|
هلالي ممكن تدخل شوي !؟ أصبح المنتدى أحيانا لا يطاق ..!؟ نعم خسر الهلال ... ليست النهاية ...! خسر ثلاث نقاط مهمه. ..!! شيء مكتوب ..!! تحطيم ... الدفاع يبي ترميم جمهور الثلاث نقاط هكذا يقولون !؟ نحن مثلكم جمهور هذا الزعيم ! بس جمهور وآعي جمهور وآفي .! ليس جمهور فوز ..! عندما يفوز الهلال ... يصبح زعيم. . عندما يخسر ... لسانهم يتبرأ منهم .! لماذا هكذا . أليس أنتم جمهورا للهلال. .! ينتقد المدرب ..! أليس هو من وصل النهائي ..! ينتقد ديجاو :- وأنتم من أطلق عليه الوحش .! ينتقد كواك :- أفضل مدافع أسيوي .! ينتقد نفيز :- أفضل أجنبي في الملاعب السعوديه ! ينتقد ياسر :- هو من حقق لك الدوري بشعره من شعر رأسه !؟ ينتقد الشمراني :- وهو سيحطم رقم ماجد !؟ ينتقد عبدالعزيز الدوسري :- وهو رسم البهجه على قلوبنا دآئما !؟ ينتقد السديري :- ملك الأرقام القياسية .! لك حق تنتقد كل لاعب .! بس في أخر الموسم ! الدوري !؟ كأس ولي العهد !؟ كاس الأبطال !؟ كأس آسيا نعم موسم شاق على لاعبيننا !؟ فرحموهم من كلامكم شوي ،! روق المنجا ياهوه !؟ لسه في أول المشوآر !؟ اخر الكلام :-؟ فريقنا مقبل على نهائي طال إنتظاره أعطوا هلالكم كل الثقه وبإذن الله سنحققها ا#انتهى الوحش الأزرق |
الهدف جاء باخر الدقائق لذلك مااعتبرها مباراة اقيم فيها الهلال |
إقتباس:
وبالتوفيق لهلالنا |
اشكرك اخوي كلام عين العقل والله ماشفنا من هاالاسبوع الا الإصابات والإرهاق عموما ربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان آمين ياااااااااااااااااارب امين |
اكيد اننا راح ننتقد بالله عاجبك المستوى لاحظ اني قلت المستوى مو النتيجه هل هذا مستوى بتلعب فيه نهائي اسيا وعذرهم جاهز يفكرون باسيا بنشوف وش يقدمون با سيا ننتظر مع اني ما اتوقع منهم مستوى هذا مستواهم من بداية الدوري ماشفت اي مباراة مميزه بعدين لما تقولون اذا انتهاء الموسم انتقدوا قولوا لنا وش فايدة الانتقاد لاطارت البطولات زي الموسم اللي فات ما سكينا الدوري طويل والدوري طويل والنتيجه خروج بدون اي بطولة يعطيك العافيه |
لاتكثرو من التفائل فربما يعود الهلال من سدني بخفي حنين اوبدون خفي حنين امام الشباب ضايع الزوري بارد وينزل لاعب يسانده اكثر بروده منه وهو عبدالعزيز الدوسري هما اسباب الخسارة من الشباب |
إقتباس:
لكن بالنسبة لياسر القحطاني وعبد العزيز الدوسري معليش خصوصاً عزووووووز للمرة المليون يثبت إنه ماعـنده أي شي يقدر يقدمه للفريـق من قبل لا يطلع يتعالج وهو عالة على الفريق مع احترامي له نقدر عبد العزيز الدوسري بس مو معناه انه فوق النقد هو أو ياسر اللي جاب الدوري بشعره من شعر راسه ياسر من تالي مش ياسر زمان وكلنا نعرف هالشي مباراة فوق والباقي مشي حالك واخرتها في مباراة العين اخذ كرت اصفر ماله داعي في مباراة أمس دخلوا بدلاء وماشفت الا اول كورة استلمها ياسر وبعدها وينه وعزوز نفس الشي والمدرب اوصل الفريق للنهائي لكنه امس عجز يفك شفرة دفاع الشباب واتمنى إعطاء الفرصة في المبارايات القادمة لغير عزوز ماعندك احتياط صعد لاعبين من الاولمبي واعطيهم الفرصة ماتبي تصعد ارخي ريالك يرتخي لك كل مزيون s13s باقي اللاعبين ماعليهم لكن الأثنين هذولا مضيقين صدري |
الفريق البطل مايفكر بأي مواجهه امامه لكن ذي اعذار اخترناها كجمهور .. الي متي نغطي عيوب لاعيبتنا اللعب السعودي فقير بمفهوم الاحتراف .. شوف المباريات الاروبيه قبل اي مباراة مصيريه .. انت فريق بطل لابد من فرض اسلوبك بكل ماتمكلك ماهو نطبل لبعض واعذار واهيه.. بصرررررراحه فيه لاعبين جالسين علي حساب لاعبين ( يعني واسطه)... |
إقتباس:
الهلال والأهلي آسوا مباراة لعبها الهلال وفاز على العين بثلاثية بمستوى مميز لاتحكم على اللاعبين مابعد سيدني لكل حادث حديث شكرا على تواجدك |
..؟ علينــــأأأ دعمهــم و الوقووف معهم و الكووره في مرمى الاعبين و الحسسم في ايديهم الهمه ياجنــوودناا القتال و الحمااس يعني اللقب الاسيوي |
والله بغيت اكتب موضوع قريب من موضوعك تستاهل لايك يزعيم |
اهم شي طلعنا من المباراة بدون اصابات... والدوري لاحقين عليه....بس نركز على النهائي وبعدها لكل حادث حديث |
شوف ياغالي احنا ننتقد محبه وعشق لهذا الكيان الي يفهم بابجديات الكوره ويرى منظر الهلال منذ قدوم السيد ريجي يضع يده ع قلبه ليس تقليل من شان المدرب لكن من اعتماده ع عناصر لم تعد قادره ع السير بخطى ثابته مع العلم ان فيه عناصر مرميه في دكة الاحتياط افضل من ياسر |
لا اله الاانت الحليم العظيم .. لا اله الا انت رب السماوات ورب الأرض ورب العرش الكريم لا اله الا انت وحدك لا شريك لك .. لك الملك ولك الحمد وانت على كلشي قدير اللهم لك الحمد والشكر كما ينبغي لجلال وجهك وعظيم سلطانك اللهم لك الحمد حتى ترضى .. ولك الحمد اذا رضيت .. ولك الحمد بعد الرضى اللهم لك الحمد عدد خلقك .. ورضا نفسك .. وزنة عرشك .. ومداد كلماتك اللهم لك الحمدعلى الاسلام .. اللهم لك الحمد على أن هديتنا .. اللهم لك الحمد والشكر على جميع النعم التي أنعمت بها علينا .. اللهم اني في كل ما سألتك ربي أعطيتني .. فلك الحمد والشكر والثناء الجزيل الحسن .. اللهم وفق الهلال في الفوز بكاس اسيا السابعه ولا تحرمني إجابتك يا أرحم الراحمين .. اللهم صلي على محمد .. وعلى آلمحمد كما صليت على ابراهيم وعلى ال ابراهيم انك حميد مجيد .. وبارك اللهم على محمد وعلى آل محمد كما باركت على إبراهيم وعلى آل ابراهيم في العالمين انك حميد مجيد .. |
الحمد لله على كل حل ويجب الدعم ولكن يجب النقد البناء وليس التجريح الهلال في نعطف خطير بطولة اسيا .. الدوري مبارة الذهاب راحت وان شاء الله في الآياب نعوض مع الشباب . الأسيوية : نحن ازعجنا الإدارة على الأسيوية ولا نفكر الا بالأسيوبة وصاحب ( البالين ) كذاب الدوري لاحقين او ما حنا لاحقين المهم الأسيوية لانكذب على انفسنا نريد كل شيئ ولو تحقق شيئ احسن من لاشيئ مثل السنة الماضية ... الهلال يحتاج دعكمك ولا يحتاج نقدكم ..... بالامس صيحات الجمهور على ( الزوري ) بالاستهجان فهو لاعب مهم جداّ مهما كان مستواه ولكن هذا الشيئ يؤثر عليه كثيراً ... نذكركم ( الفريدي ) عندما ترك الهلال لعددة اسباب منها الجمهور وغير ذلك المال .... اللاعب اذا وجد استهجان من الجمهور امام الخصوم وسب وشتم لن يقدم ولن يصبح لديه ولآ او اهتمام سواء استمر بالنادي او لم يستمر .... جمهور الهلال الوحيد لايرحم ولا يحسن الضن وهذي حقيقة عن المتعصبين بالهلال ولا يقبلون الروح الرياضية ..... تجده كأنه في عزاء في حال خسارة الهلال وكذلك سب وشتم اللاعبين المقصرين او الذين انخفض مستواهم وفي حالة فوز الهلال في حالة هستيرية ..وتجد التمجيد والتبجيل ....... هذه كرة قدم واللاعبين بشر بنخفض مستواه ويرتفع ...... لايوجد في الهلال خط احتياطي نهائيا سوى الحارس وحمد الحمد في الفترة الحالية ..... اعود واقول للجمهور عدم الأستهجان من اللاعبين بالمدرجات لانه يؤثر على نفسياتهم على مدى طويل ... مثلاً ( ياسر القحطاني ) بسبب الجماهير والحرب النفسية عليه لا زال يعاني وانخفض مستواه رغم اجتهاده بكل شيئ وانظباطه ولكن لازال هذا الأستهجان يطارده ( ياسر وينه في .... ) تتذكرون هذه الأهزوجة ... الرجاء من جمهورنا عدم نقد لاعبينا بالملعب وامام الملاء وامام جماهير الخصم قم بتشجيعه سوف يعود ولاعبين الهلال يعودون مع التشجيع والمؤازرة .... للأسف هذه حقيقة جمهور الغربية افضل بكثير عن جمهور الوسطى وخصوصا الهلال لان جمهورنا العزيز لايشجع طوال المبارة وتجد السب والشتم للاعبين بصوت احيانا مسموع للملاء ويصل للاعب اذا كان قريب يؤثر عليه لانه من جمهور فريقه فينخفض مستواه ونفسيته اما اذا وجد تشجيع مهما كانت النتيجة سوف يقاتل بكل قوة دون تهاون ....... اطلنا عليكم وسامحونا وموضوعك ياعزيز في محله لتشجيع الجمهور على مؤزرة الهلال وعدم النقد مهما كانت النتائج ........ |
| الوقت المعتمد في المنتدى بتوقيت جرينتش +3.
الوقت الان » 10:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd