انتوا ( اقصد بها بعض جمهور الهلال ) اشغلتونا مع العالمية .. و الهريفي والمريسيل


اولا الفريق اللي تتكلمون عنه نادي اقل من نادي الهلال في البطولات والانجازات

وكل ما تكلموا رديتوا عليهم ... مادري وش حارق رزكم .. نادي يبي يصير بطل بالحكي ..

خلوه يحكي .. زي مايبي ..

انتوا جمهور نادي بطل

كيف واحد بطل ينزل نفسه ويرد على واحد ماعنده سالفه.

اللي اعرفه (( ان الكبير اذا رد على الصغير .. اصبح الصغير كبير ))

بعدين لو نادي سعودي ترشح للعالميه .. ماعندهم اللي هي يحاكون فيها..

المشكله اشوف اللي يتنرفز من ها الامور .. والكلام اللي لايودي ولا يجيب.. (( .........ص ........ل ))

اتركونا من التعصب وها الامور .. واللي تسوونه يسبب صراع بين مسلمين وتفكك احزاب وانشقاقات في مجتمعنا

الهلال كبير بلاعيبته وجمهوره وبطولاته وادارته

فلا تصغروا الهلال بالرد على السفهاء

قال تعالي (( واذا خاطبهم الجاهلون قالوا سلاما ))

على الاقل التزموا بتعاليم الاسلام ..

وفكونا من كلمه (( المثاليه )) اللي ذبحتونا بها بتعصبكم .. من اتبع تعاليم الرسول صلي الله عليه وسلم .. سبيتوه بالمثالي .. اما الرد وتصغير العقل .. والسب والشتم .. فهذه مطالبة بالحقوق .. وقوة شخصية .. تغير عالمنا ..

باختصار الرد على السفيه والجاهل .. من السفاهه ونقص العقل

وطبعا اذا خاطبت مجنون او سفيه غلبك ..

اخيرا ً

انا هلالي ..بكبريائي .. ولن اصغر من نفسي وعقلي بالرد .. والجدال .. على كلام غير عاقل ..


والادارة الهلالية : هي المسؤوله الاول والاخير عن الهلال ..

ولا تخربوها .. وتدمروا الهلال .. كما فعلت مصر عندما اطاحت .. برئيسها .. واصبح كل من هب ودب ينهش في الامة المصرية.




وفي امر اخر ..

وهو الملكي .. اعتبر جميع الاندية السعوديه ملكية ,, لانها تحت ملكية الدولة .. والدوله ملكية .. وقاموا بتاسيس الاندية .. باصدار اوامر ملكيه بانشائها .. لذا هي ملكية

كم نادي في اسبانيا ملكي .. ياكثرها ..

وانتوا هنا تتهاوشون مع الاهلي والنصر في الملكي ... لقب لا يكبر ولا يصغر ..

مايكبرنا ويصغرنا بطولاتنا واحترامنا للغير ..

فالكبير يرحم ويعطف على الصغير ..

فكونوا كباراً قدوه لمجتمعكم


مثل يقول :

(( مايضر الذيب طقاع النعاج ))




ملاحظه :

اقراء اسم نادي غير الهلال ... واسماء اعلاميين ولاعبين غير هلاليين كا اسم للموضوع

استغرب من وجود ها الظاهرة في منتدي الهلال ..

ولكن اعتقد ..

ان مشرفي منتدي الجمهور الهلالي الله يعطيهم العافية.. مثل لجان الاتحاد السعودي

الرد على السفيه مذله
لذا سنخاطب الجهلاء على قدر عقولهم
فلهم الهتافات ولنا البطولات

الامور اكبر من مجرد هتافات فهو لوبي قذر تغلغل في مقرات اللجان والاتحاد السعودي والاعلام

فالوضع لو اقتصر على هتافات ( عطيناهم جوهم) ولكن الامور الان وصلت الى تضرر النادي بالايادي الخفيه
لتعطيل مسيرة النادي ( وسلبه حقوقه) من تحت الطاوله