|
اقتراح لتيفو مباراة الهلال في الدوحه... ويستاهلون السداويه اكيد بتقولون يا الله صباح خير :d هذي فكره طرت علي وان شاءالله تلقى قبول من الجميع بخصوص تيفو الهلال في قطر ...، ادخل في الموضوع على طول بما ان اغلب الجمهور الهلالي طالبو بعمل تيفو في الدوحه في مباراة الهلال والسد ليش مايكون تيفو مشترك يعني بما ان مسؤلين السد ولاعبينه اخجلونا بروحهم وطيبتهم وقبولهم اعتذار الهلاليين بسبب تاخر الحافله عن نقل بعثتهم ليش مايكون تيفو تكريم لهم وبنفس الوقت للهلال اتمنا يصل الاقتراح لمجلس جمهور الهلال وشكرا :smilie47: |
اوافقك الراي اخوي فواز وبالتوفيق للفريقين باذن الله |
على فكره ياهو التيفو بيقهر بعض الناس اللي هنا وخابرينهم اهل الاكاذيب في تويتر:naughty: |
إقتباس:
ماني خابره احد بتويترماني من هله للاسف اخوي فواز |
بالتوفيق للهلال......... البطل |
إقتباس:
فكره رووووعه اخوي يعطيك العافيه بالتوفييييق للزعيم :ba: |
وين السد يتوعدون بل اياب نبي تيفو يسووونه الاعبين بلملعب في دك مرمى السد |
يا عزيزي .. اشكرك على حماسك في هذا الصباح الباكر لكن انت تلعب مع خصم لدود ؟ حسيت إنها مباراة حبيه ولا مباراة اعتزال هذي مباراة في دور الـ 8 من آسيا والخصم مولع من الهزائم المتتاليه من الزعيم الحقيقي نتمنى التأهل من ارضهم .. ماراح ينفعنا التيفو ولا مديحهم في شيء إذا خرجنا لا سمح الله التيفو نمخمخ عليه بالرياض دور الإربعه ان شاءالله |
لا شهالتفكير ؟ نكرمهم بأشياء ثانية ويستاهلون اخواننا لكن لا ليس بالمدرج جهود الجمهور وتأثيرهم فقط للاعبينا لا لشيء آخر |
وشرايك يكون التيفو بكلمة الزعيم بيننا وبينهم الزعــــ يـــم الزع لجمهور السد يم لجهور الهلال بكذا نكون ضحكنا عليهم من ناحيتين الاول معروف منهو الزعيم ًالثانيه يم بمعنا كلوهم أكل :d :naughty: |
إقتباس:
على اساس ان التيفو هو اللي بيلعب بدل الاعبين وش يمنع طيب نكرمهم بتيفو وندك مرماهم !!!! على فكره هو مجرد اقتراح والله قد كتب النتيجه عنده وعلى فكره الهلال هو المستفيد من هالحركه منها نشيل الضغط عن الاعبين ويكون شكل مختلف وان جمهورهم ماهم جايين يضغطونهم طيب في مباراة الاياب مع الخويا العام دخلنا بنفس طريقتك على انها مباراة حياه وموت وضغطنا انفسنا وش النتيجه خروج من اسيا والتيفو صدقني لن يضر بشي ومثل ماقلت يبقى اقتراح |
الأهم الحضور والتشجيع وهز المدرجات وفي دور الأربعه بإذن الله نعمل اجمل تيفو امام العين |
أختلف معاك أنت ماخذ الموضوع بعاطفة زايدة لو عملت تيفو مشترك فسوف يتفاعل معه لاعبي الفريقين وكذا أنت بتسوي لفريق السد تيفو يمكن ماشافوا مثله في حياتهم ، يقول المثل (جحا أولى بلحم ثورة). الحين لو كان أخوك في تحدي مع خصم آخر هل تشجع أخوك أم تشجع إبن الناس؟ طيب لو فاز على أخوك كيف بتكون مشاعرك ؟ بالنسبة للي صار مع لاعبي السد ، أشوف إن ماله داعي الإعتذار من رئيس النادي مقابل اللي صار مع الهلال في الدوحة قبل كم شهر. بعدين الخطأ من الشركة المشغلة (سابتكو) وليس الهلال ، المفروض المسئولين عن الشركة يتقدمون بالإعتذار لبعثة السد ، جزاه الله خير الأمير عبد الرحمن ع الإعتذار ،، إلى هنا ويكفي. التيفو في الدوحة في مباراة مصيرية جداً جداً الفائز منها يتأهل لدور ال 4 لا والله بنشجع الزعيم الهلالي إلى آخر لحظة ، وممكن في المستقبل نشجع السد ضد أحد فرق شرق آسيا مثلاً بشرط أن لايكون ذلك الشيء يضر بالهلال . :naughty: |
كلمة ( اتمنى ) ما تكتب اتمنا ياخوي ياليت تكتب كلامك في مستند word عشان يجيك تصحيح الأخطاء وبعدين تنسخ الموضوع للمنتدى تعبت وانا اصحح اخطاء بدائية ماتصدر من طالب بالمرحلة المتوسطة ... عجبي! |
إقتباس:
وليش word وانت موجود انت تكفي عنه خلك هذي شغلتك التصحيح يامستر سلح :laugh: واتمنا تلحق تشوف باقي المواضيع الله يعينك على نفسك :yes: هههههههههههههههههههه |
| الوقت المعتمد في المنتدى بتوقيت جرينتش +3.
الوقت الان » 03:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd