مستوى الهلال لم يكن مقنع .....
 

مرحبا بالجميع

طبيعتي لا اجيد المقدمات كثيرا لكن اريد اتطرق بالموضوع مستوى الهلال الذي اعطى اكبر من حجمه امام السد... ....شفنا المباريات الهلال في الدوري ضد العروبه والشعله مع مباراة السد الفريق بوجهة نظري لم يتطور كثيرا غير الياقه العامة مع بروز سلمان الفرج ...وجهة نظري السد تفوق على الهلال بقفل اهم المفاتيح الهلاليه ناصر ونيفيز لذلك انتهت المباراة بنتيجه تعتبر غير مطمئنه كثيرا نظرا الاداء الغير المتطور وكأني ارى هلال سامي .....طبعا لن احكم على المدرب ريجي لانه يحتاج فترة للحكم عليه...... ان المستوى لم يتطور من الاخير للافضل (انسوى اسيا الملعونه )
الاسيويه تحتاج الى فريق تكتيكي قوي جدا لانه في حالة وصولك للنهائي ضد جوانزو الصيني العنيد (ماعنده يا امي ارحميني )

اتمنى التوفيق للهلال ونرى منهجيه افضل ان شاء الله في المباريات القادمة ....

ياعزيزي طالبنا مراراًً وتكراراً بصانع لعب يساعد نيفيز ويلعب بالقدم اليمنى ولكن لا حياة لمن تنادي

أعتقد مع وجود كريري والفرج ولو يلعب سلطان الدعيع محور ماراح نحتاج بنتلي مع احترامي له وتقديري لجهوده كلاعب مقاتل

مشكلة الهلال هي لو تعطل نيفيز يتعطل الهلال بأكمله ولايوجد صانع لعب صريح بحجم نيفيز واستغرب عدم اشراك نواف العابد

كلامك صحيح المستوئ غير مقنع
بخصوص فرق شرق اسيا اعتقد مو بس جوانزو الصيني قوي فيه الفريق الاسترالي قوي كمان وهزم جوانزو في مباراه الذهاب
باختصار فرق شرق اسيا الاربعة المتاهله اقوئ من فرق الغرب بكثير

والله انكم ماتدرون وين الله حاطكم
اجل مستوى الهلال مو مقنع
لو مستوى الهلال مو مقنع مافزت قدام فريق يلعب 9 مدافعين
لو المستوى مو مقنع كان ماشفت 3 فرص محققه ضاعت الشوط الأول وفرصتين او 3 ضاعت الشوط الثاني
مشكلتكم تربطون مبارة المجموعات 5-0 بهالمباراه
ترى كل مباراه لها ظروفها

السلام عليكم
اخوي محب .. بعد التحيه
بالنسبه للمستوى الذي ظهر به الهلال امام السد
طبيعي جدا ان يكون المستوى بهذا الشكل
لعدة نقاط اراها من وجهة نظري

١- الهلال لعب بتكتيك ( مبداء اللعب على المضمون )
بمعنى : الهجمات تبنى بناء من الخلف للامام مثل بناء الهدف بوجه الخصوص
لانك تلعب ضد فريق متكتل دفاعيا.. يجب عليك بناء الهجمه من الخلف
لكي لا تتلقى المرتدات فيصبح وسطك مفتوح..

ثانيا : تكتيك السيد ريجي كان اللعب على الاطراف حينما غير مركز سلمان الفرج
و اللعب على الاطراف .. يخفي نوعما نجومية وسط الهلال الضاربه
فمن الطبيعي تكتيكياً راح يكون الهلال اقل .. و لكن انظر لاسلوب الهلال في الاطراف

كيف كان و عن ماذا اثمر ..
نأتي للجزء الاخر و هو ( التنظيم الدفاعي )

حينما نقل السيد ريجي الفرج بالجناح الايسر: هل هذا لم يكن مقنع بوجهة نظرك..؟
هل التنظيم الدفاعي و ربطه بين لحظه بناء الهجمه و الظغط على حامل الكره و الانكماش حين الارتداد السداوي لم يكن مقنع..؟
بنظري ان لم يكون هناك شي مقنع فهو قلة الاهداف
و لكن في مثل هالمباريات .. يجب عليك ان تضمن النتيجه بأقل مجهود
و هذا ما فعله السيد ريجي
اما عن المستوى بشكل عام .. فنظري انصب على الدفاع بشكل عام
و فعلاً مستوى الزعيم دفاعيا فأكثر من مقنع بالنسبه لي

فلذلك مثل المباريات التي تكون شوطين
اضمن الاول .. تلعب مرتاح في الثاني
الله يوفق الزعيم بالايآب .. شاكر لك الطرح ..

شوف انت عناصريا مميز لكن عندك لاعيبه لا يعتمد عليهم مثل العابد والشلهوب وعبد العزيز الدوسري ..

العابد اتمنى يكون تخلص من تفكير الحواري والمزاجيه
الدوسري موهبه انتهت من وجهة نظري من زمان ز..
الشلهوب تقدمه في السن وانخفاض رتم وهذا شيء طبيعي

تخيل عندك ثلاث عناصر في الوسط اسماء فقط ....

الهلال في الوقت الراهن يحتاج على تكتيك قوي مثل ماشفنا العين ضد الاتحاد الفريق بيلعب تقريبا على نص باب

انا اختلف معك جملة وتفصيلا
1- الهلال منضبط تكتيكيا بشكل خرافي
2- 540 دقيقة غير الوقت بدل الضائع ( 6 مباريات ) لم يدخل هدف في مرمى السديري
قوة دفاعية مهولة بوجود الوحش ديجاو والجنرال كواك مع المحاور
3- الهلال هجوميا قوي جداً في وجود المساحات
4- الهلال تغلب لأول مرة على فريق متكتل دفاعيا في الرياض ووسط جمهوره وكان ممكن يزيد عدد الأهداف
5- انا أشوف الآسيوية قريبة اكثر من اي وقت مضى للهلال والله الهلال فريق ثقيل جداً في ارض الملعب ومرعب
6- اما المباراة النهائية فالحديث عنها سابق لأوانه نفكر في السد وان شاء الله بعده الاتحاد ( اتمنى ) العين ( أتوقع ) والعين فريق قوي جداً
وبعدها بمشيئة الله المباراة النهائية
في الاخير كل ما يحتاج الهلال التوفيق من الحي القيوم
وثم دعم وثقة جمهوره فقط فقط فقط.

كلام جميل وهذا الي بوصله هذا مستواك مارح يأكل عيش قدام الفرق شرق اسيا الي يتمزون بسرعة ومحترفين على اعلى مستوى ....يكفيك الضخ المالي الكبير بمدربين على اعلى مستوى ...

انا ذكرت المستوى لم يتطور كثيرا ......الهلال يحتاج الى منهجيه بحيث لو قفلت على عناصره المهممن يكون عنده حلول ....وسلمان الفرج كان هو الحل لانه هو الافضل من بدايه الدوري ....اتمنى الهلال لايعتمد فقط على نيفيز وناصر اتمنى ايضا الاستفاده من حمد الحمد ونواف العابد هذول لاعيبه مميزين وعندهم المهاره والسرعه ......

شاكر على تحليلك ومرورك الكريم
اتمنى التجديد في لعب ونرى هلال يملك كذا منهجيه لانه بصراحه شعرت المدرب السد قرىء طريقة لعب الهلال وقفل على اهم لاعبينه وهذا شيء طبيعي لكن لو الهلال لعب بطريقه مختلفه لكانت انتهت اكثر من واحد للهلال خصوصا الارض والجمهور لصالحك .....وتلعب في مباراة الاياب وانت اكثر راحه

ثقة الجمهور انعطة بما فيه الكفايه في الاسيويه لكن بطوله ملعونه وتحتاج على التوفيق والحظ ....

يعطيك الف عافية وبالتوفيق للزعيم