|
إقالة ريجي...ورحيل ابن مساعد....الحل..!! السلام عليكم ورحمة الله وبركاته بعد كل هزه للفريق وبعد كل عثره تظهر الجماهير مطالبه بإقالة مدرب ورحيل اداره ولو قسنا ذلك على كل تعثر للفريق لأشرف 30 مدرب في الموسم و6 اداراة..!! المنطق يقول لكل مشكله حل وليس لكل مشكله هرووب... الفريق بكل مباراة يقدم مستوى لكن يعيب عليه التسجيل وايضا سوء الطالع ولو كان الهلال يكسب بدون مستويات لطلبة الجماهير إقالة للمدرب لعدم ظهور الفريق بالمستوى المطلوب لكل مباراة. عناصريا هي حل لـ70% من المشاكل في فترة الانتقالات الشتويه أي بعد مباراتين والتوقف لكأس اسيا واعادة ترتيب الاوراق والعوده مره اخرى لركض في ماتبقى من منافسات للموسم وجلب لاعبين اجانب لهم قيمه داخل الملعب قد يتغير الفريق بشكل كبير.. بعض العينات تحاول زرع مشاكل بين الجماهير والاداره وايضا الضغط على اللاعبين بكل مباراة وتحاول ان تسبب خلل وثغره كبيره تبعد الجماهير عن الاداره وتزيد من الشحن بين الطرفين فإن نجحوا بذلك فالهلال هو الخاسر الاكبر. المهم والاهم هو الاستمرار في دعم الفريق وان لاتكون اي عثره هي سبب لتكون مشكله كبرى بل تكون دافع قوي لدعم اقوى بكل مباراة وبكل منافسه... جماهير الهلال انتم اوعى من اي جماهير اخرى في جهات معينه تحاول ان تطيح بفريقكم وتحاول زرع الفتن وايضا تسعد بذلك فلاتكونوا انتم البوابه الكبرى التي يدخلون منها,,كونوا جداراً قوياً لنادي ولاتسمحوا لأي كان ان يؤثر عليكم وحتى لو خسر الفريق مباراة او اكثر. نهاية الموسم لكم الحريه في طرح وانتقاد لكن بعقلانيه من اجل ان نجد للمشكله حل.. القادم اجمل ياهلال وبإذن الله نفرح جميعاً في منصات الذهب. |
أنا ضد إقالهـ ريجي لأن بشكل عام الهلال محتاج الإستقرار ع مدرب واحد ع الأقل لمدهـ موسمين !! ~ وريجي رغم إنني مب راضيهـ ع أدائهـ ومعطياتهـ بالفريق إلى الآن إلا إن من وجههـ نظري من حقهـ نصبر عليهـ لين نهايهـ الموسم ع الأقل ونشوف وقتها تحسن ولا لا !! ~ لكن مع وبقوووووهـ إقالهـ الرئيس ،، لأنهـ أخذ فرصتهـ وزيادهـ ~ كل مرهـ يضحكـ علينا بكم تصريح لـ إمتصاص الغضب الجماهيري وبعدها يرجع الحال كما كان وأسوء !!! ~ أنا كل اللي أتمناهـ فققققققط لو لمرهـ وحدهـ بسسسس يورنا أفعال لهالتصاريح مب كلها كلام في كلام ~ وين اللي قال نهايهـ الموسم الماضي مارح نسمح لتكرار مهازل التحكيم وان حدثت رح يأخذ حق الهلال بالكامل !! الهلال إنظلم في نهائي آسيا وبشهادهـ الجميع وأولهم المنافسين والحكم نفسهـ ،، وما شفنا الرئيس تحركـ بشيء ؟!!!! ~ الهلال خسر كم بطولهـ محلياً كل موسم بسبب كوارث التحكيم وآخرها أمس الدوري طااااار والسبب الرئيسي كوارث التحكيم " طبعا في أخطاء من المدرب واللاعبين لكن قصدي الحكم تكرر أخطائهـ " والرئيس ساكت ؟!!! ~ الرئيس كل مرهـ يصرح بأنهـ رح يحافظ ع حقوق الهلال وما رح يسمح لمين ما كان يتمادى عليهـ ونشوف هم ما شاء اللهـ يلعبون ويحبون خشوم كل من يتطاول ع الهلال !!! إن تم التجديد لهالإدارهـ مصيبهـ وما أعتقد الجمهور الهلالي رح يسكت ويتحملها نهائيا ،، شكرًا لكـ ~ |
انا مع اقاله ريجي وعوده سامي لانضحك علی نفوسنا ونمجد ريجي فلو كان هذا الفشل مع سامي لأقمنا المشانق الحقيقه تقال ريجي دمر مابناه سامي وعوده سامي هي عوده الهلال العظيم وعوده الروح وعوده الجماهير رضيتم ام ابيتم |
الانتقالات الشتويه استبدال كواك او بنتلي بصانع لعب سريع شاب يجيد التمريرات الصحيحه و المهارات و الثابتات كعموري او بدر المطوع و نيفيز بمهاجم هداف لايرحم امام المرمى كفيكتور او جيان اعطاء الفرصه للاعبين الاحتياط في مباراة هجر كسلطان الدعيع بجانب ديغاو او احمد شراحيلي بجانب ديغاو بديل للزوري المطرود بعبدالاله الفضل اوسلمان الفرج بديل لناصر الموقوف بيوسف السالم بديل لبنتلي ب عبدالله عطيف بجانب سعود كريري بديل للسديري بفهد الثنيان حمد الحمد بديلا لسالم المرهق عزوز بديلا لنواف تبون بطولات : * اعطاء الفرصه للاحتياط و جلب مهاجم وصانع لعب * تغير الاداراه كامله برئيس شاب رياضي اتمنى حسن الناقور اما رئيس او نائب وبديل للمفرج اتمنى نواف التمياط |
الحل استقالة بن مساعد واعضاء الشرف المعروفين وهم ثلاثة واسناد التدريب الى عبدالعزيز الخالد ولجنه استشاريه من اللاعبين السابقين كصالح النعيمه يوسف الثنيان ممكن الاستعانه بلاعبين من خارج النادي كمحمد عبدالجواد يوسف خميس خالد الشنيف مهمتهم مناقشة المدرب في اختيار اللاعبين وغيره من الامور الفنيه ليس لرئيس النادي او اعضاء الشرف الحق في التدخل في عمل المدرب او اللجنه |
إقتباس:
والله ان مستواه بان من مباراة الاهلي وبعدها السد والعين مدري ع مين تلعبون انتم الا بالقوه ينجح طبعا هذي امنية اعضاء الشرف اللي جابوه لكن ماراح ينجح بالعكس كل ما استمر كل مالفريق بانحدار لذلك اقالته حل لابد منه فيه مدربين كان الفريق معاهم متصدر وتمت اقالتهم لعدم وجود مستوى فما بالك لا مستوى ولا نتائج اسوء مدرب مر ع الهلال المصيبه انك تشوف مدح له مدري احنا نشوف شي ثاني ولا كيف على الادارة انها تتلاحق ما تبقى من بطولات الموسم وتجيب مدرب عليه القيمه مدرب لايهاب احد مدرب هجومي هجومي فريقنا نهجه هجومي مو بحاجة مدرب يكتفه بالدفاع حرام عليكم كرهتونا بشوفة الفريق من مستوياته السيئه هجوم عقيم ودفاع يأكل اهداف اخر المباراة وتجيك مجموعه المدرب اوجد دفاع قوي اي دفاع قوي هو نفسه اللي ختم الموسم اللي فات لكن بالمقابل كان امامه هجوم مرعب حال الفريق يرثى له اربعه مباريات امام الاندية الكبيرة ما تسجل وربي انها كارثه ما تبقي المدرب دقيقه كم سجلنا في الاتحاد والشباب والنصر العام الماضي عشان تعرفون ان المدرب مستحيل ينجح بالتوفيق للهلال هذا كل اللي نقدر عليه |
فعلا لانضحك على انفسنا المدرب هجوميا صفر ودفاعيا بوجود ديغاو المتميز لن يسجل فينا اهداف كثيرة المدرب باختصار جبان وشاهدنا تضييع النقاط امام فرق مستويات لاعبينها اقل من الهلال |
[SIZE="6"]مع احترامي وتقديري لرايك ايش تعدل وايش تبدل رأيسك عبدالرحمن بن مساعد ماهو يمك بباريس اذا كان مريض اسال الله العظيم ان يشفيه بس خلاص يروح يشوف له شغلة ثانية غير الهلال صار حكم اعدام للهلال قدم للهلال في البداية عمل ممتاز ولكن بعد فترة وخاصة بعد قرتس ضاع الهلال بين رئيس في سفريات (( سواء سياحة او علاج ما هو موضوعنا )) وبين المدربين السباكين عبدالرحمن بن مساعد والله يرحم والديك ارحل ،،،،،،، ارحل ،،،،،،،،، ارحل [/SIZ |
هذي دعوة مظلوم على الهلال |
ماذا نريد منه أن يعمل يعني يلبس البوت وينزل يسجل الهلال الآن يمتلك عناصر جيدة ولكن نفتقد الحظ وعدم التوفيق آخرها مباراة الأمس كورة في القائم وكورة في العارضة وبلنتي غير محتسب يعني حرام نحط كل شيء على الرئيس يا ليت نوقف معاه فهو في أمس الحاجة للجمهور في الوقت الحالي ووقفته أما تغيير الرئيس أو المطالبة بإستقالته وتغيير المدرب كل هذا ليس لصالح الزعيم |
خذ مني حديث العقل المدرب اكد لك انه امام الفرق الكبير يسقط وعقييييم المدرب اثبت لك انه مايعرف يقرا المباريات المدرب اثبت انه مايعرف يقرا الخصم كفاية ياااو تطبيل ماضيعنا غير تطبيييلكم هذا ياااخي ياااخي مانبغى اي بطولة السنة بس الادارة مع المدرب لابد ان ترحل انتهينا ياجماعة والله انتهينا نفسيا وصحيا وماديا ومعنويا كفااااية طفح الكيل كفاية ادارة نايمة في العسل ومدرب بدون حسيب ولا رقيب وتجي تقولي اخر السنة نحاسبها بعد ايش بعد مايلهف الفلوس ويطير لبلده ويروح الدوري والكاس واسيا ارحموووونا كوووونو مع الحق ولو لمرة واحدة بلاش التطبيييل هذا وللمعلومية كل اللي بيصير للهلال بسبب لعنة اقالة سامي والله ثم والله اني دعيت الله في الثلث الاخير من الليل بان الهلال لا يحقق اي بطولة بسبب الطريقة اللي اقالو فيها الجابر والقادم مذهل اكثر |
إقتباس:
مانبيه يلبس بوت ولا شيئ كل الي نبي انه يرحل يرييح ويستريح الان ما هو يقول انه يدفع ملايين ويخسر من جيبه الخااص خلاص حنا نبي نريحه من الخساير ويريحنا حنا من الخسائر المتوالية لذا تكفى طلبتك يا ابن مساعد ارررررررررررررررررررررحل |
| الوقت المعتمد في المنتدى بتوقيت جرينتش +3.
الوقت الان » 06:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd