|
"الكأس" القطرية: إيقاف نيشيمورا 6 أشهر بسبب النهائي الآسيوي "الكأس" القطرية: إيقاف نيشيمورا 6 أشهر بسبب النهائي الآسيوي أكّدت قناة "الكأس" القطرية أنباء إيقاف الحكم الياباني يوتشي نيشيمورا 6 أشهر؛ بسبب الأخطاء الكارثية التي وقع بها خلال نهائي بطولة أبطال آسيا بين الهلال وسيدني الأسترالي والذي تغاضى فيه الحكم عن ثلاث ضربات جزاءٍ واضحة للهلال تسبّبت في خسارته كأس البطولة؛ الأمر الذي اعتبرته الأوساط الكروية فضيحة تحكيمية. وأوضحت القناة، وعبر حسابها الرسمي في "تويتر"، أن لجنة الاتحاد الآسيوي أدانت نيشيمورا بسبب الأخطاء الكارثية في نهائي دوري الأبطال. يأتي هذا بعد أن صبّت وسائل إعلام سعودية وآسيوية وحتى أوروبية جام غضبها على الحكم الياباني يوتشي نيشيمورا، بعد النهائي الآسيوي، حيث اعتبرت أنه لعب دوراً رئيساً في حرمان الهلال من التتويج بكأس دوري أبطال آسيا. |
الله ياخذ عمره هذا الي قدرو عليه ايقافه المفروض فتح تحقيق في المراهنات والرشاوي من الاتحاد الخايس الضعيف اتحاد اسياء |
وش راح يستفيد الهلال من التوقيف العقوبة ضعيفة جدآ يجب ان يلحقها شي على كذا أي حكم يبي يلعب بالنتائج راح يلعب . ستة شهور توقيف تخلي أي حكم يقبل المال على التوقيف مفروض تسحب البطولة عندما يتبين الخطى بعينه مثلها مثل العاب القوى تسحب الميدالية مفروض التحقيق وبعدين تحديد عقوبة يمكن يستاهل شطب |
هذاالي قدروا عليه راح اقولهابالفم المليان انتم اتحاد اسيوي فاشل الله يرج ابليسكم ان شاء الله ظلم رئيس ولاعبين اجتهدوا داخل الملعب وجماهيرماليه المدرجات وهذاعقابكم له عزالله مامنكم فايده لزوم الهلال يشكي للفيفا |
طالما اعترفوا ان البطل الحقيقي اختفى تحت مظلة التحكيم الفاشله وتم ايقاف الحكم لماذا لايكرم الهلال بصفته بطل الغرب الاسيوي والثاني على اسيا وسبق ان الغيت البطوله بسبب الافلاس المالي!!! وكان حق الهلال ان يشارك عالميا من اجل كل هذه المعطيات التى تحتاج الى الادارى الذى يصل الى الكراسى العاجيه في الفيفا والمطالبه بان يشارك الهلال في بطولة الانديه العالميه بصفته بطل اسيا مرافق للبطل المدفوع للكاس باخطاء اقرها الاتحاد الاسيوي وتندرت بها الاتحادات الرياضيين في العالم واحده من اكبر الكوارث التحكيميه في العالم يتكرر الضحيه الهلال السعودي كم تضرر محليا واقليميا وقاريا من يكون وراء هذه المصادفات المرتبه نحتاج لمن يصل بالعقوبه الى الاتحاد الدولي والمحكمه الدوليه وارفاق حق الهلال الضائع عام2001 في المشاركه العالميه وتعويض الهلال ببطولة المغرب الى مقر المحكمه الرياضيه ايها الهلاليون حقكم بدى اوضح من قبل بكثيربشهادة الاتحاد المعني |
لا زالوا يطلقون عليها أخطاء تحكيمية هذا تعمد وليس خطأ .. طيب وش يستفيد الهلال من إيقافه وقف الدم بعروقه عاجلا غير آجل .. |
بسسس!! ليه اجل يتعبون انفسهم بالدوامات ؟! يجلسون بالبيت ازين قال ايقاف قاال كيف ايقاف وهو بيعتزل اصلا !! يستهبلون هذول مثل ماتوقعنا بيتقفل ملف القضيه ولا كأن شي صار "اتحااد فااشل اذا استمرر بالمهززله هذي " يعطيك العافيه |
الله يأخذه من حكم كل ما تذكرت ان الكأس طار دعيت عليه جعل دعواتي يارب مجابه بعدين يوقفونه ست شهور بالله صادقين مو هو اصلا اعتزل او بيعتزل وش ذنبي انا كنادي الله يقلعهم اتحاد فاشل رئيس ضحى بماله وصحته وجمهور صبر لتحقيق اللقب ولاعبين قاتلوا لتحقيق طموحات جمهوره واخرتها يجيني البوذي ذا ويهدي الكأس سيدني المفروض اذا فيه قرار صائب تنعاد المباراة انا وش استفدت بإقاف الحكم وليش ما يكون مرتشي وتعمد خسارة الهلال كل الدلائل تدينه تياقو شوي ويبقسه وما اخذ كرت الكور الثابته ومضبط لهم الحيطه وبلنتي لسيدني ما انحسب لانه لو انحسب ممكن يطلع جثه من المباراة اي نهائي قادم ياليت يفكونا من حكامهم الفاشلين ويجي حكم من اوروبا حتى لو بيظلم نادي ماراح يسوي سواة هالياباني القذر يعطيك العافية |
هو أقل الجناة المهم تكون لجنة الحكام في الإتحاد الآسيوي ما لها دخل بالموضوع وتطلع منها ولا تكون موضع التهمة هذه لعبتهم لصرف الإنتباه عمن أسند واختار الحكم للنهائي |
ما تفرق عليه ولا علينا أخذ (قروشه) بأعصاب هادية... وأخذنا المركز الثاني بأعصاب مقهورة... وطارت الطيور بأرزاقها *** ويا قلب لا تحزن |
اللى خسر الهلال ليس التحكيم بل الاتحاد الاسيوى وقبله الاتحاد السعودى الحكم ماله شغل ادى اللى طلبوه منه على اكمل وجه |
الحمد لله على كل حال والعوض بالجايات ان شاء الله الكأس من نصيبنا والحكم حسبي الله عليه بس ماغير قهرنا ومشى للحين مو مصدق ان الهلال مو هو البطل ! ممكن احد يقنعني |
طبعا الخبر له بقية وباقي الخبرإذا كان صحيح نيشيمورا يعلن إعتزاله التحكيم بعد أن قبض أعلى مكافأة مادية مع خطاب شكرمن الإتحاد الأسيوي |
ياعزيزي الأخطاء واضحة وضوح الشمس .. والغريب إن الاتحاد الآسيوي سكت رغم وضوحها بعد مافاحت ريحتها وتكلم الكل عنها حتى الاستراليين أنفسهم ، وجد الاتحاد نفسه في موقف محرج ولازم يتصرف تظاهر بتشكيل لجنة برئاسة الشيخ سلمان وأقرت اللجنة إيقاف حكم معتزل .. مضحك مبكي المقصود ترانا مانرضى باللي صار وترانا عاقبناه أخاف يكونوا تقاسموها في الخفاء وكل واحد اخذ نصيبه وغطوا على فضيحتهم بإيقاف حكم معتزل ولفوا السالفة لازم توصل للفيفا .. اللي صار مهزلة بمعنى الكلمة |
هم جايبينه يحكم النهائي تكريم له لانه بيعتزل التحكيم الله لا يكرمهم فكيف توقف حكم معتزل حسبنا الله ونعم الوكيل |
| الوقت المعتمد في المنتدى بتوقيت جرينتش +3.
الوقت الان » 05:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd