|
بعد رحيل الامير بندر بن محمد نطالب برجوع الامير نواف بن سعد نائب للرئيس بسم الله الرحمن الرحيم نشكر الامير بندر بن محمد على استقالته نهاية الموسم ولاننسى جهوده في خدمة الهلال ولاكن لكل زمان رجال وبندر بن محمد على راسي خدم الهلال لفتره طويله ولاكن لابد من تجديد الدماء لمواصلة المسيره ادخل في الموضوع مااشتقتوا للأمير نواف بن سعد وانا اذكر تصريح للأمير عبدالرحمن بن مساعد كان يقول فيه انو الامير نواف ذراعي اليمين وجهوده جباره في خدمة الكيان وانا شخصيا اذا ماكنت غلطان اذا الامير عبدالرحمن مو موجود في الدكه مع الاعبين تلقى الامير نواف بن سعد كان يساند ويدعم الاعبين اذا غاب رئيس النادي الحميداني حاولت اتذكر شي ايجابي له في النادي مالقيت غير السب اللي قبل نهائي اسيا واغلب مباريات الهلال اللي يغيب عنها رئيس النادي نلقاه مشخص في المنصه بالعربي احس انه مفروض على النادي ولامنه اي فايده مدري انتو معي ولا انا غلطان وجل من لايسهو حتى الناقور من بعد باص الهلال ماسمعنا عنه اي شي لادعم ولاشي حتى عبدالكريم الجاسر كان أسد في على اي شخص يمس الهلال بعد مامسك المركز الإعلامي اختفى وصار وجوده مثل عدمه ولا نحتاجه في الفتره القادمه ياليت عادل التويجري يرجع مكانه في خلل في النادي بس ماندري من مين اتوقع فيه احد يحارب المميزين في النادي يارب تكون مباراة هجر اخر الاحزان ويرجع زعيمنا من بوابة الاتحاد |
اكيد اشتقنا له عقليه ممتازه واعتبره حاليا ( رجل المرحله) |
الهلال لم ولن يكن بندر بن محمد عقبه فيما يحقق له النجاح استقال والله يوفقه وين ما راح لكن العله ﻻزالت باقيه وهي بقاء ابو فيصل بالرئاسه وتمسكه بها ووعوده با الاصلاح وكل يوم تزداد اﻻمور سواء من تصريح بناء فريقا ﻻ يقهر وفريقه بطل الدوري والكاس وبدون هزيمه ايقنت ان سموه يعطى ورقه ليقراءها كبيان ﻻ يعلم ما يوجد فيه وهذه فرصة المرافقين الصفر للقضاء على الهلال نسأل الله ان يرد كيدهم في نحورهم وان يعجل بمفارقة ابو فيصل لكرسي الرئاسه من بعد تصريح مدير مكتبه بانه يتمنى فوز النصر بالبطوﻻت والهلال بالمركز الثاني تقديرا لسموه ادركت انهم يعرفون فكر رئيسنا جيدا اللهم من اراد بالهلال سؤ فاشغله بنفسه |
بالنسبه للحميداني من شفته مع سيئ الذكر المريسل في جلسة البلوت وانا غاسل يديل يدي وبالنسبه للاستاذ حسن الناقور فهو صديق لسامي الجابر ويمكن ماعجبه اللي صار في سامي ففضل السكوت ( اتوقع بس ) |
إقتباس:
اذا عندك رابط اسدحه هنا وخل كل الهلالين يشوفون انا ماادافع عن رئيس النادي وله اخطاء الاعماء يشوفها بس مااتوقع يدفع الملايين للنادي ويتمنى فوز الفقر |
إقتباس:
اجل نائب رئيس وتلعب بلوت مع فقراوي متعصب وحاقد على اي شي اسمه هلال ومراهن لو فاز الهلال بكأس اسيا يروح الحساء مدري الدمام رجليه |
نواف بن سعد ما اعتذر عن منصبه الا عشانه منشغل مع بنته الله يشفيها وهي عندها مواعيد بامريكا وهو عشان كذا اعتذر من منصبه فشلون تبيه يرجع وهو مشغول مع البنت الله يعطيها العافيه |
إقتباس:
بس اللي انا سمعته انه معارض وجود سامي لتدريب الهلال عشان كذا انسحب مع العلم انا لا مع سامي ولا مع ريجي انا مع الهلال وبس وانا والله كنت أتمنى ان سامي مسك الفئات السنيه الى وصل للفريق الاول مو كره لسامي الا محبه فيه ومستقبله مع الهلال بس على طول الفريق الاول بدون اي خبره تدريبيه قتلت سامي كمدرب ولاكن مازال حبيبنا كلاعب اسطوره والثاني على مستوى المملكة بعد يوسف الثنيان من وجهة نظري |
إقتباس:
انا سامعه من الامير نفسه بمداخله هاتفيه لأحد البرامج يعني مو جايبه من إعلامي او اي قروب ومن الناحية الثانية انا اتفق معك ان الامير نواف هو مطلبنا للعودة لمنصبه لانه اهل لها ومن ناحية سامي اللي اعرفه ان بندر بن محمد وابنه كانو أشد المعارضين له ونواف بن سعد ماظن له دخل بالموضوع ، بس نقول الحمدلله هذا بندر رايح وباقي الخطوه الثانيه اللي هي مدرب متعطش للبطولات ومتعطش بان يملأ تاريخه بالانجازات 👍 والله يوفق زعيمنا 💙❤️ |
إقتباس:
اذا كانت مريضه ويعطيها الصحه والعافيه اذا هي بخير وعلى قولتك الله يفكنا من هالمدرب اللي ماغير يشرب مويه وقت المباراة وهذا يدل انه مو مرتاح لوضع الفريق وبصراحه ماعنده سالفه سالم لعبه فردي ونيفز لعبه فردي والعابد لعبه فردي وناصر مافي احد يوصله كوره عند المرمى وعلى فكره منتخب قطر بكاس الخليج ما أخذ الكأس الا باللعب الجماعي ولو في المهارات خير كان منتخب البرازيل أخذ كاس العالم مات زمن المهارات وجا وقت اللعب الجماعي وبس |
الامير نواف هو مطلبنا للعودة لمنصبه لانه اهل لها |
قرار شجاع لمصلحة الهلال والشكر له عندما استمع للجمهور وعرف الجو العام وليس ما ينقل له !! الآن لا يوجد عذر لرئيس النادي أقل شيء هو يغير طاقم الإدارة كله لأنه غير متخصص ولا يعرف شيء !! ويجلب إدارة إنقاذ حتى نهاية فترته فيها نواف بن سعد - التويجري- البطي - وأسماء أخرى متميزة إدارياً وفنياً بلاش مكابرة فكروا للمستقبل وكيف تستعدون له |
لا نريد ان نخسر اى شخصية رياضية خدمت هذا الكيان ولا نصب هذه الاخفاقات على الادراة صحيح ان المدرب لم يوظف لاعبييه كما ينبقى لكن لكل جواد كبوة ومن اليوم سوف يعود هلال زمان واذكركم بكرة الهلال اليوم سوف يطربكم ويعيد الفرحة على وجوهكم ابوعبدالله |
إقتباس:
إللي بيخدم الهلال ويدافع عن حقوقه من ظلم اللجان ، ويقف ويتصدى لكل هجوم مضاد للزعيم الملكي ( يتقدّم ) .. وإللي بيترزز في الإعلام وبدون فائدة نقول له ( خلك في بيتك أحسن لك ) .. الهلال يبي واحد سليط لسان وقوي شخصية ويدفع فلوس .. خسرنا اهم داعم للهلال الأمير / احمد بن سلطان وان شاء الله يرجع لنا .. بالتوفيق والسداد لك وللأعضاء ولزعيم نصف الأرض ،،، |
اتمنى أن يشرف على الفئات السنية خالد بن طلال او نواف بن محمد فخالد بن طلال ارتقى بمستوى الطائرة عندما اشرف عليها ونواف طور السلة |
| الوقت المعتمد في المنتدى بتوقيت جرينتش +3.
الوقت الان » 03:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd