رسالة للرئيس
 

كمشجع هلالي اسوق لك هذه الكلمات واتمنى ان تلقى القبول وصدرك الرحب . ماتتعرض له من ضغط وكذب وتقليب للحقائق وهجوم هو بسبب جمهور عاطفي لايريد ان يخسر ابداً ولولا الخسائر والأخطاء لما قدمت لنا العمل الأحترافي الذي تتبعه نصف الاندية السعودية . كان الامير مثالي وهذا بسبب تدينه ولكن بعد دخوله للوسط الرياضي اصبحت مثاليته في النسيان . أتمنى من رئيس الهلال البقاء على مثاليته التي دخل بها رئاسة الهلال وان لاينصاع لضغوط الجماهير الهلالية الغير متفهمه ولاالوسط الرياضي السعودي . يارئيس الهلال لايهمك الجهمور المتعصب والإنفعالي وانا وكثير من الهلاليين نقدر عملك ونتمنى لك الاسيوية قريباً وأعيد لأؤكد انك حتى لو خسرت كل البطولات فنحن متأكدين انك عملت كل ماتستطيع ليفوز الهلال بكل البطولات وأتمنى لك وللهلال التوفيق . تحياتي .

والله انك في وادي والكورة في وادي وش سوى للهلال ووش المثالية الي تتكلم عنها الله يسقي ايامك يامحمد بن فيصل

الهلال يعاني والرئيس حاول وما توفق فالحل استقالته مستحيل يكون ١١مدربا و٢٣ لاعبا محليا و٢١ لاعبا اجنبيا كلهم غير مفيدين والرئيس هو الفاهم التعامل بمثالية امام الاعلام تختفي عند الحضور بدون إعلام هناك فوقيه واستعلا

هذا اللي اتكلم عنه يجي واحد مثلك مادرب فريق حارته ويتفلسف وبيغير الادارة وبيحط تشكيلة وبيحط تكتيك !

الادارة تعمل لكن ينقصها شي م الاحترافية في التعامل مع الرياضة ...طبيعة نشأة ابن مساعد غير رياضية فهو شاعر واديب ومثقف لكن ينقصه خبرة في ادارة فريق رياضي يجعله يحقق البطولات ...ما شاهدته خلال رئاسة شبيه الريح انه يفكر في الحاضر وليس في المستقبل واقصد من ناحية الاعبين فتجده يتعاقد مع لاعبين من اجل تحقيق بطولة حالية وليس من اجل بناء مستقبل للهلال ولي له دور او كلمة في الفئات السنية يجب ان نعترف كهلاليين ان الجيل الذي يمثل الهلال حاليا ليس جيل ذهبي كسابقه ولم نغد الاقوى فالحال تغير الان واصبح الاحتراف والمادة تتطغى على الاعبين فلا تستغرب يوم من الايام ان ينتقل نواف العابد الى النصر والسهلاوي الى الهلال اصبح الاعب يفكر في المادة والشهرة وليس من اجل الفريق ...الزعامة جاءت بسبب الجيل السابق الذي لم يبقى منهم الا الشلهوب ...يجب على ادارة الهلال ان تاسس الناشئين على اعلى مستوى احترافي وتصعدهم للفريق الاول مع مرور الوقت ....فريقنا بحاجة الى استقرار في الادارة والمدرب وهدوء الجمهور والتفكير في بناء فريق للمستقبل وليس مؤقتا فاغلب اللاعبين حاليا على وشك الاعتزال الشلهوب والشمراني والغنام وكريري والقحطاني ولم يبقى الا الاجانب المعرضين للانتقال ....ولنا في منتخب اليابان والامارات عبرة

غير منطقي انه كل سنة الهلال بياخذ كل البطولات او انه بياخذ الدوري دائماً الفريق كان سيء في 4 مباريات واتوقع لو اني لاعب والعب في الدوري السعودي 3 سنوات متتالية بمل من الدوري ويمكن هذي هي مشكلة اللعيبة .

كلام سليم ماشفنا ولاموهبة انضمت للفريق الاول في عهد عبدالرحمن بن مساعد بإستثناء سلطان الدعيع وتقريباً إختفى .

أنا معك اخوي قلباً وقالباً لكن بعض الجماهير مثل الأطفال اذا انهزم الهلال قامو الدنيا على الادارة والمدرب وإذا فاز الهلال قامو يمدحون فيهم
الهلال ماشي صح بس ناقصنا مهاجم مدرب ممتاز رغم بعض الأخطاء والي ما تخلو من اي مدرب بالعالم
وأنا اعذر اللاعبين توهم جايين من بطولة آسيا و المنتخب ودخلو الدوري وباقي الفرق لاعبينها مرتاحين واولهم النصر الي ما شارك في كأس الخليج الا عدد قليل من لاعبينه
وانا اشوف هزمنا اما الشباب والنصر بالحظ والأخطاء التحكيمية
وأما الاتحاد والاهلي تعادلان وكنا الأفضل بس الحظ
مستوى ولياقة ممتازة الى الان رغم ضغط المشاركات وهذه تحسب للمدرب ومدرب اللياقة بالأخص
وخلونا واقعيين النصر يملك نجوم والاهلي أيضاً
الاتحاد والشباب يملكون أيضاً لاعبين على مستوى يعني تبون الهلال يفوز عليهم بسهولة
ناس ماتفهم أنتم شوفو ترتيبهم بالدوري تعرفون انهم داخلين بقوة
واكبر دليل الاتحاد بدون اجانب على مستوى فقط لاعبين صغار محليين مبدعين

الله يعطيك العافية وبالتوفيق للزعيم الملكي