السلام عليكم ورحمه الله وبركاته
هارد لكم الثلاث نقاط يازعماء

مشكلتنا مو في المدرب بالعكس المدرب كويس دفاعنا اصبح قوي

مشكلتنا في الرئيس واللاعبين

الفريق محتاج لاعب وسط وهجومي اجنبي والرئيس جالس يتفرج والمصيبه يبغى الاسيويه والدوري


صدقني ياالامير الاسيويه والدوري مايجونك وانت الاجانب كلهم حاطهم دفاع


خسرنا ميزة الاجانب في خانة الدفاع على حساب الوسط والهجوم العقيم


اذا تبغى فريق لايقهر ياخي مايبغالها اشتري مدافع محلي بدال كواك


وبدال كواك يكون لاعب اسيوي مهاجم


ونغير نيفيز ويكون بداله لاعب وسط برازيلي


للاسف صارت الفرق تعرف لنا تخلينا نلعب وتقفل ومع مرور الوقت ينقلب الحال

ولو تطاوعوني نشيل كواك وديجاو ويكون بدالهم لاعبين مدافعين محليييين


ونستفيد من ميزة اللاعبين الاجانب في الوسط والهجوم وصدقوني وقتها نشوف فريق لايقهر



وربي انقهر لما اشوف فريق يبغى يحقق كاس اسيا والدوري وكل البطولات وكل اجانبه في خانة الدفاع والمحور معقول ماعندكم لاعبين محلييين تعتمدوا عليهم في هذي الخانه

تبغا الأسيويه اعمل سياسه التكديس بجلب ابرز اللاعبين المحليين
أي لاعب بارز ضمه للفريق

أنا معاك في كل اللي تقوله من تغيير كواك ونيفيز وحتى بنتلي
واختلف معاك في المدرب
المدرب عنده مشاكل شخصية وخصوصا من زوجته ومشاكلها
في الصحف الرومانية ما يمر يوم إلا وفيه مشكلة وشتم وتهجم
ذهن مدربنا مشغول معها الله لا يبلانا وما هو فاضي للفريق
شف تغييراته كلها في الدقيقة الستين وقراءة سيئة للمباراة
لو كان فاضي كان عرف قدرات لاعبيه ووظفهم توظيف جيد
بصراحة الكيان أكبر منه بكثير

اذا المدرب عنده مشاكل وين دور الاداره لازم تكلمه او تشوف غيره
التركيز مطلوب الدوري ما زال هناك متسع

انا معك في كل كلامك الا مسالة الهلال يشتري مدافع محلي الهلال عنده عبدالله الحافظ والله انه بمستوى اسامه هوساوي ويكفيك انه لعب بالبرتغال سنتين عطوه فرصة

ليه الدوري بنجيبه يعني ؟ خلاص طارت اطيور بارزاقها كل عام وانتوا بخير وسلمولي على الرئيس والرئيس الذهبي

الا اذا تبي العالميه بجد غيروو الرئيس ما ستفدنا الا هلال بلا هويه

شل كواك وجب مهاجم نجيب اهداف ويصير دفاعنا مخقه
بعدين شل نيفيز وجب دفاع يموت الوسط
وهكذا شل لاعب وجب لاعب على هالحال كنها لحاف ان غطيت راسك بانت رجليك وان غطيت رجليك بان راسك وهكذا

صدقوني ضحك علينا الاعلام المضاد وخلو ان دفاعنا سيء جدا وعشان كذا الهلال راح جلب مدافعين اجنبين ومحور اجنبي مع العالم ان كل الفرق دفاعاتهم سيئة ماهم احسن منا

بس هم جلبوا مدافع اجنبي واحد وبعضهم أمن دفاعه بلاعب محلي


لو الهلال ركز على لاعب القادسيه المدافع ولاعب الوحدة وجلبهم للهلال صدقوني راح نستغني عن المدافعين الاجانب


فيه مدافعين كويسين بالهلال محليين بس للاسف الهلال مايستغل وجودهم ومانعرف قيمتهم الا لما نعيرهم لانديه اخرى


الهلال اتذكر لما كان مدربهم العجلاني طيب الذكر عمل مؤتمر صحفي وقال فيه محتاج 11 لاعب غير اللاعبين اللي عندي وقتها كان الهلال ياخذ بالخمسة من الشارقة الاماراتي والاهلي السعودي ولما تمت اقالة العجلاني واتى مكانه باكيتا حقق الهلال ستة بطولات بنفس اللاعبين وقتها كان الدفاع المفرج والمرشدي والشريدة يعني المسالة مسالة تنظيم فقط ومشكلتنا كبرنا الموضوع في خانه الدفاع وجبنا لاعبينا اجانب





شاكر لكم على مروركم اللي اسعدني


بالتوفيق للهلال

للاسف نتكلم مع جدران ولا لنا ثلاث سنوات وحنا نطالب بصانع لعب وطرف اجنبي مساند للوسط يعني زي تياقو وويلي لكن ماحولك احد

سالم لاترجى منه شي لاعب سريع لكن ما يعرف يتصرف لاوصل للمرمى

واذا ع المدافعين عندك الحافظ وربي انه بطل يكفيك انه احترف برا وجاء ومسكوه الاولمبي الكوري من بداية الموسم وهو قنبله موقوته يجب التخلص منه

اذا تبي فريق لازم يكون مرعب في المقدمه الدفاع ماراح يجيب لك بطوله لو تفحط تفحيط المصيبه ماسكينا اقوى دفاع واقوى دفاع واخرتها ينرقع اخر المباراة

يعني لا انت اللي دافعت ولا هاجمت لكن عندك مدرب غبي وادارة لا تعليق الصراحه

ان كانهم يبون بطولات جيبوا مدرب نهجه هجومي الهلال طول مسيرته فريق يضرب بهجومه الخصوم ومحد يتجرأ مهاجمته الحين الاندية الصغيرة تسجل عليك بكل سهولة

اخر الكلام اذا بيتعدل نيفيز عليهم بابعاد كواك وبنتلي وجلب مهاجم وجناح مافي قلوبهم رحمه وان استمر على ماهو عليه ابعاده

وجلب عموري وصانع لعب ومهاجم ويبقى ديقاو في الدفاع هو الاجنبي الوحيد اللي يستحق البقاء

بالتوفيق للملكي

يعطيك العافية

الفريق يتكون من ثلاث عناصر
اداره
لاعبين
مدرب

واهم من ذلك صوت المحبين

هل يوجد هذا في الهلال

هذا انتم جمهور عاطفي اول ماينهزم الفريق بدل اوم التشكيله


ياحبيبي المشكله في مدربك الكمخه

لافي دفاع ولاهجوم ولا اي شي


صحيح يبغا لنا بعد الاضافات لكن هالفريق سجل فيه سامي العام الي راح اكبر كمية اهداف واقل كمية اهداف دخلت علينا في اسيا

الهلال فعلا
كواك لايحتاج نخسر مهاجم ع حساب الدفاع
والوسط لانستغني عن نفيز فنفيز الاميز
ونتفق ان راس الحربه هو الحاااااااجه

الزبدة شيل كواك و بينتلي و اعطي نيفيز فرصة اخيرة لنهاية الموسم

استقطب محور اسيوي قوي و مهاجم جلاااااااااد لاتيني مثل فيكتور سيموس

استقطب ظهير ايمن محلي و رجع الشهراني يسار

اعطي فرصة للدعيع و الحافظ بجانب ديقاو فهم صغار ف السن و يجب الاعتماد عليهم لانهم نجوم الهلال القادمين

عبداللطيف الغنام يوسف السالم محمد القرني عبدالعزيز الدوسري سلطان البيشي من العام الماضي والهلال لم يستفد منهم وماعمرهم دخلو في مباراة وعكسو النتيجه للهلال يكفي مجامله نسقوهم واجلبو افضل منهم