|
بخصوص متجر الهلال والسلع الموجوده السلام عليكم ورحمه الله وبركاته قبل اتكلم عن الموضوع بصراحه احترت انزله في اي قسم " لكن شفت هالقسم هو الانسب من ناحيه التفاعل الجماهيري ،، موضوعي هو باختصار عن متجر نادي الهلال والسلع اللي يقدمها للمشجع الهلالي بأسم وقيمه شعار نادي الهلال الغالي على قلوبنا"" من فتره طويله وانا متابع منتجات المتجر اللي بوجهه نظري اشوفها متواضعه جدا ولا فيها تجديد والاغلب فيها صناعه صينيه مقارنه بالاسعار الخياليه اللي توضع كـ قيمه لسلعه انا مع اي سعر يكون موجود بالمتجر حتى لو كان غالي بس بالمقابل اخذ شي يسوى ويستاهل واضمن جودته واستخدامه افضل من اني اروح ابحث عنه بالمحلات الرياضيه الثانيه" وبكذا اقدر استفيد وافيد بنفس الوقت واقدم دعمي للنادي بهالطريقه"" :: بس مسأله المبالغه على حساب شعار النادي بالنسبه لي اشوفها استخفاف بالمشجع الهلالي وعدم احترامه واكيد الكل شاف اسعار الايفون 6 الاخيره اللي نزلوها بالمتجر بشعار نادي الهلال شي مبالغ فيه بزياده '' وللاسف فيه استغلال لشعار الهلال بالمنتجات بشكل فضيع للمشجع الهلالي اكيد بيجي احد بيقول اذا ماتبي لا تاخذ ولا احد جابرك" بس انا ارجع واقول مع اي سعر يوضع بس بالمقابل شي يسوى وله قيمته اتمنى هالشيى يوصل للاداره المسوؤله عن متجر الهلال وينتبهون للنقطه هذي00 اعتذر عن تنسيق الموضوع لاني داخل من جوال ونهايه الموضوع كل ماكتب اعلاه يمثل وجهه نظر عليك ان تتقبلها او ترفضها |
انا امثل غلاء الاسعار مقابل ( ردائة الجوده) بالمدرب السباك ريجي سعره. غالي وشغله وجودته ( صيني) |
انا اتفق معك في كل كلمه كلنا نبي مصلحة النادي بس بكل امانه اسعار الايفون الاخيره مبالغ فيها جدا معقوله اشري جوال 6000الاف ريال سلامات |
يذكرون بتاجرات الانستقرام أهلك يريدون سلعة من تاجرة!! وتلقها بالسوق بسعر وعند التاجرة ضعفين إلى 3 البحث عن كسب سريع وتجاهل بناء علاقة مع الجماهير !! يعني خسارة !! مع أننا أكثر جماهير !! هذا دليل على أن القائمين على التسويق والمبيعات إما جهة ثالثة تستغل وتريد تكسب كوسيط استثماري وهذا شاهدناه في التذاكر أو ما عندك أحد !! اعتقد من يدير المتجر شركة صلة ورئيسها البراهيم (النصراوي)!! على حسب معلوماتي المتواضعة لا تحتاج وسطاء بقدر كفاءات تسويقية ومتخصصة بمجال المبيعات وتشتغل صح !! وتعمل تحت مظلة إدارة النادي !! ترى يقدر النادي يشتري جوال ايفون جملة من الوكيل الحصري وتشترط عليه تكون السلعة مصمم عليها شعار الهلال إما أزرق أو أبيض أو أي لون وتكون في المتاجر الرئيسية فقط أو متجر الهلال أو النت !! وبنفس سعر الأيفون الجديد في السوق ....!! لكن كل شيء صار بالنادي يمشي بالمقلوب وأسهل ما يمكن عمله ...يصعبونه وأي فرصة أو معطى يفيد النادي..لا يستغلونها ليس هذا هو الهلال |
عندي استفسار بخصوص المتجر .. ابغى اشتري تي شيرت للهلال وابي اركب عليه رقم واسم من المتجر كم سععره .؟؟ ي ليت تفيدوناا |
شوف الفرق بين متجرنا ومتجر الجار وقريبا بيطلقون الشراء الإلكتروني واحنا لسه بالسلع القديمه من ملابس والخ |
الله يعطيك العافية وبالتوفيق للزعيم الملكي |
إقتباس:
شكل ريجي ناشب لك:s2: |
يعطيكم الف عافيه وفعلا احنا محتاجين خدمه الشراء الالكتروني بهالوقت مع التطور اللي صاير كل التوفيق للزعيم يارب |
| الوقت المعتمد في المنتدى بتوقيت جرينتش +3.
الوقت الان » 03:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd