|
الف مليون مبروك للجماهير الهلاليه هذا التأهل ،،اي خبرة تمتلك يا ياسر القحطاني ،، السلام عليكم ورحمة الله وبركاته الف مليون مبروك لكل الجماهير السعودية والعربية والهلاليه بوجه الخصوص التأهل الى نهائي آسيا وبأذن الله نحقق هذي البطولة ابي اوضح شيء للجماهير الهلالية طريقة احتساب الكروت في بطولة آسيا :: جميع البطاقات الصفراء تلتغي في المباراة النهائية ماعدا الكروت الحمراء ممكن الجميع يقول ياسر القحطاني يلعب المباراة القادمة ياسر لن يلعب اي لاعب مهدد بالأيقاف في مباراة العين لو تحصل على كرت ثاني لن يلعب ذهاب النهائي لو افترضنا كواك او ديقاو او الفرج او السديري تحصل على بطاقة صفراء لن يلعبون مثل ياسر القحطاني انا تناقشت مع اصدقاء الجميع يقول ياسر القحطاني تعمد الكرت الأصفر الي يشاهد اللقطة واضح ان ياسر ماتعمدها لو تعمدها كارثة على لاعب بخبرة ياسر لكن الكارثة الأكبر:: لاعب بخبرة ياسر القحطاني نزل والنتيجة تعادل والفريق ضامن التأهل للمباراة النهائية قبل احتساب الكرت الأصفر فريق العين مطرود منه جيان بالكرت الأحمر ، والكرت مجاني ولا يستاهل من لاعب بهذي الخبرة . انا من وجه نظر شخصية ماهو لازم كل مشجع يتقبلها ياسر القحطاني وجود بالنهائي من عدمه لا يؤثر على الفريق اغلب المبارايات احتياط واذا نزل خبص تكتيك الفريق مثل مباراة السد بالدوحه اخر 5 دقائق نزل وكاد العين يسجل هدفين اثناء نزوله اشوف ان ياسر يعطى مبارايات امام فرق صغير بالدوري واراحه الشمراني هذا دورة مع الفريق هلالنا في مباراة العين :: لم يقدم ماكنت اطمح له وتوقعت العابد يكون اساسي بديل للفرج واستغرب من المدرب عكسها كذالك تياقو نيفز :: انا كمتابع للزعيم بعانيه اشوف تياقو عبء على الفريق لياقته البدنية ضعيفه ولا تناسب طريقه ريجي واكبر دليل للمشجع الهلالي في الدقيقة 18 من بداية المباراة شاهدنا تياقو كيف يجري داخل الملعب صحيح في رطوبه لكنها على كل الاعبين حتى ريجي توقعت يستبدله لاكن كانت تنقصه الشجاعه الين ماطلب تياقو التغيير الفريق الي راح يقابل الهلال سوا الاسترالي او الكوري :: من متابعتي لهم اشوف ان العين اقوى بكثير منهم واخاف هذي تكون نقطة سلبيه وعكسيه على الفريق واتمنى من ريجي يتنبه لها لان هذي البطولة اقرب من اي وقت مضى . معلومه :: الفريق الاسترالي تأسس منذو سنتين ومدرب فريقهم يقول كنت اتمنى احقق المركز الثاني او الثالث بالدوري الأسترالي فما بالكم بالوصول الى نهائي آسيا يعني ماعندهم شيء يخسرونه وانا من متابعه اتوقع راح يتأهل الفريق الأسترالي كل التوفيق لــ زعيم آسيا ويارب تجي السابعة بأذن الله :alzaeem: |
بصراحة العين لعب أفضل من زعيمنا ، وأما ياسر فأتوقع أنها متعمدة .. من ناحية نيفيز فأرى أنه لم يقدم نصف مستواه بالرغم من أنه أمتعنا قليلاً .. |
الحمدالله على التأهل للنهائي لا يهمني مستوى الفريق كيف كان دامنا حصلنا على التأهل الاخطاء الفرديه بأغلب لعيبتنا ما راح تصحح بسهوله غير الضغط النفسي والرطوبه وجماهير العين وحماسها لفريقها واكثر من لاعب ماكان بيومه وبالفورمه المطلوبه لكن الحمدالله على التاهل للنهائي نبغى البطوله ولا كل اللي راح في مشوار هالبطوله ماراح يعني اي شي لو ما حققناها ان شاء الله مستوى الفريق وحضور الذهني للعيبه في المباراتين النهائيه مهم جدا جدا فالكم البطوله ان شاء الله بالتوفيق للملكي |
ياسر مجامل من قبل الاداره والمفترض هذا الوقت مايكون فيه مجامله 2/ اليوم مستوانا للاسف مايطمن ابدا والحمدلله ان النتيجه انتهت 2 1 3/ لابد للاداره ان تستقطب لاعب محور محلي بدلا من بنتلي لان الفريق بحاجه ماسه لمهاجم صريح مع ناصر الشمراني 4/ السديري حارس متمكن لكنه بدا اليوم مستهترا جدا والمباريات المصيريه لايستهتر بها |
إقتباس:
ومثل ماقلت لك اذا متعمده كارثه بحجم لاعب له خبرته ومايعرف نظام البطولة المشجع العادي فاهمها فمابالك بلاعب دولي |
إقتباس:
اقسم بالله كدت اخسر ناس كثير من الزملاء هلاليين وغيرهم بسبب دفاعي عن ياسر وحبي له . لكن الان اقولها واوافقك الرائ ياسر ليس في مستوى الهلال الهلال في صعود والقحطاني في نزول مخيف من موسمين . وهذي عيوب الادارة المجامله على حساب الجاهز والطموح .... بس يجيك واحد ويقول عنده جمهور يبونه ....كلنا نبيه بس بالمستوى هذا لا والف لا .... اتمنى ان الموسم الاخير لهﻻمع الهلال . وعلى فكرة كثرة الكروت او الاعتراض او السقوط كلها دليل الافلاس وللاسف كلها بياسر الان . |
مشكور وكل التوفيق للزعيم في مهمته الآسيوية ويارب تكتب البطولة لزعيمنا ان شاء الله |
أفهموا المستوى مايهم انت متقدم ثلاثه وقدام فريق يبي يعوض تتوقع انك تلعب مهاجم وتقدم مستوى ،،،، اهم شي التأهل والله احس اني بحلم،،، الله يتممها ونأخذ الكأس |
إقتباس:
ياسر القحطاني اعطى موسمين فقط من قبل يروح للعين ومستواه هابط لكن وجود بالهلال ماهي مجامله الجود من الماجود مافي مهاجمين عندنا الا ناصر وهزازي فقط ولا كأن من زمان شفتها برا الهلال ياسر والشلهوب وتياقو اعطوا كل ماعندهم والعمر له احكام شاهدهم في مباريات لياقتهم البدنية ضعيفه جدا وينهم من المباريات الكبيرة السد والعين ذهاب واياب والأهلي بالدوري لاشيء حدهم نجران والخليج والشلعه يطقطون عليهم |
الف مبروووووك التاهل يازعماء وعقبال البطولة باْذن الله |
تصدقون انا مازعلت من خسارة الهلال وتوقف الرقم القياسي عند ٨مباريات بعدم ولوج هدف في مرمى الهلال لأني اعرف ان أسباب خسارة الهلال كانت هو خوف اللاعبين من ان ينالوا بطاقة صفراء اوحمراء قد تحرمهم من المباراة النهائية لذلك اللاعبين كان احتكاكهم بخوف وحذر وكانو يتحاشون أي دخول او احتكاك مع لعيبة العين مما سبب لهم عدم ثقه وتراخي وبذلك فقدوا ثلاث أرباع قوتهم وقوة الفريق وانا حقيقه لا الومهم لأنهم شبه ضمنوا التأهل وستكون خساره وكارثه عدم مشاركتهم في المباراة النهائية والمشكله ان المهددين هم أعمدة الفريق ك ديقاو وكواك وسلمان الفرج و و و....لخ لذلك انا ما زعلت كثر ما زعلت من الكرت اللي أخذه ياسر وبدون مبرر يحسسك ياسر انه ماهمه يلعب النهائي ويلعب من غير نفس ولاحماس كرت مايأخذه لاعب قلبه على الفريق ولا يأخذه لاعب خبره بها ألطريقه والله ان الكرت جرحني من ياسر في الصميم وفقدت الأمل فيه وكأنه زعلان ان الهلال تأهل.. حتى اعتذار ما سمعت انه اعتذر أوتحسف على الكرت ولكن عزائنا ان الكيان لإيقف على احد كائنا من كان وأتمنى من ياسر احتراما لتأريخه ولمحبيه ان يعتزل خيرا له....دمتم بود |
اللهم لك الحمد والشــــــــكر الف مبرووووووووووك التأهل للنهائي والله يســـــــــــــــــعد قلبك وقلوبنا بالسااااااااااااااابعه بحول الله وقوته شــــــــــعارنا دائماً ( يدا بيد من أجل الزعيم ) اللهم وفق الهلال فوق كل ارض وتحت كل سماء |
مبروووك للزعيم الاسيوي وعقبال اللقب السابع بحول الله وقوته والحمدلله قبل ذلكشكراً لكم |
ياسر قائد الفريق الان .... ومتأهلين للنهائي. ليش نهدم بدل مانبني ... ياسر على دوره نفسي ايضا. نواصل الدعم ... الفريق محتاج دعم في سلبيات بس الأهم والان خاصة " نوحد كلمتنا " بالدعم. |
لا تعليق!! يعني تقولي انه نزل وجاب النحاسه ع الفريق ، اي اسلم !! واللي بعدوو؟ والكرت ياخذه بالذهاب ولا انه ياخذه للاياب!! والافضل انه برا م يهاجم ، يكون متحفظ |
| الوقت المعتمد في المنتدى بتوقيت جرينتش +3.
الوقت الان » 05:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd