|
الى متى كل من هب و دب يدخل الملعب؟ بدون مقدمات بالامس لاول مره اشيل معاي اولاد اخواني الملعب و حسيت فيها من جد لانهم جنبي و استحيت منهم من بعض العينات و الاشكال الوصخه اللي تجي مالها في الكورة ابدا و تجي تدور في الملعب و تسوي شوشره و صراخ و كلام سفيه و همز و لمز على بعض الناس ., الحين في المجمعات يركزون على اللبس في الفتره الاخيره يعني يجيك واحد بثوب نوم ما يدخل و اشكال مقززه يركزون عليها و اذا شافوا منهم تصرفات غير لائقة ينطردون بصراحه لازم يكون فيه شده اكثر في الملاعب و المفروض الناس اللي تجيك بثوب نوم و لا لبس وصخ و معدوم تصرفاتهم غير لائقه يمنعون من الدخول .. المفروض الناس اللي مسؤوله عن دخول و ترتيب الاشخاص داخل الملعب و تنظيمهم يكونون افضل من الموجودين الحين ,, لاني الاحظ اغلب العسكر اللي مسؤولين عن هالشغلات و العينات اللي اتكلم عنها هم اخوياهم فياليلت ينظر لهالموضوع بجديه شوي و عدم التسيب و التهاون ,, لانه يفضل انه الجمهور يكون راقي و عاقل و يتفهم و متعاون لاني بصراحه اشوف الموضوع كل مره يزيد عن حده و هذا بيسبب عزوف الجماهير مع الوقت و آسف عالاطاله و عدم ترتيب الكلمات بس اتكلم مقهور من اللي اشوفه |
المجتمع طبقات ياسيدي...... |
صدقت تقليد اعمى في كل شي شبابنا واللا مبالاة وعدم الأحساس بالمسئولية وغيرها لانقول غير الله يصلح الحال ... |
بوجود المدخنين واهل الألفاظ النابيه والتصرفات الغبيه ليت فيه مدرجات للاعمار الصغيره من السبع حتى الاربع طعش عام بحيث يمنع الدخان ويتم مراقبة المدرج من العبارات الخادشه ونحمى الصغار من اخطار التدافع والازدحامات اموركثيره تحتاجها الملاعب ونحتاج الى انشاء شركات متخصصه فيما تحتاجه الملاعب |
الين يعقلووون ويتطورون مثل باقي الدول وخاصه الاوربيه |
إقتباس:
|
أخوي حتى لو حضروا الذين تتحدث عنهم وتقول إنهم ليس لهم صلة بالكورة ولكن كان لحضورهم فائدة بملئهم المدرجات والذي من خلاله زاد من جمالية الملعب وأصبح مغطى باللون الأزرق و الأبيض. |
ياحبيبي مت يمسكون ومين يخلون خلى المقاعد تصير محجوزه لك وبعدين خير |
بيني وبينكم حركة بايخة النزول للملعب يجب التقيد بالنظام وبرضة عدم وجود مياه في الآستاذ فظيحة ومهزلة لكن الله يعطيكم العافية يا جمهور الرياض وفيتو وكفيتو |
قريت موضوعك امس وقلت انتظر قبل افكر وارد على سؤالك اللي اعتقد مهم جدآ طبعآ احد الاعضاء قالك الناس طبقات وفيهم الصاحي والمجنون المتعلم والجاهل النظيف والوصخ لكن وش قدمت رعاية الشباب لمثل (هالعينات اللي ذكرتهم) الجاهل الوصخ اللي يحضر بريحه كريهه وملابس نوم قمصان ولا يدري المباراة بين من ومن اصلا ليش كل هالتقصير من رعاية الشباب اللي مفروض يكون اسمها اهمال الشباب طبعا من زمن طويل وهذا الشي يحصل ولا نشوف اي حل له ليش مايكون استغلال المباريات اللي مثل هذي وتوعية الجمهور بطريقه مباشره وسهلة الفهم لان بعضهم مايفهم الا بااللهجه اللي تعود عليها يعني عربيه فصحى يعتبرها كلام فاضي يعني تختصر له الموضوع بسطرين النظافه من الايمان وحافظ على نظافة ملابسك وعييب تحضر بملابس النوم للملعب خلاص بكذا فهم القصد وللملعوميه وهذا كلام خطير بعضهم حضوره للملعب لقصد في نفسه هو البحث عن ترويج شي معه يعني يجب الحذر والحرص من اولياء الامور وتنبيه اولادهم بعدم التعامل مع هالاشكال ياعزيزي الله يهدي الجميع لكن رعاية الشباب تتحمل المسؤليه كامله في عدم التوعيه والاستفاده من هالتجمعات لتطهير المجتمع وتنظيفه من هالنوعيات وبارك الله فيك وجزاك الله خير على طرح موضوعك |
الله يصلح الحال الحين يجون للمسجد وهو بيت الله بلباس النوم وبلباس إلى تحت الركبه وبلباس يظهر أجزاء من عورته وهو يصلي المحترم محترم في نفسه قبل كل شي والمهايطي يهايط في أي مكان حتى في بيوت الله والحياء من الإيمان والإيمان عقيدة بين العبد وربه فمن لا يستحي من الخالق لن يستحي من المخلوقين وكل ما نقدر عليه أن نسأل لهم الهداية والخوف من الله ومراقبته |
| الوقت المعتمد في المنتدى بتوقيت جرينتش +3.
الوقت الان » 05:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd