اتفق معاك والمدرب داهيه والفريق ماوصل النهائي صدفه والا بالحظ
هذا المدرب هزم بطل اسيا والوصيف

السلام عليكم ..
والله لا خدرنا ولا عند ام امه سالفة في التدريب ..
بس لعيبتنا هم اللي ما سجلوا ، وضيعوها في الذهاب ..!!!!!
ولا وش هذي الخطة الفهلومية من مدرب سيدني ومقفل ومسوي زحمة والشارع فاضي وضيع الهلال أكثر من 6 أهداف محققة .!!!!!!!!!!!!!!!!!!!


بالتوفيق والسداد لك وللأعضاء ولزعيم نصف الأرض ،،،

إقتباس الرسالة الأصلية كتبت بواسطة مستشار الزعيم السلام عليكم .. والله لا خدرنا ولا عند ام امه سالفة في التدريب .. بس لعيبتنا هم اللي ما سجلوا ، وضيعوها في الذهاب ..!!!!! ولا وش هذي الخطة الفهلومية من مدرب سيدني ومقفل ومسوي زحمة والشارع فاضي وضيع الهلال أكثر من 6 أهداف محققة .!!!!!!!!!!!!!!!!!!! بالتوفيق والسداد لك وللأعضاء ولزعيم نصف الأرض ،،،

يالغالي .. بالعكس مدربهم ذكي والكل مجمع على هذا الكلام .. ليه نكابر علشان هدفهم اللي نقول عليه ( هدف حظ او غباء )

يا اخي انا شفت مباريات فريق ويسترن ضد غوانزو وضد سيؤل تدري انه نفس التكتيك .. سواء على ارضه او على ارض الخصم يبدأ المباراة بدفاع وصبر على المباراة وبعد عشر دقايق او ربع ساعة من الشوط الثاني يبدأ يهاجم ويخطف هدف سواء كان الخصم متقدم او كانوا متعادلين ... والله انه مدرب ذكي .. والا ماكان وصل هالمرحلة .. واللي ساعده انه استخدم مهارات وقدرات لاعبيه بالشكل المطلوب واللي يفوزه ..

اشكر حضورك ..

مشكله الهلال في الذهاب الاستعجال ويريدون يسجلون بسرعه وهذي تفقدك التركيز
لابد اللعب بتوازن وتركيز والاستفاده من الهجمات بشكل صحيح اللي شفناه من الهلال
بالذهاب يهاجم ويهاجم ويهاجم ولكن بدون تركيز وان شاء الله مباراه الاياب نستفيد من اخطاء
الذهاب ونخلصها من الشوط الاول بأذن الله

إقتباس الرسالة الأصلية كتبت بواسطة دمي أزرق ! والله ما أشوف أنه داهية ولا يحزنزن صحيك يملك دفاع قوي وحارس متمكن وخاصة الأخير هو سبب وصولهم للنهائي ويركز على المرتدات والعرضيات والكور الثابته وبعدها يرجع يقفل وخدمه الحظ كثير زائد رعونة مهاجمي الفرق اللي تقابله خاصة الهلال والفريق الصيني .... ولو وفق مهاجمي الهلال بإستغلال لو فرصة واحدة كان فتح اللعب وجت على راسه وملحوقه إن شاء الله المهم لاعبينا يركزون قدام مرماهم ويلعبون كمجموعة واحدة تدافع وتهاجم وفالنا البطولة إن شاء الله

ايووه اجل مدربنا اللي جلس الى الدقائق الاخيره ثم دخل مهاجم هو الداهية !
صحيح انه ما يبي يهاجم خوف من دخول هدف ثاني لكن هذا للاسف تفكير سيئ . تدري ليه ؟

من المسؤول عن الدفاع ؟ هل هو السالم في حال اشركه من بدري بدل من الفرج ؟

ليه ما يدخل مهاجم ويسجب الفرج ولكن لا يخلي خط الدفاع يندفع للامام ويثبت كريري كمحور ارتكاز دفاعي مساند .. ويطلق خط الهجوم والوسط المتقدم للتهديف .

لكن للاسف تاخر في التغيير .. وهذا عيب كبير بحد ذاته . البعض من المدربين في مثل هذه المباريات يغير حتى في منتصف الشوط الاول لو شاف ان الفريق الخصم مستاسد ..

إقتباس الرسالة الأصلية كتبت بواسطة برشلونه الهلال ايووه اجل مدربنا اللي جلس الى الدقائق الاخيره ثم دخل مهاجم هو الداهية ! صحيح انه ما يبي يهاجم خوف من دخول هدف ثاني لكن هذا للاسف تفكير سيئ . تدري ليه ؟ من المسؤول عن الدفاع ؟ هل هو السالم في حال اشركه من بدري بدل من الفرج ؟ ليه ما يدخل مهاجم ويسجب الفرج ولكن لا يخلي خط الدفاع يندفع للامام ويثبت كريري كمحور ارتكاز دفاعي مساند .. ويطلق خط الهجوم والوسط المتقدم للتهديف . لكن للاسف تاخر في التغيير .. وهذا عيب كبير بحد ذاته . البعض من المدربين في مثل هذه المباريات يغير حتى في منتصف الشوط الاول لو شاف ان الفريق الخصم مستاسد ..

أبداً ماقلت إن مدربنا داهية
وكان له كم خطأ في المباراة ـ من وجهة نظري
أبرزها الإبقاء على سالم الدوسري ( السلبي )
وتأخره بتنزيل العابد
ومدربهم خدمه ( الحظ كثير )
لو الهلال مسجل هدف واحد من الفرص إللي أهدرها لاعبينا برعونتهم
كان باركت للهلال من بعد المباراة بإستراليا
....
وبشكل خاص في هالمباراة ـ وقبلها من المباريات اللي أشرف عليها ـ ماعدا مباراة العين بالرياض
وحتى هالمباراة أشوف الحظ خدمه كثير إضافة إن اللاعبين كانوا مركزين
وإلا أشوفه مدرب ( عادي ) وطريقته ماتصلح للهلال ( سواء أخذنا البطولة أو لا )

اتفق معك حتى صحافتهم بدت الحرب الثانيه وان الفريق فاز حظ وان الهلال بيهاجم وماراح ينفع الحظ بالاياب

المؤسف هو تصديق جمهورنا واعلامنا لهالكلام .. الحرب خدعه وهم خدعونا بالذهاب اتمنى ماتتكرر النتيجه بالاياب

اهنيك يا اخوي على الالتفات لهاذي النقطة المهمة

ولكن ان شاء الله يكون الفريق والمدرب استوعبو درس استراليا ووقفو على قدرات خصمهم ودرسو تكتيكه فعلا مدربهم داهية اعطانا الاستحواذ وسرق النتيجة بكل مكر مثل مافعل مع جوانزو الصيني بالتمام ولكن باذن الله ريجيكامب والفريق قادرين على ضرب هذا التكتيك وانهاء فعاليته نهائيا والابقاء على الكاس في الرياض باذن الله

والله ان عليهم حظ مو طبيعي بالبطوالة
لو الهلال جاب الفرص الضايعة كان ماقلتوا هذا الكلام

منقول من صحيفه سبق :

كد موقع "يورو سبورت" العالمي أن فريق الهلال يملك حظوظاً كبيرة للتتويج بلقب دوري أبطال آسيا، وتعويض خسارته أمام ويسترن سيدني الأسترالي في مباراة الذهاب بهدف وحيد.

وقال الموقع إن الهلال سيخوض مباراة حاسمة ومصيرية على اللقب الآسيوي في الرياض، حيث يحتاج إلى تعويض فارق الهدف الذي تلقته شباكه في مباراة الذهاب، مشيراً إلى أن مهمة الفريق السعودي ليست صعبة، ولكنها ليست سهلة في نفس الوقت أمام فريق أقصى في طريقه للنهائي عملاقين من عمالقة آسيا، هما جوانزهو الصيني وسيؤول الكوري الجنوبي.

ونشر الموقع العالمي خمسة عوامل قال إنها ستضمن تتويج الهلال باللقب الآسيوي، وهي:

1- الاتزان النفسي قبل المباراة: لاعبو الهلال لم يصلوا لتلك المرحلة في دوري أبطال آسيا منذ سنوات عديدة وبالتالي ليس لديهم خبرة اللعب في النهائيات الكبرى على ملعبهم وأمام جماهيرهم، وهو ما سيشكل عبئاً نفسياً يجب على المدرب التخلص منه قبل المباراة.

2- الثبات الانفعالي: فخلال مباراة الذهاب ظهر عدم ثبات معظم اللاعبين انفعالياً نتيجة لصعوبة اللقاء وحجم المسؤولية الملقاة على عاتقهم، وهو ما ظهر جلياً في الرعونة أمام المرمى.

3 - التركيز ونسيان نتيجة مباراة الذهاب: مباراة الإياب لا تحتمل تلك الهفوات التي ارتكبها اللاعبون في المباراة الأولى وتسببت في تسجيل هدف الفريق الأسترالي الوحيد، وعلى المهاجمين التركيز وإحراز الأهداف، ونسيان المباراة الأولى، والتعامل مع المباراة كأنها مباراة جديدة يحتاج الهلال فيها للفوز بأي أهداف وعدم الالتفات لعامل الوقت.

4- المدرب الروماني لورينت ريجيكامف: عليه عامل أساسي في شحن لاعبيه وتهيئتهم معنوياً ونفسياً قبل المباراة، ريجيكامف بالتأكيد تعرف على أوجه القصور في فريقه وسيعمل على حلها وأيضاً مناطق القوة والضعف في المنافس وسيعمل على إيجاد وسيلة للتفوق عليه، ولكنه يخشى من التسرع واستعجال الفوز واللعب بطريقة مفتوحة أمام فريق منظم جداً دفاعياً ويجيد الهجمات المرتدة، وبالتالي يجب اللعب بطريقة متوازنة هدفها الأول تأمين دفاع الهلال حتى لا يقبل هدفاً يجعل المهمة مستحيلة ثم ثانياً البحث عن الهدف المنشود.

5- جمهور الهلال: هو العامل الرئيس والأهم في تلك المباراة، فالهلال يتميز بجماهيره القوية قبل لاعبيه، جماهير الهلال تعشق فريقها وتواصل الترحال خلفه في أي بقعة على الكرة الأرضية لتساند الأزرق بقوة، الجماهير العاشقة تدرك حجم المسؤولية الضخمة التي تتحملها تجاه فريقها، وحتى لا تكون أداة ضد الفريق، يجب عليها الالتزام بالتشجيع فقط وعدم استعجال اللاعبين أو استهجان الأداء، والتماس العذر للاعبي الفريق.

مدرب ذكي صراحة

ما فادنا كل هالتخدير والتخدير ذا ماجاء من المدرب بس

جاء من الاعلام الحاقد ومن لاعبين الهلال ايضا باين عليهم التفاؤل الزايد حتى بعد الذهاب لازالوا يخدرون أنفسهم

والله ان الفريق الاسترالي فاز بالـحظ.. عندهم المنطقه اليمنى ماشيه بالبركه.. لولا الحظ اللي معهم وشوية تركيز من الزوري كان انتهت اقل شي 2-0 للهلال

اختراقات بالهبل لكن اللمسه الاخيره ماتوصل صح.. صدقنـي لو اختراق واحد ولمسه اخيره وحده نجحت كان الهلال مرتاااح في الاياب

- أقدر تحليلك للمباراة، ولكن فريق سيدني كان متواضعًا جدًا أمام الهلال ولو كان الشمراني في ربع الفورمة التهديفية، لأنهينا المباراة في سيدني هنالك،

- أقولها وبكل ثقة، سترون هلالاً مختلفًا عن كل المباريات، وسيرفع ياسر الكأس بإذن الله، المهم أن تمتلأ مدرجات الدرة بأسيادها، والوعد قدام.