|
لن يكون سامي المنقذ ولا الافضل ....ريجي سيكون البطل نهاية الموسم...!! السلام عليكم ورحمة الله وبركاته الجماهير منذ انطلاقة نهاية مباراة الاتحاد بررت عن غضبها بأن المدرب لا يخدم الهلال ابدا من جميع النواحي ومن الافضل البحث عن بديل او ارجاع سامي..!! في الموسم الماضي الهلال كان يكسب بمجهود لاعبين ومباريات سامي التكتيكيه قليله جدا بل لا تتعدى 3 مباريات من موسم كامل والباقي كان من مجهود لاعبين : ناصر هداف ونيفيز خلفه وهبوط مستوى اللاعبين ايضا ليس لريجي علاقه به ابدا بل هي مرحله تمر بحياة كل لاعب وهذا الامر طبيعي جدا وليس مقياس على وجود هذا المدرب او الاخر. الهلال لم يسجل من 4 مباريات سيدني ذهابا خسر الهلال 1-0 ايابا 0-0 الشباب خسر 1-0 الاتحاد 0-0 تستطيع ان تسترجع ذكريات المباريات وان تثبت ان الهلال كان الافضل من الجميع تكتيكيا وتنظيميا في جميع تلك المباريات ,,, اختفى من الهلال الحظ واللمسه الاخيره فقط. حاجة الهلال المقبله مهاجم ينهي الفرص بديلا عن بينتلي (وجهة نظري المتواضعه) لاعبين الهلال الاكثر احباطا في هذه الفتره خسروا نهائي اسيا وكان واضح التأثير على اللاعبين وخاصه الفرج-ياسر-العابد-سالم-ناصر-ديقاو وبقية اللاعبين بعد ذلك بطولة خليجي22 وخسارة النهائي والبطوله ولاحظنا تأثر اللاعبين سالم ونواف العابد والفرج بعد المباراة. اذا كنت انت كمشجع محبط بعد خسارة نهائي اسيا فما بالك بلاعب وضغوط وداخل المستطيل الاخضر وجمهور يساند واداره تطالبك وغيرها من تلك الامور. في الاول والاخير اللاعبون بشر وتأثر في نفسياتهم تلك الكبوات بالشكل الكبير. والهلال ايضا ليس بالفريق السهل مثل بقية الفرق خسر الاتحاد نهائي اسيا وهبط محليا هبوط حاد ويقاس عليها بقية الفرق اما الهلال فهو يعود ثم يعود ثم يعود للامجاد بأسرع وقت وبأصعب الطرق فقط لأنه الهلال وكبريائه. نحتاج فقط ترتيب الاوراق ومؤازرة الفريق في 5 مباريات ثقيله قادمه قبل التوقف نبتعد عن النقد الجارح - نبتعد عن السب والشتم- نبعد الاعبين عن اي ضغوط ونعيش مرحله جديده زاهره بالذهب. والناحية الايجابيه تكون اهلن بالمؤازره- اهلن بالتشجيع- اهلن بملئ المدرجات وتحفيز اللاعبين. اراهن على ريجي بأنه سيكون الافضل والاقوى نهاية الموسم وبأنه سيسعد الجماهير كثيرا مع بقية اللاعبين. مباراة الرائد هي القادمه انتقد المشجع الذي لا يحضر للمدرجات فقط ونبدأ حملات تعبئة المدرجات في ملاعب المملكة وليس فقط ملاعب الرياض. |
اه بس وينك ياابو عبدالله لاتقولي ريجي اللاعبين مع سامي حماس وروح ومع ريجي الهلال اخر خمس مباريات مايسجل |
اخوي والله الهلال سيئ والله الهلال مريض وين الادارة الفاشله عن زعيمنا رجعوا بندر بن محمد واطردوا امير الاستثمار . وينه الحين اكيد بتلقاه يتمشى ويصيف بعقود ال 15 شركه الجديدة قتل قدرة الشمراني التهديفيه |
إقتباس:
ليه الهلال العام الماضي سجل أكثر من 40% من أهدافه بعد الدقيقة 70 ؟؟ يا ليت تتحفني برأيك بما أنك ما شاء الله عليك دقيق وتقول 3 مباريات من موسم كامل كانت تكتيكية |
هههههههههههههههههههههههههههه ضحكتني مع إن وضع الهلال ما يسر الصديق |
اخوي انا معاك بإن الوقفه ضروريه خصوصاً بعد احباط اغلب اللاعبين لكن خير الكلام ما قل و دلّ ، انت تقول ان الهلال الموسم الي راح لا يوجد فيه تكتيك الا ثلاث مباريات... طيب .. انا مابي تكتيك و لا ابي انظباطيه عطني نتيجه و خذ التكتيك الهلال اخر خمس مباريات لا يوجد فيه لا اجتهادات لاعبين و لا تكتيك في الثلث الهجومي لكن بأسألك سؤال على اي اسآس تبني مراهنتك بأن المدرب سيكون بطل...! يكون بطل و هو مصرّ على وضع نيفيز على الدائره..! يكون بطل و هو مصرّ على اللعب بمهاجم واحد..! يكون بطل و هو يتخبط بتبديلاته باخراج مهاجم و ادخال مهاجم في مباريات تحتاج اللعب بمهاجمين..! انا الي باراهنك ان المدرب بيكون بطل الموسم بالمغادره باكثر المدربين رأس مال و اكثرهم دهوره بالفريق.. و الايام تثبت ذلك.. اشكر لك طرحك ، و لك ودي و احترامي.. |
انا اشوف انك تنتقد سامي .. سامي استلم الفريق وضبطه باستقطاب لاعبين وحماس ورح ريجي استلم الفريق جاهز ولا وضح عليه اي شي .. سامي اخر سبع مباريات افضل بكثير من ريجي ويفوز بالاربعه والخمسه ريجي ننتظر هدف ولو بالشفقه ونختلق الاعذار الواهيه |
إقتباس:
ريجي الان ببداية العام اذا انتهى العام عطيتك رأيي. |
عليكم السلام ورحمة الله وبركاته باختصار شديد ريجي يعبث بالنادي جاي يجمع اكبر قدر ممكن من الهدايا والفلوس سمعت طرطشة كلام إنه مو مقتنع بديغاو وناوي يطيره ويقترح على الإدارة لاعب روماني هذا وش قاعد يسوي بالله ؟ بيتوركا مدرب الاتحاد جا بعده ونجح كبداية بوضع الاتحاد على الطريق الصحيح النصر جاب مدرب بعده وبدت ملامحه مع الفريق يارب ياكريم مانطرده على فضيحة تاريخية للهلال إبعاد سامي خطأ كبير والحل بالاعتراف بالخطأ وإعادته |
اللاعبين ياعزيزي نفسهم ماتغيرو وانت تقول بمجهود اللاعبين واقصيت دور المدرب سامي والان ريجي ( الخواجه) استلم الفريق من قبل استئناف بطولة اسيا بشهرين فماذا فعل واين مجهود اللاعبين اذا كان فوزهم العام الماضي ووصولهم الى دور ال٨ بالاربعات والخمسات اين هم هذا الموسم واين مجهودهم !!! ارجوكم واستحلفكم بالله ارحمو عقولنا |
طبل يامطبل شح في التهديف ونزيف في النقاط والاخ كاتب الموضوع جاي يقلنا الانضباط التكتيكي سيدني طار بالاسيوية وقاعدين نصارع الان على المركز الرابع في الدوري والاخ معجب بداهية الانضباط التكتيكي خل الانضباط التكتيكي ياخذه معاه في شنطته في اقرب رحلة مغادرة الى رومانيا وبدون عودة باذن الله |
المدرب ليس بذلك السوء مثل كمبواريه و توماس دول و ليس بالمدرب الخارق مثل جيرتس و كوزمين و باكيتا المدرب من وجهة نظري متوسط المستوى و يجب اعطاءه الفرصة كاملة لنهاية الموسم و نحكم عليه بعدها اذا هو من السيئين او من الخارقين ( مهااااااااجم اجنبي ضروري ) |
اي مهاجم اجنبي انا اقسم لو جعلت الفريق كله مهاجمين لن يجدي لان ( الخواجه الاشقر) مدرب دفاااااعي وليس هجومي |
إقتباس:
سبحان الله تطالبو باعطاء الفرصة كاملة لمن دهور الفريق ولمن اضاع علينا حلم انتظرناه 14 عاما فلماذا لم تعطى الفرصة لغيره ونحن نضرب الفرق بالاربعة وبالخمسة!! وتطالبو بالانتظار ايضا وجعل الفريق حقل تجارب لهذا المدرب حتى نصل الى نتيجة نهائية سيء ام جيد!! فلوس تنفق عليه الى نهاية الموسم وخسائر وتدهور وتطالبو بالانتظار واعطاء المزيد من المال والوقت للداهية!! لله درك ياسامي لماذا الخجل بالاعتراف بان الادارة وتدخلاتها التعسفية في الامور الفنية للفريق هي من دهورتنا ووضعتنا في هذه الحالة!! فعلا عقدة الخواجه ومازال التطبيل مستمر |
ياعمي ارحم عقولنا بس وش الي اجتهاد لاعبين طيب نفس اللاعبين نبي هدف واحد باجتهادهم وربي مافيه مباراه حسيت بان لاعبين الهلال متخاذلين بالعكس يحرثون الملعب حرث لكن كيف بتسجل هدف وانت تلعب مع فرق متراجعه بمهاجم واحد اقولك تقدر بمهاجم واحد ااذ الوسط عنده مهام هجوم لكن اذا ناصر عنده مهام دفاعيه ونيفز وسالم ونواف والفرج مين بيسجل انا مو قاهرني فشل ريجي قاهرني الترفيع فيه عمري ماشفت جمهور الهلال يمتدح مدرب دائما نقد الا هالادمي كل الجمهور معه وترفيع هو عجز يسجل هدف من شهرين ناصر افضل لاعب في اسياء ولحد يقدر ينكر هشي ويستحقها لاعب خرافي في عهد سامي لاعب قلب نتائج مباريات والله شوي ويصيح ويقول جيبو لنا سامي ولا اي مدرب نفسيته صارت تعبانه من اسلوب هالمدرب عندك لاعبين والي يقهرك يجيك واحد يقول نبي مهاجم اجنبي لا مانبي مهاجم ناصر وياسر والسالم فيهم البركه نبي مدرب مانبي مهاجم عد افضل مهاجم وافضل لاعب في اسياء واجيب مهاجم نبي مدرب جديد ونبي صانع لعب او نبقا على التشكيله التشكيله هذي في اخر سبع مباريات لسامي اكلت الخضر واليابس وتقولي سامي بس ثلاث مباريات تكتيكيه ؟؟؟ اتق الله في نفسك فاز على النصر وهو ناقص وبالاربعه رغم الاخطاء التحكيميه فاز على الاتحاد بالخمسه وقلب النتيجه في اربع دقايق بعد تغير واحد اجراه سامي قلب المباراه على راس الاتحاد فاز وهو ماعنده ولا مهاجم في اسيا فاز على السد بالخمسه ولاهجمه لفريق السد كان الهلال يلعب مع حواري وكثير وكثير ماني من جمهور سامي كنت ضده في بدايته واحتفظت برائي لكن اخر الموسم والله اني بصفه ولا بغيتهم يقيلونه لايهمني سامي ولا غيره المساله مو عداوه او محبه كلهم اشخاص من وا شاشه لانكرهم ولا نحبهم بس الي يأدي نقول اداء هالمدرب باختصار فاشل بما تعنيه الكلمه تقولي تكتيك وانضباط خل التكتيك الي تتدعونه يجيب لكم هدف واحد |
| الوقت المعتمد في المنتدى بتوقيت جرينتش +3.
الوقت الان » 02:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd