الي يطالب بتغيير المدرب واستقالة الرئيس غلط
 

السلام عليكم جميعاً
أولاً هلال سامي وهلال ريجي الي فات مات ولا نرجع للماضي وسامي مستحيل يرجع بعد ما الغي عقده ولن أقول طرد لا انه مدرب وباي لحظة يلغى عقده مثله مثل جميع مدربين العالم وجت خيره له هو بقطر ومرتاح من وجع الاعلام السعودي .

ريجي مدرب قدير وانا لا اطبل له رغم بعض الأخطاء الي يقع فيها مثل تغيير ناصر الشمراني الي ماله داعي يطلعه وحنا متأخرين بهدف لكن هذه نظرة مدرب لازم هو يفسرها يمكن ناصر مصاب او يعاني من شي والمدرب خاف يصاب ما احد يدري لازم الادارة تقعد معه واستفسر منه.

الفريق من ناحية اللياقة ممتاز لكن ياشباب الفريق مرهق من مشاركته في بطولة آسياء وكانت بقيت الفرق مرتاحة وبعدين دخلنا الدوري وشارك اغلب لاعيباتنا في كأس الخليج ورجع اللاعبين للدوري واكيد اللاعبين مرهقين

الي يطالب بتغيير المدرب الان غلط قدامنا كأس ولي العهد والدوري وتصفيات بطولة آسيا.

والي يقيس عدم فوزنا على الشباب والأهلي والاتحاد والنصر
لو رجعنا لشريط المباريات لوجدنا اننا كنّا الأفضل امام الشباب لكن الحظ خدم الشباب ،والاتحاد كنّا نحن الأفضل ولعب الحظ أمامنا ، ومبارك الأهلي كنّا متساويين في المستوى بسبب الإرهاق ،
والبارحة امام النصر كنّا الأفضل كورتين في القائم وضربة جزاء حرمنا منها والنصر للمعلومية كان مدافع ومسكر مناطقه لا انه كان يطمح للتعادل قبل نكبت الزوري .
فعلى اي أساس نحمل ريجي المسولية
نحتاج مهاجم بجانب الشمراني وهذا المهم والمدرب كان يلعب 541 لان ما في مهاجم مثل الشمراني

على العموم يجب الوقوف مع المدرب الان الى نهاية الموسم وبعدين نقيمه
والي يقول الدوري راح توى الناس حنا 23 نقطة والنصر 31 وعندنا مبارة مؤجلة لو فزنا نصير 26 ولا تنسون ان الشباب والأهلي والاتحاد فرق قوية وتنافس على الدوري والنصر ماراح يضمن جميع النقاط أمامهم مثل الموسم الماضي والدوري طويل وان شاء الله نأخذه .

وش الفايدة اننا الافضل
المدرب اكد لك انه امام الفرق الكبير يسقط وعقييييم
المدرب اثبت لك انه مايعرف يقرا المباريات
المدرب اثبت انه مايعرف يقرا الخصم
كفاية ياااو تطبيل ماضيعنا غير تطبيييلكم هذا ياااخي
ياااخي مانبغى اي بطولة السنة بس الادارة مع المدرب لابد ان ترحل انتهينا ياجماعة والله انتهينا نفسيا وصحيا وماديا ومعنويا
كفااااية طفح الكيل كفاية ادارة نايمة في العسل ومدرب بدون حسيب ولا رقيب
وتجي تقولي اخر السنة نحاسبها بعد ايش بعد مايلهف الفلوس ويطير لبلده ويروح الدوري والكاس واسيا
ارحموووونا كوووونو مع الحق ولو لمرة واحدة بلاش التطبيييل هذا
وللمعلومية كل اللي بيصير للهلال بسبب لعنة اقالة سامي والله ثم والله اني دعيت الله في الثلث الاخير من الليل بان الهلال لا يحقق اي بطولة بسبب الطريقة اللي اقالو فيها الجابر والقادم مذهل اكثر

السلام عليكم

حنا مشكلتنا في الجمهور اللي بلا ذاكرة وايضا الجمهور ضعيفين الذاكرة

ايام سامي كان الهلالي يعاني امام الفرق الصغيره وننهزم من الرائد ونتعادل مع الشعله وكل مباراه وبال ومصيبه علينا

مع ريجي اختلف الامر الفريق كله يلعب بتكتيك لكن ما نلوم ريجي على النتائج
لان ما عنده اسماء تلعب صح ولا دكة احتياط صاحيه
معتمد على سالم الدوسري والعابد

سالم الدوسري جهد سلبي وتسحيبات مالها مبررات
والشلهوب كثر خيره ما يقدر يعطي بالملعب بالعطاء القديم

انا اقترح عشان يتعدل الهلال نتخلص من كواك ومن بنتللي ونجيب مهاجمم صريح وقوي وصانع لعب مع نيفيز وبكذا الوسط راح يكون حريقه والدفاع ايضا بيكون جيد