|
هذا اللي صار !!! بسم الله الرحمن الرحيم السلام عليكم ورحمة الله وبركاته للجميع . كيف حالكم عساكم بخير وصحه وسلامه . [SIZE=4/]كل عام وانتم بخير رغم انها جات متاخره + مبروك فوز الزعيم وعقبال التاهل . [/SIZE] اول شي في كلام كثير بكبته والله العظيم 3 مرات اني ما اكذب بكل كلمه راح اكتبها . طلب الامير عبد الرحمن بن مساعد و لاعبين ان نحضر ونخلي الدره فل . اوكيه سوينا كل اللي علينا وحضرنا . من الساعه 3 و الجمهور عند البوابات ينتظر متى تفتح وندخل بعز الحر و الشمس . لا مويه ولا شي نشربه حتى الاكل مو متوفر . رغم ان في المحليات نحصل المويه و الاكل و كل شي متوفر . الشي الغريب في مباراة اليوم ان لمن حصلنا المويه نكتشف شي غريب كرتون المويه اللي بالبقاله ب 11 ريال ينباع ب 40 ريال ويوم نساله يقول من ادارة الهلال . بالله هذا الشي حرام ولا حلال ! اوكيه ممكن في كم واحد بيقولون اني كذاب او اني مو هلالي بس ابي اتهم او اقول كلام عن الهلال . واقسم بالله اني هلالي وصميم و متعصب . واللي كانوا موجودين وقت ما شرينا المويه لو في واحد منهم مسجل في الموقع راح يقول ان كلامي سليم ميه بالميه ان اللي يبيع مويه قال من ادارة الهلال هي اللي خلت كرتون المويه ب 40 ريال . بالبقاله 11 ريال تاخذونه وتبيعونا علينا ب 40 ريال ! هل تبون تكسبون من الجمهور عشان مزانية النادي ! يعني فوق 5 ساعات بدون مويه وهذا السبب اليوم كثرت فيه حالة الاغماء اذا ماقدرتوا تفورن هذي الاشياء للمعلوميه في ناس فيها سكر وضغط واشياء كثيره ممكن تصيبه حاله خطيره ي حالة وفاه او يرتفع عنده الضغط والسكر . ان شاء الله نقول المباراه الجايه الاخطاء هذي ما تتكر في مقاصف تقدرون توفرون فيها كل شي من اكل وشرب و مويه . لدرجه راحت نص المباراه و الجمهور يطلب مويه حتى رئيس الرابطه قالها بالمكيرفون :laugh: اوكيه خلصنا من هذي الحادثه نرجع للجماهير اللي دخلت الملعب و الشغب اللي صار . في البدايه مشجع طفل صغير ينزل رجال الامن ما يسون له شي بكل هدوء يمسكونه ويطلعونه . لكن في رجل امن ارتكب جريمه شنيعه وهي ضرب مشجع بطريقه من ابشع شي اقسم بالله كل واحد لو كان مكانه بيحس بهذا الشي اوكيه . 3 اشخاص دخلوا الملعب مسكوا 2 باقي الثالث استخدم العسكري معه بطريقه عنيفه وهي الضرب وياليته ضرب يد ضرب بالعصا بطريقه شنيعه و من ابشع الطرق . الضرب بالعصا مثل كذا ممكن الولد ينصاب بشي قوي وزي ما شفنا الولد اغماء عليه تخيلوا لو مات . هذا ما يسمى دفاع عن نفس هذا يسمى قتل نفس . حتى الملاعب الاوربيه ماصار فيها نفس كذا ليه عندنا كذا . شكرا لك من تابع الموضوع ومبروك الفوز :smilie47: TWI : @black7amody187 ins : black7amody187 |
والله ما كذبت بكل كلمه قلتها هذا اللي صار . |
انت زين انك حصلت موية . انا بين الشوطين طلعت برا الملعب عند الهنود الى يبيعون بليلة والموية مخلصة من عندهم .مافية الا عصير ربيع وحاااار . المهم . توبة اروح للملعب . |
إقتباس:
يارجال حصلت وحاره واول مره تحصل لي هذا الشي في مباراة الهلال وانا مثلك ياخوك توبه احضر في الملعب اقسم بالله تكون في بيتكم عندك كل شي افضل |
اوما من اداره الهلال ! من جدك ؟ من وين رحت تشتري المويه لا تقول من البسطات الي برا الملعب ؟ وقالك من اداره الهلال .. لاني ما شفت الي تقوله ؟ وحتى لو جاك عامل وقالك ممن اداره الهلال ؟ هل تتوقع ان هالكلام معقول ؟ |
إقتباس:
|
المفروظ الادارة حتى لو مالها شغل بالموضوع تحاول تحسن من الخدمات عشان يزيد الحضور .. |
إقتباس:
بالعكس انا ابي الجمهور يزيد وانا اقولها لك ان شاء الله حاضر المباراه في قطر وان تاهل الهلال الى دور نصف النهائي حاضر لعيون الزعيم لكن اللي ابي اوصله انوا الاداره تاخذ الاجراءت مع هذا الشخص اذا كان كذب بسبب توزيع المويه وقال ب 40 ريال واتهم الاداره بالكذب |
اقسم بالله الموياء الحار اللي لقيناه مطشوش شربناه وربي شي يقهر لاموياء زي الناس ياناس نبي موياء وربي قتلنا العطش |
http://up.alhilalclub.com/uploads/pu...91816_u123.jpg والمباراة الجايه بيوصل 70الف :alzaeem: ونشكرر اداراة الهلال لانها كرشت الشركه التعبانه اللي تسببت في ماحصل وعلى سرعة التصرف وتوفير المياه للجمهور |
الحمدالله اني ماحضرت لاني صايم الست من شوال وكنت ناوي احضر وافطر على مويا ومعي تمرات سبع |
فواز البقمي كيف تتهم الرجل بالكذب وانت ما تأكدت من صحة الامر ؟! للاسف هذا الشيء حصل واللي يقهر اكثر واكثر هو ضرب رجل الامن للمشجع , مهما كان الجرم الذي ارتكبه المشجع لا يمكن ان تصل الامور للضرب والركل . وعلى ادارة الهلال التقدم بشكوى لوزير الداخلية تطالب فيه معاقبة رجل الامن , ماحدث والله فضيحة بحق الهلال وبحق جمهور الهلال وبحق البلد أجمع . حسبنا الله ونعم الوكيل |
الله يعينكم لكن مومعناه ان الجمهورمايحضرللمباريات لمسانده فريقه تحملوووا من اجل زعيمكم |
إقتباس:
لا توزيع و المويه حاره ربي يصبرنا بس |
إقتباس:
اذا كنت حاضر المباراه فعلنا بقولك شي بس عشان اعرف انك كذاب او صادق ! الجمهور ما طالبوا بمويه ! رئيس الرابط ماقال للجمهور تصبروا حتى انا عطشان ! مو فجاه طلع اهزوجه عن المويه ! يله خلني اشوف بس ردك |
اللي جالسين يكذبونه معليش وين عايشين .! معقوله مافتحتوا تويتر ماشفتوا إن الجماهير كانت تشتكي إنه مافي مويه.؟! حتى الاعلاميين كتبوا عن هالشئ وصوره انتشرت لمشجعين وهم يمدون كاسات فاضيه لواحد كان معه جيك كبير عشان يصب لهم مويه الصوره أوجعت قلبي كأنها صوره لمجاعات إفريقيا.. بالنسبه إنهم يبيعون المويه بأربعين فيمكن استغلوا الموقف وحاجة الجمهور للمويه وجلسوا يبالغون تصريح ابن مساعد لبي ان سبورت يقول تداركنا الوضع ووفرنا مويه وأمرنا بتوزيعها ع الجماهير مجاناً يمكن عاد فيه ناس ماتخاف الله وراحوا يبيعونها ويبالغون في سعرها.. التقصير من الشركه اللي ماسكه الاكشاك والاداره انهت عقدها.. |
بيض الله وجيهكم ياللي حضرتوا .. و الله لا يضيع لكم تعب انشهد انكم ما قصرتوا لكن .. ادارة الهلال اعلنت انها راح تنهي عقد الشركة المتعهدة و بتحل الموضوع و هذا دليل انها متفهمها و مقدر الموضوع |
موضوع المويه .... مننا وفينا مدام الادارة فيها ................. بس ضرب المشجع ضرب مبرح ضرب تهشيم بعصى كهربائية هنا ابو فيصل لازم يكون لك كلمة .... لوسمحت انا اليوم ماهمني الفوز ... نسيت المباراة الحثاله هذا " العسكري " قام بضرب المشجع ضرب فيه حقد بعصى ممكن تسبب شلل بالوتيلي لمن نزل عليه الشباب السعوديين واتصورا معاه ... كيف عاملوهم عسكر الملعب ؟؟؟ بكل ادب ونظااام مو بلطجه وتشبيح . المشجع غلطان ... اتعامل معاه بالنظام امسكه وطلعه " اتبع النظام " تسوي عليه قوي ياكلب ليش وربي يا اني حاقد على ام امه ضرب بالعصى ويشوت برجله القذر تقول كافر صهيوني مو مشجع مراهق. ابوووووفيصل ..... اذا بتسكت عن هذي ... فعذرني انت لاتمثلنا. والله نسيت الفوز بسبب الحيوان هذا ومقهور ... رجل الأمن عندنا فاهم الموضوع غلط ... وعلى باله اننا أعداء له ... طز فيك تحترمني غصبا عنك وعن اللي حطك ....... لازم القذر يعاااقب وارجوكم مشرفين الموضوع والردود لاتنحذف ... بطلوا طبقوا اللي كاتبينه جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه. |
إقتباس:
|
اولا مبروك الفوز والحمدالله على كل شي نعم صدقت واللي جالس يقول حلم وكذب قله يستريح هو الضاهر انه جالس في المنصة والمنصة ما ينقصها شي من ماء وعصيرات وسندوتشات وغيره من سبل الراحة بس الحقيقه انه اليوم كان الوضع سيئ للغاية ولازم الادارة تنتبه لجمهورها وتحاول توفير اغلب سبل الراحة له من مياه وأكل وعصيرات ولا توزعها بالمجان الناس تشتري بفلوسها بس هذا من ابسط حقوق المشجع الهلالي ولا بس يبون الناس تحضر وتتبهذل وفي الاخر تخرج الناس بقناعة مثل الاخوان اللي فوق وهي الجلوس في البيت أبرك وأريح ونا والله كنت في الاولى ثم انتقلت المنصة وسمعة بأذني الجمهور وهو يصيح بكل صوته مويه مويه وكل الموجودين في الملعب سمعها وكذاب اللي حضر ويقول غير ذا الكلام وللمعلومة نعم الاميرـ عبدالرحمن بن مساعد احضر اكثر من عشر سيارات محملة بكراتين الماء وأمر بتوزيعها على الجمهور بس وين راحت وكيف توزعت الله اعلم |
إقتباس:
احنا راح نتحمل ونحضر حتى لو المباراه في رمضان و الساعه 1 الظهر لكن اللي ابي اوصل له انا ان الجمهور يحضرون لكن على الاداره انها توفر لنا كل شي في اغمات كثيره امس |
إقتباس:
واقسم بالله اني جالس بالدرجه العاديه وابدا فوق الرابطه وحتى وقت مارددوا المويه احنا معهم واقسم بالله قبل صلاة المغرب رحت اشتري مويه قالي الرجال اللي بالسياره عند اللي بالشاحنه سعر الكرتون ب 40 ريال وهو بالبقاله ب 11 ريال قالوا له الجمهور ليه ب 40 قال الاداره هي اللي حددت السعر هذا |
إقتباس:
|
|
سبحان الله لمن يكون واحد يتهمك بالكذب وفجاه يجي شخص ينزل مقطع تصوير اسمعوا ايش قالوا كم الكرتون ! أزمة المياه في استاد الملك فهد - YouTube خلاص ماراح ارد على كل من كذبني كل واحد وذمته وغير كذا هذا السياره هي اللي نفسها فيها رجال قالي الاداره هي اللي حددت السعر وهو اربعين الريال في البدايه و الحين قالوا 50 ريال والله ما كذبت بكل كلمه والله يشهد على كلامي |
بالتوفيق للزعيم الاسيوي وعقبال اللقب السابع بحول الله وقوته واللي يقول توبه انه يحضر مرة ثانية اقول له الله يعطيك العافية على حضورك السابق وانت قطره في بحر الموج الازرق ولن يتوقف الموج على قطره بالتوفيق للزعيم ويارب اللقب الاسيوي |
بيض الله وجهك على الكلام الواقعي والذي شاهدته بنفسي يوم المباراة ورجاء منك ان انشره في التويتر ولك كامل تحياتي وأتمنى ان تجيز لي [emoji8][emoji8] |
إقتباس:
امين يارب ونحتفل باللقب بالرياض |
موضوع الموية معروف ومحد يختلف فيه والإدارة ماقصرت الغت عقد الشركة اما انك تتكلم وان الإدارة هي من حددت سعر الكرتون بأربعين على انه امر صحيح معليش ما يدخل هالكلام عقل !!!! ما ادري ليه انت مصدق الي يبيع ومستغل الوضوع ؟؟ مسحييييييل الإدارة تستغل ازمة الموية والله لو اللي حاظر جمهور الفقر ما سوتها موب عاد جمهور الهلال حدث العاقل بمايليق فإن صدق فلا عقل له ومحمد بن نايف ماقصر تدخل بنفسه لاخذ حق المشجع اللي انضرب |
إقتباس:
الموضوغ موضوعك والله يوفقك |
إقتباس:
انا ابي الاداره تتخذ اجراءت مع هالاشخاص تعاقبهم كحد اقصى والله ان الله يشهد على كلامي اني ماكذبت |
إقتباس:
وحاولوا توفير المياه مجاناً للجمهور وهذا واجب الإدارة واقل شي يسوونه لهالجمهور الرائع اللي حضر بس الاستغراب انك مصدق اللي يبيع على انه الإدارة هي اللي مستغله الوضع ومستغله الجمهور مع ان هالكلام ما يدخل العقل :yes: |
إقتباس:
|
اذا اداره الهلال هي من وفرت الماء بعد التقصير الحاصل من اداره الملعب وجابته للجماهير كيف تقول ان رفع الاسعار بطلب من الاداره ؟؟ غير معقول اطلاقا شي ثاني سالفه انكم ماعاد تحضرون الملعب عشان موقف حصل ولاااول مره فهذا عادي انتو 2 وغيركم ملاييين حاضرين وبالتوفيق للهلال |
السلام عليكم ... صباح الخير ع الجميع اولا : مبروك الفوز وعقبال ما نكسب الشوط الثاني فى الدوحة. المبارة كانت جميلة وشكر لكم ع الحضور والمساندة يا شقردية بياض وجه ثانياً : كلنا انا وانتم اجتمعنا هنا فى المنتدى من اجل محبة الزعيم وتشرفنا برجال شرواكم قد نختلف بين بعضنا البعض ولاكن يجب ان نتفق جميعا ع محبة (الهلال) كما تعودنا من جميع عشاق الكيان الأزرق . الاختلاف امر يحصل بين الأخوة والتسامح امر محمود ومطلوب دائماً اتمنى ان يغلق هذا الموضوع من ناحية الردود من قبلنا دون تدخل الادارة وبدوري اشكر الكاتب والأعضاء الموضحة ردودهم كلن باسمه في إيصال وجهة النظر للادارة والحمد لله تم التدخل من قبل رئيس النادي بشكل فوري وعاجل لإلغاء عقد الشركة المشغله والاهم : حتى لا يستغل هذا الطرح من قبل ضعاف النفوس ضد نادى الهلال . دمتم بخير جميعا ولا انسي ان أضيف تعليق التيفو كان خروافي |
مبروك الفوز ولاتسرق الفرحه منكم ظروف عارضه فوز مهم واداء جميل والمقطع الاخير يوضح ان التوزيع مجاني وبالكراتين وهو ما قاله سمورئيس النادي انه امر بتوزيع مياه مجانيه ورائينا الجمهور اخذ المياه المفترض نتجاوز عن بعض السلبيات راينا كيف تمت حركة الباص والمتعهد والمياه ناس تخطط لسلب الفرحه من عيونكم افرحو والحمد لله اذا كانو بيقدمون هذا الاداء ماعليه نصبر كم ساعه والحمد لله غيرنا يصبر ايام جوع وعطش فرج الله همهم هونوها ولاتعينوا المحتقنين على ادارتكم فيه امور تحاك للهلال الله يكفيناهم بما يشاء لنكن على قلب رجل واحد لم يتبقى من السابعه الى خطوات احذرو من سارقى الانتصار |
لا تصدق من قال من ادارة الهلال مستحيل يارجل يكافأونكم بقطع الماء عنكم ( ماتدخل الراس ) هم يتفاخرون بكم وبحضوركم وان شاء الله نشوفك المباراة القادمه في الملعب انا التمس لك العذر لانك زعلان لكن ترى العذال اثروا فيك بقولهم ( السبب من ادارة الهلال ) لو باليد من قبل اميرنا المحبوب لاسقاكم ماء زمزم لا ان يقطع الماء عنكم |
غلطة وان شاء الله ماتتكرر مره ثانية وأشكر صاحب الموضوع وكل من شارك واتفق تماماً مع اخواني ناعس الطرف و العقد الهلالي وبالتوفيق للزعيم وجمهوره |
إقتباس:
والله من القهر خلاني اوسوس طول المباراه والحمد لله الغوا عقده كان ودي يتحاسب بشي ثاني |
إقتباس:
بنسبه للحضور عادي ممكن قلت ماراح احضر وبكره تشوفين في مباراة الهلال اول الحضور |
إقتباس:
وكذب قال حددت السعر الفلاني فا اللي ابيه انا يتعاقب قب الغاء العقد |
إقتباس:
يعني هل الشخص هذا اتهم الاداره يكون مشجع لفريق ثاني وحب يالف كلام عن الاداره! ابو مساعد ماقصر والله |
بالنسبه للماء فاعترف رئيس النادي بقلة المياه وتصرف وأمن مياه , وعاقب المتعهد بسحب التعهد منه وعدم التعاقد معه مرة أخرى واعترف أيضا أن التعاقد معه عن طريق إدارة الهلال ولم يحمل المسئولية لغيره وهذا الاعتراف جاء بعد نهاية المباراة مباشرة . لايمكن أن أستسيغ تآمر الإدارة على الجمهور الهلالي الحاضر , يمكن مقصوده ولكن ليس من الاداره , ابحث عمن يفتعلون المنغصات للهلال بشكل مستمر , حادثة الباص ومن ثم نقص المياه . لاأعتقد أن الادارة هي المتسببهى ولكن عليها الاحتياط لمثل هذه الحوادث مستقبلا . |
والله عيب وفشيله ملاعب في المملكه مافيها مويه يكفي خدمات سيئه كمان مافي مويه وحنا في اعز درجات الحراره تعذيب هو :s5s: يعني بذمتكم لما يجي مشجع يحضر من قطر والامارات على ملاعبهم الروعه وما يلاقي مويه في هالحر وش بيقول :s5s: يعني هو تطفيش للجمهور ولا كيف !!! لازم يتحركون ويسوون في الرياض ملعب زي ملعب الملك عبدالله يعطيك العافية |
إقتباس:
إقتباس:
أنتم كذا حققتم مراد أعداء الهلال وخصومه .. أكثر مايغيضهم شعبية الهلال وحضور جماهيره وأنتم تهدونهم مبتغاهم ببساطة !! ما أنكر إن الموضوع كان صعب خصوصًا افتقاد أبسط شيء وهو المويه لكن بإذن الله لن تتكرر .. كونوا مع هلالكم لأجله ولا تفرحوا أعداءه بهجركم مدرجاته ..! |
انا مدري وش شغلة الرئيس ليه مايكون له كلمة وقيادة قوية في اخذ حق جمهور الهلال بدال التصريحات الاعلاميه سوف نفعل وسوف نعمل وهذا سافل وهذا مدري ايش نبي جدية بالموضوع نبي عمل بالخفا تظهر نتائجة من المسؤل عن عدم وجود مياه ولماذا لم يكون تحت المجهر الان ويحاسب ؟ |
إقتباس:
اقسم بالله عدد الاغماء كان كثير ومنهم طفل صغير نحتاج تحرك من جد |
حاضرين حاضرين لو نعيش على الهواء الهلال هو الماي والزاد وخلي موضوعك المضحك يأثر على حضور الامه الهلاليه |
ياخى رئيس النادى تكلم عن الموضوع وذكر السبب وانه الموضوع سلم لشركه تتعهد بجلب المياه والاكل للملعب ولم تلنزم والغاء سموه الاتفاقيه لعدم التزام الشركه |
انا كنت حاضر ونعم عانينا لعدم توفر الماء بس انت شككتني صح خويي راح وجاب كرتون يقولي بخمسين شريته من فين والله م عرف بس ماء حار قالي اخذته بخمسين من واحد يبيعه بس هل هي نفس مشكلتك او شخص اخر م راح افتي من عندي فقط نقلت كلام صاحبي بس بمقطعك ذا اشوف توزيع مجاني هل هي حاله فرديه من الشخص الي باعكم وعدم علم الاداراه م ندري من نصدق أزمة المياه في استاد الملك فهد - YouTube |
من الخطاء انك تسمع طرف واحد البايع ما راح يقول الشركه رفعت سعر الماي اكيد بيقول الهلال والسعر اتوقع ادارة الهلال على علم بذلك لان بيكون في اتفاقية بينهم واولا واخيرا المشكله تهون اذا جت على السعر وما فيها شي اذا دعمنا النادي المشكله الماي صار غالي والشركه التعبانه ما وفرت كميات للجمهور انا من الدمام والملعب جنبي بس والله صرت ما عاد اروح خدمات اكلب شي لو انك في السجن يمكن ابرك وغش وكل شي غالي وياليت على شي يسوى الله يوفق الهلال وكل من يحب الهلال |
المويه اللي تباع بنص ريال في جميع المباريات تباع بريال ما هو بس مباراة الهلال |
يا خوي انت تحلف كثير وبعدين انا استغرب منك هلالي تقول ومتعصب وفاك موضوع تسوي منه زوبعه للإدارة وللنادي وللجماهير مليان تناقضات انت والتجربة الي مر فيها جماهيرنا الوفيه تثبت انهم ورا الزعيم على كل حال والرئيس اخذ الامر على محمل الجد وسمعنا رد المتعهد وعذره القبيح |
الله يوفق الهلال وكل من يحب الهلال |
بالتوفيق ونتمنى عدم تكرار الاخطاء |
| الوقت المعتمد في المنتدى بتوقيت جرينتش +3.
الوقت الان » 01:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd