|
ريجي يسقط للمره الثالثه في الدوري أنا اكتب هذا الموضوع ولم تنتهي المباراه لكن واضح بأن الهلال متجه للتعادل أو الخساره في هذه المباراه للأسف يستمر العقم الهجومي وضياع الوسط يستمر مسلسل الضياع في الوسط ولم يكن هذا هو الهلال مع سامي وهو يحمل نفس الأسماء ريجي يسقط للمره الثالثه امام فريق منافس بالدوري فان كنت تريد الدوري وانت لا تفوز على المرشحين فعلى الدوري السلام وانا اقولها بالفم المليان سنة ريجي ستكون أسوأ من سامي فريق لا يمتلك تكتيك هجومي وهذا الشئ ملاحظ منذو ان تولى التدريب هلال سامي كان منافس للدوري لآخر لحظه لكن مع ريجي سنخرج من المنافسه بوقت مبكّر. وقوة الفريق تقاس بالدوري وليست ببطولات النفس القصير |
والمشكلة يسموه الداهية مدرب جبان جبان وباي باي يادوري |
انتبه تتكلم عن المدرب قول البلا من اللاعبين او من الحكام او من الجمهور لازم تسميه داهيه ولا ترى يبي يقولون انك من محبين سامي |
تجيه بنتلي بعد شوي اداره تتخبط والمدرب لا ينفع للهلال . ذكرني بكنيدا ايام ماكان بالاتحاد . |
نفس الكلام كنت ودي أقوله الهلال بدون طعم او لون او رائحة عقيم جدا ولن ننافس حتى المركز الثالث وستذكرون ما اقول لكم فريق ريجي غير منظم ولا يوجد لديه أي حلول ...:ranting::ranting::ranting::ranting: كرة حائرة ولاعبين تائهين ومن وصل الهلال لنهائي اسيا بعد توفيق الله هو (((سامي ))) اما المدرب الحالي فطقها والحقها الله على ايامك يا فريق سامي قسم بالله متعة :ba::ba::ba::ba: |
والله مدرب جبان ومن جنبها مهاجم واحد وعندك دفاع ديقاو وكواك يعني اصيب ناصر نتعادل؟ او ننهزم اقول انا باخذ سبات عميق لين يشوفون حل مع هالمدرب واسيا مع هالمدرب ماراح نبعد واجد مدرب جبان |
تعثرالهلال بالتعادل السلبي أمام الإتحاد والفارق بينه وبين المتصدر 10 نقاط كاملة كرة القدم المهم فيها دائما وأبداً هي النتائج نلخص حال الهلال مع ريجي بثلاث كلمات ( مستوى بدون نتيجة) |
إقتباس:
المدرب داهيه نعم داهيه وفي اول مواسمه هذا يوصل النهائي ويلعب ويخسر بظلم تحكيمي وش ذنبه ؟ |
ريجي هذا لو يصف مع الجمهور في المدرج يفكنا من شره يمكن يكون مدرب بس مش كرة قدم يجيك مطبل ويقول يا مندس الله يرحم حالنا |
اقسم بالله مدرب غبي وحرام اضيع وقتي وانا اكتب عنه انتظروا البينتلي والفيراري الي بتجيه وكانه مسوي لنا انجاز هالموسم ! |
لاول مره احس ان الهلال متجه للهبوط بس فعلاً ترا مدربنا داهيه... لانه بيودي الفريق بداهيه الله يعينا نصبر لعل الله يحدث امراً اما المدرب يرحل او الاداره ترحل و لو على كيفي الاداره و المدرب يرحلون الله يصبر قلوبنا بس |
عقم هجومي بشكل مقزز لازم ريجي يركز على هالضعف في بناء الهجمة و انهائها في الشق الهجومي.. اللاعبين يمررون الى نصف ملعب الفريق الخصم ثم تنقطع لان ما فيه لاعب صانع العاب يقدر يمشي رتم المباراة و يمرر تمريرة الهدف ياسر كمجهود يعتبر جيد لكن بصراحة قدم تمريرات جيدة كصانع العاب مع انه كان المفروض يكون هو المهاجم والسبب تكتيك ريجي العقيم العقيم هجوميا الكرات الطويلة و العرضية كانت ضعف بسبب تفوق دفاع الاتحاد بسبب طول القامة و مع ذلك المدرب يصر عليها.. بصراحة المدرب لازم يغير قناعاته و يشوف حل للشق الهجومي |
إقتباس:
لكن اقسم بالله وقت استلامه للتدريب بعدها بفتره خرج لنا فريق مرعب مخيف الكل يلعب كوره من ازاح سامي لايريد مصلحة الهلال بل هم شله معروفه من ايام الامير عبدالله بن سعد رحمة الله عليه كانوا يضايقونه هم شله يبحثون عن مصالحهم على حساب الهلال ومع الاسف يوم بعد يوم يصبح صوتهم اقوى من السابق بندر بن محمد دمر وقتل اماكن التفريخ للهلال |
من بعد سا مي ضاع الهلال وضاعت افنووووونة ............. واصبح هلال الخسائر والتعادل يسمووووونة قسم باللة العلي العظيم الهلال بصفة خاصة والكرة السعودية بصفة عامة بدون ساااااامي كطعام بدووووووووووووووووووووون ملح |
كنت ناوي أطرح نفس الموضوع لكن البركة في أخي محامي الفيلسوف15 عندي شعور لأول مرة أشعر فيه تجاه الهلال مع هذا المدرب ( مهما لعب الهلال وقدم مستويات الا ان لدي شعور غريب بأن تسجيل الاهداف مستحيل ) مدرب يثبت يوم بعد آخر بأنه عقيم هجومياً . يوسف السالم ، حمد الحمد لعبا اليوم فاقدين لحساسية الكرة بسبب الركن في الاحتياط لأكثر من سنة بدون مبرر |
| الوقت المعتمد في المنتدى بتوقيت جرينتش +3.
الوقت الان » 07:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd