|
ما يحتاجه الهلال بسم الله الرحمن الرحيم السلام عليكم ورحمة الله وبركاته: اخباركم يازعماء القاره الصفراء عندي بعض الأمور الفنيه بالنسبه لأداء الهلال بشكل عام و التبديلات اولا : اداء الهلال يرتقي من جيد الى جيد جداً الى ممتاز في بعض الفترات والعكس الهلال ولله الحمد ماشي بالطريق الصحيح فوز يلحقه فوز دفاعيا: بوجود كواك وديقاو وعلى الطرف الزوري والشهراني صراحه ما عليهم كلام الا ان يعاب على الزوري الاوفرات اغلبها خطا اهم شي اعرض وبكيفه هذا خطا الكره لازم تطلع من قدمي وانا قاصد انها لزميل وليس ارفع الكره عشوائي وأتمنى انه يشتغل على نفسه من الناحيه هذي اما تدخلاته الهجومية ماشاء الله تسبب خطوره بس اللمسه الاخيره مشكله عنده تقييمي لدفاع الهلال من جيد جداً الى ممتاز صراحه المحاور: عندنا محاور ماشاء الله مقدمين أدوارهم على اكمل وجه وهو سبب تألق الدفاع عندك بنتلي الى الان مقدم ادا حلو يبشر بنجاح الصفقة ولله الحمد وايضاً عندك سعود كريري على كبر سنه في عالم الكره الى انه يعطي مجهود يشكر عليه الا اني افضل الفرج عليه محور لان الفرج اكثر حيويه من سعود واكبر خطا من المدرب انه يلعب الفرج جناح أيسر لانه قلل من خطورة وإبداع الفرج والافضل العابد تقييمي للمحاور جيد جدا الوسط: قدم في المباريات السابقة اداء جيد ولا اخفيكم بان الهلال يلعب بعشر لعيبه ناقص لان الفرج مكانه خطا بالجناح الأيسر ومافي اي خطوره من الجهه اليسرى لان بالأساس الفرج محور افضل شي اما نيفيز ماقصر بأقل اداء له يحسم نتيجه مع ذالك لا ننسى ان المباريات الاخيره قل عطاءه والسبب مافي مسانده بالوسط وخاصه الجهه اليسرى طافيه سالم الدوسري أيضاً ماقصر محرك الجهه اليمنى ولكن يعاب عليه تمريره الخاطئ اغلب الأحيان هو مزعج بتحركاته وأتمنى انه يشتغل على صناعة الفرص اكثر ابي اذكر انه عطى الهجوم تمريره انت ًونفسك ماذكر الشلهوب اخ اخ اخ يالشلهوب ليت بالهلال لاعب زي تفكيرك وأدائك الرائع والثابت ولا اخفيكم بان الشلهوب افضل صانع لعب بالهلال وافضله على نيفيز بالصناعه للأهداف انت وضميرك وهذا ماينقص الهلال لاعب بمواصفات الشلهوب تقييمي للوسط جيد الهجوم: ماقصر الى الان بالذات ناصر الله يعطيه العافيه ومحتاج مهاجم بجانبه وأفضل انه يكون سعودي ياسر آه آه يابو قحط ادائك اقل اداء بالفريق سالم ما أخذ فرصته الى الان تقييمي للهجوم جيد الهلال محتاج لاعب جناح أيسر يمتلك مواصفات ولهامسون وأفضل وهجوم مساند لناصر ثانيا: التبديلات عليها علامة استفهام عندك مباراة الفتح الاخيره كانت محتاجه لشلهوب لان فريق الفتح فاتح اللعب والشلهوب يتميز بالتمريرات البينيه انت وضميرك وكان الأفضل من المدرب ادخال الشلهوب الشوط الثاني بدال نيفيز المختفي ولا بدال الفرج المظلوم بمكانه وايضاً استغرب من المدرب ادخال عزوز وعندك حمد الحمد بالدكه وماتنزله صراحه ظلم ويوسف السالم نبي نشوفه بالعربي المدرب : الى الان ماشي صح واضح لمساته على الفريق ويعيبه استمراره على الفرج بالجهه اليسرى وإدخال عزوز وعندك افضل منه الحمد و إهمال واضح ليوسف السالم تقييمي للمدرب جيد الى جيد جدا هذا والصلاة والسلام على رسول الله اشرف الخلق |
عليكم السلام ورحمة الله وبركاته اتفق معك بشأن حمد الحمد لكن اجمالاً هي قناعة مدرب يبني على مايقدمه اللاعبون في التمارين وتقيدهم بتعليماته يعطيك العافية |
الله يعطيك العافية وبالتوفيق للزعيم |
مشكورين على مروركم صحيح هي قناعة مدرب وماننكر الشي بس لازم يأتي حمد الحمد دعم منا كجمهور ومن الاداره بالذات لانها عادي عندهم لعب الحمد ولا لا مابلشوا وبالذات عزوز مستواه نازل حيل |
الزعيم يحناج روووووووح الزعيم يحتاج لاعبين يحترقون من اجل الشعار الزعيم يحتاج لاعبين يقدرون الجمهور الذي لم يقصر معهم الزعيم يحتاج بعد كل ذلك ( توفيق الله ) |
ما يحتاجه الهلال فنيا: - ظهير يمين بمستوى حسن معاذ - إرجاع الشهراني ل"مركزه المفضل" (كما اعلن في مقابلته بالنمسا) في الجهه اليسرى - اشراك الزوري بمراكز غير دفاعيه... جناح او وسط ايسر عند اللزوم - الزج بحمد الحمد بدل الاجنحه (سالم و العابد) عند الحاجه... لكي يلعب مع نيفيز و ناصر في نفس الوقت - اشراك لاعب او لاعبين من الاولمبي (كعبي وعبدالكريم القحطاني والحافظ والعمار وعطيف والدعيع) مع الفريق الاول امام الفرق الضعيفه لضمان انسجامهم السريع مع الفريق الاول.. ولكي يكونو جاهزين عند الحاجه لهم... ـ انهاء التعاقد مع عبداللطيف الغنام - التعاقد مع محمد كنو ما يحتاجه الهلال إدارياً: - احتواء الفريق - الحذر من تشتيت النادي اعلاميا - تجهيز الفريق ذهنيا للعمل براحه وتركيز عالي - ترتيب كافه سبل الراحه للفريق في مهمته الآسيوية - التنبيه للعيبه على عدم الإنفعال داخل المباراة (اخذ كروت) وخارج المباراة (تصرفات وتصريحات سيئه او انسياق وراء الاعلام) ما يحتاجه الهلال من جمهورة: - الدعم - الدفاع عن فريق الهلال في جميع الاوقات - عدم الانسياق وراء اعلام معادي للهلال - الصبر على بعض الاخطاء الصغيرة إن حصلت لاقدر الله... فمن المؤسف ان يكون جمهور الهلال سلاح ضد ناديه احيانا - المرحله حرجه... ولابد من الجمهور تقدير الامور... فآسيا قريبه جدا... لابد الدعم من الجميع |
اخوي صاحب الموضوع لو دققت وراجعت مباريات الهلال من بداية الموسم وابتداء من مباراة العروبة الى المباراة الاخيرة سوف تلاحظ ان الناحية الهجومية لدى الهلال ضعيفة ابتداءً من الوسط اي النزعه الهجومية مفككة وغير متفاهمين ومنسجمين الاعبين مع بعض لا يوجد هجمات تدل على ان المدرب قام بتدريب اللاعبين عليها ....مثلا مجرد ان تكون الكرة بواسطة لاعب الوسط تجد الاعبين يندفعون بسرعة للهجوم وهذذا ممتاز لكن التنفيذ والتمرير والتركيز سيء جداً ولو دققت قليلا بالاهداف تجدها فاولات او تسديدات من بعيد او مجهود فردي من اللاعب ليس للمدرب ايصمة فيه بالعربي الوسط لا يمتلك حيوية وتفاهم نيفيز وكريري وبنتلي ثقال ..ومثال اخر الهلا مع العين كان سيء جدا في 60 دقيقة ولم ننجح في اختراق الوسط العيناوي او حتى تشكيل هجمه حتى اعتمد المدرب على الكرات الطويلة للاجنحة اما الناحية الدفاعية جيدة جدا بوجود ديقاو وكواك وكريري وبنتلي واعتقد انهم انقذوا المدرب من اهداف محققة نريد ان نرى فريق منظم منسجم حيوي هجمات ملعوبة باحترافية اوفرات ممتازة يجب عدم اللعب بمحورين دفاعيين خاصة اانا نمتلك دفاع قوي ويتم استبعاد الشهراني لانه لا فائدة منه في الظهير لا يجيد الهجمة او حتى الاوفرات واذا كان المطلوب منه ان يدافع فالافضل منه سلطان الدعيع بنية جسمانية ودفاعي تشكيله اتمنى ان يلعب بها الهلال بشرط عدم تقدم رباعي الدفاع وكذلك المحور ...................................................السديري............................. الزوري.......................ديقاو ................. .كواك..................سلطان الدعيع . .............................................بنتلي..................... . ....سلمان الفرج...................نيفيز....... .......حمد الحمد ..........................................................سالم الدوسري ......................ناصر الشمراني |
هلالي بخطوات ملكية أشكرك على غيرتك على الهلال لكن اختلف معك بنسبة ٩٠ ٪ (هذا الموسم فقط ) بالنسبة للدفاع افضل دفاع في اسيا بدون مقارنة لكن الزوري يحتاج الى التركيز ٩٠ دقيقة ( مشكلة الزوري ما يركز داخل المباراة يخرج عن أجواء المباراة كثيرا ) بالنسبة للمحاور ممتاز جداً سعود وبنتيلي يصعب اختراقهم سلمان دوره تكتيكي هو بمثابة الجوكر عند الداهية ريجي كل الخطط التكتيكية التي يقوم بها تتمحور حول سلمان بالنسبة لحمد الحمد لاعب مجتهد وطموح ويريد ان يفرض نفسه في الخارطة الزرقاء لكن عليه بذل جهد مضاعف ٤ مرات المنافسة مع سالم صعبة جداً الهجوم يا لبيه يا ناصر والله اذا كان في يومه وبعد توفيق الله فهو زلزال بمقياس ٨ درجات على مقياس ريختر اما الشلهوب افضل من تياغو بصراحة ههههههههه وجهة نظر لا تقنعني الهلال يسير في الطريق الصحيح والمدرب داهية ١- يعمل بجد ٢- حماسي ٣- يثق بلاعبيه وكذلك هم يثقون فيه ٤- ولديه رغبة كبيرة وطموح عظيم ان يحقق أهدافه اما النتائج بيد احد احد فرد صمد اللهم وفق الهلال |
إقتباس:
حتى ناصر الشمراني اصبح ناصر الشهراني |
مششكور ع الموضوع .. تقيمك في محلهه صراحة الا انهه الوسط شفنا الشغل بعودة العابد وسالم الدوسري فتقيمي جيد جدا .. بخصوص المدرب .. المدرب يقوم بعمل ممتاز و اللاعبين متفاعلين مععه .. اما حمد الحمد والسالم .. الصرآحهه المفروض يلعبهم في المباريات المتوسطه حتى يهيأهم للمباريات .. لأن السالم لعب لحد الآن 15 دقيقة فقط ! وفيه نقطهه ممهمه جدًا : هجمات الفتح في المباراة السابقة كلها من الجهة اليمنى .. ياسر الشهراني كككككككثير التقدم .. ولازم ينتبه لها المدرب .. ومباراة العين اتوقع من المدرب مهاجمة العين أول ربع ساعة بخطف هدف ثم يقفل الملعب .. ويلعب على المرتدات أو الكرات الثابته أو الكرات الطوليه .. وان شاء الله فالنا الفوز والتأهل يا رب .. |
إقتباس:
شلون تختلف معي 90٪ وأغلبها انت متفق عليها الانقطة الشلهوب اختلفت معي الدفاع قلتلك هم الأفضل مع المحاور وانت موافقني الرأي وألف شكر على تواجدك |
إقتباس:
|
الف شكر للكل على مرورهم الجميل ولو تلاحظون الوسط والهجوم وبالذات الوسط اقل عطاء بالملعب واغلب تمريرهم خطا |
| الوقت المعتمد في المنتدى بتوقيت جرينتش +3.
الوقت الان » 03:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd