لاحول ولا قوة الا بالله .. للاسف جمهورنا اصبح منقسم نصفين

قسم , يجلد في ريجي ليثبت ان سامي افضل .. طبعا مثل صاحب الموضوع
وقسم يمجد في ريجي نكايه في سامي .. وهذا حاصل مع بعض الجماهير


اركدوا وادعموا الفريق ورانا مشوار قوي في اهم بطوله لابد الدعم اتركوا عنكم التحلطم

إقتباس الرسالة الأصلية كتبت بواسطة ألو زعيم (شكرا يااهلي .. قالها عموتة هلال سامي اقوى روح وجودة من هلال ريجي .. المفرج ليس الإداري الصارم ) من بداية الموسم والهلال ماشي مع هذا المدرب ريجي بالبركة. فزنا على العروبة ب4 لإن المباراة في الرياض على ارضنا . فزنا بصعوبة على الشعلة بعد أن أخرج نيفيز وياسر الشهراني كرتين من داخل المرمى الهلالي . فزنا على السد بصعوبة بالغة جداً بهدف واحد على ارضنا بعد ان كنا هزمناهم بالخمسة وكان قبل الهدف هجمة سداوية للاعب السد نذير ارتطمت بالعارضة . لعبنا مع السد في الاياب وبشق الانفس تعادلنا صفر صفر وبمستوى باهت من لاعبي الهلال الذين من بداية الموسم ناصر الشمراني ونيفيز وسالم الدوسري مستويات سيئة ولا اعلم السبب هل هو تكتيك ريجي فمع سامي كان نيفيز يحرز الاهداف سواء فاولات او هجمات مرتدة سريعة وباشكال والوان وبخمسات واربعات وثلاثات وناصر كان هداف الدوري البارحة مع الاهلي الحظ لعب معنا وكاد الاهلي ان يوقعنا في اول هزيمة على ارضنا بصراحة افضل ماحصل من ريجي منذ قدومه هو جلبه لمواطنه المحور بنتلي اما تكتيك وتكنيك فهو سئ والمباريات ماشية معاه بالبركة . الإداري فهد المفرج مع إحترامي لشخصه ليس بالإداري الصارم مع اللاعبين مثل منصور الاحمد الله يذكره بالخير او صالح النعيمة . سيندم الهلاليون كثيراً على إقالة سامي وستتذكرون كلامي رغم اني مشجع كيان وليس لاعب واتمنى ان يحدث عكس كلامي . فيرجسون مدرب مانشستر لم يكن معروفاً لأحد في اول موسمين مع مانشستر فشل فشل ذريع والجماهير والإعلام طالبو بإقالته و الإدارة تمسكت به بعدها مالذي حصل مع فيرجسون كوش على البطولات لعشرين سنة متواصلة . هلال سامي في نهاية الموسم تحسن وابدع وفاز بالثلاثة في الاسيوية ولعب مع اهلي الامارات بدون نيفيز وياسر وناصر وبدون مهاجم حيث لعب بمهاجم اولمبي هو الكعبي وصمدنا ضد اهلي الامارات في الإمارات . الان على الهلاليون الدعاء ودعم المدرب بإداري كفو وصارم مثل منصور الاحمد او فيصل ابواثنين او النعيمة . فيبدو فهد المفرج رجل طيب والطيب مع اللاعبين مايمشي .

وش قصتك انت
اقول اقطع وخص

موضوعك ماله اي معني
وله هدف واحد زعزعه استقرار الفريق

بموضوع رجل الامن حاولت تفرق شمل الجماهير
وان اللي سواه رجل الامن مع المشجع شي صحيح
وان ردة فعل رجل الامن صحيحه لانه مد يدة على رجل الامن
ياحبيبي لاتتعب نفسك وارجع لمنتداك الله يهديك

لا وعندنا ناس سُذّج يمشون وراه


واكررها الشرهه مو عليك
الشرهه على ادارة المنتدى اللي ثبتت هالموضوع

إقتباس الرسالة الأصلية كتبت بواسطة الحلم لازرق صدقت ! لكن وش نسوي اذا أعضاء الفلس إصابتهم غيره من المدرب سامي ! ريجي مدرب دفاعي بحت تخصص مباريات كوؤس تقفيل دفاعي فقط حتى نواف العابد صرح بأن المدرب كلفه بالدفاع أكثر من الهجوم الظاهر أن الكوتش ﻻ يعلم أن المباراه ع ارضه وﻻزم يهاجم مو العكس ؟! هداف الدوري 5 مرات اختفى مع تكتيكه الممل وخط الوسط بالكامل ﻻ يستطيع إيصال كره للهجوم! ! عموماً مثل ماقلت مالنا اﻻ الدعاء والله يعين

هذا الكلام الصح

إقتباس الرسالة الأصلية كتبت بواسطة نارالنشاما وهل هذا يعتبر إنجاز لسامي ؟؟؟؟؟؟؟؟؟؟؟؟؟ ومنذ متى الهلال يخرج من الموسم بالسابع والثامن ؟؟؟!!! أسوأ موسم للهلال من عشر سنوات وفيه خرج الأصيفر من تحت عباءة الزعيم وخطف من أمامنا بطولتين لم يكن يحلم بها حتى أمام أنصاف مدربين مثل كومبواريه وغيره ... أستريح أنت ومدرب الغفله .. تراه في الدوري القطري

بالنسبه للدوري كان الفارق نقطتين
وكاس ولي العهد هدف هديه من سلطان الدعيع وبلنتي هديه م الحكم
مع احترامي لك سامي ليس مدرب غفله والدوري القطري اسمه دوري النجوم يعني كله نجوم وسامي من تلك النجوم

عموري زجالوا !!!!!!!!!!!!!!!!!!!!!!!!!!!!!!!!!!!!!

لسا بدري نحكم عالمدرب بلا فلسفه علا غير سنه علطول من اول تعادل هرجتوو ترا والله محنا ناقصينكم نلقاها من اعضا شرف ولا الاعلام ولا اتحاد عيد ولا مين ومين ومين


لك الله ومحبينك فقط ياهلال

الموضوع ذا اغلب الردود مالها شغل
بس فيه اكثر من شخص يرى ان ياسر افضل من الشمراني !!
لله في خلقه شوؤن

متى ظهر هلال سامي بعد ان طارة الفرق بالبطولات وفي اخر الموسم بعد ان تحرر الاعبين من الضغوط النفسيه من البطولات المحليه الاداره في الهلال لاتجيد التهيئه النفسيه. من غرس في رؤس الاعبين ان اسيا يجب ان نجيبها هذا الي خلاهم يلعبون وهم مرتبكين خوفاً من الخروج . اذا لم تتغير سياسة الاداره مع اسيا فلن تأتي اسيا الى يوم الدين . من الي قال الهلال لايرضي الاببطوله؟ العام الماضي رضي بدون بطوله. ريجي ممتاز العيب في هذا الجيل من الاعبين . الهلال يحتاج الى لاعبين عادين يحرثون الملعب ويريدون رفع رواتبهم ويريدون النجوميه .... مثل الراهب والغامدي في النصر واحسين المسعري زمان . الهلال لايحتاج الى نجوم سوبر لانهم لايعطون على طول الموسم اذا كان كاتب الموضوع هلالي فأنا مندس شبعنا من الببغاوات الذين يرددون كل مايقال من المنافسين .

عجبا لمن يقارن بداية ريجي ب سامي

ي عالم سامي اول مامسك الفريق ماكان مكتمل زي النجوم اللي مع ريجي اﻻن

وشوفوا لما إكتمل الفريق ب آسيا اتوقع شفتوا كيف بدع الهﻻل وتصدر مجموعته وتاهل لربع النهائي

شوية أنصاف وعقل !

يمكن تجي الاسيوية والدوري بالبركة .. لكن كمستوى مقنع فريقنا الان يقدم عك كروي
خمس مباريات رسمية بالاضافة للوديات لم نسجل او نهدد بكورنر واحد
ويأتي من يقول التكتيك والداهية ويهرطق فوق روسنا ..
ومن يتعذر بلم الشمل والاعلام واللجان تجرنا لخارج الملعب والمجتمعين سالفاً لا اثر لهم بدعم الادارة بالظهور ..

نعطي الجميع فرصة لنهاية الموسم .. لكن المؤشرات لا تبشر بخير
كرة القدم ليست معادلة مستحيلة الحل
بل هي سهلة ممتنعه ممتعة بنفس الوقت

لا نرى من المتعة الا ابداع المدرج واجتهاد اللاعبين بكم لقطة .. الامر الجيد فيهم لياقتهم عالية لكن للاسف مجهود عالي دون اي اثر من المتعة والمستوى يوازيه ..
شكرا السديري فقد مدد امد الحكم على المدرب

قل لعمونه يلفقها
الهلال من قبل سامي وهو يلزخ في سدكم
ياحبه للفتنه

اجل تقول عموته يقول هلال سامي اقوى ياحبيبي اكيد بيقول الكلام هذا

بيضرب عصفورين بحجر واحد بيضغط على المدرب واللاعبين ويضغط على الجماهير

اول مباراة بهلال سامي كان الملعب مفتوح بدون دفاع وجاء هدف الهلال من بدري هي نقطة التحول

صدقوني لو هلال سامي لعب المباريتين الأخيرة مع السد كان اكلنها وودعنا اسياء

ريجي مدرب خطير لكن يحتاج له وقت الهلال امة ومايمديك ترضيهم ريجي يلعب بعقلانية وليست بالعاطفة بوجهة نظري الهلال ينقصه لاعب يصنع او خلف ناصر هذا الي ينقص الهلال
مفروض الجمهور الهلالي يبعد عن هذي الامور الهلال محارب من(الاعلام الاصفر -لجان الامير نواف - احمد عيد )
كلهم ضد الهلال

انا ماالومك ياصاحب الموضوع الوم المشرفين النايمين اللي يسمحون بنشر مثل هذي المواضيع ..ولا انت محسوب على جماهير الزعيم ..
وبعدين ان كانك تبي سامي ومتيم فيه ياخي روح عنده في قطر وفكنا من شرك وشره وخل الهلال للهلاليين وانت خلك مع مطبلينك وبلاش من شغل الطابور الخامس..

إقتباس الرسالة الأصلية كتبت بواسطة هلالي بجنون ss لاحول ولا قوة الا بالله .. للاسف جمهورنا اصبح منقسم نصفين قسم , يجلد في ريجي ليثبت ان سامي افضل .. طبعا مثل صاحب الموضوع وقسم يمجد في ريجي نكايه في سامي .. وهذا حاصل مع بعض الجماهير اركدوا وادعموا الفريق ورانا مشوار قوي في اهم بطوله لابد الدعم اتركوا عنكم التحلطم