|
الله يبيض وجيهكم ياللاعبين ويابن مساعد الحمدلله على كل حال اولاً وأخيراً اللي يعيب في اللاعبين والمدرب ما أقول له .. الا الله يسامحك من بعد المستوى البارح والظلم التحكيمي الفاضح والحظ الي عاندنا أقسم بالله العظيم ماهي مكتوبة يا أخوان فـ رفقاً على اللاعبين والمدرب فهم عملو كل شيء لكن أقول يمكن ينقصنا مهاجم سريع وحق رأسيات انا أعتقد أن هذا هو الحل الوحيد ... ونيفيز أعتقد أنه أنتهى مع الهلال هذا فقط الي ينقص الفريق لكن بالمجمل هم أبطال والله يبيض وجيههم ويبيض وجهك يابن مساعد على التعب والمجهود اللي خسرتة من أجل الهلال الحمدلله على كل حال هاردلكم ياهلالين من قال أن البطولة ضاعت مايفهم شيء .. البطولة قريبة جداً لكن الفريق يحتاج تكاتف الجميع فقط |
أشكرك فعلاً الهلال لا بد أن نقف معه ليعيد المحاوله مره أخرى فهذه البطولة درس عنوانه : ( الكثرة تغلب الشجاعة) |
الله يعطيك العافية وبالتوفيق للزعيم |
إلا سود الله وجيه لعيبة الملايين اللذين أضاعوا بطوله سهله كانت في متناول اليد .... فريق سيدني لايقارن بأندية الوسط في الدوري وطوال مباراتين لم يستطيعوا تسجيل ربع هدف ...! لا الحظ ولاالحكم ولا الإداره ..... السبب فقط هم اللاعبون الللذين لايراهن عليهم في أي بطوله .... حسبنا الله ونعم الوكيل ... فشلونا أمام الملايين ... آن الأوان للمحاسبه وغربلة الفريق |
نار النشاما أنت بالذات أعتقد انك من النوعية اللي انقلبت على فريقها في مباراة أولسان أرفق على نفسك اذا بتنقلب على فريقك في كل خسارة لاتشجع .. ومايشرفنا وجودك وتشجيعك للهلال وانا متأكد بأني أتكلم بلسان كل الهلاليين الله يهدينا ويهديك |
إقتباس:
أنا هلالي من الجيل القديم وعاصرت بطولات آسيويه للهلال أمام أعتى الفرق اليابانيه والكوريه وقد حققها الزعيم بلاعبين هواة يحترقون من أجل الشعار .... أتى بعدهم لاعبوا الملايين والإعلام والطائرات الخاصه وأضاعوا بطوله سهله لاتتكرر في العشرين سنه القادمه .. أن تعجز عن التسجيل في فريق لايقارن بأندية الوسط في الدوري وفي بطوله قاريه مهمه ومطلوبه من الجماهير فهذا فشل وسقطه لاتليق بتاريخ الزعيم وينبغي محاسبة هؤلاء المتخاذلون وإبعاد بعض المنتهيه صلاحيتهم ... حب الزعيم لايعني السكوت على من فرطوا في بطوله سهله وفي متناول أيديهم ... إذا كان يعجبك مستوى وروح لاعبي الأمس فأنتظر النكبات في الدوري |
إقتباس:
|
إقتباس:
ولكن يفترض بك كمشجع هلالي قديم انك على الاقل تتحكم بمشاعرك في مثل هذي الظروف العصيبة لاتنسى قدامك دوري وقدامك جماهير بتقابل الهلال بكرة وبتصرخ في وجيههم ( العالمية صعبه قوية ) وكلنا نعرف الاثر النفسي لها وكلنا نعرف أن الفريق معنوياتة الان وثقته بنفسه مهزوزة ويحتاج الدعم والتكاتف والا راح ناكلها خمسات وستات في الدوري ... يعني بأختصار انا أخشى على الهلال من الدروب او الهبوط الحاد اللي راح يحصل وانت همك ليش اللاعب ما أدى وتسب في الوسط والظهير والمحور ... ياخي بالعقل فريقك يحتاج دعمك الان قد تحصل هزائم له اذا ماحبيت تدعمه ياخي لاتوقف بصف الفقراوي والطحلبي |
إقتباس:
ثانيا اللاعبين ادوا اللي عليهم وأكثر .... ثالثا المتشائمين مثلك لا يحتاج الهلال لأرائهم ... نحن خلف الهلال مهما حصل له من كبوات ... سنقاتل لإستعادة مجد آسيا .... |
اول شي بيض الله وجهك انت ويسلم لي يمينك ثاني شي ابختلف معك من ناحيه نيفيز اعتقد انك تقصد نجيب مهاجم بدل نيفيز ممكن اتفق معك لو فيه بديل كويس الشلهوب تقدر تقول صعبه تعتمد عليه عزوز معليش مافي امل يعتمد عليه نواف واسالم لايمكن يصيرون من طينه نيفيز والشلهوب الي يرمي لك كور انت وضميرك نيفيز مو سيئ ترا بس سيدني امس كلهم دفاع ودفاعهم افضل دفاع شفته بحياتي ويذكرني ب اتلتكو مدريد اعترفو ان سيدني فريق قوي لاتكتبرون صدقني امس كل شي كان ضد الهلال مو بس الحكم المشكله ان الهلال بالاساس ماسجل تخيل لو خذنا بالنتي ثم ضاعت كل الثنتين كان مفس المصير بيصير ليه؟ لان الهلال اصلا وصل للباب وضيع الكور من الاخر المشكله كانت خبره وكان يبي لها يا الفريدي البارد ولا المحياني ولا ويل هامسون ولا رادوي يعني لحاله رادوي لو كان موجود كان شق لك ام الحارس بمزعه كبتن ماجد دخلت الحارس والكوره بالباب ويلهامسون يعطيك زره من الطرف بدون تسحيب يضيع الوقت ويحطها على رجلين المهاجم المحياني حطه بالصندوق وعطه الكوره وبيحطها بالباب ناصر الشمراني ظلموه الهلاليين لاعب مارتاح ابد ومقفلين عليه ومخلين طريقه لعبه زي ياسر القحطاني هذا غلط ناصر حطه بالصندوق وخل معه مهتجم ثاني يجيب لك اهداف ياسر مو مهاجم ياسر حطه صانع بثر تمريراته ذكيه ومزعج ويفتح للمهاجمين الثانين بتحركاته وذكائه تبيها من الاخر بدل فلسفتي الي فوق؟ جب زي طارق التايب ورادوي وابشر انا اجيب لك هداف كاس العالم ولا اقولك ياشيخ اجيب اخوي الصغير وبيجيب هداف الدوري �� << صيغه مبالغه |
إقتباس:
هذا الكلام الحلو اتفق معك ولو انك فعلا تفلسفت شوي وضيعتني :d انا وياك نتفق ان الفريق بالمجمل ليس سيء وبأمكانة الوصول لكن الكأس الغاليه يبيلها لاعبين باردين امام المرمى .. انا اللي مزعلني على نيفيز فرصته امام الباب والله ما اذكر الدقيقه كم لكن بالشوط الاول اعتقد .. كان بأمكانه يسحب اللاعب ويسدد لكن فضل التسديد مباشرة وارتطمت باللاعب وهنا انا تمنيت انه يكون لاعب بارد مثل الفريدي ويسحب له لاعب ويشوف المرمى ويشوت .. لكن على كل حال نيفيز ماكان سيء ابدا لكن بأمكان ادارتنا جلب صانع افضل منه .. لكن من رأيي ماقدر اجيب مهاجم بدالة لأنه هو الوحيد الان الي يصنع لك فرص حاليا عموما المباريات هذي تحتاج لاعب استثنائي لازم على ادارتنا تجيب واحد فنان يصنع لك الفارق تحياتي لك s13s |
| الوقت المعتمد في المنتدى بتوقيت جرينتش +3.
الوقت الان » 06:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd