|
مباراة الاهلي انتهت بخيرها وشرها... بعد الهدوء نقاط مهمه في مصلحة الهلال السلام عليكم والله استغرب من المواضيع اللي للحين تتكلم عن مباراة الهلال مع الاهلي يوم الاحد او عن ضم لاعبين الهلال للمنتخب اولآ يجب ان نعرف ان التعادل مع الاهلي ماهو عيب لانه فريق عنده جمهور ومطالب ايضا بتحقيق الدوري وتتعوض ان شاءالله هالنقاط.. بشرط الفوز على المنافسين.. استجابة لاعبين الهلال لستفزاز الحكم كان غير مبرر ابدآ اعترض لكن لاتجعله يستفزك وكلنا نعرف كمية الشحن على الحكم قبل المباراة وحكم كبير في السن واضعف من انه يحكم مباريات لدوري ركاء حتى.. عموما ماهو عذر غياب سالم اخراج نيفيز خطة وتغيرات ريجي ايضا من اسباب التعادل استفاد الهلال مجموعة امور وان شاءالله تكون في مصلحته ودائما اقول ربما ضاره نافعه.. اولها محاسبة المدرب قبل مباراة العين ثانيآ : مطالبة الاعبين بعدم الاحتجاج المبالغ فيه على الحكام وماهو الهلال اللي يوقفه حكم ثالثآ : حمد الحمد اهم مكتسبات المباراة اتوقع له مستقبل كبير والدقائق اللي لعبها ماكانت تكفي لحسمه للمباراة والا كان قريب من التسجيل. رابعآ : العابد تمريراته غير متقنه وفيها استعجال وسرعه ومابينه وبين نيفيز وناصر تفاهم ون تو هذي اهم مايميز نواف لكنه للاسف ماعاد يتقنها نواف هو اللي بيلعب في مباراة الذهاب قدام العين يحتاج الى تمارين اكثر في الاستلام والتسليم من لمسه وبدون رعونه.. ومراقبة عمرعبدالرحمن اللي اتوقع انه لو تم فرض المراقبه عليه بتنتهي فاعليته بدنيا عمر عبدالرحمن افضل من العابد واسرع من الفرج العين لايخسر على ملعبه وبين جمهوره : مباراة الرياض يجب ان يحسمها الهلال لمصلحته ريجي مطالب بالهجوم ياخي دفاعك جيد وماشاءالله السديري ممتاز يعني لاتصير جبان هاجم واحسمها واللعب بواقعيه يعني بلافلسفه يرحم امك |
وفي بالي سؤال وين خالد الكعبي؟؟؟؟؟ حرام هالاعب مايستفيد منه الهلال وخاصه انه يلعب في اي مركز وسط هجوم ظهير ليه الاصرار على عبدالعزيز الدوسري اللي بعيد عن مستواه من ثلاث سنوات !! لاعبين الهلال الكعبي وغيره يحتاجون الى مباريات والكعبي اثبت نفسه في مباريات قويه مع الاهلي الاماراتي وسمعنا اشادة محللين بي ان سبورت فيه بس ويـنه؟؟؟ |
كلامك سليم وانا باقولها ( هالمره ان ماتحققت الاسيويه ) ارجو من ادارة بن مساعد تروح تدور للاستثمار في مكان ثاني الهلال فريق بطولات وانت حولته الى سوبر ماركت تبيع وتشتري فيه وتدور للمزايده والمرابحه |
إقتباس:
الانديه الكبيره الصرف عليها ماهو امر هين لو عرفت ان رواتب الاعبين فقط تكسر ظهر اي رئيس من فضل الله ان الهلال جته عقود الخير بفضل الله سبحانه ثم بحكمة ابن مساعد لكن الخطا ان الاداره ليس لديها لجنة تقييم الاعبين يعني كل شي يترك للمدرب فيه لاعبين اصبحوا عاله على الهلال ومجرد علاج ورواتب ماشيه بدون اي فائده ولا اريد ذكر اسماء وعييب الاداره ايضا التمسك بهالاعبين رحمه فيهم مدري تعاطف معهم!! وهذا اكبر خطا يعني الفلوس اللي تجي من العقود والاستثمار تروح في رواتبهم وعلاجهم وعييب الاداره ايضا عدم محاسبة المدرب في قناعاته الغير صحيحه مثلا الاصرار على الدفاع المبالغ فيه او على اشراك لاعب منتهي في مباريات مهمه والتغييرات الخطا |
رساله الى ادارة الهلال: تبون تشيلون الضغط عن الاعبين لاتطالبهم بتحقيق كأس اسيا فقط طللبوهم بالوصول الى النهائي بعد كسر العين اكسر العين والعب على نهائي اسيا وبعدين التفكير هل نحقق البطوله او لا مهمة رئيس الهلال في هذه المرحله اهم بكثير عليه ان لايعتمد على احد غير الله ثم الرجال داخل الملعب وترك كل مايحصل خارج الملعب لاهل الحكي والقيل والقال وموضوع : الاعبين مرهقين مجرد اعذار بداية موسم ولاهناك مجال لمثل هالاعذار ومدري من دخلها في رؤس الاعبين حتى صدق الاعب انه مرهق صحيح! |
سامي خلاص الله يستر عليه ويوفقه بالنسبه لي انا ماني مع سامي ولا مع بن مساعد انا مع الكيان باسوي أي شي عشان زعيم اسيا . مايصلح ان مدربنا ريجي يشتغل ويجتهد ونحن الجمهور جالسين نطبل سامي وسامي سامي مستحيل يرجع ومن يجيب هالموضوع في المنتدى او بين الجماهير والله مايحب الهلال ولا جمهور الهلال بس جالس يخرب من هاللحظه ارجوكم الوقوف مع الهلال ونترك ماسواه |
يعطيك العافية وبالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 04:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd