|
إقتباس:
لما كان الفريق بدون دفاع طالبنا بالصبر على المدرب ، ولكن بعد عودتهم من الإصابة شفنا فريق مستقر جدا (رغم الضغوطات وخروجه من البطولات وغياب أهم عنصر نيفيز) ريجي مسك الفريق شبه مكتمل ، وكان بيده يجلب عنصرين إلى ثلاثة (مؤثرين) لكنه جاب عناصر مكملين ريجي يحمل عناصر كانت مؤثرة الموسم الماضي وأصبحت (مكملة) هذا الموسم وللذكر ، العام الماضي خرجت بعض الجماهير تلوم سامي على أن لديه عناصر مؤثرة لم يستثمرها وللأسف ما زالت هذه العناصر غير مؤثرة ولا تصنع الفارق سواء قبل سامي أو حتى بعده ، فكيف نلوم المدرب السابق ؟ افهمها وليفهمها غيرك التدريب مو لعب عيال ، ولا هي حكر على الروماني اذا بغيت تنتقد شوف الأرقام ( تطور الفريق ، توقيت الأهداف ، فارق الأهداف ، اكتشاف اللاعبين ، اللياقة ) على مدى موسم كامل وتقييمنا لريجي مو من مبارتين ، بل من بداية الموسم يا أخي لو الفريق من العام الماضي سيء تهديفيا أقولك أوكي المدرب ما له دخل لكن العناصر هي نفسها ، بل أصبحت أفضل بعد جلب بنتلي وحمد الحمد يكفي أنك تشوف (توقيت) أهداف الهلال مع هذا المدرب لتعرف أن المدرب حاصل على تطبيل غير طبيعي ولولا أهمية هالفترة لما سكت كثير من الغيورين عن نفسي تحدثت عن هذي الجزئية ، وللأسف خرجنا من الآسيوية بسببها كيف لفريق يحصل على 40 فرصة لا يسجل منها هدف ؟ يا رجل الهلال من بداية الموسم ما سجل ولا هدف من ركنية !!!!!!!!!!!!!!!!!!!!!!!!!!!!!!! حسبي الله ونعم الوكيل في كل شخص تسبب بهالشيء |
نعم الهلال في انحدار مخيف وإذا استمر هذا الأنحدار سنخسر حتى الدوري المحلي آمل جلب مهاجم وصانع لعب من طرازين عالي والاستغناء عن نيفز وكواك |
كلامك عين العقل ريجي ليس مقنع في ادائه واقالة سامي هدمت أشياء كثير |
السلام عليكم ورحمة الله وبركاته اولا اميرنا عبد الرحمن بن مساعد شكرا من قلب ماقصرت تعب ومرضت كله لاجل الهلال وجمهوره العظيم لعيبتنا ماقصرتوا تستاهلون الفوز وان شاء الله نحققه السنه الجايه مدربنا للاسف ماني متفائل اعلن تحدى ورهان أن دوري هالسنه ليس للهلال بل أأكد انه طار مننا على اداء اليوم لان اغلب الفرق الصغيره متكتله امام الهلال مثل سدني بالتمام واي تشكيله راح يمشي عليها ويفاجئنا الداهيه ؟؟؟ |
مع سامي كنت أرى الكاس الغالية بين احضان الزعماء أقسم بالله بعد مؤتمر ريجي ووصفة فريق سيدني بالصغير أني لم أشاهد المباراة ولم أعيرها أي أهتمام لأني تيقنت من الخسارة. |
إقتباس:
أقوى من هلال قيريتس وسامي هلال قريتس وسامي عطى السد والاتحاد خمسات كان نيفيز وناصر يحرثون الارض حرث والهجوم له هيبة وش سوى ريجي قدام الأهلي والشباب والفتح ؟ ضحى بمهاجم سوبر ستار لأجل بنتلي ؟ وعنده محور جبار زي كريري؟؟ مهر الاسيوية غالي وثمين مهاجم بلدوزر يحرث الارض حرث ومن أنصاف الفرص يسجل المستوى في انحدار والمستوى انكشف قدام الشباب والاهلي والعين في العين |
إقتباس:
لاعب مكسب زي حمد الحمد ولا مرة عطاه الفرصة؟ بل لم يضمه لبنش الاحتياط يا اخي مدرب عجيب والأعجب الي يطبله |
مباراه امس ينطبق عليها لو تجري جري الوحوش غير رزقك ماتحوش |
إقتباس:
ما ادري وش نهاية التطبيل على مدرب متواضع جداً يقولون ريجي وصل نهائي آسيا وخسر بالتحكيم هنا مدرب داهية سامي وصل نهائي كاس ولي العهد وخسر بالتحكيم هنا متدرب ما نراه أن هيبة الهلال مع سامي فقدت مع ريجي ومتعة الهلال مع سامي فقدت مع ريجي تمدح مدرب يفوز بالخمسات تطبيل تمدح مدرب يفوز بشق الانفس ويخسر اربع مباريات متتالية عين العقل والحكمة عجبي!!! |
انتقدنا المدرب من بعد مباراة السد الذهاب وقبلها الاهلي اللي نجى من خسارة قلنا الفريق مستواه سيئ وهالمستوى ما يأهلك تحقق البطولة اذا كان هجومك عقيم بعد ما كان اشرس هجوم بالاسيوية و الدوري قالوا المدرب داهيه وتكتيكي ومهتم بالدفاع والدفاع يجيب لك بطولة مدري وش هالتفكير الخطير وشلون بتفوز اذا ما تسجل !!! واخرتها لا دفاع ولا هجوم :cry::cry::cry: واخرتها ثلاث هزائم متتالية ما اذكر انها صارت للزعيم خلال السنوات الماضيه وشكل الدوري بيلحق الاسيوية والله يستر بعد تطير المشاركة في الاسيوية الموسم الجاي الله يعين بس الشكوى لله يعطيك العافية |
اتمني اعادة سامي ريجي واضح عليه .. مدرب خواف فرق بين مدرب هجومي بحذر وماشي بالطريق الصحيح .. ومدرب خواف متاخر بهدف وتمشي بنفس الخطه فمة الغباء |
إقتباس:
الحين يجونك محامين المدرب ويقولون لك انه الداهيه وربي ما ضيعنا غيره اللي يمدح المدرب اشك ان قلبه ع الفريق |
مدربنا هو اللي ضعف الفريق هجوميا المفروض امس تفوز ٤ او ٥ فريق دفاعي وتلعب قدامه بمهاجم واحد ونيفيز تخليه يرجع يغطي مع المحاور وهو كان هدافنا ومعه ناصر فريقنا متعطل هجوميا خمس مباريات ماجبت الا هدف واحد الله يستر من الدوري عسى نشترك في النسخه الجايه من اسيا |
إقتباس:
كلامك من ذهب , الهلال ضاع وسوف يضيع اذا اعضاء الشرف يسوون مثل اعضاء الجار , هذا نبيه وهذا ما نبيه , ولكم في اللعيبه اللي جلبوهم من فرقهم اين هم , الا بس تعطيلهم وتعطيل انديتهم اللي حرمت الزعيم من بطولات , لاعيبه الهلال مغررورون بانفسهم , يجب اتخاذ مبدا الثواب والعقاب مع الجميع حتى المدرب , وابعاد اعضاء الشرف اللي همهم صورهم تطلع في كل مكان , يجب العمل بجد واجتهاد , وعدم المبالغه في المكافات لان اللاعب محترف ياخذ حقه وزود على ذلك , ايجاد اداري محنك مثل منصور الاحمد , ايضاً لازم يكون هناك مستشارين في الفريق ليناقشوا المدرب ويرفعون للادارة عن كل صغيرة وكبيره , يليت جلب صالح النعيمه وفيصل ابو اثنين وان حصل خالد الشنيف , او الدكتور الخالدي , ايجاد متحدث اعلامي قوي وابعاد الجاسر , هذا اذا تبون الزعيم الملكي الهلالي يرجع كما اول ايام عبدالله بن سعد رحمه الله عليه . او ان الادارة ترحل وتترك المجال لغيرها ليكمل مسيره الابطال . موكس ابو تركي |
مدرب جبااااااااااااااان ولا يحسن قراءة الخصم أثناء المباريات و لايحسن التبديل و نظرتة للاعبين ومعرفة الاميز سيئة. هذا الموسم لا بطولات والله اعلم.. |
| الوقت المعتمد في المنتدى بتوقيت جرينتش +3.
الوقت الان » 07:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd