|
توجهات برفع أسعار تذاكر إياب نهائي دوري الأبطال ... رسالة لأبو فيصل السلام عليكم ورحمة الله وبركاته صباح الخير جميعاً بدون مقدمات و بلا احم ولا دستور إقتباس:
هذا بدال ما تقوم ادارة النادي بواجبها تجاه الجمهور وتقولة تفضل وادخل وساند في لحظة يتمناها الكل تزيد العبئ عليه و تزود اسعار التذاكر هل هذا منطق يا ادارة ام هذا مخطط عشان تخلونها زي ما هي ويقول الجمهور الحمد لله انهم رجعوها على اسعارها القديمة خوفاً من مطالب الجماهير بالدخول المجاني يا بو فيصل اذا انا قادر غيري ما يقدر فيه ناس عندها اربع وخمس اطفال يريدون الحضور يعني اذا التذكرة بــ 50 50*5=250 غير الاكل والشرب والبنزين يعني بيصفي على 500 ريال وهو يضحك اتقوا الله في الضعفاء اللي يبغون يحضرون يابو فيصل طلبناك لا تزيد المواجع وخل الناس تفرح بالهلال وبالتأهل بإذن الله اننا ما نرد خائبين واللي بيجي هنا ويقول هذا دعم للنادي صحيح لكن طرق دعم النادي كثيرة جداً وما وقفت على هذي تستطيع ادارة النادي طرح عضوية خاصة بالجمهور ويخصص لها كروت زي بطاقات الصراف والسنه بـ 100 وانا اضمن لك يابو فيصل ان فيه ناس كثير بتدعم بالطريقه هذي يعني لو افترضنا 500 الف اشتركوا 500000 * 100 = 50 مليون دعم من الجمهور في السنة غير الدعم من حضور المباريات غير .. و غير ... يعني يابو فيصل لا تستغل الجمهور عشانك تعرف انه بيحضر بيحضر خاتمة اللهم وفق الهلال بالحصول على هذه البطولة آمين |
السلام عليكم ورحمة الله وبركاته يسعد صباحكم يازعماء انا معك في كلامك مالها داعي الاداره تكافئ الجمهور على وقفته مع الفريق بالحلوه والمره برفع اسعار التذاكر هذا بدل ماتسمح لهم بالدخول المجاني ؟؟ اذا ناوين ترفعوا ارفعوا تذاكر المنصه لان اغلبهم ناس مقتدرين |
عليكم السلام ورحمهـ اللهـ وبركاتهـ ~ أنا عن نفسي ما أصدق آي خبر عن الهلال إلا بعد ما يصدر رسميا من المركز الإعلامي ! فـ من وجههـ نظري إن هـ الخبر غير صحيح لعدهـ أسباب منها :~ ١)- الهلال ما شاء اللهـ ياما وصل لنهايات كثيرهـ وما شفناهـ زاد السعر بهالشكل المبالغ فيهـ ! ٢)- الإدارهـ وخصوصا هالموسم جهدها وهدفها واضح جداً وهو إسعاد هـ الجمهور بالحصول ع جميع البطولات وخصوصا آسيا ،، وبعدين الكل عارف إن الجمهور هو أحد أهم أسباب صمود الهلال بـ هالبطولهـ بذات ،، والدليل ما شاء اللهـ كل تيفو لهـ تأثير ع اللاعبين وخلاهم يقلبون النتيجهـ لصالحنا ،، هذا غير تشجيع اللاعبين ومساندهـ وبحث الحماس فيهـ طول المباراهـ ومهما كانت نتيجتها وظروفها ~ فـ ما ظني بـ تفكر تستغلهـ وتضيع طموحها لـ إسعادهـ بـ الحصول ع الكأس عشان خاطر دعم النادي ماليا بهالطريقهـ !!! ٣)- الإدارهـ ياما دخلت الجماهير مجانا فـ مباريات أقل أهميهـ من هالمباراهـ ،، فـ غير معقولهـ فـ مباراهـ هامهـ ومصيرهـ تحدد بشكل كبير مصير الهلال هالموسم والسنوات القادمهـ رح تفكر بـ الدعم المالي لنادي فيها !! ولا تنسى حصول الهلال ع البطولهـ إن شاء اللهـ رح يفيدهـ معنويا برفع معنويات اللاعبين لمواصلة حصد جميع بطولات هالموسم إن شاء اللهـ ،، وكذلكـ رح يفيد الهلال ماليا بـ زيادهـ عدد المستثمرين والرعاهـ !! فـ عشان كذا ما أتوقع نهائيا صحهـ هـ الخبر ،، وأتوقعهـ حركهـ من حركات الإعلام الحاسد للهلال عشان يشغل الجماهير فيها ويشتت انتباهـ الإدارهـ لإرضاء جماهيرها لكن كلنا ثقهـ إنها ما عاد تمشي هـ الحركات علينا. ^_* اللهـ يكتب اللي فيهـ الخير للهلال يا رب ،، ويجعل هالبطولهـ من نصيب الهلال هالسنهـ ،، شكرًا لكـ ~ |
ما اعتقد انه صحيح وهذي اشاعه للحد من الحضور الجماهيري في اياب النهائي في الرياض... لايجب تصديق مثل هذه الاخبار اللي مالها مصدر... تذاكر المباراه لن يزيد سعرها واذكرك بكلامي... |
شف انا اشوف اذا الهلال فاز ذهابا في استراليا من حقهم يرفعون التذاكر دعم النادي وااااااااااجب والجماهير رح تحضر مهما كان السعر .. لا تخلونها مناحه واعتبروها مكافأه منكم للاعبين والاداره وكل من شارك بالانجاز. ويستاهلووووون اما لو (لا قدرالله) وخسروا ذهابا فيجب الحضور ولكن هذا الحضور سيكون له علاقه بسعر التذاكر انا معاك. واقترح في هالحاله يكون الدخول مجاني. |
شاكر للجميع مداخلتهم واتمنى ما يرفعون الاسعار و اتمنى ان يكذب الخبر من ادارة المنتدى نقلا عن ادارة النادي الدعوة اذا فيها نفي ما يحتاج تدخل ادارة النادي فيها تكفينا ادارة المنتدى مشكورة ونرجوا التوضيح |
كلامك صحيح والبعض ماعنده سيارة بيجي مع تاكسي بيرفع عليه السعر غير الاكل واذا طلع من الملعب السعر بيتدبل عليه بالرجعه مرينا بهالموقف قبل وواجهنا صعوبة في حضور المبارايات اتمنى ارجاعها لسعرها الطبيعي 20 او بالكثير 30 ريال شكرا لك على الموضوع |
نهائي تاريخي يمكن ما يتكرر الا بعد سنين والجمهور اللي ناوي يحضر أكثر من سعة الملعب اشوفها خطوة عادية |
الكل يتخيل ويقول ايش راح يصير وكاننا فزنا خلاص عارف بتقولون فال الله ولا فالك ولاكن تخيل لو نخسر امام الفريق الاسترالي ماذا سيحدث |
إقتباس:
وانا ان شاء الله بحضر في الممتازة اللي بـ 100 ريال ما عندي مشكلة وانت بعد ما عندك مشكلة لكن فيه ناس بالنسبة لهم هذي اكبر مشكلة خصوصا اذا كان عندة اطفال ويبغون يحضرون تخيل انت كم بيدفع من راتبه البسيط المنهك بالقروض والديون |
إقتباس:
ومن قالك اني قاعد اتخيل اننا فايزين ولا شايلين الكأس المباراة صعبه وصعبه جداً و ممكن انها راح تكون اصعب مباراة في تاريخ الهلال ما تحدثت عنه يا سيدي الفاضل هو سعر التذكره لأني سوف احضر سواء خسر الهلال في استراليا ام فاز فأنا وغيري راح نحضر سواء خسر ام فاز والوقوف بجانب زعيمنا في النهائي هو المطلب الحقيق ان خسرنا فــ هاردلنا وان فزنا فألف مبروك علينا البطولة |
الحل جنب استاد الملك فهد مكان تروح له وتقول بصوت عالي ابو علي هات جمر اوفر قروش .................... |
الاداره جالسه ترفع كل شي فيه فلوس هههههههههههههههههههههههههههه |
هذآ دورنآ يآ جمآهير آلزعيم لدعم آزرقنآ آغلب آلمبآريآت كآنت مجآنية و حآليآ لآ تنسون آن آلزعيم آكبر نآدي من حيث آلبطولآت و آلتعآقدآت مع آلشركآء فـ عآدي لو رفعو آسعآر آلتذآكر مرهـ وحدهـ و زعيمنآ يستآهل |
50 ريال + 50 ريال = 100 , و100 + 100 = 200 ومنها الين توصل ملايين , الملايين هذه محا تاكلها الادارة كلها حتروح مكافئات للاعبين تصل لنص مليون ومكافئات لأسر ضحايا دولتنا الحبيبة والمرابطين ومننها جوائز لابطال الاولمبياد ومنها عشان نجيب لاعبين زي نيفيز وبينتلي عشان تنافس في دوري ابطال اسيا والدوري , يعني رقميا انت ي المشجع ساهمت في هذه المصاريف ودعمت ناديك اولا واخيرا , فالفلوس هذه اعتبرها دعم لناديك مو شرط عشان تحضر المباراة , اعتبر نفسك من يوم تشتري تذكرة لمباراة الهلال , انك ساهمت في صفقة لاعب وساهمت في تغطية تكاليف البعثة في كل سفرة وأتوقع 50 ريال لنهائي الحلم والله محا تغلى على اي واحد ياما تمنينا اننا نوصل للمرحلة هذه وجاتنا الفرصة ولله الحمد , اما حان الوقت ان نشكر الادارة وندعمها بخمسين ريال !! |
إقتباس:
هذا مهوب حل اذا هي على هات جمر اجلس في بيتي وامدد رجيلاتي واشرب شاهي |
إقتباس:
لكن من حق الادارة علينا مراعاتنا |
إقتباس:
اخوي ما شفت واحد يطالب الادارة ان يكون الحضور مجاني صحيح كلامك ان الزعيم اكبر نادي بطولات وتعاقدات مع الشركاء على المستوى العربي وليس الخليجي ولا المحلي فقط وهذا ما يخلي الادارة تستغل الجمهور في رفع اسعار التذاكر الزعيم لدية رعاة لحالم يكفون من دون اعضاء الشرف من غير دخل المباريات يعني الزعيم ليس في حاجة لرفع قيمة التذاكر وزعيمنا صحيح يستاهل من يدفع فيه لكن فيه ناس ما تقدر يا خوي وفيه ناس بتتكبد عناء السفر اللي بالطيارة واللي بالسيارة وفي النهاية تحصلهم طلاب جامعة رجل عايش على المكافئة ليش اسحب من ميزانيته وشكراً لمرورك |
الأخبار المتواترة ان أسعار المنصة اللي تم رفع سعرها ل ٥٠٠٠ " وهذا منطقي " ومع القرار هذا. سميها اللي تسميها ... تتكلم عن " منصة " وفي الاخير الفلوس رايحه للنادي. ............... اما أسعار التذكار الثانية ... فهذي مجرد كلام فاضي واجتهادات في غير محلها. حتى المنصه الادارة مانزلت شي رسمي .... بس انا مع رفع أسعار تذكرة المنصة وحتى الممتاز. في شي اسمه مركز اعلامي ... اترك الجرائد وريح بالك |
إقتباس:
و لله الحمد والمنة الحال ميسور ونقدر عليها لو رفعوها لألف انا لا اتكلم عن نفسي انا اتكلم عن طبقة معينة من الجمهور الهلالي فهي في النهاية مباراة واحدة يعني لو افترضنا ان الدخل 8 مليون وبالزيادة اللي ناوية عليها الادارة ارتفع الى 16 مليون ما تسوي شي لكن في المقابل فيه طرق كثيرة لزيادة دخل النادي وذكرت لها مثال في نهاية الموضوع بطاقة عضوية لدعم النادي ( زي بطاقة الصراف بس عليها شعار النادي وتتجدد كل سنة وتجيك بالبريد بعد ) البطاقة بـ 100 ريال سنويا لدعم النادي بتحصل اقل شي 500 الف هلالي في السنة مشتريكين 500000 * 100 = 50 مليون في السنه بدلا من زيادة اسعار مباراة واحده |
أحسن عشان اللي يحضر يكون محب للزعيم صح ونفتك من المطعسه |
رأيك موفق و بالفعل فيه ناس ودها تحضر وما عندها قيمة التذاكر |
إقتباس:
وكلامك سليم ننتظر المركز الاعلامي |
إقتباس:
انا فاهم قصدك والعينه ا للي تتكلم عنهم ما رح يحضر الا اذا كان الحضور مجاني وشكرا لمرورك |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 06:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd