|
طريقه ريجي لازم تتغير وبنتلي وتياقو لازم يغادرون الفريق بالانتقالات الشتوية للآسف الزعيم تعادل وخسر نقطتين من الاتحاد انا راهنت على ان الدوري هذا العام للزعيم بشرط ان يكسب الزعيم الاتحاد والنصر لكن للآسف سقطنا في فخ التعادل وخسرنا نقطتين ولو انتصر الزعيم على الفقر يتصدر النصر الا اذا تعثر امام الشباب . الدوري السعودي :: اذا تصدر اي فريق الدوري من بعد الدور الثاني بجولتين باقي الأندية تسلم الدوري وتلعب لمجرد تحسين المراكز ما اعنيه بكلامي لو تصدر النصر الدوري مع بداية الدور الثاني الأهلي والاتحاد راح يلعبون بدون حافز امام النصر بعكس الهلال راح يقاتلون مثل الموسم الماضي وهذي مشكله الهلال لانه البطل يتفقون على كرة الزعيم اهم شيء مايحقق اي بطولة . اتمنى من المدرب ريجي ونجوم الزعيم الفوز بجميع المباريات كلها بمتناول اليد بأستثناء مباراة النصر لازم يحقق الفوز والنقاط الثلاث قبل بداية الدور الثاني . اخطاء الهلال هذا الموسم :: الخطا الكبير ومشكلة الزعيم تتمثل في الظهير الآيسر عبدالله الزوري والله هذا الاعب على كثر ما اشدت فيه في بعض المباريات لكن كل مباراة يثبت انه لاعب بارد وخواف ولا يفيد لا عرضيات ولا نزعه هجوميه ولا دفاعيه . تمنيت اليوم من ريجي ان يخرج الزوري ويبقى على بنتلي وينتقل الفرج ظهير ايسر العناصر الأجنبيه ؛؛ اتمنى من ريجي استبدال تياقو نيفيز :: انا ذكرتها من بدايه الموسم تياقو لاعب منتهي ومستهلك انا بسأل كل هلالي كم تمريره صنعها تياقو بغض النظر عن لياقته البدنية الضعيفه ، و بعد كل مباراة تياقو يعاني من الاجهاد وهو بدايه موسم لان تياقو لاعب منتهي ماهو قادر يقاوم التدريبات القوية من المدرب . حسنه تياقو الوحيده الكرات الثابته وماشاهدناه امام الفرق الكبيرة واكبر دليل اضاعته لفرصه العمر بمكان سهل امام سيدني باخر الدقائق في مباراة الذهاب . بنتلي :: اشوف ان الاعب ممتاز لكن الهلال ماهو بحاجه محور بوجود سعود كريري وبالأمكان جلب اكثر من لاعب بهذا المركز من الاعبين المحليين . بيحث تشكيلة الهلال تعتمد على محور وحيد ومهاجمين :: السديري الفرج _ ديقاو _ كواك _ الشهراني كريري العابد _ صانع لعب صغير ومميز _ سالم الدوسري ناصر الشمراني _ مهاجم هداف ومهاري مشكلة ريجي نفس مشكلة كوزمين ماهو مدرب دفاعي لكن العناصر المتواجده حاليا تجبر اي مدرب يلعب بهذا النهج شاهدنا كوزمين مع الهلال دفاعي بحت بعد انتقاله للعين الاماراتي اصبح مدرب هجومي لان عنده عناصر هجوميه . كذالك ريجي مدرب هجومي لكن العناصر الي موجوده ناصر الشمراني فقط ياسر القحطاني ويوسف السالم الجمهور الهلال ماراح ينتظر منهم اي شيء انا قريت فيه نيه للمدرب بأستبدال احد المدافعين :: اذا كان كواك مستحيل يلقى في آسيا مهاجم يطمح له الجمهور الهلال واذا كان ديقاو مثل ماسمعنا فهذي صدمه للجمهور الهلال وخسارة . اتمنى من ريجي استبعاد تياقو وبنتلي مع اني استبعد بنتلي لان المدرب هو من جلبه ومستحيل يستبعده فان اقول بقاء بنتلي ماراح يفيد الهلال بشيء لان المدرب راح يلعب بمحورين وهذا طريقة انا لا اتمناه . مشكلة الهلال هذا الموسم :: دفاعيا ممتاز لكن هجوميا سيء مافي طريقة لصناعه هجمه منظمه كله لعب عشوائي اذا انت تعتمد على الدفاع لازم تعتمد على الهجمات المرتده او الكرات الثابته وهذا ماهو موجود بالفريق عك كروي يرفع القولون . الشباب والأهلي والاتحاد طلع بنقطتين وهذا شيء لازم يتوقف عنده المدرب كثير انا متفائل بهذا المدرب بشرط تغيير طريقه العب واختيار العناصر الأجنيبة بعنايه بالتوفيق للزعيم في مبارياته القادمه :alzaeem::alzaeem: |
مدرب مستحيل يلعب بمهاجمين ومدرب يتحكم فيه كوزمين والفريق كله هجوم لا تقولي كوزمين ما ضيع الهلال الا انت وامثالك اللي تطبلون لهذا الداهيه الفاشل العام كان الهلال يضرب بالثلاثه والاربعة بنفس الأسماء مع تغير بنتلي اللي جابه المدرب عشان كاستيلو مصاب اما طريقه هجوميه ما عنده حتى الهجمة المرتده ما يعرف يجيدها انا كنت من اشد منتقدين سامي الجابر لكن تحسن المستوى في اخر الدوري . ريجي مدرب امام الفرق الكبيره ما يعرف يقراها صح وين اسلوب المباغته مدرب داهيه في تدمير امكانات الفريق |
صباح الخير اتفق معك في امور واخالفك في اخرى الفرق بين كوزمين ورجي كبير لا من حيث طريقة اللعب ولا من حيث توفر العناصر للمدربين كوزمين مدرب نهجه دفاعي رغم توفر عناصر هجوميه افضل ولهامسن خط هجوم منفرد وياسر ونفيز كان في احسن حالاته والعابد وعبدالعزيز الدوسري ورادوي الاعب الي كان يحسم المباريات من مسافات بعيده (قارنه مع بنتلي) الان رجي مجبر على مهاجم واحد متاح فقط رجي مدرب متوازن بشكل كبير عيبه الوحيد انه لايغامر ابداً يعني بالعاميه (يمشي جنب الساس) والظغط عليه كبيروكنت اتمنى ان يلعب بطريقة 3-5-2 وهي الانسب للفريق الان حتى في اياب الاسويه كان من المفروض عليه اللعب بنفس الطريقه الاعب الان الي يفترض الاستغناء عنه هو بنتلي وهذا اتفق معك فيه وبخصوص نفيز هذا لاعب لديه قيمه فنيه كبيره وحتى لو انخفض مستواه الامكانيات لديه موجوده اما بنتلي لاعب تغطيه لااقل ولا اكثر ولا يملك امكانيات فنيه على المستوى الفردي مثل رادوي هو مفيد للمجموعه لكن لايصنع الفارق وكثير مثله لاعبين تغطيه محليين اشكرك اخي واعتذر عن الاطاله |
الدوري مازال بيد الهلال والزعيم عودنا دائما الفوز بالبطولات عن الطريق الصعب بشرط وقفة جماهير الهلال مع الفريق في المباريات المقبله وبأذن الله راح يكون الدوري من نصيبنا الأهم الدعم من الجماهير والتشجيع و الوقوف معهم في المره قبل الحلوهه ! بنتلي من الأساس ماحنا محتاجينه صحيح أنه لاعب ممتاز لكن الهلال موب في حاجته أبدا !! أتمنى نعيرهه في الفترهه الشتويه ونحضر بداله لاعب طرف مثل طيب الذكر ويلهامسون مع أني أجزم أن ريجي ماراح يفرط فيه دام هو الي جلبه للهلال ! أذا ريجي أستغنى عن ديقاوا وأحضر بداله مدافع روماني أتمنى طرده نهائيا لأنه واضح مدرب سمسار ! ومن الجنون أن تفرط بنيفيز نسيت وش سوى الموسم الماضي ؟؟ الموسم هذا صحيح ان نيفيز قل مستواه لكن يظل لاعب مهم ويفيد الهلال في المباريات وراح نستفيد منه في الضربات الثابته و أجزم أن سبب هبوط مستوى نيفيز بسبب ضعف تكتيكك ريجي !! نيفيز مو صانع لعب نيفيز مركزه الأساسي خلف المهاجمين أجلب لاعب طرف مثل ويلي وراح تشوف نيفيز وش يسوي مثل ماكان ويلي معه ومن الظلم أن تضع الفرج ظهير أيسر وعندكك لاعب في الأولمبي الشامخ فهو أفضل من الزوري بمراحل ! هل نشوف جراءه من ريجي ويلعب الشامخ بدال الزوري الي مايعرف يعرض للمهاجمين ؟؟ الفرج لازم تستفيد من أمكانياته في خانة الطرف الأيسر أو محور أيسر مع كريري ! حرام يكون ظهير ع حساب الزوري !! أتمنى تكون تشكيله الهلال كذا السديري الشامخ كواك ديقاو الشهراني كريري الفرج أو ( عطيف و الفضل ) محتاجين فرصه وراح يثبتون وجودهم ! لاعب طرف أجنبي مثل ويلي نيفيز سالم الدوسري ناصر الشمراني الأحتياط ( ياسر - العابد - الحمد - الشلهوب - السالم - القرني - الحافظ ) |
بنتلي هو الـ " نكبة " حالياً في الفريق ، بغض النظر عن المدرب " الداهية " ، نيفيز سيعود كما عهدناه مشكلة بنتلي ان المدرب " ابن بلده " هو الذي طلبه بالإسم ، و تبي تعرف كيف انه مقلب قوي ، ابحث عن اهدافه |
هناك أخبار وصلتني أن أسمواه جيان في طريقه للهلال . هل هناك صفقة تبادل بنيفيز أم ماذا؟ الأيام القادمة ستتجلى لنا الحقيقة. |
مشكلة الهلال في حاجتين الاولى المدرب يميل الالى التكتيك الدفاعي ولا يبحث عن كثرة الاهداف يبي يخطف هدف ويقفل الثانية أن اغلب الاعبين ليس لديهم حاسة التهديف فتجد الفرص تضيع بكثرة وهم الاظهرة الزوري وياسر الشهراني وسالم الدوسري وسلمان الفرج وسعود كريري وبنتلي ونواف العابد من خمس مباريات يسجل واحد منهم هدف لا يركزون عند التسديد كورهم ضائعه ما عدا ناصر ونيفيز وياسر القحطاني احيانا طريقة الهلال 451 تناسب ان يكون لديك لاعبين الوسط والاظهرة يحيدون التسجيل من نصف فرصة , طلريقة ريجي كامب الدفاعية لا تناسب لاعبين الهلال لان المدرب يريد من لاعبي الوسط استغلال الفرص وهو يهتم بالجانب التكتيكي الدفاعي ما يحتاجه الهلال بديل للزوري وكذلك استبدال كواك وجلب عموري او ابراهيم خلفان او الهيدروس |
الله يعطيك العافية وبالتوفيق للزعيم الملكي |
بدون كثر كلام لاننا تعبنا اللي لابد يرحل ريجي وبينتلي وجلب مدرب هجومي مع الابقاء على ديقاو وكواك وجلب مهاجم لان الهلال فريق اكثر لاعبينه نزعاتهم هجوميه والافظل مدرب برازيلي واهم صفه فيه يكون حماسي ( يلعب بروح اللاعبين ) |
مع احترامي لوجهات نظركم بنتلي لاعب مهم بس يبيله تأقلم مع الفريق هذا اللي ابي اقوله بختصار وتقبلوا تحياتي ،، |
إقتباس:
السديري الشامخ-كواك-شراحيلي أو الحافظ-الشهراني كريري أو الفرج أجنبي-نيفيز أو أجنبي بديل عنه-سالم ناصر-أجنبي أتوقع جميع فرق آسيا ستركع أمامك بشرط أجانبك يكونون سوبر ستار |
. الجمهور كله صار مدرب واداري ولاعب وناقد ... حدد لك صنعه |
ريجي خواف وكفى اللاعبين مافيهم شي من افضل اللاعبين |
| الوقت المعتمد في المنتدى بتوقيت جرينتش +3.
الوقت الان » 11:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd