الاستعراض بشكل عام يكون بعد تقدمك بنتيجه اقلها 3 اهداف ذاك الوقت استعرض لين تنتهي المباراة لكن المصيبه ان الاستعراض مو بس من لعيبة الوسط حتى الدفاع والحارس قامو يستعرضون!

هالمنطقتين اقل غلطه فيه 99% هدف للخصم.. فهل الإدارة والمدرب مايشوفون اللي حنا نشوفه؟!

اذا كانو يشوفون وساكتين فهذي مصيبه واذا مالاحظو هالشي فالمصيبه اعظم

ثانيا

سالم الدوسري فيه صفة الاستعراض " over " والانانية والاستعجال اللي من جد يضيع وقت وجهد ع الفاضي.. مو بس جهده هو الشخصي الا جهد فريق كامل بسبب الانانيه والاستعجال والاستعراض والمراوغة الزايده اللي ماتخدم الفريق باي شكل من الأشكال

ثالثا

نيفيز احس ماله خلق يلعب وصاير ثقيل اي كورة توصل له يامقطوعه يامقطوعه ومشكلة نيفيز انه بطئ جدا والمساحات الضيقه مايسوي لك شي.. عطه مساحه يبدع معاك وهذي اي احد حتى اللاعب المحلي ولو يحصل مساحه كافيه اكيد راح يبدع فيها ويمرر صح
نيفيز مع ريجي قل مستواه فهل المشكله من نيفيز ام من المدرب

اخيرا

باختصار شديد بنتلي وكواك كثر الله خيرهم نتمنى الدور الثاني مانشوفهم بشعار الزعيم


من وجهة نظري ان افضل تشكيل للهلال اللي ممكن يحقق معاها القاب هي كالتالي :


السديري

عبدالله الزوري ( سلمان الفرج) - ديغاو - مدافع محلي على مستوى عالي - ياسر الشهراني


سعود كريري - محور محلي على مستوى عالي

نواف العابد - صانع لعب اجنبي سوبر ستار - جناح اسيوي ممتاز وسريع


مهاجم اجنبي لايرررحم - ناصر الشمراني


طبعا مع تسريح
عبداللطيف الغنام
يوسف السالم
يحيى المسلم
واعارة عبدالعزيز الدوسري


عذرا على الاطاله