السلام عليكم ورحمة الله وبركاته


بالاول احب ابارك لكم الانتصار على الخليج والعين بالثلاثه ،، وان شاء الله فالكم الاسيويه وكل البطولات المحليه يارب ..


موضوعي يتحدث عن حضور الجماهير الهلاليه " خصوصاً جمهور الرياض "


اقترح على القائمين في النادي ان يتم نقل المباريات مع الفرق الصغيره ،، والتي سيكون الحضور فيها شبه عادي ،، يتم نقلها الى الملز

مثل

الهلال - الشعله

الهلال - الرائد

الهلال - الخليج

الهلال - نجران

الهلال - الفتح

الهلال - التعاون

الهلال - هجر

ليش ؟؟

لان الملز سعته 22 الف متفرج فقط ،، واذا حضر الجمهور في هذي المباريات سيملىء الواجهه وبعض الجوانب ويعطي المدرج جماليته ،، بخلاف الدره تماماًٍ ،، ولنا خير مثال مباراة الامس مع الخليج

يعني شفنا في مباراة نجران الاخيره في الدره كان الحضور 12 الف ،، وشفنا كيف كان الملعب شبه فاضي نظراً لسعته الكبيره وكذا لم تظهر اي جماليه للمدرج ،، اطرف مثال ،، مباراة الهلال والفتح الموسم الماضي في الملز حضرو 14 الف وشوف كيف كان الملعب ،،



يعني تحس ان الملعب مزين بالجمهور ،، بخلاف الدره

والشي الثاني كمان ،، الملز في وسط الرياض ،، يعني اذا كانت فيه مباراه الهلال مع فريق عادي بيحضر المشجع ،، لكن لو سويناها بآخر الدنيا " الدره " بيقولك مشوار لهناك ومباراه عاديه ،، وهذي كل الخلاصه ..

هذا ماحبيت اوضحه من هذي الناحيه





اما الفرق ذات الحضور الجماهيري الكبير

الهلال - الاتحاد

الهلال - الاهلي

الهلال - الشباب

الهلال - النصر


هذي فـ بكل تاكيد تلعب بالدره ،، لان الحضور سيكون كبير نوعاً ما ،، لان الحضور بيكون من الطرفين


هذا اقتراحي وياليت الاداره تدرس هالموضوع ،، تحياتي لكم

اخوكم ابراهيم