|
(( فوزنا بـ الحظ )) والله ماهي الا ابرة تخدير ثانية بعد الاولى . إنتبه يا ريجيكامب . كيف فاز سيدني !!؟ الله يستر لا يمشّي مدرب سيدني علينا ابرة التخدير الثانية عندما صرح بقوله فزنا بالحظ !!! بعد تصريح المدرب انهم فائزين بالحظ ضرب ابرة التخدير الثانية .. فبعد تصريحه عندما قال سنلعب مع الهلال الكبير صاحب التاريخ واكبر قاعده جماهيريه اجمع الكل بانه خائف يترقب . ولم نعلم انه حقن الكل بـ ابرة التخدير الأولى سريعه المفعول . { كيـــف فـــاز المكـــآر } تكتيك وخطة سيدني في مباراة الذهاب كانت كالتالي :: الكل توقع ان الفريق بيهاجم ويفتح ملعبه ولكن المدرب ذكي درس طريقه الهلال الهجوميه وادرك ذلك تماما وعرف ان الهلال يرغب في هدف مبكر لذلك عمل خطه ( ماتخرش المي ) - على قول المصارية - عشان كذا قام الثعلب بـ عمل خطه دفاعية بحته في الشوط الاول .. حتى تخدر الفريق وشعر بانه هو الاجدر بالفوز او حتى بالتعادل . واكمل حيلته هذا المكار بان استمرت طريقته المموهه والدفاعية اول 10 دقائق من الشوط الاول وبدا للكل ان المدرب خائف فقام باشراك مهاجم خطير لم ياخذ وقت طويل حتى سجل هدف .... لم يقف عند هذا الحد بل اجهز على الفريق وادخل الخطير رقم 10 الهجومي ايضاً وتسببوا في ثلاث هجمات بعد الهدف كانت كفيلة بنحر الهلال اكثر واكثر . وفي نفس الوقت حافظ على الخطة الدفاعية .. هنا المكر والدهاء في المدرب .. (حتى المحللين والمعلقين لم يذكروا ذلك بين الشوطين بل رجحوا كفة الهلال وانه سيفوز او يخرج متعادل ..) اتمنى أن يدرك ريجي ان مدربهم تفوق عليه ولم يفز بالحظ كما قال لانه مستمر في التخدير والله يستر لا تمشي علينا قولة مدربهم الثعلب المكار انه فاز بالحظ .. |
والله ماذبحنا الا التخدير التخدير يجيب بطولات ، فريقك اقوى من فريقي = وفي الاخير انا اكسب وانت تبكي كلامك صحيح ي برشلوني ٍٍ |
وراح يفآجئ ريجي بـ خطه هجوميه بحته في مباراة الإياب .. واذا ما توقع مدربنا جميع الاحتمالات راح ياكلها اول 10 دقائق .. مدربهم ذكي هو لعب على نتيجة 0-0 او 1-0 لصالحه ,, تدرون ليه ؟ لانه لو انهى مباراة الاياب بنتيجة 0-0 او 1-0 او 2-0 فـ 1000000% ان الهلال راح يلعب بخطه هجوميه 1000000% ويخلي مساحات في الخلف وقتها يخطف هدف على ارضك في اول المباراة ويرجع في ملعبه ... والله يا مدربهم انه داهيه وعارف امكانيات لاعبينه .. وهذي الخطط للاسف طبقها من بداية دور الـ 16 الى النهائي .. وسبحان الله معطيهم صبر عجيب على المباريات .. وزاد الطين بله جمهورهم هل يقدر جمهور الهلال يعمل مثلهم ؟؟ الله معطي هالفريق صبر عجيب على المباريات من دور الـ 16 انا متعجب من مشوارهم .. |
بسم الله والصلاة والسلام على رسول الله الحمد لك ربنا على كل شيئ اللهم لاحول لنا ولا قوة الا بك بذل اللاعبون الجهد ولم يتوفقوا وبإذن الله السبت القادم بإذن الله ربنا يكرمنا ونحقق السابعة بإذن الله لذا لاتلتفتوا لفئة والله لاتريد خيرا بالزعيم وجماهيره وسيخذلهم ربي يوم السبت القادم وستذهب مجهوداتهم ادراج الرياح بإذن الواحد الأحد واخيرا لاينقطع الدعاء لاينقطع الدعاء لاينقطع الدعاء فأنتم تدعون رب كريم رحيم يسأل عن عباده هل من تائب فأتوب عليه هل من مستغفر فأغفر له سبحانك ربنا ما أعظمك اللهم سهلها ياكريم يوم السبت وفرح عباد لك يدعونك بالليل والنهار اللهم اكرمهم بهذه البطولة يارب |
نعم المدرب ذكي وذكي جدا ولكن قد يخذله لاعب بخطأ كارثي وتنتهي اللعبه يحتاج مع المدرب لعيبه مع امكانيات فنيه قويه جدا الهلال يملك ذلك الفريق الاسترالي فريق يستطيع الفوز لكن بطريقته هو فقط وهذا مانحذر منه ريجي عدم الاندفاع والتركيز على نقاط الضعف فقط |
كلام منطقي جداً لكن هذا الكلام لا يتنافى ان مانقصنا هو التوفيق فكم من هجمة ضاعت كانت ستضرب هذا المكار في مقتل !! لكن بإذن واحد احد ملحوقة علشان كذا ما اتفق مع اللي يطالبون الهلال يهاجم ويسجل هدفين على الاقل في الشوط الاول بالعكس الهلال لازم يلعب بنفس طريقة سدني ما يستعجل والهدف بإذن الله بيجي والاهم حافظ على مرماك و ممكن هالطريقة بتستدرجة وتخليه يفك الحصار شوي عن مرماه خصوصاً مع مساحات الدرة اللي بتكون سلبية عليه |
إقتباس:
واحتمال كبير يلعب على المرتداات ويستغل اندفاع هجوم الهلال لاكن بإذن الله في الاياب قادرين على ردهااا الله يووفق الزعيم وتكون الاسيويه من نصيبه يعطيك العافيه |
يعطيكم العافيه </B> نسأل الله العظيم ان يوفق الزعيم بتحقيق البطولة |
اوافق رأيك وكان عندي نية اكتب نفس التحليل لكنك كفيت ووفيت هو فعلا استدرجنا ولعب على حاجتين التقفيل وانهاك لعيبتنا بالهجوم واختيار ملعب صغير يساعده على تنفيذ خطته في الاياب الثانية يفسدها عليه ملعب الدرة لاتساعه واعطاء لاعبينا مساحات للمرور والتمرير وفتح مساحات بين لاعبي سيدني والأولى يفسدها عليه لو لعب مدربنا بتكتيك اللعب الشامل الهجوم ككل والدفاع ككل ووضع ناصر داخل الصندوق وخلفه ياسر في نفس الوقت الجمهور لاززم يضغط اعصاب لاعبي سيدني ويربكهم من اول دقيقة والله كريم |
خطة الثعلب كانت بتروح فيها لو الهلال استغل هجمه وحده من هجماته ! |
انا اتفق معك أخي برشلونه تراجعه في ملعبه دليل على انه داهيه نفس الي سويناه في العين تراجعنا الشوط الاول في ملعبنا وسببنا ا له الإرهاق وضغطنا عليه في الشوط الثاني |
هو صحيح ما فاز بالحظ ،،لأن كرهـ القدم تعطي اللي يعطيها !! فـ أتفق معاكـ مدرب سيدني لعبها صح ،، وبصراحهـ أحترم الخصم وحسب لهـ ألف حساب عشان كذا سعى للفوز أو لتعادل ع أقل تقدير ~ إن شاء اللهـ يفوز الهلال يوم السبت الجاي بـ كأس آسيا هالسنهـ ،، وما يهمني صراحهـ يطلع بمستوى جميل ولا لا المهم الكأس يبقي بالرياض إن شاء اللهـ ،، شكرًا لكـ ~ |
إقتباس:
لكن ما تقوله هو قمة التخدير ماذا سيكون رأيك لو سجل الهلال بعض الهجمات التي ضاعت بسبب رعونة المهاجمي هل ستقول بانه مدرب داهيه لو سجل الهلال 3 اهداف لتغيرات اقلام النقد هذا اسمه احترام خصم وليس تخدير مثل ان ريجي احترم الخصم يعد الهدف ولم ينفذ ما يرغبه المطالبون من تكثيف المهاجمين فلو جاء هدف ثاني وكاد رايح يجي الثالث ويمكن الرابع ﻻن اﻻنهيار اسرع من البناء وما قاله مدربهم انه حظ صحيح جمله وتفصيل |
اتفق معاك والمدرب داهيه والفريق ماوصل النهائي صدفه والا بالحظ هذا المدرب هزم بطل اسيا والوصيف |
مشكله الهلال في الذهاب الاستعجال ويريدون يسجلون بسرعه وهذي تفقدك التركيز لابد اللعب بتوازن وتركيز والاستفاده من الهجمات بشكل صحيح اللي شفناه من الهلال بالذهاب يهاجم ويهاجم ويهاجم ولكن بدون تركيز وان شاء الله مباراه الاياب نستفيد من اخطاء الذهاب ونخلصها من الشوط الاول بأذن الله |
| الوقت المعتمد في المنتدى بتوقيت جرينتش +3.
الوقت الان » 09:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd