|
للجماهير اللي بتحضر (تكفون مانبي زي حضور مباراة ذوب اهان السيء) السلام عليكم انا ممن حضر تلك المباراة (ذوب اهن ضد الهلال) واتمنى اتمنى ماتتكرر أخطائنا كجمهور وكلاعبين انا اعطيكم هالاجواء قبل المباراة الشبيهة بمباراتنا الحالية مع ويسترن سيدني: - الهلال الكل كان يقول انه افضل من ذوب اهن بمراحل فنيا وعناصريا وماديا - الهلال قدم مباراة كبيرة في الذهاب ولكن النتيجة كانت لهم ١-٠ والهلال طالب بركلتي جزاء أجواء مباراة الاياب: - الجمهور داخل المباراة وهو شايل هم ان اي هدف على الهلال راح ينهي المباراة - الجمهور كان سىء في تفاعله كنت تسمع الرابطة فقط والجمهور لا يطلع له صوت الا في حال وجود هجمه للهلال ويصفق ١٠ ثواني ومن ثم يعود الى وضعه ويسكت! لا ادري هل هو بسبب الحضور المبكر للملعب من الظهر لضمان مقعد أو لشدة أعصاب المباراة لان الهلال صار له فترة طويلة ما لعب مباراة بهالأهمية! على العموم كل عالكلام مش مبرر لعدم فعالية الجمهور بعد الهدف (الدقيقة ٥٥) - الجمهور يسكت تماما ويعترض على اي قرار وانسحاب من المدرجات شيء فشيء حتى الدقيقة ٨٠ لم يتبق غير ثلث الحضور فقط!! - اللاعبين يتأثرون بالهدف ويبدأ التكسير والاعتراضات على الحكم ولا توجد ردة فعل ايجابية طبعا اللي ما عجبه وصفي للأجواء يشوف المقطع ويلاحظ الكلام اللي اقوله ان الجمهور الهلالي فعاليته سيئة في تلك المباراة ولا يتفاعل الا ثواني مع هجمات الهلال ‫خروج الهلال أمام ذوب آهن اصفهان - الهدف + ابرز الأحداث‬‎ - YouTube نتمني من الجمهور الهلالي اللي بيحضر: عارفين انكم عانيتم للحضور وجيتوا بدري بس نبي تفاعل طوال ال ٩٠ دقيقة والتصفيق للاعبين مهما كانت النتيجة بعد نهاية المباراة نتمنى من الرابطة: شحذ الجماهير باهازيج جديدة والتشجيع طوال فترات المباراة نتمنى من اللاعبين: القتال والتركيز وحتى اذا جاء علينا هدف القتال اكثر والتركيز اكثر وضبط الاعصاب ولا بد من وجود ردة فعل ايجابية لو بفوز شرفي ولا تفكون السبحة زي ما سويتوا مع اولسان!! لمن يعتقد بان اي هدف على الهلال سينهي المباراة وسيتوقف عن التشجيع تذكرو ال ١٠ دقائق في مباراة العين لما سجلنا ٣ أهداف وضيعنا بلنتي! تذكروا مباراة جوانزو ومنافسنا ويسترن سيدني في ثمن النهائي ويسترن سيدني كان متقدم بهدفين في الصين مع بداية الشوط الثاني وجوانزو مطالب بتسجيل ثلاثة اهداف ومع كذا الصينيين لم يستسلمو بل سجلو هدفين واضاعو بلنتي وهددو مرمى ويسترن ودفاعه القوي عدة مرات في خلال دقائق نهاية المباراة وصرح مارشيلو ليبي لو ان الحكم احتسب دقيقة اضافية لفزنا!! نتمنى الهلال ما يوصل لهالمرحلة اللي وصلها مع ذوب اهن بان شباكه تستقبل هدف او تستمر النتيجة سلبية ويخلصها من البداية بتسجيل هدفين على الاقل في الشوط الاول وفي الاخير تكفون ما نبي زي جمهور مباراة ذوب اهان اللي اعتبره من أسوء الجماهير فعاليتاً مع المباراة مع ان الملعب كان مكتمل تماماً ! |
الله يعطيك العافية وبالتوفيق للزعيم |
كلام سليم واتمنى من مجلس الجمهور توزيع ارشادات ونصائح تذكر الجماهير ان المباراة 90دقيقة |
ياناس تدرون لو نفوز السبت وش بيصير فيني اقسم بالله بصيح بطامر بنهبل ياااارب الكأس هلالي يارب فرحنا السبت ياررررب اني رجيتك لا تخيب رجاي |
أتمنى من مجلس الجمهور اللي اثق انه بعد عوان الله يسعى الى اخراج المدرج اخراج رائع يكون كفيل بشحذ همم اللاعبين وجعلهم في تحدي مع أنفسهم وسعي في رد الدين للجمهور ... فأتمنى كتابة تعليمات عن الطرق اللي بتتخذ في التشجيع مع تقسيم الوقت وفي الوقت هذا بنسوي كذا او ينقول كذا في ورق مطبوعة ووضعها على كل كرسي وتقسيم كل مدرج لمربعات وكل مربع له مسئول ويقود هذا المربع مع استخدام الجوالات ووضع السماعة في الإذن ويكون التواصل سهل بين قائد الرابطة وقائد كل مجموعة وقائد كل مدرج لان في مدرجات بعيده عن الرابطة ما تدري ايش اللي يصير ما غير تسمع صوت |
كلام سليم .. انا احد الحاضرين لمبارة ذوبهان السابقه وفعلا هذا اللي حصل . |
إقتباس:
كذلك المفترض المجلس يتوزع اعضاءه في كل مكان في الملعب لضمان فعالية الجماهير |
إقتباس:
|
شكراً الله يعطيك على قد نيتك بإذن واحد أحد الهلال سيرفع الكأس ولا عزاء لكل مندس ،،، شعر ياولد ههههه |
شكراً اخي الكريم انا اتمنى من جمهورنا الكريم المتواجدين في الملعب و انا اولهم في الملعب إن شاء الله اتمنى عدم السكوت و التشجيع في المباراة كامله برغم من اي نتيجه كانت لأن الهلال قاد ان يسجل في اي لحظها و لنا في مباراة العين خير دليل في 10 دقائق خلصنا المباراة بثلاث اهداف لاحظ 10 دقائق اتمنى من جمهورنا و من الرابطه التفاعل كما في المقطع المرفق لكم من جمهور مدري اي نادي بس اعجبني التفاعل و اقد طرح المقطع احد الأخوان من الاعضاء https://www.youtube.com/watch?v=C5bVQTg_dtQ اتمنى التفاعل مثل الجمهور هذا ودمتم بود |
| الوقت المعتمد في المنتدى بتوقيت جرينتش +3.
الوقت الان » 04:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd