تطوير الرابطة
 

الرابطة الهلاليه لا ترتقي لمستوى الفريق والمصيبه انها على نفس المستوى منذ قرون > يعني ما عندهم نية للتطوير
وهذا الكلام متفق عليه من معظم مشجعين الهلال

ويجب من مسؤليين النادي ان أرادوا المحافظة على حظور الجمهور تطوير كل ما يحتاجه الجمهور في الملعب ولا يبنون الثقه على حب الجمهور للفريق .




يجعلوا لديهم اكثر من طريقة للتشجيع :

1- الطريقة الحاليه : المايكروفون وترديد من هم حول الرابطة واللي يوصله الصوت.

2- طريقة (الصوت الواحد) : تتفق الرابطة مع شاعر يكتب لها اناشيد للتشجيع ويتفق مع موسيقار ليلحنها لحن تشجيع المهم تكون اكثر من اهزوووجه والطريقه هي ( يستغنى عن المايك ويتوزع اعضاء الرابطة حول الملعب ويشيرون للجمهور بأرقام ، الارقام هي تسلسل الاهازيج اللي أرسلت للجمهور قبل المباراة والجمهور بعد ذلك يبدأ بإلقاء الاهزوجه و يكون وقت راحة بين الحين والاخر واما في المباريات الكبيرة (مدرج ينتهي ومدرج يبدأ) ).

وقبل كل مباراة تصرح الرابطة عن طريقة التشجيع اللي ستنتهجها في هذه المباراة.



‫أحلى جمهور في العالم .. جماهير نادي بشكتاش التركي‬‎ - YouTube

وهذا رابط لجمهور الاهلي المصري
‫التراس اهلاوي الداخله الوهم والتشجيع النار BY . LoVe AnGeL‬‎ - YouTube

‫تشجيع جماهير الأهلي الرهيب مع نزول فريق الصفاقسي للاحماء في مباراة السوبر‬‎ - YouTube


دورتموند
‫شاهد جماهير دورتموند في ملعب الارسنال .. جمهور مرعب‬‎ - YouTube



أما الآن مع المايكروفون وحبيبكم مييين..؟؟ جايين لمييين...؟؟

‫جنون جمهور الهلال‬‎ - YouTube


بالأخير :
ترى جمهور الهلال فيه الشعراء وفيه الموسيقيين ويقدرون يصلحون اهزوجه ويلحنونها ويرسلونها للجمهور ليرددها ومن ثم تقلدنا الجماهير الأخرى واتمنى تجربة ذلك من جمهور الهلال فالهلال اعطاكم الكثير وينتظر منكم الكثير ايضاً....

الله يعطيك العافيه وبالتوفيق للزعيم

بالتوفيق للزعيم لكن والله الوضع ما يسر ياصاحبي اذا بقي مثل ماهو.
شغل التطوير في الفريق صفر على الشمال
#لا فئات سنية مثل الاندية الأقل مستوى مننا على الاقل
#ولا تطوير في الرابطة كل ما غيروا واحد اجلطوونا بواحد ثاني
#وقناة الهلال صرفنا الحميداني بكم كلمة وراح يلعب بلوووت
#ومتحدث رسمي للنادي ما غير يتبسم لي في القنوات ولا هو قائم بنص واجبه الوظيفي
#والكباريه الله يكفي النادي شرههم ما غير يوسعون لأنفسهم ونازلين تكريم بالاعلاميين عشان التلميع الشخصي مع ان الاعلاميين دايم واقفين ضد الهلال
#و الرئيس بعد صيام بيشتكي الهريفي على الداخلية
#والفريق ظلم بآسيا ولا شكوى ولا بحث عن خفايا النهائي ولا يحزنوون
#ولعيبة حايسين ولا احد يسأل عنهم : الزوري ضايع بالملعب - القرني ما قدم اي شيء يشفع له- بنتلي ضحكة مدرب-عبدالعزيز الدوسري ولا نص مستواه- ياسر القحطاني ما يعرف يطق كورة والإدارة ما سووت له تهيئه ولا اعاره- ياسر الشهراني الكل يعرف نقطة ضعفه (اللمسه الاخيره)وباقي مثل ماهو - نيفيزثقل على الفريق ولا نواياه متفاوته مره بجلس مره بروح - االانتقالات ما ندري من بيجي ومن بيروح..
#سالم الدوسري يكد كد في المنتخب وفووق ذا كله يسلب الوطنية ولا رد من نادي ولا من جمهور.
#الهلال يزج بإسمه في وسط اسباب فشل المنتخب مع ان لعيبته هم اللي شالوا المنتخب ولا رد ولا يحزنووون
#تقنية الفوتبوناوت شيء مهم في سبيل تطوير افضل اللعيبة ووعدت الادارة بها وانسحب عليها.

فوق ذا كللللللله الجمهور منشغل بسفيه القووم : المريسيل والاعلام االدنيء

وانا كللل أملي كان أنه يبقى جمهور الهلال : مؤثر لكن بالطريق الصحيح

جمهور الهلال أول :
يبحث عن كل ما هو مفيد للنادي ويطالب بجللبه
يحس بالنقص اللي حاصل للفريق ويقوم الدنيا عشان يتعدل
ويسفه كل سفيه ولا يقحم نفسه في سفاسف الامور في سبيل التركيز على تطوير النادي

وهذا اللي جعل جمهور الهلال مؤثر

يا هلالين هل تذكرون سامي كيف كان يتجاهل ويسفه كل من يتكلم عنه لما كان يدرب الهلال ويركز بعمله ويردد (أهم شيء الإستمرارية بالعمل)؟
هكذا كننننتم


.....

الله يعطيكم الف عافيه وبالتوفيق للزعيم

هذي يا طويل العمر يبيلها واحد يعرف ينظم بحيث انه يزيد عدد افراد رابطه المشجعين ويخلي تجمع كل شهر ويتدربون على اهزوجه او حركة معينة ثم يطبقونها بشكل واحد اكثر من مرة في كل مباراة عشان الجمهور يستوعبها ويطبقها معاهم

طيب ننتظر وحي ينزل على الرابطة حتى يعدلون من طريقتهم بالتشجيع؟
لازم نحن نطالب بهذا عن طريق المنتدى ونعمل حملات لتغيير او تعديل عملهم الذي لايسمن ولا يغني من جوع .