|
رئيس اعضاء شرف عايش على الارشيف ورئيس نادي بمرتبة ضعيف : ضاع الهلال السلام عليكم هاردلك لجماهير الهلال المخلصه ليس على ضياع بطوله مسلوبه او ضياع نقاط في الدوري او مستوى الفريق المتدني بل على الانقسام الحاد داخل البيت الهلالي واللي ماتعودت عليه الجماهير الهلاليه اللي كان في يوم من الايام مضرب مثل لكل الانديه في التكاتف الشرفي بل حتى ان الخلاف وصل بين الفريق نفسه من خلال فئاته السنيه الى الفريق الاول والاسباب معروفه رئيس الفريق الاول عبدالرحمن بن مساعد والفئات السنيه بندر بن محمد بن مساعد قاطع كل الامدادات عن الفئات السنيه من الاعلانات والشركات وبندر بن محمد مولع من هالسالفه ويحق له لكن مع الاسف عناد هالاثنين مع بعض ضيع الهلال واذا استمر بتصير كوارث في النادي من اللي اصر على اقالة سامي الموسم الماضي رغم ان الفريق وصل الى حد من التجانس والقوه بشكل مقنع فقط من اجل التخريب ليس الا كي لاتجير البطوله بسم سامي او بسم رئيس النادي ويبقا هو فقط الرئيس الذهبي وهذي الحقيقه المره والأمر انها من هلالي بن مساعد لاهو اللي راحمنا ولا مخلي رحمة الله تنزل علينا رئيس نص متفرغ يصلح في البدايه ثم يخرب في النهايه ممكن اي واحد يغير رايه الفريق في عهده اصبح ضعيف في كل شي فنيا واعلاميا وقضائيا خاصه بوجود المزهريه عبدالكريم الجاسر وفوق هذا سبع سنين وبيكملها واتوقع والله العالم انه بيرشح نفسه لولايه ثالثه وبينافس اوباما في الانتخابات ثمن مايدري الا هو بلحاله في النادي اجل لو يجيب الاسيويه وش بيسوي وفوق كل هذا سوء تصرف بالاموال الضخمه المهدره على الفريق الاول ومرافقينه اذا صار فريق الشباب او الاولمبي مايوصلهم دعم كيف تبي تدعم فريقك الاول ربع راتب نيفيز يكفيهم كلهم الشي الاخر الفريق الاول له رئيس والفريق الاولمبي والشباب والناشين لهم رئيس غير رئيس النادي وكل واحد يعاند بالثاني ياخي ضموهم مع بعض ويصيرون هم والفريق الاول برئيس واحد بتشوف الحماس والمواهب تراهم مب طائره ولا جمباز يومهم مهملين مع التقدير للطائره والجمباز اقول ورى ماتستقيلون اثنينكم قبل نشوف الهلال يجاكر الاتفاق الهلال مب لكم لحالكم تلعبون فيه كل واحد ومزاجه تعبنا نفسيا وش حدنا بطولة ولي عهد |
الهلال فقد هذلول بن عبدالعزيز وبن سعيد رحمة الله عليهما وهذا امر جلل اثر على النادي |
الله يعطيك العافية وبالتوفيق للزعيم الملكي |
وحنا وهلالنا الضحيه:cry::cry::cry: |
مايحتاجة الهلال الفترة القادمة 1/ رحيل الادارة كاملا وتكليف ادارة جديدة 2/ الابقاء على الجهاز الفنى والطبي واعطائهم فرصة لتصحيح الوضع 3/التعاقد مع مهاجم اجنبي هداف من امريكا الجنوبية بديل عن الاعب بنتلى 4/ الاستغناء عن خدمات مدير الفريق فهد المفرج وبديلة الاستاذ والخبير منصور الاحمد او عادل البطى او فيصل ابو اثنين 5/ وقفة جمهور وعشاق النادى مع ناديهم فى الفترة القادمة لان انتم يالجمهور الاعب رقم 12 فى الملعب اخوكم /ماجد |
ضاع النادي بينهم على بالهم النادي أحد املاكهم الخاصه لاحول ولاقوة الا بالله |
من يوم اقالوا سامي ادركت ان البطولة الاسيوية طارت ماراح اقول ان سامي البطل لكن كان من التعقل انك تبقي عليه ويستمر مايبي لها ذكاء شي معروف ان الفريق راح يبدأ بالاسيوية ومحتاجين الاستقرار ع مدربهم وان تغيير المدرب كارثه لكن الشخصنه والغيره اللي باعضاء الشرف غلبت مصلحة الفريق والمصيبه ان الرئيس يسمع لهم وهذا يدل ع ضعف شخصيته انت مقتنع بشي ليش تتأثر برأي غيرك لاحظ ياسمو الامير انك للان الاسوء بينهم سبع سنوات بسبع بطولات واخر موسم بلا بطولة هذي بحد ذاتها كارثه بتاريخ النادي والمصيبه الاعظم اعلان ان هدفكم الاسيويه وانتم ما عملتوا ع تحقيقها اربع مواسم وانتم تراكضون وراها ومضيعين الدوري وغيره وفوقها خروج من اندية فقيره فنيا ما ابالغ ان قلت حال الزعيم مبكي باقي مباراة اليوم اما الفوز او استمرار لكوارث الادارة المعتاده واستمرار مطالبات الجمهور بالاقاله يقابلها عناد الادارة يعطيك العافية |
بندر بن محمد اتضح بانه سرطان ينهش في لحم الهلال !! |
طرح جيد وللتصحيح الفريق اﻻولمبي تحت ادارة ابن مساعد وليس تابع للناشئين والشباب الذين يشرف عليهم بندر بن محمد لكن ابن مساعد كان لديه ميزانيه مفتوحه من عبدالعزيز بن فهد وعندما توقف الدعم نشب ﻻهو قادر يصرف وﻻ يريد التخلي عن اﻻضواء والشهره سؤ تصرفه في المبالغ الماليه جعلت الفريق ﻻ يستفيد من المبالغ المصروفه وهو متاثر بشخصية عبدالعزيز بن فهد يريد مرافقين ويريد يشره الجميع ولكن قلت ذات الليد مشكله بندر بن محمد على اﻻقل يصرف على قطاع البراعم والناشيئن والشباب ولو تم اضافتهم للفريق اﻻول ﻻصبحوا مثل اﻻلعاب المختلفه بالنادي تتسول من يشرف ويصرف عليها لذا ما علينا اﻻ الصبر السنه القادمه ليتنحى ابو فيصل ويعود الهلال |
كلما زادت الطلبات كلما زاد العناد الادارة للاسف جعلت الهلال حزبين ادارة وجمهور ومن منظورهم ان استقالتهم هي انتصار للحزب الاخر وهزيمة لهم بغض النظر عن اي اعتبارات اخرى او مصلحة للنادي |
بندر بن محمد اتضح بانه سرطان ينهش في لحم الهلال !! |
الهلاليون مهما اختلفوا في وجهات النظر فإنهم بالتأكيد يلتقون في عشق الهلال ومن وجهة نظري بأن المرحلة الحالية تحتاج الى قيادة جديدة وربان يستطيع الإبحار بالسفينة الهلالية الى شواطيء الأمان فالقيادة الحالية قد فقدت بوصلــــة الإتجاه الصحيح واستمرارها سيؤجل وصول الفريق الى ما يطمح اليه عشاقه . أتمنى في القريب العاجل أن نرى رئيس جديد وأعضاء إدارة جدد أكفاء يقودون الهلال الى المكانة اللائقة بكبير آسيا . |
الهلال بحاجة الى رئيس من طينة احمد بن سلطان وتجديد دماء الادارة وعلى رأسهم بندر بن محمد |
إقتباس:
والله الذي لااله الاهو حتى لو ان سامي مكمل البطولة مو للهلال البطولة لسدني مكتوبة عندما خلق الله الخلق لذا لنتقي الله ولا نتعالى عليه بكلام يضر ولا ينفع واليوم جمعة لنكثر من الصلاة والسلام على رسول الله وندعوا لوالدينا واحبابنا |
إقتباس:
رب كلمة اهوت بصاحبها 70 خريفا بالنار من يقدر من المخلوقين بمنع رحمة الله أن تنزل على عباده؟؟؟ يا إخوان وأخوات قبل أن نكتب لنتأكد من أن ماكتبنا مطابق لمعتقدنا ختى لانقع في محظور الله عز وجل إذا أراد شيئا قال له كن فيكون لابن مساعد ولاغيره من المخلوقين يستطيع منع ذلك واليوم جمعة لنكثر من الصلاة والسلام على رسول الله |
| الوقت المعتمد في المنتدى بتوقيت جرينتش +3.
الوقت الان » 08:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd