|
اقيلو ريجي انه اسوء مدرب السلام عليكم ورحمة الله وبركاته ابدخل بالموضوع على طول نعم اقيلو ريجي انه اسوء مدرب هذا مايتمنى الأعلام الأصفر سماعه من الجماهير كل واحد يحاول يزعزع الفريق ويسبب مشكله بين الجماهير واللاعبين شكرا للأداره شكرا للاعبين شكرا للمدرب شكرا للجماهير ماقصرتوا وبيض الله وجيهكم ويشهد علي الله اني مبسوط من الروح الي امس والمستوى الي يشرف اسيا كلها ارفعو رؤسكم يازعماء يكفيكم فخر ان كل اسيا والجماهيرالعربيه تركو مشاهدة الدوريات الأوربيه عشان النهائي يكفيكم فخر انكم عيشتوا الجماهير الصفراء والخضراء بتوتر واشغلتوهم من اسبوعين حتى كادو يخسرون نقاط الدوري كل الي يتشمت عليكم ماتشمت الا لأن انجازات فريقه اقل من انجازاتنا ولا هو قادر يوصل للي وصلنا له الي يقول ريجي اخر 4 مباريات مافاز تعال معي وفكر فيها بشكل عقلاني اول هزيمه مع العين وقتها كنا فايزين 3-0 فطبيعي ماراح يسوي مثل جيرتس مع الغرافه المباراه الي اقل ما اسميها فضيحه من سوء اداره للمدرب ولحسن الحظ الله كتب لنا التأهل طبيعي المدرب راح يلعب بتحفظ عشان يمتص حماس لاعبين العين وبالرغم من هذا اتيحت فرص كانت كفيله بأنهاء المباراه على الأقل بفوزنا ب4 اهداف لكن كل واحد يبغى المجد لنفسه ريجي مو هو الي ضيع الهجمات لعبنا مع الشباب بالدوري وكنا الأفضل واتيحت فرص وضيعوها المهاجمين لعبنا مع سيدني بالذهاب ونفس المشكله اتيحت فرص لناصر وسالم ونيفيز وضيعيوها وش تبغون المدرب يسوي مع اني لي تحفظ على المدرب في الذهاب بمجاملة نيفيز بالرغم انه كان اسوأ لاعب البارح سوينا كل شي وعملنا بالأسباب الله ماكتبها لنا - الحكم ظلمنا والي اهم من هذا يملكون حارس كبير شايل الفريق كله المدرب عنده بعض الأخطاء وهي انه كان المفروض يلعب بمهاجمين او ع الأقل ينزل ياسر اساسي ويخلي الشمراني احتياط الشمراني اتيحت له فرص كثيره من مباراة الذهاب وكأنه مو مهاجم للأسف المباراتين كلها لعبنا ناقصين لاعب بوجود الشمراني شفنا امس بعد مانزل ياسر والشلهوب شفنا تنويع باللعب من الشلهوب شفنا مهاجم حقيقي الشمراني ماعنده الا المهايطه والنرفزه اتمنى من ريجي يعتمد على الشلهوب وياسر بالمبارايات الجايه كفايه مجاملات سواء نيفيز او ناصر الأجنحه وللأسف كل عرضياتهم سيئه لا سالم ولانواف ولا ياسر ولا الفرج امس كوره وحده من ديقاو عرضيه كانت خطيره بالرغم انه قلب دفاع مو صانع لعب اتمنى من الجمهور الي بالرياض التوجه للنادي اليوم وتحية اللاعبين وتشجيعهم حتى لايؤثر عليهم بقية الموسم ونكتسح اندية الدوري ونحصل على كل البطولات بالختام هي كلمه وبقولها لكم لاتيأسو قوانز افضل فريق 2012 طلع من دور الثمانيه بعدم التوفيق السنه الي بعدها استمروا على نفس الأسماء مازعلو ولا غربلو الفريق 2013 ابطال اسيا لأنهم مافقدوا الأمل وانا عندي امل بالله انها خيره لنا وبأذن الله راح تكتب لنا اسيا الموسم القادم |
هههههههههههههههه جايك مندفع بالقووه ابرد عليك ههههههههههههههه موضوع جميل والاجمل عنوااانه:ap: |
الهلال يحتاج مهاجم اجنبي يستغل سيل الفرص الهائلة التي يوفرها لاعبين الهلال في كل مباراه نحتاج مهاجم من طراز عالمي الحقيقه مهاجمين سدد انت وحضك اضاعو البطولة.. |
لا تخاف لن يطالب أحد بإقالة المدرب يعرفون خطورة هذا الأمر من تجربة 3 سنين ............. لكن السؤال أين هي الفئة التي حاولت إقالة المدرب العام الماضي بعد خسارة ولي العهد !! وقالت لن ينفعك الخسارة بشرف والدفع الرباعي ليس مبرر !!!!!!!!!!!!!!!!! كانت مستعدة تضرب بإستقرار الكيان عرض الحائـط ..... هؤلاء ليسوا مثل جمهور الهلال الذي وقف مع الفريق العام الماضي والآن !!! في فرق كبير بين جمهور الهلال وبين هالعينات التي هزت استقرار النادي العام الماضي وعملت شوشرة من الداخل وفي الرأي العام الهلالي بقاء المدرب مهم والأهم المطالبة بمحاسبته والجلوس معه والمحاسبة تكون بوجود خبراء فنيين يضعون لك تقييم وتوضيح لما قام به ولا ننسى بعض اللاعبين مثل نيفيز يحتاج لجلسة مصارحة |
إقتباس:
ياكثرهم بالمنتدى وتويتر الي يطالبون بأقالته منجرفين ورى الأعلام الأصفر الحقود |
ماسألت ريجي ليه هجوم الهلال مع سامي كان يتمركز صح ؟ |
إقتباس:
اخي الكريم لو رجعنا لمواضيعك عن سامي لقد كتبت فيه معلقات وعن محاباة ابن مساعد له بالله عليك مدرب ينلعب عليه مرتين تقول عنه مدرب ؟ عجبك هياطه بالشماغ ؟ عجبك إنتقاصه من فريق سدني ؟ سدني من مباراة استراليا ومن اول 20 دقيقة انكشف لنا يعني مانكشف لمدربك ؟ نحن لانطالب بارجاع سامي نحن نطالب بمحاسبة من اقال سامي نطالبه بان يكون شجاعا ويقول انا اتحمل المسؤلية اما ان نرمي كل شئ على الحظ والتحكيم فاسطوانة مشروخة فريق قزم مثل الفقر ياخذ حقوقه كاملة وادارتك عجزت حتى عن منع لاعبيها من الذهاب لمعسكر منتخب فاشل الالتفاف حول الفريق الان مهم لكن ليس بمثل عينة هذا المدرب فما الفائدة من حشر فريق ولا تستطيع ان تسجل 180 دقيقة بالتوفيق للزعيم في قادم الايام بدووون ابن مساعد |
إقتباس:
ماسألت سامي كيف هزمنا النصر وكيف تعادل معنا الاتحاد وكيف هزمنا الشباب بالدوري وكأس الملك جمهور عاطفي للأسف |
أما أقيلوا المدرب ..... أفضل مدرب مر على الهلال بعد قريتس ..... ما هو ذنبه ان الحكم ما حسب لك شيء ولا هو ذنبه ان الهجوم متسرع ويشوت على يدين الحارس .... قليلا من العقلانية بالطرح |
تأسيس سامي للفريق غلط وين صارت اجيب اثنين محترفين كلهم قلوب دفاع واضيع الهجوم |
ماشاءالله عليك اكيد عندك واسطه كتبت في المدرب قبل مباراة الذهاب مع سيدني وابعدوا موضوعي للمواضيع المنقوله ومنعت من كتابة المواضيع الجديده وكأن فيه دكتاتوريه بالمنتدى وقلت اقنعوني ان المدرب صنع هويه للفريق او احد يقول تغييراته تصنع الفرق وتقلب النتيجه المدرب جديد في عالم التدريب واحسن انجاز له مع الهلال انه وصيف بطل القاره والى الان لم يضيف شي للهلال جاء وحصل الفريق جاهز ولم يبرز اي وجه جديد كلهم كانوا موجودين من قبل |
اهم شي المحافظه على مدرب اللياقه |
اجل الاعلام الاصفر يريد سماع اقالته بننتطركم ونشوفكم كيف انتم اللي بتطالبون بإقالته يعطيك العافيه |
إقتباس:
شف مدرب سيدني هذا اللي جد يسمى داهيه اخرج ثلاثة اندية اسيوية عريقة بنفس التكتيك اعطاهم الملعب طولا بعرض ومن كم هجمه حسم الفوز وحقق اللقب يعني مشاهم ع كيفه |
إقتباس:
اقرأ الموضوع بعدين رد مو تقرأ العنوان |
| الوقت المعتمد في المنتدى بتوقيت جرينتش +3.
الوقت الان » 03:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd