حمد الحمد ، له سلبيات ووش سوى !!!
 

السلام عليكم

اتمنى كلامي يوصل للمدرب ، بخصوص حمد الحمد وش مسوي عشان ماتشركونه في المباريات
وش سبب اشراك عزوز الدوسري "مضيع الهجمات"بدلا من حمد الحمد

الرجال في اوج حماسه ويحطه بالدكه ويقتل طموحه كذا!!
اتمنى اعادة النظر فيه

وبإذن اللي ماتنام عينه الاسيويه هلاليه والنهائي بالرياض

باختصاار
حمد الحمد محبوب الكل. وموجود لخدمة الهلال من اي موقع
احتياط اساسي ما تفرق .. حمد قدها وقدود ..
ولا ينسى حمد ان جمهور الهلال هم اللي اصروا وطالبوا بوجوده وهذا يكفي.

ايي والله انك صادق انا انقهر لاشفت عبدالعزيز يخش وحمد بالاحتياط اخر مبارتين يوم شفت عبدالعزيز دخل صكيت التلفزيون لاني ادري ان ماراح تزود النتيجه وبتجيبلي الضغط والسكر

حمد الحمد من طينة الكبار عزوز الادارة غلطت يوم جددت معة

حمد الحمد لاعب ما استثمر ، قبل مباراة العين دخل وحرك الفريق وصنع وهدد
يستاهل يكون بوضع أفضل بكثير من الحالي ، أنا ما أدري ليش ينزل عزوز المنتهي ويترك لاعب متحرك يصنع الفارق مثل حمد الحمد

أتوقع حمد الحمد لو أعطي الفرصة ممكن يثبت نفسه كأساسي وليس فقط كبديل أول

شوف اي مدرب عنده قناعات خاصه .. كثير لاعبين انضلمو من مدربين وبعد الانتقال ابدعوو ..

تحصله ما اقتنع فيه .. او يشوف بالتدريبات ان عزوز افضل من الحمد او شاف مباريات سابقه اشرطه قبل لا يجي لهلال واقنعه الاعب

والله يوفقهم اثنينهم بالنهايه محتاجينهم بالدكه الاثنين

للاسف الهلال لايملك صف ثاني ولا احتياط !!؟؟

أي اصابة او ايقاف يهتز الهلال من البديل !!

الشلهوب وياسر والقرني والغنام والسالم وعزوز ليسوا بمستوى الفريق الاساسي ولا الهلال !!

للاسف الشديد ركنه في الاحتياط غلط بالمقابل اشراكه سيضيف قوه للهلال

والله لو جيت للمقارنة بالتفاعل والسرعة والمهارة بين عبدالعزيز وحمد فالاخير افضل بكثير

وما اقول غير يارب حمد ياخذ فرصتة كاملة في القريب العاجل ولا يكون حبيس للدكة كغيرة

اتمنى تشيل الشلهوب والقحطاني من هالاسماء
لأنهم من طينة الكبار وخبرتهم تنهي لك مباريات كثيره
ويوسف السالم ماخذا فرصته عشان نحكم عليه

واتمنى مشاركه حمد الحمد لاعب مقاتل ويلعب باللمسة الوحده
شكرا لكم

حمد الحمد لاعب جيد صاحب تسديدات قويه ويجيد الكرات الثابته والمخداعه اتمنى يلعب اليوم قدام الفتح

الشلهوب وياسر ويوسف السالم والدوسري عزوز انا ضدك في ذولا الاعبين

ياسر لاعب كبير وتحس بروحه وهو قائد الهلال

الشلهوب لاعب كبير باخلاقه ويعطيك لمسه لمستين احتياطي جيد

يوسف السالم ما شفته كثير عشان احكم عليه لكن من خلال الدقائق اللى شفته القليله جدا يتضح لي بانه لاعب جيد كا احتياطي فقط

عزوز لاعب بدا يرجع لمستواه لكن العابد والحمد وسالم ونيفيز احسن منه الان

اما العنام والقرني انا معك فيهم نوعا ما

صحيح كلامك والجميع مستغرب من الداهيه ريجيكامب لكن المدرب يعرف كل شي يمكن له رأى أخر

المدرب في بداياته عند قدومه للهلال قال تصريح واضح ..
قال بالحرف الواحد سوف أقرب وأعتمد على قدامى الهلال
وهوطبعا يقصد الأسماء اللي لعبت للهلال عدة مواسم
وعبدالعزيزالدوسري يلعب للفريق الأول بالهلال من ثلاثة أوأربعة مواسم
وهذا سرتفضيله على حمد الحمد الذي لم يمثل الهلال سوى هذا الموسم
طبعا المدرب له غاية وقصد في إعتماده على القدامى وهذا موضوع آخر
ولكن حمدالحمد لاعب نشيط وبارع ويستطيع اللعب صانع إلعاب وهداف
ومايعيبه هوالأنانية والفردية في بعض ألعابه وحرصه على التسجيل بنفسه
ولكني أطالب بإعطاء الحمد زيادة في فرص اللعب
وحرام نخسرطاقة جيدة مثله وإتاحة الفرصة لعزوز اللي تايه وبعيد عن مستواه

أتّفق معاك 100%

الحمد حرام يكون بالدكّة وعزوز يتمشّى بالملعب !

المقارنة بينهم ظالمة من جميع النواحي ( سرعة - قوة بدنية - قتالية - تسديدات ) كلها تصب في مصلحة الحمد :)