بما إني مبسوط الليله
ومديري عطاني الضوء الأخضر في غياب يوم الأحد
ولزّززم عليّ أحظر الإثنين (جات حلوه منه وغريبه بنفس الوقت)!
المهم, ضبطت عفشي في الموتر
وآخر الليل إن شاء الله متوّجه ع الرياض
والسبت بسوّي رجه وجنااااان في الملعب (تشجيع ودعم طبعاً)
ف إسمحولي أسولف هنا بالمفردات العاميه كنّي معكم في جلسه
اللي بقوله قديم ومعروف وفارغين منه ..
بس بعض جمهور الزعيم من الجيل الصغار الجٌدد يسمع عنه ويمكن ما لاحظ هالشي..
تسمعون إن الزعيم محارب؟
تسمعون إن الهلال أعدائه كثير؟
تسمعون إن الهلال يذيق منافسيه الحسره؟
تسمعون إن الهلال ثابت في البطولات والبقيه متحركون؟
هيا شوفوها ي حبايبي الفتره هذي
لعبنا الآسيويه وتأهلنا ع النهائي والربع شغالين محشات
توقعنا دعم, بس ....
المهم ماعلينا
وصلنا النهائي وقلنا خلاص بيعقلوا
شوي ودونا في الدِين وشوي كفرونا وشوي وشوي وشويات
وكثروا وكثروا !!!!!!!!!!!!!!!!!!!!!!!!!!!!!!!!
لا وأفلتوا مشجعين متعصبين ويكرهون الهلال وقالوا لهم تراكم (إعلاميين)
وهاكم رشّات وهبات بس إستلموا الهلال وحاولوا تأثرون عليه
لأنه الهلال لو أخذ الآسيويه ماعاد نقدر ننافسه
فتكفوووون إستلموه وأثروا على اللعيبه وأشغلوا العاميّه
لدرجة تحدوا وطقطقوا ووزعوا جوائز (تطوروا عن ذبح الإبل) وقلبوها آبل

ي الربع القدامى ذكروني لو كنت ناسي .. صار هالشي مع الإتحاد ؟
أكيد بتقولوا noooooo
ألحين عرفتم من مجننهم ومن رافع ضغطهم؟
ومن المحارب بلا سبب؟
هو الهلال اللي يرفع ضغطهم بكسب البطولات وهذي يسمونها الغيره

طبّ طوروا أنفسكم ونافسوه لا أن تحاربوه بالظلم والتفاهات
والتصوير للشارع الرياضي أن الهلال (إرهابي) !!!
طوّلت في موضوعي وبختصر:
إبن عمك في هوشه مع أغراب وقاموا عليه
وهو قد الهوشه ودندون ومايهزه ريحه وإنت حظرت الهوشه..
بتقوم معه وتفزع وإلا بتقول:
هو أشطر مني في الدراسه وأنا بليد ليه أوقف معه!

ختاماً /
جابها الزعيم السبت أو ماجابها بظّل الهلالي
ذلك المرفوع رأسه, لا البليد الباحث عن مسح بلادته
باإنتقاص الغير دون أن أحاول أنافسهم!!!!!!!!
ودمنا زعماء ..
(ووطنيٌون مع الغير قبل أنفسنا
ف وطنيتنا لا تحكمها أهواء المحشـ..) .