الى الجماهير الطفولية والعابثة جماهير الفوز - نادي الهلال السعودي - شبكة الزعيم

الغآلــي · #1 18/10/2014, 08:20 PM

ملينا من مشاهدة الانتقادات في منتدانا للفريق وللمدرب وبعض الجماهير لازالت متعلقة بسامي الجابر إن فاز الفريق قالو روح سامي موجودة وإن خسر قالو المدرب ماعندة فكر والفريق ماعندة صانع لعب ...!!

عجيب والله انقلبتو على فريقكم من هزيمة الشباب وحنا لسى ببداية الدوري صار أغلبكم جمهور فوز فقط وياليتكم تنسبون الفوز للمدرب الداهية ريجي وتعطونة حقة .. حتى اللاعب نيفيز ماسلم منكم طلعتو عذاريبة لاعب مايعرف يصنع ؟؟ كل اللي سواه للهلال نسيتوه من مباراة الشباب ...؟؟؟
على العموم مافي لاعب بالعالم مستواه ثابت دائما ونيفيز قد لايؤدي مباراة ولكن يعود في مبارايات اخرى وأتفق معكم أن هناك لاعبين منتهين الصلاحية وكلنا نعرفهم

لكن وش نسوي .. عشان انهزمنا مباراة نولع في الفريق ونشب فيه ..؟؟؟

قدامنا نهائي آسيوي يا مشجعي اللاعبين ومشجعي الفوز .. أنتم عارفين أيش يعني نهائي آسيوي

يعني 13 سنة من التمني كل سنة نقول الهلال بيرجع واذا إنهزم نقول ماعليش القادم افضل

الان لما وصلنا النهائي انقلبنا على الفريق ... أقسم بالله أغلب جماهير الهلال هنا طفولية وجماهير متعصبة للاعبين وهم السبب في ضياع نجومية اللاعبين اذا بدع لاعب حطوة بالسما واذا تراجع مستواه من مباراة او مباراتين خسفوة بالارض ..

حبيت أقول لكم بالنهايـة الهزيمة من سيدني الاسترالي وآآآآآآردة جداً وهذا حال الكورة مثل هزيمتنا أمام الشباب واذا إنهزم الهلال مباراتة القادمة راح نشوف وش بتسوون بفريقكم ياجماهير اللاعبين والفوز ...

أنا متفائل بفوز الهلال ولست متشائم .. ولكن هذا نهائي مافيه توقعات

ولكن بأذن الله الآسيوية تكون من نصيب الهلال

وحتى لو خسرها الهلال ... انا معه في الفوز أو في الخسارة