|
والله محد متهم قدام سيدني ولا يلام اي شخص بعد ماشاهدنا احداث المباراة تلزيخ وتشويت يمين يسار مادخلت الكورة دنبوشي يارجل مافيها كلام xD امزح امزح , بس ربي كاتب لنا خير باذن الله بخسارتنا هذي ربي مايكتب الا الخير وباذن الله الزعيم قادم لكل شيء هالموسم والمواسم الجاية |
طيب اللاعبين في مباراة سيدني قدموا مجهود وهاجموا أو لا وصلوا للمرمى أكثر من أربعين مره أو لا ألغيت له 3 ضربات جزاء أو لا إذا اللاعبين قدموا كل ما يستطيعون تقديمه طيب ليه ما فازوا ؟ الله سبحانه وتعالى ما كتب الفوز لنا هذا بكل بساطه لب الموضوع والله لو القدير ما قدر لك الحصول على البطولة ما تجيبها لو تلعب بمنتخب العالم مو الهلال |
تسجيل ثلاثة من نجوم الهلال ثلاثة اهداف بمرمى المنتخب الاماراتي وتألقهم يعني شيء واحد..ان الهلال يملك افضل لاعبين بالدوري السعودي..لاحظ ان لاعبي الهلال بالمنتخب اغلبهم بالقائمه الاساسية ونجوم فيها وليسوا تكملة عدد.. اذن لنحلل الموضوع ونرى لماذا اذن خسر الهلال النهائي الاسيوي وهو يملك نجوم دوليين متألقين..يتلخص في عدة امور بعد مشيئة الله: 1- الحكم كان له دور كبير بتغاضيه عن ثلاث ضربات جزاء لو احتسب واحده فقط لتغير مجرى المباراة 180 درجه 2-دخول اعضاء الشرف بتوقيت غير مناسب وقبل المباراة النهائية والتسبب بزيادة التوتر للاعبين وكان اللاعبين سيدخلون معركة وليست مباراة نهائية لعب الهلال فيها كثيرا..كان من المفترض ان يدخل اللاعبين بهدوء وباستمتاع.. 3-اخطاء المدرب الفنيه..في مباراة الذهاب عند نهاية الشوط الاول وانت تهاجم ولم تسجل اي هدف..من المفترض بالشوط الثاني التراجع والعودة للتوازن لان سدني غصبا عنه سيهاجم بالشوط الثاني لتسجيل الهدف لانه بارضه..وبالتالي الاعتماد على سرعة اللاعبين والمرتدات..كذلك عدم توجيه اللاعبين للتمرير السليم لناصر الشمراني..فناصر يحتاج لمن يفهمه فقط..يحتاج لتمريرات سريعه لانه لاعب سريع وبامكان المدرب(الفاهم) ان يجعل الزلزال هداف بكل مباراة..لانه لاعب فلته بس من يفهمه ويفهم طريقة لعبه..الخطاء الاخير لريجي عدم اشراك ياسر بالمباراة الثانيه من اول دقيقه وليس اخر نصف ساعه من المباراة.. |
هل العيب في ريجي ؟؟؟ سؤال يطرح نفسه |
الموضوع في وادي والتعليقات في وادي ثاااني يا اخوان لا تدرعمون وخلونا في صلب الموضوع يقولكم كاتب الموضوع : لا يمكن لهلالي أبدا ان يقول ذلك فقط أردت من هذا العنوان رد على كل من يلمز نجومنا بأنهم لاعبي نادي فقط ليعلم أعداء الهلال ان نجوم الهلال فعلوا كل شي لمنتخب بلادهم وتحاملوا على أنفسهم بعد بعد ضغط كبير من تتابع المباريات ومن الظلم الواقع عليهم في نهائي اسيا ليعلم كارهي الهلال ان الهلال ركن من اهم أركان الكرة السعودية وان نجومه كذلك ليعلم الحاقدين ان نجومنا يضعون في اول اعتباراتهم المنتخب السعودي اليوم رد لكل من حاول التجني او الإسقاط على نجومنا او انتظار الخسارة اليوم اخرس المنتخب جميع اصحاب الشعارات الزائفة الذي يعنيهم اولا ان لايمثل نجوم الهلال المنتخب حتى ولو تحقق بسبب وجودهم كأس البطولة هؤلاء هم المتعصبون ........................................................................... اولاً نبارك للمنتخب الفوز والتأهل للنهائي وعقبال تحقيق البطولة وهذا الموضوع ألجم افواه المشككين والحاقدين على نجوم الزعيم ونتمنى عودة الزعيم للبطولات وان يسعد جمهوره الكبيررر في كل مكان نقول ان شاء الله :ba: |
الى راح راح ... وان شاء الله يحقق المنتخب البطولة . |
الكوره شوى حظ احيانا .. ومن نص فرصه من ممكن يأتى الهدف فى مباراه سدنى عدم التوفيق وهذا حال الكوره الف تحيه |
سيدني ..... سيدني .....سيدني صار عندنا صداع منها فكونا ورانا منافسات مهمه |
واخخخخخ بس الحمدالله على كل حال |
الله يعطيك العافية وبالتوفيق للزعيم الملكي |
طعم الآسيوية الموسم القادم سيكون أجمل والله أعلم، لكن مع القليل من الصبر من جماهير و لاعبين و مدربين و ادارة |
إقتباس:
مدرب الهلال أستهان بسيدني ولم يعطيه الإحترام الكافي ومعروف أن الطريق للفوز على فريق ما هو إحترامه المدرب يقول سيدني فريق صغير والرئيس يقول بنأكل الأخضر واليابس وما راح أحد يوقف في طريقنا ويحلف أن البطولات كلها للهلال أين إحترام المنافسين يا هؤلاء ؟؟ إن كنتم أخطأتم كما يبدو لي فهل ستستفيدون من أخطاءكم |
الضغط النفسي ولاغيره هو من كان الحاجز الاساسي امام اللاعبين للتسجيل في سيدني اجزم انها كانت سوف تكون تاريخية ونتيجة كبرى تتحدث عنها كل اسيا لو كان اللاعبون مستعدون نفسيا ولكن قدر الله وماشاء فعل وفالنا فوز منتخبنا اليوم على قطر والكاس يرفعه كريري انشالله |
إقتباس:
السحر ماقال لقناص الغفله يضيع هدف قدام الباب مايضيعه الأحول كأنه أول مره يلعب مباراة نهائيه السحر ماقال للمدرب المغرور صرح قدام الإعلام إن سيدني فريق صغير السحر ماقال للإداره وأعضاء الشرف غرقوا المدرب بالمدح والفلوس وأعطوه بنتلي وهو لم يحقق لنا كأس نيدو !! العله في لاعبي الخيبه اللي نقلوا فشلهم للمنتخب والإداره اللي لها ثلاث سنين من فشل لفشل |
| الوقت المعتمد في المنتدى بتوقيت جرينتش +3.
الوقت الان » 04:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd