هذا ماسيحدث فيما لو رفض المنتخب اعفاء لاعبين الهلال !
 

بسم الله والصلاة والسلام على رسول الله

الكل بمختلف الميول متفقين ان مصلحة الهلال بإعفاء لاعبين الهلال من معسكر المنتخب الطويل !

لكن الجميع يتسآئل ماذا سيحدث فيما لو رفض الجهاز الفني الإعفاء للاعبين ؟؟

منطقية العقل ترى ان الموضوع ليس بالأمر الجلل ولا في المشكلة الكبيرة !

الفترة التي ينتهي بها المعسكر تسبق مباراة الهلال مع العين ب6 أيام .. وبرنامج تدريبات الهلال في الست ايام راح يتمحور في تطبيق التكتيك الذي راح ينتهج في مباراة العين .. وإذا أخذنا في الإعتبار وجود مباراة نجران فستكون بمثابة تحضير وبروفة للمباراة الأهم !

أنا متفق مع الإدارة والجمهور وأطالب إتحاد القدم بعمل كل مايلزم لتسهيل إجراءات إعفاء اللاعبين للمحفل الرسمي .. لكن كرة القدم في العالم ككل معروف عنها ئأنها لعبة تحديات لما تتضمنه من صعوبات كثيرة ومطبات وتعثرات تواجه جميع الفرق والبطل هو اللذي يتخطاها !

أنا هنا أتمنى من الجمهور الهلال عدم إعطاء الموضوع أكبر من حجمه وأن يكون تركيزهم مع الإدارة واللاعبين هو تخطي مرحلة العين مهما واجهتها من صعوبات فمعروف عن فريق الهلال البطل هو تخطي جميع التعثرات والأمور الخارجة عن السيطرة بكل قوة وإصرار !

فهكذا عرفت الهلال دائماً .. وهكذا عهدت دائماً جمهور الهلال

والسلام خير ختام

اول شي يعطيك الف عافيه ع طرحك للموضوع اللي انا اشوف انه اهم من المنتخب بكبره

تسالني ليش اجاوبك !

المنتخب انا اشوف انه بيطلع معسكر لندن يتمصخر ويرجع فقط

مباراه وديه وفي لندن وعندك فريق واصل للأدوار النهائيه من نفس القاره يجيك مدرب المنتخب ويسحب 5 لاعبين !!

ياما واجهة الانديه المشاركه كالاتحاد والشباب والاهلي وبنفس المشكله وكانت هناك معسكرات اهم من المعسكر المقام بلندن

هي حاجتين لاثالث لهما

يا ان الاتحاد السعودي لن يوافق بالاستغناء عن لاعبين الهلال من اجل معسكر لندن

او ان الاتحاد السعودي يريد خروج الهلال من اسيا !!!! :mad:

واظحه ولايبغالها اي نقاش

لا تقول فيه وقت و6 ايام ومدري ايش هذا الاعلام الاصفر اللي جالس يسهل المشكله

فرضا" لاعبين الهلال الدوليين انضموا للمنتخب ورجعو يوم 9 سبتمبر وفي لاعب او لاعبين ( لاقدر الله ) مصابين اصابات قويه !؟؟

اتمنى ترد على سوالي ؟

تقبل مروري وتحياتي لك :rose:

مشكلة معسكر المنتخب ممل ويحبط اللاعبين واصابات وتغيير جو على اللاعبين
ياخي ليش ما يبون الهلال ياخذ اسيا وليش اذا تاهل الاتحاد شفنا كل الدعم ومن اجل الوطن
والهلال يقابل بتزمت العام الماضي بن مساعد طلب حكام اجانب رفضو والحين الاصفر الصغير
بمجرد اصدرو بيان لبو طلبه

برأيي الشخصي

إذا الإتحاد السعودي يهمه أمر تمثيل الهلال للوطن في بطولة بحجم " آسيا " فبلا شك إنه بيوافق على طلب الهلال

لكن إذا دخل موضوع الميول و " الحسد " فما أقول إلا حسبي الله ونعم الوكيل

تم ارسال خطاب من قبل ادارة نادي الهلال حول اعفاء اللاعبين من انضمامهم للمنتخب
وبإنتظار الرد .. وبإذن الله يكون في مصلحة الزعيم .

لا خوف على اللاعبين من الارهاق فإعدادهم بالمعسكر لياقياً كان رائع .
هو الخوف من الاصابات التي تبعد اللاعب عن الملاعب لفتره علاجيه .

الله يكتب اللي فيه الخير ..

اتفق معك اخي الكريم
دائماً الهلال اذا خرج يحارب خارج الملعب يخسر داخل الملعب
في جميع تعليقاتي ذكرت ان الامر ليس كارثياً وعلى الادارة رفع خطاب فقط بدون هذا الصخب الاعلامي والجماهيري الذي ستكون اثارة سلبية بلاشك سواءً وافقوا ام لم يوافقوا
كم من مرة انشغلنا بالتقديم والتأجيل وانهزم الهلال حتى وهم يوافقون على طلبه لان التعبئة والاعداد الاداري والجماهيري لهذا الطلب ومعه ينشغل الجهاز الفني واللاعبون بل ويصبح مبرر الخسارة جاهز في اذهان اللاعبين

يعطيك العافية اخي الكريم

لا يازعيم أنا معاك لو كان هذا الضغط مبرر وع الجميع

في المنافسات الهلال يفرق وهذا الي يخليه بطل دائمآ
لكن بالنسبة لمعسكر المنتخب فراح يكون عكسي ويكفيك
رأي المدرب ريجي ومشكلة معسكرات المنتخب ماتقارن
مع النادي الانضباطية اقل والأجهزة الفنيه واللياقيه
بصراحه اقل يعني الاعبين يرجعون صدقني وهم محتاجين
رفع المعدل اللياقي قبل البداء بالتكتيك هذا غير لا سمح الله
الاصابه يكون معدل حدوثها مرتفع لان الي معاك في المنتخب
مو مثل بنادي يستشعرون اهميتك واحساسهم بلمحافظه ع بعض
لان الهدف واحد.
كما أتمنى أيضاً بعد إعفاء من معسكر المنتخب
وهذا ما أتوقعه طلب تقديم مباراة نجران يومين حتى
يكون فيه وقت كافي للاسترجاع والاستشفاء والتركيز قبل
مباراة العين.

.. الله يكتب الخير لنادي الهلال ..
ولكن كل الانديةة اخذت حقهآآ .. مثل الشباب .. الاهلي ... الاتحاد ..
اتوقع جاء دور الهلال . ياخذ حقه .. والهلال .. يشرف السعودية .. ف هذا المحفل الاسيوي ..

يعطيك العافية اخي الكريم....................

الخوف كله من الاصابات
ولا المعسكر والمباراه المنتظره للمنتخب غاسل يدي منها

أتفق مع جميع الردود ...

وأطلب من الشعب الهلالي عدم المبالغة في ردة الفعل تجاه اي قرار سيحدث

إن رفضوا فيجب ان تكون ردة الفعل هادئة وطبيعية عشان مايتشتت ذهن اللاعب عن الهدف الرئيسي

وأن وافقو فيجب أن لا نبالغ في الفرحة .. ياليت تتأجل الفرحة الى ما بعد التأهل والوصول للنهائي

آتمنى من لآعبين آلزعيم آلآعتزآل دوليآ ولو مؤقتآ

الله يستر وإن شاء الله
نحقق البطولة السابعة
الأسيوية

بأذن الله تتم الموافقه بالسماح لتفرغ للاعبية الهلال

واذا لم يتم السماح لهم سيكون هناك خلل كبير