|
هجوم غير مبرر على الادارة التي بذلت الغالي والنفيس لبطل اسيا الغير متوج انا بصراحه استغرب هذا الهجوم الغير مبرر من اعلام الهلال وبعض جماهيره الفريق مع هذه الادارة حقق سبع بطولات محليه ووصل لنهائي الاسيوي بعد غياب اثناعشر عاما وكان الاحق باللقب لولى الفضيحه التحكيميه التي قادها الحكم الياباني نيشيمورا الفريق الان لازال ينافس على لقب الدوري وبقوه وخسارة مباراة النصر كانت بسبب عدم جاهزيه نيفيز بشكل كامل الذي يشكل الثقل الاكبر في وسط الهلال و بركلة جزاء ميته رغم ان الهلال كان له ركلة جزاء واضحه الشوط الاول ومع كل هذه المعطيات انقاد البعض خلف اعلام مضلل يريد ان يحجب الشمس التي لايمكن ان تحجب بغربال اتمنى من جماهير زعيمنا الغالي الوقوف مع الفريق في الفتره القادمه ومع هذه الادارة التي اعتقد انها الوحيده التي تستطيع ضخ اموال بشكل كبير وخصوصا في الفتره القادمه التي تسعى فيه لجلب مهاجم عالمي على اعلى طراز في فتره الانتقالات الشتويه |
امر طبيعي ياعم لعدة اسباب البطولات تذهب يمنة ويسرة وهي تتفرج من كنا ندق خشمه بالخمسة أصبح يطقطق علينا مدرب يتخبط وهي تتفرج اصلا مافيه رئيس للمحاسبة لو اجيب جدتي عرفت علت الزعيم مهاجمين اجانب مايرحمون ابد صانع لعب من طينة الكبار تسريح كواك وبنتلي ونيفيز والسالم وعزوز وياسر والشلهوب والمسلم والغنام مع شكرهم ترفيع لاعبي الأولومبي كما يحدث مع جميع اندية العالم ضرورة تواجد مركز اعلامي لايرحم حتى لو ادت تصاريحه للسجن اهم شي حق الزعيم مايضيع ولا يدع كائن من كان يجرؤ عليه اعادة دعم احمد بن سلطان والوليد بن طلال بعد مسخرة ابعاد الأسطورة سامي ضرورة تقريب يوسف الثنيان وابواثنين والتيماوي والباقين من اللاعبين الحاليين ولدي الكثير بس تعبت تقبل ودي |
مسيرة عبدالرحمن بن مساعد مع نادي الهلال المدة الزمنية : منذ 2008 وحتى هذه اللحظة : عدد البطولات : بطل الدوري مرتين : 2009/2010 بطل كأس ولي العهد خمس مرات : 2009/2010/2011/2012/2013 المدربين الذين أستقطبهم : ١- جيرتس ٢-جورج ليكنز ٣-ايفان هاسيك ٤-كومبورايه ٥-توماس دول ٦-كالديرون ٧-زلاتكو ٨-سامي الجابر ٩-ريجي اللاعبين الأجانب : ١- كريستيان ويلهامسون ٢- رونالد رالديس ٣-سيول كي هيون ٤-ميرل رادوي ٥- تياغو نيفيز ٦- لي يونج ٧- أحمد علي ٨- عادل هرماش ٩- يوسف العربي ١٠- إيمانا ١١-يو بيونغ سو ١٢- لي يونغ بيو ١٣-عبدالقادر مانغان ١٤-ويسلي ١٥-اوزيا دي باولا ١٦- غوستافو بوليفار ١٧- كاستيلو ١٨-تشو سونغ هوان ١٩-كواك تاي هي ٢٠- رودريغو ديقاو ٢١-بينتلي اللاعبين المحليين : ١- بندر العنزي من هجر ٢- عيسى المحياني من الوحده ٣-وليد الجيزاني من الحزم ٤-يحيى كعبي من الوطني ٥-سعد الحارثي من النصر ٦-أحمد بارقي عسيري من أبها ٧- يحيى المسلم من الرائد ٨- ياسر الشهراني من القادسية ٩- عبدالعزيز العازمي من النصر ١٠- محمد مسعد من الأهلي ١١- عبدالله عطيف من الشباب ١٢- يوسف السالم من الأتفاق ١٣-فايز السبيعي من الأتفاق ١٤- عبدالله الحافظ من باكوس البرتغالي ١٥- ناصر الشمراني من الشباب ١٦- سعود كريري من الأتحاد ١٧- حسن شيعان من الشباب ١٨- فهد الثنيان من التعاون ١٩- حمد الحمد من الأتفاق أبرز اللاعبين الذين أنتقلو في عهده للشح في الدفع أو سوء إداره فنيه : ١- تياغو نيفيز ٢- ميريل رادوي ٣- عمر الغامدي ٤- أسامه هوساوي ٥- أحمد الفريدي ١- شاهد معي عزيزي كثرة المدربين الذي تم أستقطابهم وتم إلغاء عقودهم ؟ ٢- نجاح ٥ لاعبين أجانب وبالمقابل فشل ١٦ صفقة لاعب أجنبي ( لي يونغ - ميريل رادوي - ويلهامسون -تياقو نيفيز - ديقاو ) ٣- عدم الفائدة من ١٦ صفقة أيضاء للاعب محلي وبالمقابل نجاح ٣ صفقات فقط ؟ ( الشهراني - الشمراني - كريري ) (المحصلة) • تخبط إداري • غياب إداري وعدم تفرغ للفريق • هدم إستقرار الفريق بعدم الثبات على أسماء مدرب أجنبي أو لاعب أجنبي أو حتى لاعب محلي • إهدار للمال العام الهلالي بصفقات لاتسمن ولاتغني من جوع • شخصية مهزوزه في السنتين الأخيره وتفرغ لكثرة الكلام والوعود المزيفة والتهديدات والنهاية هلال بهذا الشكل !! منقول . |
يالله التاريخ لايرحم ولا يجامل عند استعراضه |
حقق 7 بطولات وكم عدد اللي ضاع لو سمحت؟ |
بصراحهـ أخالفكـ الرأي وبقوووووهـ بعد :d ~ من اللي خلا التحكيم يتجرأ ع سلب عدهـ بطولات من الهلال وأهمها كأس آسيا غير صمت الإداراهـ عليهم ؟! ~ الى الآن ورب الكعبهـ أحس بالقهر وتخنقني العبرهـ كل ما أتذكر كيف طارت البطولهـ منا وع أرضنا وبين جمهورنا وكيف الحكم يتجرأ ع عدم إحتساب أربع ركلات جزاء صحيحهـ ١٠٠٪ "بشهادهـ الجميع وأولهم منافسين الهلال ،، واعتراف الحكم بظلمهـ للهلال " وهو شايفها عيني عينكـ ومشيها مرور الكرام !!! ~ وكيف متنا من القهر ع عبطهـ واستهبالهـ ،، وكيف كانت ردت فعل الإتحاد الآسيوي ع هالمهازل وتركيزهـ ع تطبيق القانون ع ناصر وجمهور الهلال فقط ،، وكيف ردت فعل إدارتنا وسكوتها البااااارد وعدم شعورها فينا نهائيا والدليل إنها ما تابعت موضوع الحكم لين آخر ولا استغلت كل الأدلهـ للمطالبهـ ع الأقل بتعويض الفريق ع كوارث الحكم المتعمدهـ !!!!!! ~ واللهـ ماني مصدقهـ معقووووولهـ لهالدرجهـ عادي عند إدارتنا تضيع تعبها وصبر الجمهور وقتل حلم كل هلالي ع يد التحكيم ؟!!!! ،، حاولت أقنع نفسي وأحط لها مبررات لكن واللهـ ما لقيت !!!! ،، كيف أحط لها مبررات وهي إذا كوارث مثل اللي شفناها بالنهائي عندها أدلهـ تقدر تجبر الإتحاد الأسيوي بتتويج الهلال أو ع الأقل بإعادهـ المباراهـ ما استغلتها ولا تحركت ،، وشلون أثق فيها إنها ما رح تعيد الكرهـ وتضيع ع الهلال بطولات بسبب صمتها هذا !!!!! ~ واللي زايد الطين بلهـ إنها كل مرهـ تحاول امتصاص غضب الجمهور بتصريحاتها ،، وبعد كم يوم تسحب علينا ولا كأنها وعدتنا بأنها ترد حق الهلال !! ~ باللهـ وش الفايدهـ تتعب وتجتهد وتسعى جاهدا لتحقيق طموحكـ ويجي من ينسف كل هالجهد ويطيرهـ بمهب الريح وانت ساكت لهـ ما تتحركـ ولا توقف بوجههـ وتخليهـ يعرف إنكـ لو يصير اللي يصير ما رح تخليهـ يطير جهدكـ ع الفاضي ؟!!!!!!! ~ فـ عشان كذا أنا من أشد المطالبين برحيل هالإدارهـ لأن صمتها يقتلنا ويقتل أمالنا وطموحتنا معاهـ =( ~ بالتوفيق إن شاء اللهـ ،، وشكرا لكـ ~ |
حبيبي اذا بتحط الهزيمة ان نيفيز مو جاهز للمباراة هذا مو عذر ولا عدم احتساب البلنتي عذر الهلال هجمتين تروع في الشوط الأول الفاول حق الشلهوب وتسديدة ناصر اللي ضربت في القائم واخرهم حقت سكوتر قصدي نيفيز اللي سحب وسحب على اساس انه روماريو واخرتها راحت والأمير عبد الرحمن بن مساعد ماقصر مع الفرق ودفع وصرف على النادي وهذا شي طبيعي لأنه رئيس النادي واذا ماهو قد الدفع لايرأس أكبر نادي آسيوي وفي عهد الأمير عبد الرحمن بن مساعد صار الـهـلال سور ضعيف الكل يتكلم على النادي والكل يتكلم عن رموزه ولاعبين الفريق والكل يقل ادبه علينا وهـو ساكت ومركز إعلامي أي كلام ونائب رئيس وسامحوني في الكلمة هذي (( عربجي )) يعني الوضع حوسه والفريق منتهي ومدرب الى الآن فاشل وش تتوقع من الجماهير انها تتطبل للإدارة وتقول مشكورين على ال7 بطولات اللي حققتوها واللي ضاعت كثرها الهـلال مايعتمد على شخص معين اذا الإدارة ماهي قادرة انها توقف مع الفريق فلترحل ولهم جزيل الشكر رئيس نادي نص الموسم مسافر والنائب موقوف وش ترتجون ....؟؟؟ |
بلاش تطبيل مزيف. خلاص. إذا الإدارة ترغب في تكملة الكرسي الهزاز عليها تثبيته بلاعبي الأولمبي لابد من المغامرة والمجازفة. راهنا على المتردية والنطيحة. من فضلات الأندية الاخري ولم تشبعنا. نريد أن نأكل بأيدينا. بأيدي أبناء النادي. خلص الكلام. ولخصوا مطالبكم. في دعم دكة الاحتياط بأن نشاهدهم. من مبارة. هجر. بالتوفيق. للجميع. |
ما زلت اقول انه ظروف مباراة النصر تحديداً لم تكن مثاليه حتى في توقيتها ، فالفريق مرهق أسيوياً ومرهق خليجياً ثم محلياً + إصابات + لعب مباراة التعاون قبل مباراة النصر بيومين وقبلها لعب مع الإتحاد وبذل مجهود بدني كبير ، بينما فريق النصر مرتاح لابطوله أسيويه ، ولا لعيبته لعبو في كاس الخليج + ليس لديهم اصابات ، ومع كل ذلك الهلال لم يكن سيء وأضاع في الشوط الأول كما قلت هدفين لم تكتب لنا ، والثالث بلنتي لم يحسبه الحكم . أتمنى عدم أخذ مباراة النصر مقياس لأن ظرفها ووقتها غير مناسبين . ولكن الشيء المهم اللي لازم الواحد يوقف عنده انه أين البديل الجاهز في الفريق وأين تدوير اللاعبين !!!! |
الادارة بينت للناس انها استثماريه من الطراز الاول ومهزوزه وكثيرة الوعود وقليلت الوفاء |
ما فيه عاقل ينكر الجهد الكبير اللي بذله ابو فيصل ولكنه للأسف جهد أغلبه على الفاضي بصمة أي رئيس تظهر بتعاقداته واللي بدورها يتحصل على البطولات بإذن الله .. ابو فيصل موسم واحد استثنائي بمعنى الكلمة 2010 مع قريتس ومع الرباعي الأجنبي ( لي يونغ الظهير .. رادوي .. ويلي .. نيفيز ) غير كذا كله تخبط في تخبط .. وذكرنا أكثر من مره بأن ابو فيصل لا يفقه بالكره شيء وهذا ما هو عيب العيب إنك تعطي الصلاحيات لواحد يدمر الفريق وانت تتفرج عليه .. ياخي هات لك ثلاثة لعيبه سابقين بالهلال و مخلصين للنادي من أمثال صالح النعيمة وسامي ونواف التمياط والثنيان وابوثنين وخلهم هم اللي يحددون خانة اللاعبين الأجانب والمدرب يجي يلقى الفريق جاهز وإذا لاحظ عليه أي قصور في جانب يتم التشاور مع الجهه الفنية مع اللاعبين اللي تم اختيارهم وإذا وافقوا على رايه يتم التعاقد ..أما يجي مدرب ويتعاقد لحسابه الخاص وآخر شيء يفكر فيه الفريق هذا ما نرضاه نهائيا ... الفريق الآن يعاني من خانات واضحه وضوح الشمس وما تحتاج اختراعات ولا تحتاج إبعاد لاعبين مؤثرين في سبيل جلب لاعبين ما نعرف عنهم أي شيء سوى إنهم رومانيين وهذا بحد ذاته أكبر مصيبه ... |
إقتباس:
حقق 5 كأس ولي العهد من أصل 6 حقق 2 بطولة الدوري السعودي من أصل 6 حقق 1 كأس الأمير فيصل بن فهد من أصل 6 حقق 0 كأس الملك من أصل 6 حقق 0 دوري أبطال آسيا من أصل 6 |
و الله ابو فيصل ما يستأهل الي تسمونه صرف الغالي والنفيس وبعض الجماهير مثل الأطفال اذا سحبت منه المصاصه بكاء طيب انا سحبت المصاصه يمكن منتهي الصلاحية او معي نظيفة او ......... وهذا ينطبق على حالنا 7 بطولات وغيرنا ماعنده الا بطولتين ابوفيصل الله يوفقه يحتاج دعمنا الفريق ماشي صح واتركوكم من إعلاميين سامي سامي الله يوفقه راح والحين موجود ريجي يحتاج الوقوف معه والي معارض على المدرب ريجي و يريد تغييره هذا نفس غلطت الادارة يوم انها ما خلت سامي يكمل نرجع ونغلق الغلطة عشان يتشاتت الفريق ويستأنف الفقرويا |
انقاد البعض وانت الصادق خلف اعلام مضلل وبعض جمهور الفقر من الأقارب والأصدقاء والي بادين الطقطقه بدري لعدم ضمانهم استمرار الدفع الرباعي بعدما انتزعة المكينه مكينة الدفع من جذورها تبقى بعض أطرافها ومن السهل القضاء على ماتبقى وانا لوني من هؤلاء المتأثرين لقابلة حمقاتهم ضد الهلال ببرود مثلاً قالك الفقر بياخذ آسيا والدوري والكاس ووو أحلامهم طقطقو عليهم قولو ماجاب زعيم القرن بآسيا آسيا الموسم الماضي بغض النضر عن صفاقة الحكام تجيبونها انتم يالي ماقدرتو ع الدوري السعودي الا بمساعده جهاراً نهارا من يد دلهوم الي قلبها كرة طائره وكرة يد وسط صمت مطبق من الحكام بمباركة إتحاد الكره السابق وافتحولهم القوسين بأصابعكم (( المخلوع ))هههههههههههه وعطوهم هالمعلومه في آسيا ماراح يسمحولكم تقلبونها كرة طائره وكرة يد قالك العالميه صعبه قويه قله اي والله صعبه قويه بدليل أنه لم يصل لها من ممثلي الكره السعوديه من (( الملعب )) لا (( المكتب )) سوا فريقين الأول الهلال السعودي والغيت لإفلاس الشركه الراعيه والي كان وراءها من كان والثاني الإتي عام 2004والغيت ثم عام 2005 ولم تلغى اما عالمية الترشيح مانعترفبها ولم يعترف بها الفيفا بكبره بيقولون لك الفقر تأهل بعدما أحرز كأس الكؤوس الآسيويه عام98 ياكبرها كذبه يعني الي فاز بكاس اسيا عام 98 شارك في العالميه2000 طيب والي جاب كاس آسيا99 شارك في 2001مثلاً بتضيع علومهم باغتهم طيب انا عندي الدليل ان الهلال تأهل من الملعب والمذيع يبارك لرئيس الهلال في الملعب تأهل فريقه للعالميه وارسلهم هالرابط الدليل الواضح والصريح تاهل الهلال للعالميه - YouTube واكتمهم بطلبك منهم رابط تأهلهم من الملعب ومباركة الإعلام لهم في الملعب وقله في نهاية الطلب عيب هاه عيب |
مو معقول ننهزم من الجار وتطلع المطالبات باستقالة الإدارة !! كبروا عقولكم .. كنا نضحك عليهم السنوات الماضية واليوم طلعوا لنا ناس تبي الرئيس يمشي لأنه خسر قدامهم |
| الوقت المعتمد في المنتدى بتوقيت جرينتش +3.
الوقت الان » 09:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd