جدي قال ( راعي الصنعتين كذاب ) وانا اقول ....
 

بسم الله

اقول يا إدارة الهلال وياجهازه الفني , الوضع الآن غير السابق ايام المربع الذهبي كنت تنافس بالبطولات القاريه وتقدر تجيب الرابع بالدوري وتنافس على الدوري وانت مرتاح .

الآن غير , فرق النصر والاتحاد والشباب فايزين ب3 جولات اولى ومركزين بالدوري وانت يالهلال الى الجوله السادسه مشغول بالاسيويه وبعدها النهائي .

بالمختصر

يا اما نركز بالاسيويه ويكون الدوري ثانوي وفي حالة ضياع الاسيويه وضياع الدوري يمكن التعويض بكأس ولي العهد وكأس الابطال هالموسم .

وأنا اقول ان هالسنه الاسيوية اقرب من اي وقت راح بالإمكان اراحة اللاعبين الاساسيين في مباريات الدوري القريبة من مباريات آسيا .

وبالتوفيق لزعيمنا.

ياصاحب الموضوع ،،،
تحيه طيبه وبعد...
انت تقلل من الهلال ،،ويبدو انك كنت تسمع في فترة المربع الذهبي ...ولم تكن تشاهد،،
الهلال في تلك الحقبه لم يكن يبارح المركز الاول او الثاني ..
ولم يدخل المربع الذهبي الا مره او مرتين ....وهو في المركز الرابع..
واسيا لم يكن يحققها وحدها كان يحقق عدد من البطولات معها في نفس العام..
بل انه في احد السنون ..حقق 6بطولات اثنتين منها اسيويه وتحديدا عام 2000..

أنـا أشهـد بس لاتلومـه اتوقع العمر يلعب دور :d

الى هذه الدرجة اصبح التعادل مع الاهلي كارثة
الشباب والاتحاد والنصر تصدروا من ثلاث مباريات مع فرق الوسط والمؤخرة والدوري لازال في بدايته
ولااعلم كيف ضمنتوا الاسيوية حتى نضحي بغيرها وهل المقصود ان الاساسي يلعب في اسيا بس طيب وين حساسية المباريات ولو افترضنا اقمنا معسكر للاسيوية ستبحثون عن فرق قوية نواجهها لغرض الانسجام والان تطالبون بالتفرغ لآسيا
شخصياً لا أعذر الفريق في ضياع اي بطولة فالاسيوية طموح مثل بقية البطولات واستغرب من اللي ينساقون للاعلام الاصفر ان المحليات غير مهمة حتى ابتعدنا عن الدوري من اربع مواسم وعن كاس الملك من اكثر من ١٠ سنوات

محد قال ضمنا الآسيوية,, لكن التركيز عليها مطلوب ياصديقي ولو على حساب الدوري هالمرة،
لعدة أسباب أهمها، انها أكثر بطولة ابتعدت عنها، ولأنها أقرب من الدوري كمسافة ولأنها بطولة قارية

كل البطولات مهمة طبعا، لكن آسيا هي رأس الهرم، تأتي بالتدريج بعد فوزك بالدوري أو تحقيق مركز متقدم أو تحقيق الكأس،، بالتالي آسيا هي سلم طويل يبدأ من الدوري

أرجع لنتائج ريال مدريد العام الماضي بعد تأهله لنهائي أوروبا، ترك الدوري بنتائج تعادلات وهزيمة وربع الفريق بديل وأراح رونالدو ماغامر فيه بسبب عودته من الاصابة، رغم انه كان قريب جدا من الدوري و ما استغل حتى تعثر أتلتيكو وبرشلونة لكنه حقق الأهم.

أتمنى ما تعتبر هالكلام انسياق خلف اعلام أصفر، فهم يعزفون على وتر العالمية، وأنا بالنسبة لي آخر همي،، أتمنى تحقيق آسيا حتى لو يلغون كأس العالم ما عندي مشكلة.

ماهو مقياس كلامك الله يحفظك ,, الاتحاد والنصر امورهم متسهله
يعني لو تشوف جدوله النصر .. الى الان كل الفرق ضعيفه خليج نجران عروبه ..
الهلال من الجوله الثالثه امام الاهلي ؟
للمعلوميه الاهلي فريق صغير ولا ذاك الصعب لكن سوء الهلال هو اللي ضيعه

اقعد تغنى بالماضي مثل اللي تغنوا بماضي فرقهم ونسوا الحاضر

البطولات مهرها غالي وتبي اعداد نفسي وفني وجهد كبير خصوصا بطوله الدوري والاسيويه لان نفسها طويل

يكفي اخر سنتين بطوله وحيده وبطولة كأس موب دوري.

الهدف من التركيز على بطوله واحده له ميزه :

اول شي ما يكون فيه ضغط نفسي وتشتت ذهني زي اللي صاير اللحين باللاعبين ولا ينلامون عليه

ثاني شي ما قلت انه يتم تفريغ اللاعبين عن الدوري بشكل كامل بس على الاقل يتم اراحتهم خلال اوقات الضغط بين اسيا والدوري وممكن نطبق هالكلام الموسم هذا كتجربه عشان ما تضيع البطولتين زي ألعامين السابقين

وشكرا

طبعا اللي غيروا مسار الموضوع ما راح ارد عليهم