|
ادارة الهلال الفاشلة في توزيع التذاكر! ليش تمرمط جمهورك ولا تقدره؟ السلام عليكم نخش في الموضوع على طول أنا أبي أفهم ليش إدارة الهلال ما تقدر جمهورها :ranting: ليش كل هالمرمطة! ما هو معناته انه عندك جمهور كبيييير معناته عادي تمرمطه و تنكد عليه لان في الاخير هدفك الاول والاخير تعبئة المدرجات بغض النظر كيف؟ تجربتي في الحصول على تذكرة مباراة العين في الامارات! صراحة تمرمطت انا واللي معي وخربت سفرتنا في ملاحقة المديد وغيره! يعني انا واصل لدبي قبل المباراة باربع ايام ومثل ما انتم عارفين الهلال بعادته السيئة يروح يشتري التذاكر كلها! طبعا قبل اربع ايام كان ما احد يوزع تذاكر الا واحد خوي للامير عبدالله بن سعد اسمه ابو عبيد طبعا هذا ما كان معه الا ٤٠٠ تذكرة وذال ام العالم فيها ولا يعطي الا بشغل واسطات وضبطني اضبطك! ولا له مكان محدد ولا وقت محدد. قبل المباراة بيوم ومع وصول بعثة الهلال رحت للعين وكان وقتها حصة تدريبية مغلقة في الملعب ودرت حوالي الملعب الى ان لقيت مجموعة هلاليين عند احد بوابات الملعب فجلست معهم وفجأة مر علينا فهد المديد وكنت اول من شافه وطالبناه بالتذاكر فقال ابشرو ولطعنا ساعة وبعدين طلع بعدد قليل ما يكفي نص الموجودين! ولم أخذ تذكرة لم أيأس ذهبت الى الفندق وازعجناهم وهم يتعشون وطلع لنا فهد المفرج وقال اطلعو وبنجيب لكم طلعنا برا ولطعونا قرابة ٣ ساعات الى ان جاءت التذاكر من فهد المديد ويوزع فقط تذكرة واحدة لكل شخص وفيه ناس ما خذت مع ذلك! في هالمباراة الجايه (النهائى) الهلال يكرر عدم احترامه وتقديره للجماهير - بقرار مجانية التذاكر - توزيع التذاكر عند البوابات الساعة ٣:٣٠ بعد تفتيش العساكر (قصدهم ما يبون احد ياخذ تذكرة ولا يدخل الملعب) طبعا هالقرار السيء بينتج عنه عدة عوامل سلبية: - حضور عينة كبير من غير مشجعي الهلال (بعضهم جمهور مسيار، بعضهم يحب يحضر اي تجمعات زي كذا "لاسباب مختلفة") هالعينة هي نفسها اللي عندما هزم الهلال مع اولسان رددت "العالمية صعبة قوية" فاتحداك تلقى هلالي حقيقي يردد هالعبارة، ممكن يقولها هلالي حديث العهد بالتشجيع ولا يعرف تاريخ الهلال وان الهلال سبق ان ترشح للعب كأس العالم وان عالمية النصر ترشيح! - جمهور الهلال راح يضطر يجي بدري في عز الظهر لكي يساند فريقه وبهالطريقة اكيد راح يكون هناك زحمة وانتظار طويييل لدخول الملعب بهالطريقة كيف تتوقع من الجمهور انه يساند الفريق طوال المباراة الى اخر دقيقة، وراح يكون مضغوط لانه عانى للحضور ولاقدر الله الهلال جاء عليه هدف او لم يسجل راح الجمهور يسكت وبعضهم راح يخرج مثل ما حدث في مباراة ذوب اهان والعصبية راح تزيد لانه تمرمط وفي الاخير ما فيه مستوى. ( المفترض انك تقعد وتساند فريق وتشجعه حتى لو خسر خاصة ان كان مقدم اداء جيد) لكن ما تلوم جماهيرنا مع هالتعقيدات في الحضور! الحلول بالنسبة للمباريات الخارجية وبحكم ان هناك ناس راح يعانون سفر ومصاريف للحضور فهؤلاء الحل يكون هناك موقع بسيط او رابط يستقبل طلبات الحضور والحصول على تذكرة طبعا يكون الادخال الاسم ورقم بطاقة الاحوال لتفادي حصول شخص على اكثر من تذكرة قبل المباراة بثلاثة ايام يكون هناك شخص تابع لادارة الهلال يكون موجود (مثلا في فندق) ويكون متواجد في فترة زمنية محددة (مثلا من ٥ الى ٩ مساءاً) ومعلنه مسبقا باسبوع تجيه الجماهير اللي ارسلت طلب وتبرز الهوية الوطنية السعودية وتستلم تذاكرها وطبعا ما تكون مجانية عشان الشخص اللي بيشتري يكون جاد في الحضور ولتفادي تخريب جمهور المسيار بالنسبة للمباريات المحلية يتم بيع التذاكر بمبلغ اكثر من ٢٠ ريال لان هالمباريات عليها طلب كبير وفرصة ان الهلال يتربح منها ماديا فتكون التذكرة تقريبا ٦٠ ريال ويتم بيعها قبل المباراة باربع ايام طبعا ايجابيات هالخطوة: - مكسب للهلال ماديا - عدم مرمطة الجمهور وتفادي الازدحام عند البوابات والتعب بالحضور مبكراً لان الجماهير بتكون خايفة تخلص التذاكر - تفادي حضور جمهور المسيار لانك لو قلت له ب ٦٠ ريال بتروح لادارة الهلال ما راح يدفعها واللي بيدفعها منهم قلة قليلة جدا - تشجيع منقطع النظير طوال احداث المباراة لان المشجع بيحضر من ٥ او ٦ بدلا من ١ او ٢ ظهرا وما زال في نشاطه سلبيات الخطوة: - ناس راح تقص تذاكر ولا راح تحضر هذي حلها بسيط بالتنسيق مع ادارة الملعب وصلة اذا شافو قبل المباراة بربع ساعة فيه مقاعد فاضية يتم ادخال جزء بسيط من الجماهير اللي ما عندها تذاكر لملاء المقاعد الشاغرة ومن ثم اغلاق البوابات في الاخير توجد مشكلة وهي خارج اطار مسؤولية ادارة الهلال وهي دخول ناس بدون تذاكر وهذي دائما تصير فبعض الاحيان تجي قبل المباراة بساعة ولا يدخلونك لان المقاعد ممتلئة وانت معك تذكرة نتمنى حل المشكلة هذا اللي كان في البال والصراحة ادارة الهلال طفشوني في العين وعارف انهم بيطفشوني يوم السبت وبودي اقول لادارة الهلال جماهيرية الزعيم نعمة فحافظوا عليها وقدروها ليس بالكلام ولكن بالفعل ملينا من كثرة الكلام وعدم وجود شيء في الواقع نتمنى لما يجي شخص زي الامير الوليد بن طلال او الامير عبدالله بن سعد ويقول بشتري تذاكر قولوا له ما قصرت. خيرك واجد بس هالمباريات ما تحتاج تشتريها طول الله عمرك، خله يشتريها في المباريات اللي فيها قلة حضور في الدوري او في مراحل المجموعات في دوري ابطال آسيا وشكرا لكم |
عنوان موضوعك سخيف ،، اللي بيحضر يحضر لو يتعب شوي عشان التذكره لكن اللي يبي التذكره تجيه لين البيت هذا خله في بيته احسن |
إقتباس:
حنا نبي التزام بالمواعيد وتنظيم مو مذله :mad: |
إقتباس:
|
كلام الرجال منطقي بكل دوريات العالم تجينا التذاكر بالبيت لازم اتمرمط واحصل او م احصل عشان اصير مخلص |
طبيعي اذا كان الطلب على التذاكر اكثر من الموجود بيكون فيه جمهور ماله مقاعد !!! وين تبيهم يحطونك فوق روسهم ورجل مثل المديد خدم الهلال حتى شاب راسه كيف تتكلم عليه بهالطريقة !!! معروف مقاعد الهلال. في مباراة العين محدده متى تفهمون ان الإدارة ماتقدر تزيد المقاعد المحددة مدام ادارة العين رافضة هذا النظام هذا النظام هذا النظام للضيف ٨ ٪ فقط والحضور كبير وشلون تبيهم يخالفون النظام يدخلونك بدال الاعبين مثلاً !!!! بصراحة اللي مايقدر يكتب موضوع بدون التطاول على اشخاص خدموا النادي ياليت مايكتب ويريحنا فيه مليون طريقة للتعبير ولتوصيل فكرتك بدون ماتغلط لا على المديد ولا على غيره |
إقتباس:
٢- انا ما غلطت على فهد المديد ممكن انت فهمتها اهانة ولكن على العموم حذفت كلمتي "المديد ومن على شاكلته" في السطر الخامس وبعدين المديد تراه موظف يستلم راتب على شغله لو انه يخدم الهلال ببلاش ما قلنا شيء وعادي انتقده حتى لو انه خدم الهلال ٧٠ سنة! الرجال كبير في السن ويفتقد للابداع والابتكار في توزيع التذاكر واتمنى تصير في مكاني يوم كنت في العين ليلة المباراة تمرمطت عشان اخذ منه تذكرة واحدة فقط ٦ ساعات!!!!!! |
يا فاشل الادارة ذي وصلتك لنهائي الابطال احترم نفسك تبغا تحضر احضر وكن رجل وتحمل او جمهور الملكي يتعذرك |
الهلال عممممممممممممممممممممك :ranting: |
كلامك سليم جداً واكبر غلط التذاكر مجانيه الوليد ما قصر لكن ما عرف ان الناس تتمرمط بالدخول المجاني من سوء تنظيم وتوزيع للتذاكر لكن يا شباب معاً للدخول بتذكرة أو بدون تذكره اقتحاااااااااام اقتحاااااام اقتحاااااام ما عليكم من امن الملعب نبي عموم الهلاليين يد وحده وبدون خوف كما فعلها جمهور الاهلي بنهائي كأس الملك عندما احرقوا التذاكر الاتحاديه اقسم بالله انهم مجانين يد وحده (( وشوف عيني وانا معهم )) دخول جماعي الامن مو مسيطر ع ٧٠ الف مشجع واكبر غلط التذاكر مجانيه الوليد ما قصر لكن ما عرف ان الناس تتمرمط بالدخول المجاني |
بسم الله والصلاة والسلام على رسول الله الحمد لك ربنا على كل شيئ اللهم لاحول لنا ولا قوة الا بك بذل اللاعبون الجهد ولم يتوفقوا وبإذن الله السبت القادم بإذن الله ربنا يكرمنا ونحقق السابعة بإذن الله لذا لاتلتفتوا لفئة والله لاتريد خيرا بالزعيم وجماهيره وسيخذلهم ربي يوم السبت القادم وستذهب مجهوداتهم ادراج الرياح بإذن الواحد الأحد واخيرا لاينقطع الدعاء لاينقطع الدعاء لاينقطع الدعاء فأنتم تدعون رب كريم رحيم يسأل عن عباده هل من تائب فأتوب عليه هل من مستغفر فأغفر له سبحانك ربنا ما أعظمك اللهم سهلها ياكريم يوم السبت وفرح عباد لك يدعونك بالليل والنهار اللهم اكرمهم بهذه البطولة يارب |
إقتباس:
وبعدين سبحان الله عشاني هلالي خلاص ممنوع انتقد الادارة !!! الفريق واصل للنهائي معناته ان كل شيء كويس وما فيه أخطاء !!! وبعدين لو تسأل الامير عبدالرحمن بن مساعد هل وصول الهلال للنهائي يكفي ان تقدمه لجمهور الهلال لقالك نحن مقصرين والهلال وجمهوره يستاهلون اكثر! وبعدين ترا الدعوه مباراة قدم ماهي حرب ليش انلطع وانذل عشان ادخل ملعب !!! |
إقتباس:
النظام زين |
فيه ناس ما عجبهم الموضوع ولكن صدقوني التخبط في توزيع التذاكر ومجانيتها هو السبب في ترديد عبارة العالمية صعبة قوية في مباراة اولسان واللي كانت وصمة عار ونسبت للجمهور الهلالي ( رضينا والا ما رضينا ) وبهالطريقة اللي بتسويها الادارة ممكن تتكرر في النهائى يوم السبت في حال لاقدر الله انهزم الهلال وخرج جمهور الهلال وبقي جمهور المسيار لا قدر الله يوم من الايام راح تصير مشكلة من هالتجمعات الكبيرة والازدحام (ممكن تصير حالات اغماء او ضرب من العساكر) وذاك اليوم بتقولون ليش ما نظمنا توزيع التذاكر أفضل! يعني لاحظ انك تبي حوالي ٦٠ ألف واحد يتواجدون في وقت واحد!!! |
يا أخي من اشوف واحد جديد أشك إنه مندس ومن أطلع على موضوعاته وردوده اتيقن بذلك |
| الوقت المعتمد في المنتدى بتوقيت جرينتش +3.
الوقت الان » 10:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd