انا اخالفك الراي صراحه في ان الاتحاد كان دفاعه جيد

لو لاحظت الهدفين في مباراة الاياب اسامه المولد كان كاسر التسلل في هجمتين بتمريرتين من عموري وجابو الهدفين


كلنا نعرف ان العين فريق متكامل ولاكن وسطه ضعيف جدا

والهلال بأذن الواحد الاحد قادر ع تجاوزه ولاكن بشرط

واهم شي في مباراه الذهاب ان العين مايسجل ولا هدف

و ع طاري عموري انا اشوف ان الفرج افضل من العابد في استخلاص الكور وعرقلة اي لاعب العابد نحتاج سرعته في المرتدات مع سالم

وبالتوفيق لزعيمنا يارب

زلاتكو فرط فيه الهلال للأسف ولو ( مع إن لو تفتح عمل الشيطان ) إن الإدارة

جابت سامي وخلته مساعد لزلاتكو كان شفنا فريق ثاني بس وش نقول غير الحمدلله

على العموم العين فريق لا يستهان به ومكمن الخطوره بأكثر من لاعب ولكن عمر هو

مفتاح العين بالدرجه الأولى ويجب مراقبة عمر رجل لرجل وأتمنى ألا يراقبه سلمان الفرج

لأن سلمان ما يعرف يرتكب الأخطاء الاحترافيه بمعنى إنه من أول خطأ ممكن ياخذ كرت

وأول ثلث ساعه طرد .. لازم اللي يراقبه يكون عنده اسلوب المضايقه بدون ارتكاب للأخطاء

إلا في أضيق الحالات ...

ومن حسن حظ الهلال بأن مباراة الذهاب بالرياض يجب على اللاعبين أن يدركوا هذا الأمر

والحرص كل الحرص على أن ياخذ عمر كرت ثاني حتى نرتاح منه في الإياب ..

زلاتكو مدرب ذكي ويعرف كيف يتعامل مع المباريات .. أنا كنت ضد قرار إقالته
بتكون مواجهه صعبه جداً وخاصه أن زلاتكو يعرف لاعبين الهلال وامكانياتهم
المطلوب من ريجي أنه يلعب بتوازن ويحط في باله " أن لم تسجل سيسجل في مرماك "
بالتوفيق للزعيم

كلما أتذكر زلاتكو أعض أصابع الندم على رحيله الذي سببته الإدارة ..!

لكن بإذن الله ريجي سيعرف مهمة المباراة ومدى أهميتها للجماهير والوطن ..

متفائل ان شاء الله بكسر عين الامارات بحول الله وقوته بروح اللاعبين واصرارهم ووقفه جمهور اسيا الاول الرقم الصعب الشقرديه
وانا من الحين حاجز مكاني ان شاء الله في الدره .....ولا مره شاركت في التيفو ناويها هالمره

أولا - صلوا على نبيكم مالها داعي التشنج والعصبية
ثانيا - الموضوع مفتوح لجميع الآراء والأفكار والأطروحات لانه فني بحت والأطار العام له الخوف على الهلال
ثالثا - دائما مواضيعك فواز جميلة جداً فشكرا لك
رابعا - والله فرق كبير جداً بين ريجي وزلاتكو كقيمة فنية
والسبب في تنظيم الفريق ( انا عندي قاعدة بسيطة وهي توزيع اللاعبين على ارض الملعب في حالة الدفاع والهجوم هي مرآة لعمل المدرب في التدريبات بمعنى آخر طيب الذكر سميوني مع اتلتيكو تنظيم دفاعي صارم وهجمات مرتدة بتكتيك مختلف كذلك الاستفادة من الكرات الثابتة وحاليا يستخدم المثلثات والمربعات للاستفادة من مساحة الملعب في الهجوم والدفاع )
نرجع الان لريجي وزلاتكو
كتنظيم داخل الملعب ما فيه مقارنة
ريجي يتفوق
بل الهلال افضل فريق واقف في الملعب من 4 فرق المتأهلة
خامسا - بالنسبة لعموري
ريجي راح يفرض عليه رقابة لصيقة جداً سواء مان تو مان او رقابة منطقة اقرب لاعب له يراقبه في منطقته
وممكن الاثنان معا لكن نجاح هذه الخطة يعتمد على عموري ويعتمد على من يراقب
وأيضاً الجمهور ممكن لنا كجمهور ان نخرج عموري خارج اللعبة ( بالضبط كما يفعله برشلونة مع لويس فيجو عندما انتقل لريال مدريد )
في مباراة الاتحاد عموري يلعب على راحته ولا فيه اي رقابة عليه
سادسا - الخطورة تأتي من جيان وأيكوكو ( إن لم تخني الذاكرة )
وأيكوكو خطير جداً مرة يلعب يمين ومرة يلعب شمال والله خطير
وجيان ( ههههههههه بصراحة فيصل كل ما أتذكر انه سجل في مرمى المانيا أقول الله يعين ديجاو وكواك )
لكن افضل طريقة لجيان ان يكون مرهق ولا تصله كرات كثيرة من خط الوسط وخصوصا عموري
سابعا - المباراة باعتقادي الشخصي بين عموري ونيفيز
اذا تألق عموري تألق جيان تألق إيكوكو وإذا تألق تياغو سوف نشاهد ناصر وبقية نجوم الزعيم
ثامنا - انا اتفق مع هلالي واشربوا البحر
الأهم ان لا يدخل مرماك هدف هذا هو الأهم
لكن اول 20 دقيقة مهمة الجمهور لدفع نجوم الهلال تسجيل هدف
تاسعا - المباراة لن تحسم إلا في الإياب
عاشرا - الإدارة تعمل والمدرب يخطط والجمهور يدعم ويحفز واللاعبون ينفذون
لكن من يملك الفوز هو احد احد فرد صمد
يالله ياحي يا قيوم ان ترزق الهلال بطولة اسيا 2014
الى الدرة 16-9

الي يقول زلاتكو يعرف لاعبين الهلال وكان مدربنا انا اشوف ان نص اللاعبين تغيرو

75% زلاتكو سيعتمد على اللاعب عموري والجناح السلوفاكي ستوكهم فهم مفاتيح خطورتهم ,, المهاجم جيان لاعب يدل
طريق المرمى ويتمركز تمركز خطير لكن ينتظر تمريره من هاللاعبان تحديداً ,ولاحظت ذلك في مبارياتهم السابقه
سواءً مع الاتحاد او بالدوري الاماراتي , بقية اللاعبين الاجانب والمحلين لا انكر على تميزهم وممكن زلاتكو يعتمد عليهم
كتكتيك بديل في حال التقفيل على اللاعبين اعلاه فالهلال لابد ان يكون جاهز للخصم .

ريجي ماشاء الله ايضاً داهيه ومطلوب منه اللعب بتوازن والتقفيل على اللاعبين الخطرين في العين
وبالامكان استشارة الكابتن ياسر القحطاني كونه كان محترف سابقاً في العين او استشارة اي احد
ومعرفة طريقة لعب زلاتكو كونه كان مدرب سابقاً في الهلال فلكل مدرب ولاعب نقاط ضعف .

ان عدم تسجيل الخصم هدف بإرضنا امر هام . في مثل هذه البطوله .
بالتوفيق للزعيم والخروج بنتيجه ايجابيه بإذن الله..

اكسير الزعيم ..


اولآ: اللهم صل وسلم على نبينآ محمد
ردك ايضا من اجمل الرود..
واتفق معك في كل ماقلت الا ان الهلال يعتمد على تياقو صحيح ان تياقو لاعب مهم لكن الهلال فريق جماعي كل لاعب يكمل الاخر .
نشوف مثلا ناصر ليش قل تسجيله اهداف السبب ضعف مستوى تياقو وغياب واصابة سالم الدوسري..
صحيح ان الاعب يجب ان يعرف ان اي خطا بيكلفه الكثير فلا مجال لاي خطا
والتركيز مطلوب طول المباراة
..
بخصوص جيان
اذا قطع الاتصال بينه وبين عموري وبين خط الامداد انتهى وبيصير يركض حتى يرهق.. لازم ريجي يفصل خط منتصف العين عن هجومه ويوقف انطلاقات الاظهره وهذا يبدا من هجوم الهلال اذا تحرك ناصر بشكل خطير على مرمى العين بيتراجع زلاتكوا لدفاع وبيخف الضغط على مرمى الهلال..


متاكد ان لاعبينا لن يبخلو بجهد
والتوفيق زي ماقلت من واحد احد
نساله التوفيق للهلال

إقتباس الرسالة الأصلية كتبت بواسطة مهتم7 اكسير الزعيم .. اولآ: اللهم صل وسلم على نبينآ محمد ردك ايضا من اجمل الرود.. واتفق معك في كل ماقلت الا ان الهلال يعتمد على تياقو صحيح ان تياقو لاعب مهم لكن الهلال فريق جماعي كل لاعب يكمل الاخر . نشوف مثلا ناصر ليش قل تسجيله اهداف السبب ضعف مستوى تياقو وغياب واصابة سالم الدوسري.. صحيح ان الاعب يجب ان يعرف ان اي خطا بيكلفه الكثير فلا مجال لاي خطا والتركيز مطلوب طول المباراة .. بخصوص جيان اذا قطع الاتصال بينه وبين عموري وبين خط الامداد انتهى وبيصير يركض حتى يرهق.. لازم ريجي يفصل خط منتصف العين عن هجومه ويوقف انطلاقات الاظهره وهذا يبدا من هجوم الهلال اذا تحرك ناصر بشكل خطير على مرمى العين بيتراجع زلاتكوا لدفاع وبيخف الضغط على مرمى الهلال.. متاكد ان لاعبينا لن يبخلو بجهد والتوفيق زي ماقلت من واحد احد نساله التوفيق للهلال

أشكرك مهتم 7
عـــاديــ تختلف معي هو مجرد رأي قد يصيب وقد يخطئ
لانه في الاخير من يقرر المدرب الكبير جداً ريجي
ارجع للموضوع مرة أخرى
سالم الدوسري لاعب كبير جداً ما يقوم به يصعب على اي بديل له ان يقوم به
انا نتكلم على الورق لكن ممكن بديله يقدم مستوى خرافي ( ممكن جداً لكن البديل أيا كان راح يقدم مباراة عمره في هذه الحالة ) لذلك أقول يصعب
بقية الوسط سيكون له أدوار دفاعية وهجومية
وحده الاستثناء تياغو
وراح يتحمل المباراة لوحده
وفقا لتلك الخطة
فمتى ما كان تياغو في يومه
صدقني سيتجلى الهلال بدرا
في الاخير
هذا رأي ممكن يصيب وممكن يكون خطا
بالتوفيق للزعيم
الى الدرة 16-9

الله يكتب الي فيه الخير للزعيم ..

باختصار
انهي المباراة بدون ما يجي هدف عليك في ارضك

بمشيئة الله الواحد الاحد نفوز في الرياض
اهم شي فكونا الله يرحم والديكم من الضياع اللي كان في مباراة الاهلي
ماندري وش صار في الهلال تلك الليله

فعلا العين قوي وزلاتكو مدرب جيد جدا..
لكنه ليس اخبث وادهى من كوزمين ..الذي لم يحقق سوى الدوري والكأس الاماراتيه..
زلاتكو اخفق معنافي الاولمبي في مراحل الحسم ..وان شاء الله يستمر اخفاقه في اسيا..
زلاتكو لم ينجح مع الهلال ففوزه على النصر للتذكير فقط اتى بركلات الحظ ،،الترجيحيه..بل ان النصر هو من عادلنا في وقت وجيز..وحرج..كما انه لم يلعب البطوله من اول مباراه الى النهائي..
هذا في الهلال..
اما في العين ..
يجب ان يحترم زلاتكو والعين ..
لكن اتعلمون معنى كلامكم ..
ان يقف لاعبو الهلال دون حراك لان العين قوي!!!
العين ليس فريق اوربي ..
هو فريق خليجي مهما بلغ مستواه لديه نقاط ضعف وسلبيات كثيره ..
كما ان اللاعبين المواطنين باستثناء عموري عاديون جدا..
لاشك ان مدربنا سينهج نهج مختلف عن مباراة السد ..وقد اجاد فيها..ولم يصل السد لمرمانا في 180 دقيقه سوى في مرات اقل من عدد اصابع اليد الواحده،،،
الحذر واجب ..لكن ما اشاهده خوف غير مبرر..
ويقيني ان كل من وضع يده على قلبه انما اعتمد اعتماد كلي على مباراة الاهلي ،،
وفي مباراة الاهلي الهلال لعب ب30%فقط من قوته..
لذلك لن احكم منها ولن انطلق من خلالها ..ولاحتى مباراة نجران القادمه..
خلاصة القول لا افراط ولاتفريط العين فريق جيد ..لكن الهلال ليس فريق سيئ،،،.

يالله ياحي يا قيوم ان ترزق الهلال بطولة اسيا يالله ياحي يا قيوم ان ترزق الهلال بطولة اسيا 2014 يالله ياحي يا قيوم ان ترزق الهلال بطولة اسيا 2014