جاني خبر
 

[poet font="Simplified Arabic,4,black,normal,normal" bkcolor="deeppink" bkimage="backgrounds/1.gif" border="solid,4,gray" type=0 line=200% align=center use=ex length=0 char="" num="0,black" filter=""]
جاني خبر في غربتي قيل بركود
صوب الرياض اسرع وشد الرحالي
قلت السبب قالوا مريض وبه زود
على فراشه طايح من ليالي
يبي يشوفك دامه اليوم موجود
علك تشوفه لا وصلت ساري
حاولت اعرفه قالوا الوقت محدود
لا لا تضيع وقتك اليوم غالي
رجعت فكري تايه شبه مفقود
متخدر جسمي وفكري وبالي
ساعة دخلت وشفت البيت محشود
بالناس كل يصعد بالصوت عالي
حتى الصغير اللي من أيام مولود
يبكي ودمعه فوق الأوجاد سالي
نشدتهم وش صار بأيامي السود
منهو توفى من فقدنا غالي
قالوا ترى امك يبن الاجواد بالعود
في العود مدفونه من اربع ليالي
جاها قضاها ويومها اليوم موعود
والموت حق وكلنا للزوالي
من هرجهم حبل الحزن صار معقود
في خافقي والموت وقته فراري
بغيت اجامل كل من كان موجود
لكن حزني ترجمه احوال بالي
وانهل دمعي وانتثر فوق الخدود
ساعة نظرت فراشها والعيالي
يا ليتني في قبرها اليوم موجود
وهي على خد الوسيعه بدالي
لا شك حكم الرب ما عنه مردود
آمنت به ربي وعليه اتكالي
[/poet]


كلمات / عبدالله الرويشد

تقصد الفنان عبدالله الرويشد

وضح سبب كتابت القصيدة...

لا أخوي أقصد الشاعر عبدالله الرويشد وسبب كتابة القصيده واضح من الابيات