مــــادام انتـــــوا تغيرتوا بعــــد حنــــا تغيــــــرنا , نصــــائح ذهبــيـــة لسمو رئيس الهــــــلال..
 

اغلبية الجمهور الهلالي يطالب الرئيس بالرحيل وانا منهم ..


وإذا كان الرئيس يريد أن يستمر في الرئاسة ويخرج بنهاية فترته والجمهور يطالبه بالإستمرار ,

عليه مشكوراً فعل التالي:

في ما يخص الفريق الأول
1-التعاقد مع اللاعب الاماراتي عمر عبدالرحمن بديل عن الكوري كواك .
2-التعاقد مع مهاجم اجنبي بديل لـ بنتيلي .
3-التعاقد مع نايف هزازي او مختار فلاته .
4-التعاقد مع محور الإتحاد جمال باجندوح او محور الأهلي وليد باخشوين.
5-التعاقد مع عبدالفتاح عسيري او فيصل درويش .
6-الغاء عقود الغنام +البيشي +القرني+عبدالعزيز الدوسري
7-اعطاء فرصة للاعبي الاولمبي في المشاركة مع الفريق الأول بشكل تدريجي

في مايخص التعاملات الإعلامية :
1- احترام وتقدير مطالب الجماهير الهلالية حيث ان الجمهور لا يمكن أن يجمع على خطأ .
2-اتخاذ اللازم في مايخص كل من يسيء لنادي الهلال ولمنسوبية وعدم حصر المسائلة على مايخص شخصكم الكريم.

في مايخص الإدارة :
1-ابعاد الأخ عبدالكريم الجاسر بسبب عدم احترامه لجمهور الزعيم والإساءات المتكرره +الاستفاده منه كناقد رياضي يشخص الخطأ بشكل حيادي .
2-ابعاد اعضاء مجلس الإدارة +الإداريين الغير ملمين بالأمور الرياضية والإدارية حيث لم يتم الإستفادة من غالبية الأعضاء والإداريين وعليه النادي يحتاج إداري صارم يستطيع التعامل مع تهاون بعض اللاعبين +عمل كل مافيه مصلحة للهلال



وقبل هذا كله على سمو رئيس مجلس إدارة النادي أن يكيف نفسه وفكره وقدرته على التعامل مع الوسط الرياضي كما هو بدون محاولة ممارسة الدوري الريادي لنشر السمو والأخلاق في هذا الوسط الذي يحتاج إلى التعامل بقوة وبدون عواطف فأنت ياسمو الأمير مؤتمن على النادي ويجب على سموكم الكريم عمل كل مافيه مصلحة للهلال بدون النظر للأندية الأخرى والتخوف من ردة فعل البعض فهم للأسف يحرّمون علينا العمل ويقومون بعمل ما هو اعظم .

اختصرها لك

وشوله امير رئيس نادي

يكفي الهلال فيه رجالات فكر واخلاص والمهندس طارق التويجري والدكتور حافظ المدلج خير امثلة

الهلال يحتاج فقط تبديل نيفيز وكواك ...والبديل مهاجم هداف وصانع لعب على مستوى عالي

النصيحه الذهبيه هي ذهاب سموه من رياسة النادي بلا رجعه غير ذلك فهو مسكنات

اتمنى الرئيس القادم يتم تعيينه بالإنتخاب .

معليش اخوي انت ذكرت لاعبيين عقودهم ساريه مع انديتهم
انا اتمنى فقط اربع اجانب افضل من المحلييين ويعملون الفرق مع تصعيد كم لاعب من الاولمبي وطردة المدرب
وغير كذا احنا نطلب المستحيل لان الاداره دااجه ماديا ومفلسسه
لذلك اشوف انه افضل حل هو الاستقاله ..!!!

طالبوا طالبوا لبعد سنه والله محد معبرنا كجمهور

وان كان فيه مطالبه نتمنى تحقيقها استقالتهم جميعا لانهم اثبتوا فشلهم خلال سبع سنوات ومافي امل يتعدل حالهم

لذلك رجاء من الجمهور مقاطعة الحضور للمباريات خليهم يعرفون قيمة الجمهور

يعطيك العافية

احترم فضفضتك اخوي هلالي لكن اذا ودك تطاع,اطلب المستطاع....<<< مثل مادري صح او خطأ
اللاعبين اللي ذكرتهم عقودهم سارية مثل ماتفضل الاخ^^طلبتكـ11^^ ولو فرضنا انهم متاحين!! مارح يجون بالاخص عمر عبدالرحمن لان بسهولة العين ماراح يفرط فيه.

اتفق معك بخصوص ابعاد ^الجاسر^ والبحث عن نائب رئيس قيادي وحازم بمواصفات سامي ينتبه لفريق كرة القدم, والامير الله يحفظه ويسلمه ويرفع شانه يتفرغ للألعاب المختلفة والا يسافر لين تنتهي هالسنتين(الشكوى على الله) وخلال هالسنتين لو كتب الله واخذنا بطولة ^اشك في ذلك^ يجي ويستلم وهو الكل في الكل....

لالالا
مانبيه يتعاقد ولايسوي شي
ابد الله يسلمه ويطول بعمره
نبيه يروح يرتاح في بيتهم
ويخلي الرئاسه لاهلها

من الآخر ماضيع رياضتنا والأندية إلا الأمراء اللي ماعندهم شغلة ولا مشغلة والإداريين اللي معهم اللي اقرب للأخويا للأمير طالما الرئيس مايقدر يكون متواجد مع النادي بشكل دائم ويدافع عن النادي وأعضائه ويحاول يحل مشاكل الفريق ويحافظ على وحدة الصف الأفضل إنه يترجل عن كرسي الرئاسة ويتيح المجال لغيره

أملنا بالله ثم بعيال سلطان :ba:

أشوف اليوم مثل الأمس وباكر الله أعلم به :cry:

الحمدلله أول خطوات التصحيح تم التوقيع مع اللاعب فيصل درويش عقبال الباقي .

اختي مطالبتك لمقاطعة الحضور للمباريات ليس منطقي فنحن نحضر لأجل الهلال والمتضرر الأول هوى الكيان بعدم الحضور ونحن لانحضر لعبدالرحمن بن مساعد او لأعضاء الشرف انما نحضر لمؤازرة الكيان الازرق والوقوف معه في السراء والضراء اما التحريض بعدم الحضور فهذا يعتبر تخلي عن الكيان وليس عن اشخاص

يارب نسمع اخبار حلوهة تفرحنا
مع ان احساسي يقول هالتعاقدات و هالضجة عن المهاجم الاجنبي كلها فورة ببسي