متى طلعة المكشات
 

متى طلعة المكشات

https://fbcdn-sphotos-d-a.akamaihd.n...1559bc85a3f6e3

متى طلعة المكشات (للبر) والرّحلات
لنا موعدٍ معكم.... وطال الصبر بالحيل
حلاة المطر،، لا دِيج في خايع التنهات
وشفنا الحَيَا مَـد النظر محتويه السّيل
ألا يا رفيقي... شف لنا يوم للمكشات
مع الرّفقه اللي ما لحقنا معــاهم ميل
نبي موقعٍ يجمع لنا الكَيــف والسّجات
من اوّل نهار اليَوم الى اخر مجال الليل
نشب الحطب واحلى السّوالف بهالجلسات
كلامٍ يســـــر انفوسنا.. وش لنا بالقيل؟!
واذا جا مجال الشّعر شلنا لكم شيلات
على نغمة الانشاد نطرب طرب ونشيل
وخوّه على صدق.. ومحبّه على النّيّات
(معزّه أصيله)... ما بَهَا رِيـبـــــه وتعليل
ولولا الـغَــلا ما كان ننشد عن الطلعات
كلامٍ نقوله.... ما يبي يالخـــوي تحليل

BandarHabob@
#بندر_الخنيفر

ههههههـ أنت تسال متى طلعهـ المكشات وأنا أسأل متى الإجازهـ أصلا تجي ؟! *~*

أبيات راقيهـ جداً ومعبرهـ كالعادهـ خصوصا هذهـ :~

نشب الحطب واحلى السّوالف بهالجلسات
كلامٍ يســـــر انفوسنا.. وش لنا بالقيل؟!
واذا جا مجال الشّعر شلنا لكم شيلات
على نغمة الانشاد نطرب طرب ونشيل
وخوّه على صدق.. ومحبّه على النّيّات
(معزّه أصيله)... ما بَهَا رِيـبـــــه وتعليل

صح لسانكـ وعلا شانكـ ~
أبدعت كالعادهـ أخوي بندر ~
اللهـ يعطيكـ العافيهـ ~

احسنت يا غالي في وصف اجواء رحلات البر

وحقيقة ان البر مع الصحبة الطيبة تزيد النفس بهجة والعقل تدبر

يعطيك العافية ،،

وخوّه على صدق.. ومحبّه على النّيّات
(معزّه أصيله)... ما بَهَا رِيـبـــــه وتعليل

انششهد

صح لسانكـ

صحّت ابدانكم

الله لا يهينكم

ومبروك لكم الفوز على التعاون
وعقبال مباراة السبت