|
العله و الحل ... ريحونا .. السلام عليكم باختصار وبصراحه انا فقدت الثقه في الهلال الحالي ... سابقا كنت اتسائل عن الاهداف التي ستدخل مرمى الخصم خمسه او اربعه لكن الان لااستطيع التأكد من فوز الهلال حتى الدقيقه صافرة الحكم ... اعتقد الخلل من المدرب واللاعبين والاداره لكن رايي الجزء الاكبر تتحمله الاداره ... لو تسال اي مشجع هلالي او حتى من المشجعين الكارهين للهلال ماذا ينقص الهلال ..!! لقال لك مهاجم اجنبي .. لاني طفشان واحس اننا دخلنا في طريق الاهلي والنصر ( طريق الضياع ) سابقا بالنسبه للنصر ومستمر بالنسبه للاهلي .. باتكلم بالعاميه .. ياادارة الهلال ترا العله معروفه والعلاج سهل مهاجم صريح راس حربه تقليدي .. مهاجم صندوق ... وصانع لعب المهاجم : سريع مهاري ويشوت ... مواصفات سهله ومتاحه صانع لعب : يقدر يوصل الكوره للمهاجمين بطريقه تخليه اهو والباب (assist ) اخر صناع لعب مرو على الهلال الشلهوب كماتشو التايب ... انا اتكلم عن صانع لعب الي هو assist الي يساعد المهاجم انه يسجل باسهل الطرق .. لو نسوي مقارنه بين كماتشو ونيفيز كماتشو يتفوق بسهوله ... كلهم يشوتون فاولات ويسجلون وان كان يتفوق نيفيز بشي بسيط .. لكن على مستوى صناعة الاهداف كماتشو يتفوق ... انا مااتكلم عن صناعه اثنين منفردين بمدافع .. لا ... الي اقصده تمريرة البينيه و اسقاط الكوره خلف المدافعين في رايي ان كماتشو يتفوق ... طبعا التايب يتفوق عليهم الاثنين لكن كمجهود وشوت نحتاج واحد زي كماتشو .. اكثر من 4 سنوات في كل مقابله مع الامير عبدالرحمن يقول جبنا هالمحور علشان يشوت ..وكذا .. وكذا .. ...!! تعاقدنا مع هالوسط لانه كذا وكذا ويشوت ..!! المحور اخر شي تفكر فيه الشوت يجي بعد المجهود وقطع الكور والسرعه الوسط الي هو صانع اللعب الشوت يجي بعد صناعة اللعب .. باختصار : ياسمو الامير لو تعاقدت مع مهاجم يسجل مااحتجت محور يشوت علشان يسجل شوفولنا محور محلي جنب كريري والفرج والقرني الي دفنتوه وعطو الفرصه للحافظ والدعيع هالسنه .. لاجبنا ابطال اسيا وشكل الدوري بيروح على الاقل خلونا نستفيد نطلع لاعبين ونعطيهم الثقه يمكن تظبط الامور .. اسف طولت عليكم لكن اخر مافي الخاطر باقوله وش سالفة هالدفاع الي ماراح نجيب بطوله الا بالدفاع القوي .. وذبحتونا ببيضة الديك اليونان جابت امم اوروبا بالدفاع اتلتكو وصل نهائي الابطال بالدفاع ... هذا كله استثناء مو قاعده نمشي عليها .. الي اشوفه انك تسجل اسهل لك من تحمي بابك من هدف الي ممكن يجي من بلنتي او حتى حارسك ممكن يسجل في في بابه .. طيب استقبلت هدف كيف بتسجل وانت ماعندك مهاجم هداف ..!! طول ماانت قادر تسجل ماعندك مشكله ... اي فريق صغير او كبير عنده فرصه يسجل فيك لو دفاعك هيرو ومالديني . وبعدين شوفولنا حل في موضوع التسريبات .. كنا زمان ماندري وش يصير في هالنادي من سلبيات بين الادراه واللاعبين واعضاء شرف .. الحين النادي كانه حوض سمك تشوف الي داخله من كل جهه .. هذا الي في الخاطر حاليا .. ( الصدق في خاطري اكثر بس ماودي اخربها .. رجعو الثقه وتصرفو بحكمه ) |
برأيي ان ريجي جيد لكن المشكلة ان الادارة لاتريد ان تناقشه في بعض الاخطاء خاصة في التغييرات الادارة لاتناقش المدربين سواءً ريجي او من سبقه وهذه مشكلة ان نرى أخطاء ونسكت وكأنه جاء من الله بخبر بالأمس تغييرات ريجي سيئة لكن اللاعبون أيضاً كانوا يميلون للاستعراض كعادتهم وبعد تسجيل النصر لهدفه تسابق لاعبو الهلال ليعيشوا دور المنقذ فكل لاعب يمسك الكورة وينطلق يراوغ الحاله نيفيز للأسف يرى نفسه أكبر من الهلال وتزل رتم الفريق بنزوله وتعودنا ان يغيب في المباريات الكبيرة وللأسف انه عندما غاب حققنا ست نقاط وست اهداف |
بعيدا عن الامور العاطفيه و الانفعاليه الوقتيه من وجهة نظري الخاصه والتي يتفق معي فيها الكثير فإن هذا المدرب مدرب قدير ومتمكن حيث ان فريق الهلال منذو قدوم هذا المدرب والفريق يفرض شخصيته على الفريق المقابل ويكون متحكم في سير المباراة.والكل يتذكر مباراة سدني في استراليا حيث لعب الهلال واحدة من اجمل مبارياته خارج ارضه وقزم الفريق الاسترالي بطل اسيا. إذن اين تكمن المشكلة ؟؟؟!!! كما هو معروف فإن التشخيص الصحيح هو نصف العلاج ووصف العلاج المناسب هو النصف المتبقي لحل المشكلة : تشخيص المشكلة : عدم وجود صانع ألعاب عـــــلاج المشكلة : لاعب صانع ألعاب متميز من عينه كماتشو والتائب وفالديفيا وعموري |
زيزوم ... بعيدا عن الامور العاطفيه و الانفعاليه الوقتيه اذا تقصدني بالعاطفي ... ارجع لمشاركاتي ماراح تحصل اني كتبت اي شيئ بعد مباراة سيدني وهي نهائي اسيا .. لكن تكلمت بعد ماشفت ان الفريق يتجه للضياع بدون مبالغه .. ولكن اتفقت معي بحاجتنا لصانع لعب عذب السجايا .. اتفقت معي بان المشكله في الاداراه شكرا لمشاركتكم .. |
الله يعطيكم العافية وبالتوفيق للزعيم الملكي |
لو المسألة مسألة جب لاعب وسرح لاعب وتتحسن الأمور كان الأهلي والنصر رجعوا من زمان النصر تعاقد مع مدربين كويسين افضل من أخر سنتين ومع ذلك لم ينجح لأن العمل الإداري والسماح للمخربين بالتدخل يضيع الفريق نحن على خطاهم ..... إدارة لايوجد فيها متخصص فني خبير رئيس أعضاء شرف على فكر قديم والنتاج تشاهده في الفئات السنية وعنده جيش من الإعلاميين الآن بدأوا ينتقدون المدرب لأجل إخراج عضو الشرف من المسؤولية !! ترى تبين لنا أن الهلال أكبر منهم بكثير وأننا خدعنا بهم وأن من رحلوا من رجالات الهلال كانوا محافظين على الوضع قبل رحيلهم نحن داخلين على 2015 وناديك حتى موقع الكتروني محترم مثل أندية شرق آسيا وأوروبا وأمريكا الجنوبية متجر ألكتروني - أسعار معقولة بمتجر الهلال - منشآت لقطاع الفئات السنية يتكلم عن الإستثمار مع أن بإمكانه يجيب بطرق أسرع وأكثر فائدة وتجارب من حولنا تثبت ذلك فالنهج الإداري إذا ضبطته ما بعده يتعدل |
خذ مني حديث العقل المدرب اكد لك انه امام الفرق الكبير يسقط وعقييييم المدرب اثبت لك انه مايعرف يقرا المباريات المدرب اثبت انه مايعرف يقرا الخصم كفاية ياااو تطبيل ماضيعنا غير تطبيييلكم هذا ياااخي ياااخي مانبغى اي بطولة السنة بس الادارة مع المدرب لابد ان ترحل انتهينا ياجماعة والله انتهينا نفسيا وصحيا وماديا ومعنويا كفااااية طفح الكيل كفاية ادارة نايمة في العسل ومدرب بدون حسيب ولا رقيب وتجي تقولي اخر السنة نحاسبها بعد ايش بعد مايلهف الفلوس ويطير لبلده ويروح الدوري والكاس واسيا ارحموووونا كوووونو مع الحق ولو لمرة واحدة بلاش التطبيييل هذا وللمعلومية كل اللي بيصير للهلال بسبب لعنة اقالة سامي والله ثم والله اني دعيت الله في الثلث الاخير من الليل بان الهلال لا يحقق اي بطولة بسبب الطريقة اللي اقالو فيها الجابر والقادم مذهل اكثر |
الاداره سبب رئيسي بعدم الوقوف كما قلت وهذا العقل واما العضو صاروخ اقوله وش اللي فريق بين اهلي العام وهالسنه ؟ اليس راس الحربه هو العلامه الفارقه ؟ هذا مثال واقعي ،! الهلال زي ماقال منخفض جوي يحتاج راس حربه داخل الصندوق كم لنا سنه كور تفتقد بعد ياسر لقنصها كم كورنر للهلال منذ سنتين لانستفيد منها اخونا منخفض صح نبي مهاجم راس حربه الشمراني اتابعه البارح لقيته يرمي اوت ؟ تعقل هذي |
| الوقت المعتمد في المنتدى بتوقيت جرينتش +3.
الوقت الان » 03:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd