جيبو راس الاسيويه من سيدني# .. نقاط مهمه! السلام عليكم.. الحمدلله الهلال يملك لاعبين محترفين ومميزين وقد المسؤليه وثقتنا فيهم كبيره.. والله لايضيع تعبهم .. الفريق الاسترالي ماهو ريال مدريد ولا برشلونه لايجي واحد مطفي النور ويقول (تخدير) قلنها كثير نعم صحيح سيدني فريق محترم وغصب نحترمه لكن له نقاط ضعف كثيره اتوقع كشفها ريجي وراح يركز عليها.. لابد من مباغتته والفوز عليه في ارضه نبي الحسم من سيدني بأذن لله ماهو مستحيل .. لكن اللعب بحذر وتوازن مطلوب من اول دقيقه الى نهاية المباراة .. عدم السماح لاي لاعب استرالي يرفع عرضيه عدم السماح لهم بضرب دفاع الهلال من العمق تركيز السديري لان الاعب الاسترالي ميزته ماتدري من وين ومتى يشوت على المرمى.. عدم السماح لهم بتمشية المباراة على مزاجهم عيبهم ثقل الحركه وضعف اللياقه لازم لاعبين الهلال يبهذلون دفاع سيدني بالسرعه واللعب من لمسه.. والمهارات والعرضيات الارضيه هي اللي بتنفع معهم.. قفل دفاعك ... واضرب القواعد الاستراليه بالهجمات المرتده القاتله.. نعم سيدني اخرج فرق صعبه لكن في بعض المباريات خدمه التحكيم والحظ.. نبي الهلال يلعب لعبه وبمهارات نجومه راح يكسب ويجيبون راس اسيا من سيدني .. ملاحظه : لاعبينهم يعرفون يمثلون على الحكام يجب على كبتن الهلال في المباراه تنبيه الحكم لهذا الشي.. ... خلوكم متفائلين والثقه بالله اولآ ثم بنجوم الهلال اللي بأذن لله يحسمونها من الذهاب بس قولو يارب |
ياارب ان شاء الله ٣-٠ فالذهاب باذن الله . |
موضوع تخديري:s4s::s2: اتفق معااك اخوي فواز.. الفوز مطلب من هناااك اذا اردنا لخبطة سيدني ونخليه مايعرف يمشي سيده:s2: الزعيم قاادر ان شاء الله متى ماكاان في يومه ان يدك حصونهم في معقل داارهم:ranting: بشرط التركيز وعدم اضاعة الفرص.. وايضآ اللعب الجمااعي وعدم اغفاال المنااطق الخلفيه.. شكرا لك:rose: |
بإذن الله كأس آسيا من نصيب الهلال يارب |
مشكور وكل التوفيق للزعيم في مهمته الآسيوية ويارب تكتب البطولة لزعيمنا ان شاء الله |
يارب من نصيبينا هالبطولة امين يا كريم |
باذن الله الكاس هلالي دائما مميزاخوي مهتم7 ان شاءالله تصيرمشرف بالمنتدى بسبه مواضيعك المتزته يعطيك العافية |
هذا ما يجب فعله لنعود بنتيجة ايجابية، ونلعب بفرصتين في الاياب ان شاء الله الزعيم يريد اسيا، ومن يريد البطولة عليه هزيمة المنافسين، ولا يأبه بمن يواجه لذلك لابد ان تحضر رغبة الفوز، والإصرار عليه اللعب بتوازن بين الدفاع والهجوم هو المطلوب من الاعبين والمدرب كل التوفيق لزعيم اسيا |
اضم صوتي لك ريجي اتوقع قرأ الفريق الاسترالي واتوقع حفظه من كثر الاعادة ... اهم شئ نسجل في الذهاب على الاقل هدف ... والله ولي التوفيق |
النقطة الاهم هي عدم التراجع المبالغ فيه للمناطق الخلفية .. مثل ما شفنا في إياب السد والعين "مع اختلاف الظروف والنتيجة وقتها" لأن بها الشكل راح تتيح الفرصة للاعبين سدني للعب الكرات الطويلة اللي تعتبر نقطة قوة لهم وضعف فريقنا ووقتها بسبب الكثافة العددية من لاعبين الفريقين داخل منطقة الجزاء ممكن تحدث دربكة وارتباك عند تخليص الكورة من دفاعنا :/ إلى حدٍ ما فريق سيدني آداءه مشابه لفريق بونيدكور الاوزبكي اللي تغلبنا عليه ذهاباً 1-0 على أرضه والإياب 3-0 لصالحنا العودة بنتيجة ايجابية من استراليا مطلب مهم في اقل الاحوال تعادل 1-1 وبالتوفيق للزعيم في طريقة نحو البطولة السابعة :ba::ba: |
بإذن الله فايزين فايزين هناك بنتيجة 2-0 للزعيم يارب ياكريم |
اهم شي نسجل لو هدف واحد على ارضهم لان افضلية الهدف ب ارض الخصم بهدفين .. اللهم اجعل كاس اسيا من نصيب الهلال يارب العالمين ... |
كلام مميز والاهم زي ما ذكرت تمثيلهم واجد ياليت ينبه الحكم لذلك ممكن يكسب بلنتي بتمثيل وتكون سبب في خسارة البطولة يعطيك العافية |
إقتباس:
الله ينصرنا ونحقق الكأس يارب |
CRAZY Flares at Wanderers vs Ulsan Hyandai ACL Match - YouTube الدقيقة 1:42 لازم نحط في الحسبان إنّه جمهورهم مؤثّر + يستخدم الألعاب النارية بكثرة وقت المباراة !! و على فكرة هذا دليل إنه الإتحاد الآسيوي مو فالح يعاقب غير الأندية السعودية , والأستراليين والإيرانيين يتجاوزوا كل الأنظمةبدون عقوبات :| |
هذي المواضيع اللي تفتح النفس وبالعكس مو تخدير من حقنا نثق في هلالنا ونتفائل لكن الاهم احترام الخصم اما المواضيع الثانيه مدري وش تبي هههههههههههه احلام وتشكيلة المباراة يعني للهدرجة مافيه ثقه بلاعبيننا ومدربنا. !؟ |
|
###### @Sultan345543 خدمة / اذكر ربك تسعد تابع و انشر جزاك الله خيرا |
إقتباس:
ويكثرمن امثالك |
مالي عليك عتاب ومالك علي شرهه قفلت هذاك الباب والقصه منتهية:cry: |
إقتباس:
هي مسؤلية ريجي لازم يدخل لاعبين الهلال في اجواء المباراة ويبعد عنهم التفكير في النهائي بنسبه للجمهور حضورهم مؤثر لجعل الاعبين يلعبون ويستمتعون ويمتعونا هي مباراة قويه بين الزعيم والليث .. التعادل فيها يعتبر جيد |
ياخي استغرب من بعض الهلاليين مثل ما الفريق الخصم عنده نقاط ضعف ومدربك عرفها فريقك عنده نقاط ضعف ومدربهم يعرفها وبيستغلها!! الفريقين قويين دفاعياً لكن لاعبين سيدني بنيتهم الجسمانيه اقوى يعني اي منافسة رجل لرجل الكورة مع لاعبهم.. يعني بالعربي سيدني افضل من الهلال واقعياً ! الهلال قوي لكن لاتاخذون مقلب انه اقوى من سيدني انا قلتها قبل واقولها مره ثانيه.. الهلال يحتاج للحظ في النهائي ولا الهجوم ماعندك احد واغلب اللي اللي مستسهل سيدني وبأرضه كصاحب الموضوع راح يتفاجئ وبينصدم من مباراة الذهاب واذكركم.. |
اللهم إني أسألك بأن لك الحمد لا إله إلا أنت المنان بديع السموات والأرض، يا ذا الجلال والإكرام يا حي يا قيوم إني أسألك، بتوفيق الهلال بتحقيق الكاس الاسيويه امين امين امين |
الله يعين ، بالتوفيق للزعيم والله اني اخاف على الزعيم يصير له مثل ماصار لـ المنتخب السعودي مع أستراليا |
فيني كمية تفائل بتخقيق السابعه . كتيبة الهلال قدها باذن الله . |
رغم اني لست متفائله بمباراه الشباب نهائيا واتوقع خساره هلاليه فيها لكن متفائله جدا بالحصول على اللقب الاسيوي السابع وبنتائج جيده يعطيك الف عافيه مهتم وربي يوفق هلالنا |
كلامك جميل .... الهلال بحاجه اغلاق المناطق الخلفيه بحذر لانه سيدني قوي بين ارضه وجمهوره ... الفريق الاسترالي يملك دفاع قوي لذلك يحتاج الهلال الى التسديد خارج منطقة 18 ....لانه الحلول الفرديه لاتصلح مع هذا الفريق الشرس ....من رأي النهائي للهلال هو الذهاب ان استطاع العبور بأقل شيء بتعادل السلبي فهو الكسبان ومارح يشكل ضغط عليه في مباراة الاياب .....وان شاء الله الحظ يخدم الزعيم للبطوله السابعه ... حذاري من الافراط من التفاؤل واحترام الخصم مطلوب لنا لمباراة اولسان وذب اهان عبررر |
بالنسبة لمباراة الذهاب شي جميل اذا خرج الهلال بنتيجة ٢-١ |
يعتمدو على نرفزة الخصم كثير وتسببو بطرد لاعبين اثنين لفريق جوانزو في مباراة الذهاب وحتى المدرب الايطالي ليبي من قوة استفزازهم انشحن على الحكم واتوقف في مباراة الاياب وفقد الفريق الصيني عناصر مهمة في الاياب والواضح ان هذا تكتيكهم في ملعبهم خصوصا في مبارايات الذهاب ليخرجو الخصم باكبر الخسائر خصوصا انهم لايقدمو نتائج الا على ارضهم اتمنى من لاعبينا عدم الوقوع في فخ الاستفزازات خصوصا بعض اللاعبين اللي يغلب على طابعهم العصبية من فريقنا خصوصا ناصر لازم يكون هاديء لانهم راح يركزو عليه وانشالله فالنا الكاس باذن الله |
إقتباس:
|
سئل حكيم عن الطهاره فقال : اغسل قلبك قبل جسدك ولسانك قبل يديك وأحسن الظن .. |
وللنفوس الذواقه موعداً غدا مع حبةِ تمراً ، ورشفة ماء ، ودعوةٍ لاترد غداً الخميس ، فهنيئاً لمن بيّت النيـٍة بالصيام ذكر بها من تحب .. |
الوقت المعتمد في المنتدى بتوقيت جرينتش +3.
الوقت الان » 09:35 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd