أوافقك ميه بالمية إن له مستقبل بالمحور، ليه؟ لأنه يجيد التحرك بالكرة + تمريراته متقنة + يملك بنية جسمانية جيدة (أفضل من القرني و أصلب). أما في الدفاع فالتحاماته قد تتسبب بأخطاء مكلفة.

و قارنته بديجاو لثلاثة أسباب:
1) عدم قناعتي بديجاو لأنه يشتت كرات سهلة، ويعيد كرات سهلة للحارس وهاذي طريقة لعب حواري.
2) صحيح أن الدعيع ليس بمستوى ديجاو، لكن الفرق مهوب كبير، و الدعيع شباب وعنده إمكانية تطوير لمستواه.
3) الهلال فريق هجومي، وعندما يلعب كفريق (هالشي ما بعد حصل) محد بيوصل دفاعه، خذ كمثال النصر: مدافعيه واحد شايب ومتهور (البحريني) و الثاني مستواه هزيل (هوساوي)، و مع ذلك ما يبين ضعفهم لأنهم يلعبون كفريق، و ما فيه كورة تفلت من الفريق إلا ترجع له من المحاور و الوسط.

الخلاصة:
أهم شي يحتاجه الفريق هو التناغم، و عشان يحصل هالتناغم لازم اللي ما يقدر يلعب ما يدخل الملعب (ياسر)، و كذلك لازم الكورة تدور من الدفاع للهجوم و هالشي يحتاج هدوء من المدافعين وعدم تشتيث مجاني، ويحتاج تحرك بدون كورة و هالشي يحتاج رواقة عند استلام الكرة في الوسط (مثل ما يسوي سلمان الفرج و الشمراني) مهوب جري بالكورة الواحد تقل ملحوق (سالم الدوسري + ياسر الشهراني) عشان باقي الفريق يمديه يفتح.

سلامي على قدماء المنتدى، كلام معتق، ما يحتاج أزيد.

آسف طال عمرك